小曼谷泰國美食站

營業中

休息中

約咗朋友食飯，冇諗到食咩，經過見到一間新開張好多花牌係門口的小曼谷，就決定入去試吓新野。重點係我見到門口嘅火車，好靚，令我好似去泰國的火車夜市的感覺，好有特式！行到入去見到有兩張卡位，原來佢每一個卡位都有做到好似車廂裏面的感覺，而每一個車廂都有唔同嘅設計，完全係呃like嘅好去處。見到餐牌嘅價錢，覺得唔算太貴，又好肚餓，就同朋友瘋狂咁樣叫嘢食。叫咗冬陰公湯，泰式豬頸肉，泰式生蝦，牛油蜆，泰式鳳爪，船河，辣肉碎飯，仲有兩杯飲品同埋兩件同埋千層糕甜品。冬陰公湯，我鍾意佢用個煲嚟熱住佢，冬陰公湯係要熱先好飲，飲落去辣味同埋酸味適中，仲有兩隻大蝦喺裏面，好味。泰式生蝦，蝦嘅鮮味出晒嚟，配埋佢哋個辣醬，一流。泰式豬頸肉，好大份，食落好香口，抵食又好味。牛油蜆，佢喺上面加咗少少脆脆，同埋牛油，食落口有幾個層次味道，都食到蜆鮮甜的味道。其他船河，辣肉碎飯同埋泰式鳳爪都好味，佢個千層糕甜品都係good good good!真係食到好飽咁離開，冇諗過佢哋啲嘢大大份，所以今次係叫多咗！

型格的 Tower 535 ，商廈內的餐廳皆走中高檔路線，想不到最近開了地庫卻招來數家親民店子，今晚走到新開的小曼谷泰國美食站。剛開張不久，賀店花牌依然滿佈，原來小曼谷是連鎖式店子，早已九龍及新界有店，甫進店內，泰式小吃店風情洋溢，餐牌上堆滿熟悉的菜名，不到一會兒決擇下來了：燒泰國牛筋丸 $18燒脆皮白鱔 $112明爐香檸汁蒸烏頭 $208冬陰公湯 $128鮮芒蟹肉炒飯 $88斑蘭椰汁糕 $45看來燒烤是主打，牛筋丸細細粒、裏面有筋過得去。白鱔燒得非常出色，剛好有焦烤的香，皮脆肉嫩，肉汁保持。明爐香檸汁蒸烏頭的香檸汁一流，柔和的酸香令人開胃，同時提升烏頭的食味。冬陰公湯香辛複雜，調節了香港人的口味，不過酸過辣，一份兩只大蝦，味道不俗。母親節假期連吃三晚實在有點飽滯，來一客鮮芒蟹肉炒飯，香酸鮮甜不油膩，非常適合。最後的班蘭椰汁糕，透出椰水的香甜，煙靱的口感，吃完很有飽肚感，這一餐就此圓滿結束。水準不俗，價錢合理，頗有風味，值得考慮。