小時光 (已結業)

美好小時光，我會揀中學時期，當年幾個兄弟飯都唔食，Lunch Time走去踢西瓜波，放學功課唔做都要去打籃球！懷念小時光，觀塘也有！今晚黎朝聖，Order左R1餐，台式魯肉便當，餸有牛腱，雞蛋，豆腐，魯肉，蘿白，雞翼，一碗細既魯肉飯，仲有沙律前菜。好搞笑既食具，筷子成枝鉛筆咁，杯野飲就用平時Chem堂用既實驗瓶裝住，真係好中學feel！個便當賣相好靚好吸引，細碼魯肉飯份量剛剛好，魯肉煮得好入味，肉碎都幾多。便當既餸都多，牛腱炆得好淋好入味，切得厚薄剛剛好，一咬就爛了！豆腐都好入味，軟軟地。雞翼係一隻雞全翼，魯肉魯水味超濃，因為係雞全翼，所以有足夠時間同parts可以食耐啲小時光，真的值得我們懷念。

觀塘因重建關係，好似冇咩地方食野，APM食店選擇不多，而且經常等位，今日嚟到工廠大廈搵食。。。。。。一入到門口被台灣舊代小課室主題吸引，無論桌子，椅子均用上之前上課枱，很真實。校園風點了韓式起司番茄牛肉烏龍麵55元，原來烏龍麵即是烏冬，湯底太濃郁，有點太傑感覺，反而似用番膏煮湯。味道一般。但配一碟沙律份量足夠。手工水餃配酸辣湯麵48元水餃有五隻，皮不太厚。酸辣湯不會太辣，麵份量足夠，配三款小菜有台灣得式。台式魯肉便當58元這應該係最好味，有一鹵水拼盤（蘿蔔，豆腐，雞蛋，雞翼，牛腱）圴鹵較入味，肉質保持嫩滑。和一碗肉躁飯，醬汁可口，配飯吃，冇拼盤也可以食到一碗飯。食物質素不是太高，但環境，器皿，可以讓你不停影影影，真係相機食先。

今日晚餐唔知食咩好就去觀塘工業區搵食，係網上一搵就發現小時光好似不錯決定一試。我地點左2個餐紅燒牛肉飯配美綠恐龍同鹵肉併盤飯配抹茶拿鐡紅燒牛肉飯比我想像有出入較普通，但都可以一試，而美綠恐龍幾特別，下次去都會再安哥，而鹵肉併盤飯味道不錯又大份環境舒服又特別仲有漫畫睇值得一去

難得平日與大少一起休假，終於可以一試假日超多人的小時光。之前看到comment 都說不好吃，的確有點擔心。去到環境真的怖置得很有心思，但地方沒有想像中大，周圍放滿了很有味道的懷舊東西，在門口拍了幾張照，再在裡面拍了幾張，大少就去點餐。 這裡點餐是像快餐店形式，收銀的那位員工是用國語，幸好大少的國語也不錯haha我點了鹽酥雞排飯和hot mocha latte，之前在網上看到熱飲杯是一隻長頸鹿探頭在水中的杯子，所以也特登點了熱飲，豈不知只是普通玻璃杯 T.T 雞排飯份量很多，味道也不錯，可能之前有心理準備會不好吃，所以食物比期望高。 大少點了牛肉麵，相反就沒有太好吃，牛肉也不太入味。 反而大少的蜂蜜綠荼就很不錯，外型是試管和量杯，小量杯裝有爆珠，口感很有趣。 其實我覺得質素中規中矩，但環境怖置真的很加分！！情侶們都十分值得去拍拍照，吃個午餐，悠閒過一天

