294
99
60
等級4
181
0
2018-07-13 858 瀏覽
早前去左一星期泰國,番到黎,對正宗又傳統既泰菜總是念念不忘.係香港想食正宗既泰國菜,就一定要黎到港式泰國菜既起源地--九龍城搵食! 今次我地就選擇係大名鼎鼎既「小曼谷泰國美食」一試虛實! 入到鋪頭,見到店內既裝潢好簡單,用綠色作為主調,配上簡樸既桌椅,比人清新乾淨既感覺. 店內地方好大,可以容納好多桌客人,同朋友講野都要大聲D先聽到,不過咁先有feel,一大班夠哂熱鬧! 先講肉類,叫左「極上燒安格斯西冷牛小扒$168」,牛小排令我地好驚喜,賣相吸引,色澤平均,咬落去,先係牛肉濃汁溢滿口腔,細味之下,肉質幼嫩且軟腍,少許彈牙.意外地同其他西餐廳共享美名!「小曼谷招牌海南雞$158」既然係招牌菜,當然要叫黎試下! 有分全隻同半隻,因為我地4個人,又好愛食雞,就決定叫全隻啦! 一上菜,我地嚇到半呆,全隻雞真的好大隻,分開左兩碟半隻雞咁上. 我地急匆匆咁試第一口,果然無令我地失望! 海南雞肉質細嫩,連雞胸咬落都唔會好老,配上酸酸甜甜既自家製海南醬汁,徹底將雞味昇華,更加惹味! 再講小菜,我地叫左「泰國鐵板豬頸肉炒通菜$85」,上菜時,食物已經發出”炸炸”既聲響,令我地更加之期待! 通菜非常爽口
更多
早前去左一星期泰國,番到黎,對正宗又傳統既泰菜總是念念不忘.係香港想食正宗既泰國菜,就一定要黎到港式泰國菜既起源地--九龍城搵食! 今次我地就選擇係大名鼎鼎既「小曼谷泰國美食」一試虛實!

 
入到鋪頭,見到店內既裝潢好簡單,用綠色作為主調,配上簡樸既桌椅,比人清新乾淨既感覺. 店內地方好大,可以容納好多桌客人,同朋友講野都要大聲D先聽到,不過咁先有feel,一大班夠哂熱鬧!
50 瀏覽
0 讚好
0 留言
20 瀏覽
0 讚好
0 留言

 
先講肉類,叫左
「極上燒安格斯西冷牛小扒$168」,牛小排令我地好驚喜,賣相吸引,色澤平均,咬落去,先係牛肉濃汁溢滿口腔,細味之下,肉質幼嫩且軟腍,少許彈牙.意外地同其他西餐廳共享美名!
極上燒安格斯牛小排
23 瀏覽
0 讚好
0 留言


「小曼谷招牌海南雞$158」既然係招牌菜,當然要叫黎試下! 有分全隻同半隻,因為我地4個人,又好愛食雞,就決定叫全隻啦! 一上菜,我地嚇到半呆,全隻雞真的好大隻,分開左兩碟半隻雞咁上. 我地急匆匆咁試第一口,果然無令我地失望! 海南雞肉質細嫩,連雞胸咬落都唔會好老,配上酸酸甜甜既自家製海南醬汁,徹底將雞味昇華,更加惹味!
海南雞(全隻)
18 瀏覽
0 讚好
0 留言

 
再講小菜,我地叫左
「泰國鐵板豬頸肉炒通菜$85」,上菜時,食物已經發出”炸炸”既聲響,令我地更加之期待! 通菜非常爽口鮮嫩,配上軟熟既豬頸肉,秒速就清哂成碟!
鐵板豬頸肉炒通菜
19 瀏覽
0 讚好
0 留言


「明鑪蒸烏頭$158」呢個菜稍稍無其他菜咁出色,烏頭很新鮮,但湯既味道較淡,比較適合鍾意清清淡淡既食客!
明鑪蒸烏頭
14 瀏覽
0 讚好
0 留言


主菜方面,
「香芒蟹肉炒飯$135」香甜既泰國芒果,啖啖既鮮甜蟹肉,鬆化既肉鬆,配上炒飯,鮮味大大提升,好耐無食過咁有質素既泰國炒飯!!!
香芒蟹肉炒飯
16 瀏覽
0 讚好
0 留言


「冬蔭功湯$108」酸甜度調配適中,好適合港人飲用,再配上足料既海鮮,香濃既菇類,每人飲幾碗都唔係問題!
冬陰公湯
17 瀏覽
0 讚好
0 留言


最後要介紹大家飲
椰青波波,平時食泰菜一定會飲椰青,飲哂D椰青水,就會用匙根係咁了D椰肉出黎食,今次呢個波波,就可以輕易咁一次過滿足你兩個願望.餐廳已經一早將椰肉起出,用膠杯將椰青水同椰肉放埋一齊,十分貼心!
椰青波波
8 瀏覽
0 讚好
0 留言


想食正宗又熱鬧既泰菜,不彷黎試下,環境舒適,價錢仲好合理呀!

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2018-06-26
等候時間
10 分鐘 (堂食)
人均消費
$200 (晚餐)
推介美食
極上燒安格斯牛小排
海南雞(全隻)
鐵板豬頸肉炒通菜
明鑪蒸烏頭
香芒蟹肉炒飯
冬陰公湯
椰青波波