小時光 (已結業)

朋友仔話觀塘開左間好有特式既工廈cafe, 即刻約人星期六去試一試。 十一點九上到去已經有人排隊啦，估唔到試業都有咁多人識。 呢間cafe係以舊課室做主題，叫做有d童年回憶，好有feel，不過當然呢d舊檯凳既舒適度普通啦。十二點開門時服務員帶我地入座，仲話可能要搭檯，而最後真係有人搭檯，有d逼，不過好彩無限時。 而呢個無乜笑容既服務員俾錯餐牌我地，無午餐既？ 見到後面檯個餐牌有成三張紙而我地得兩張，心知不妙，即刻問佢攞番份啱既。餐牌用單行紙設計，貫徹班房主題。 仔細研究完餐牌後，食物有台式，星馬菜，價錢合理，飲品都好吸引。 我地哎左魯肉飯同酥炸雞扒飯，飲品哎左紫薯拿鐵同玫瑰拿鐵，甜品有長頸鹿(朱古力蛋卷)呢度係自助式，同韓國d cafe一樣，有個提示器叫你出去拎野食。 我地買玩三個字度佢終於震啦！ 食物賣相好靚，不過味道一般啦，近似茶軒。 食到一半覺得好口乾，先發現未有飲品，出去問佢係咪漏單。 可能真係太多單，真係漏左……結果食完野先有野飲。 飲品質素好過食物，而個玫瑰拿鐵個杯好正，飲完有隻長頸鹿係杯底架！蛋卷睇唔出係長頸鹿紋，味道十分之普通，又細份，就算加埋d香蕉同馬利餅，都唔會值

同舊同事食飯，試下依間新開嘅工廈餐廳，lunch time門口好多人等位，我地6個人等左半個鐘有多先有檯，如果可以 book 檯會好好多。舊同事已經食過幾次，話因為d嘢好食，推介牛肉麵。餐廳係主打台灣食品，所以我都叫左個牛肉麵，本來想叫杯玫瑰拿鐵，但個收銀話要等好耐，所以都係飲熱檸水算。個牛肉麵$45包杯檸水，仲有兩小碟粟米同小唐菜，筷子係顔色筆咁嘅樣，完全配合返校院嘅感覺。味道方便，牛肉再林d會好d，個湯夠香濃，麵都唔錯，軟硬適中。環境方便，真係好似學校咁，有書檯連櫃桶！仲有個輔導室嘅牌，感覺好那些年。