觀塘出名多工業區的美食，隱蔽小時光位於工業大廈的一樓，怕搭工業lift既你就可以放心啦。行一層樓梯望向右邊就會見到小時光的牌，一推門進去有種別有洞天的感覺。由工業的陰森森地帶進入台灣的舊式課室，看到上課時候的椅桌，穿上了台灣學生校服的職員，以及說一口流利國語的收銀員，我們對這一餐都充滿著萬分的期特。由於人流，排隊一會安排好位置後，店員會呈上餐牌，示意你選好食物就到裡面下單，而食物都是自助的。食物以長方盤子送上，有配菜、一碗魯肉飯和一碟鹵肉，還特意叫了桂花洛神花茶。可能這兒的環境太美，不禁對食物質素都帶著高的期望。花茶清香甜甜的，給人一種安寧的感覺，而且可以refill，感覺還挺良好。魯肉飯上的魯肉有點太肥，而且份量算少，旁邊那碟，牛肉腍身入味，蘿蔔雞翼也不錯，蛋略為淡，而豆腐就真的麻麻地，整個套餐來就是中規中矩。麻油雞麵用足料，不過米粉不足一會就硬起來，將麻油雞的汁倒進去拌粉又太油，吃完喝了好一杯水。紅燒牛肉便當還不錯，鹵肉跟剛才的差不多，不過飯中的魯汁都在底下，吃完了才發現味道所在。另外的黑糖奶茶很驚喜，有黑糖粒粒放進奶茶，令到傳統奶茶多了一種黑糖味；奶茶的樽也很特別，還讓我們回想起

記得情心節當天曾和友人到訪,,可惜當天休息了,,,遺憾遺憾適逢放復活節假,,便到觀塘接男友放工,,,難得就在他公司附近,,便碰碰運氣~位於工業大廈中的小時光,,不算易找,,由於當時大約8時半,入口要兜入工業大廈的停車場~入到店內與外面的環境成鮮明的對比,,猶如回到中學課室,,,擺設及裝潢都很有特色和用心~令人目不轉晴地停留在那些的擺設上~店內人煙鼎盛~由於我們太晚到(店的last order是21:30),,所有麵餐和部分飯餐都售完了,,大約20:45便聽到店員向剛到的顧客很抱歉地說所有餐點已售完,,因為想吃的魯肉飯餐及牛肉麵已售完,,所以和男友點了和風牛肉丼($50)及古早味炸排骨便當($55)+美祿恐龍($20)share 吃~和風牛肉丼配野菜沙拉份量比相像中多,,而且肥牛肉配上甜醬油的味道,又不會乾,,味道濃郁,,想起在日本吃過的牛肉飯,,與蛋汁拌來吃,,入口順滑,味道比某兩間專吃日式牛肉飯的店更佳,,可惜偏油,,可能醬偏多,,碗底都是油,而沙律的味道不錯,,配上胡麻醬,,整個餐充滿和風的感覺~古早味炸排骨便當($55)這便當較為令人失望,,可能太多人,,排骨先炸,,上碟時已不熱

終於等到全星期最開心的一天，當然要結伴去搵食喇～之前係Facebook 見到朋友試過，覺得這主題好像很有趣，所以決定要親自試下。收工行過去，唔使十五分鐘，因為無睇清楚既關係，兜左個圈先到😂上到一樓，好易搵，有個公仔係門口歡迎大家～入到去，已經有好多人了，因為太多人同食飯時間既關係，所以被安排了同人搭臺了。黎到食台式食品既店，當然係一定要試肉燥飯同鹽酥雞喇～呢度係全自助形式，要出去落單到拎野食，同食完要放回餐盤，有去過宜家家私食野既，一定唔會陌生。買完野食，店買會將呢個"機" 交俾你，當食物預備好，就會通知你了係等食物既同時，當然要周圍望下，話哂都係一個主題餐廳ma~我地坐左係輔導室的隔離 正前方又望到治療室，究竟我係係邊呢，好混亂呀🤔😂 餐廳四處都有好多漫畫書，呢堆漫畫仲放係以前係課室既咪箱上面，唔知會唔會有人拎黎睇既呢～ 呢個位的檯同椅都好矮，好似返左小學坐咁～望左一陣，就有野食喇～鹵肉便當:肉燥飯味道不錯，又不油，當然還是台灣的比較好食😏話明便當，當然唔止一碗飯喇，還有鹵水併盤，只可以講既係，佢應該鹵左好耐，因為全部食物都好上色，同有d食到果樣食

午後來到了藏身工廈裡面的小時光，來這裡不用搭電梯，較之一般工廈食肆，是方便一點的。吃着他們的出品，驚覺原來這不只是販賣懷舊教室格調的地方。這份台灣魯肉便當不是說笑的，包括了一個鹵水小拼盤、一碗肉燥飯、三款小型的伴飯冷菜。這鹵水醇美而不會鹹得霸道，那深邃立體的香氣令人加倍期待。兩片牛腱是配料當中最出色的，煮得腍而不爛，嫩滑滋味，蘿蔔、豆腐、雞蛋也透徹入味，深入至蛋黃中間，雞全翼的皮脂想必已在久煮之下與鹵水融為一體，看那鹵水泛着的點點油光，卻實在是骨膠原等精華所在呢！坐在一旁的肉燥飯亦非等閒，用的滷肉丁肥瘦適中，醬汁又可口，就算不跟鹵水拼盤上來，本身已是上品。

剛好今天來美亞開倉，就來了這邊，突然想起這間蠻有懷舊特色的餐廳，就決定來試一試了。來到大約晚上8點，已卻滿人了，幸好等了數分鐘便可入座☺️我們點了牛肉飯和海鮮喇沙米粉，原本想點雞絲拌麵，可惜已賣完了，下次有機會會再來試的!!先説牛肉飯，色澤看上去不錯，牛肉很入味，有台灣滷水風味，而喇沙米粉湯和海鮮都偏淡，不像新加坡般濃味，感覺海鮮是煮熟後放上面，唯一最入味的是豆卜，咬下有濃濃的湯汁流出來，米粉不是新竹米粉，是平時吃的那種。這晚還試了黑糖奶茶和美祿，黑糖奶茶的黑糖果凍是分開的，自行加進去，果凍口感煙un,黑糖味適中不會太甜，美祿雖有整杯冰粒，但混和後不會減淡美祿的味道，整體2杯都不錯!!下次會再來試其他菜式，唯一不足是工廈的進出路線有點奇怪😅

I visited this place today for lunch with my colleagues. Although it's quite a mysterious location, I really like the style of the cafe here. It is taiwanese food and everything on the menu looks attractive. The menu items have funny names to them too - "when korean girl meets hong kong boy".The setting is quite like a classroom in a Taiwan school movie setting. The feeling is quite warm, and the staff are quite nice (they speak Taiwanese).We ordered lunch sets. All are quite good, including a l

好想去旅行時, 但又未就到的話. 不妨去食下地道菜! 今次食台灣菜. 呢度裝修好特別, 像讀書時期. 坐在學校櫈子, 用顏色筆筷子!! 店主佈置上都花左不少心思. 書架上放滿漫畫書和玩具. 不禁令人懷緬一番.今次打算試台灣魯肉便當和玫瑰拿鐵! 好豐富! 有配菜和主菜, 白飯還放上肉臊和蔥花!魯肉便當有豆腐, 牛𦟌, 雞蛋和雞翼, 超級豐富! 亦都好入味! 豆腐唔會太腍或者硬, 剛剛好! 一口咬下去, 口感軟滑, 濃而不過的滷水味再配上一口白飯, 回味無窮. 我一向喜歡食雞蛋, 這裡的滷水蛋味道剛好, 不過咸! 牛𦟌肉質嫩滑, 好味! 因為另外三款都很滋味, 雞翼反而顯得不𥤮出.最讓我欣賞和回味的非玫瑰拿鐵莫屬! 店主體貼地配上一塊小餅乾, 雖然主菜已令我感覺很飽. 但用餅乾配著咖啡喝, 卻令我倍感輕鬆. 玫瑰拿鐵散發淡淡地玫瑰香氣, 撒上的玫瑰花瓣令人急不及待想去嘗試. 一入口, 玫瑰香氣充斥整個口腔, 配上拿鐵的香氣, 出乎意料的夾! 一口接一口停不了! 平常很多配玫瑰的飲品都是只有名稱, 味道沒有. 這次反而是這麼濃烈, 令我驚喜萬分! 閒時過來喝杯咖啡也滿足矣. 喝完咖啡, 還發

這是間以從前的台湾國小課室為主題的cafe, 校園的一景一物都樸實細膩, 懷舊的校園裝潢很真實，店員還是地道的台灣人，像是完全就是置身台灣吧。這裏是經營台式點餐, 自己排隊點菜, 後取餐。紅燒牛肉麪的牛肉很諗, 入口已軟化, 夾有點肥膏, 令牛很滑口, 湯底很香很濃, 但卻不是一般的味精湯, 牛湯底是配有花椒八角煲出來的, 麵質彈口且滑, 尤如在台湾吃到的一樣。麻油雞麵線令人有意外驚喜, 雞與湯不但有麻油昧, 且有酒味, 雞是有酒浸過的, 有陣陣青香的酒味, 不過雞件骨多少肉, 值得一提是, 湯底很補身, 不妨多喝幾口。香酥雞便當, 酥皮頗厚, 似麵粉多, 但勝在脆口, 雞肉不會炸得太乾, 有點兒雞油滑出, 伴飯加上點黑芝麻, 曾加飯香。

食過一次，對魯肉飯念念不忘，不過平時好多人要等位，就啱聖誕節下午4點經過再去食一次。一去到店員話上面2樓開聖誕音樂會，請我地上2樓，原來上面仲有一層。上面環境比下面寬敞好多，不過買野食同攞野食又要行上行落。不過店員見我地買完野食，都有主動幫我地拎上黎，好細心。必食魯肉便當$55，份量十足，有魯肉，魯水蛋，牛腱，豆腐，蘿蔔，一隻雞全翼，所有都好入味！香酥雞湯麵$50，炸雞好有係台灣食既感覺，炸得香脆！香辣火焰雞膇$35，分量比較少，但夠辣，不過食完好熱氣！黑糖奶茶$28，薑薑咖啡，兩杯都好好味！可能聖誕節，兩杯都有雪花裝飾，好有心思！每個熱飲杯下面都住左隻長頸鹿架！全店都有長頸鹿裝飾

下雨天總掛念從前，香港人近年講集體回憶，其實台灣人又何嘗不緬懷過去？有人付諸行動，以八十年代台灣校園做主題，開設呢間CAFE。 星期日嘅官塘工業區人跡罕至，唯獨呢度門庭若市，絡繹不絕。等位呢三十分鐘我無浪費到，游走餐廳每一角落。店內以小學為藍本設計，唔計舊物舊玩具，最多嘅係漫畫書，放滿書架隨便翻閱。枱櫈都係小學生SIZE,似班房多過餐廳。 落ORDER好似快餐店咁，先付款後取餐，比完錢店員會比個感應器你，當食物準備好，放喺枱面隻感應器會震到響，提醒你有嘢食。 台灣紅燒牛肉便當($48)牛肉炆得腍滑，非常入味，配葱花榨菜一齊食，口感豐富，入口爽脆，送飯一流！ 夜市鹽酥雞便當($55)炸雞塊香口鬆脆，肉質JUICY,但味道太重，一路食不停要飲嘢同食飯抵消鹹味，充滿台灣風味。 朱古力泡沫($35)傻氣長頸鹿花紋杯，盛載暖笠笠朱古力飲品，可可味濃郁，大熱天氣飲真係全身標汗。 紫薯拿鐵($35)真材實料。紫色奶泡好萌，淡香咖啡味，入口熱辣辣，味道偏甜，又係冬天暖身嘅恩物，但夏天飲就滴晒汗喇平心而論，食物水準中規中

今日蝦子餅喺呢頭工作，同佢去觀塘工廈食飯，上openrice search 下，就揀呢間!地點都唔難搵!我地經停車場行上1樓。入到去裝修全部都係古舊鉄窗，加上枱枱櫈櫈全部舊木，“小學時返學就係坐呢啲櫈㗎喇!”蝦子餅雀躍地說!之後出去自己點餐，點餐後有電子牌比你，哈哈!佢震就攞餐!點左夜市鹽酥炸雞飯，嘩!!嘩!嘩!好大塊，味道比豪大大更脆更酥入口更軟，而且餐廳好少咁扺得諗比咁大塊雞比你囉!超扺!紫薯控既我仲點左杯紫薯拿鐵，飲左一啖，超多奶味，而且唔會愈飲愈甜，好蝦子餅點左台式魯肉飯，初時以為都係得一種餸揀，仲同點餐小姐講要雞翼魯肉飯，點知點餐小姐話四個餸都有㗎!! 眼都突埋!有雞翼啦，魯豆腐啦，魯蛋啦!魯牛啦!魯水汁普普通通，不過不失!每個餐都有伴菜，反而係香港食台式嘢好少有伴菜，佢地就有3樣，雖然細細碟，但幾好味，有蘿蔔(菜莆),大豆芽同小棠菜!蝦子餅一路食一路講細個讀上午校，成日放啲嘢係櫃桶~嘻嘻哈哈!突然覺得有啲浪漫!