小方糖甜品 (新都城中心三期)

營業中

休息中

成日都幫襯聰嫂，今日同事話要轉場，食下小方糖喎!見隔離枱叫嘅拿破崙個樣唔錯，自己都點一份。呢度嘅拿破倫崙係一件件脹卜卜嘅酥皮，淋上芒果汁，賣相都幾得意。酥皮焗到好香脆，芒果又夠甜，唔錯!

住在將軍澳新都城附近的朋友，其實都挺幸福的，由一、二、三期樓上，到樓下的地舖，也不缺乏賣雪糕糖水的甜品店，由傳統的中式糖水「聰X私房甜品」，賣雪花冰的「松X糖水」，到今次比較風格新穎的甜品店「小方糖甜品」。不過，「小方糖甜品」跟很多糖水甜品店都一樣，營業時間都會比較晚，要等到下午三時才正式開門營業。偏偏我在新都城戲院，買了下午三點四十分的場次戲票，我有點擔心，吃完「小方糖」未必能趕得電影放映前入場。所以我等到下午三點，「小方糖甜品」正式開門營業，我立刻入內，並立刻向店員點菜，儘量速戰速決，務求在電影開場前儘快吃完，又要避免吃得太快，無法認真試食「小方糖」的甜品。由於新都城分店「小方糖」下午三點才開門營業，所以店內除了我一個人之外，就暫時沒有其他顧客在場。甚至是「小方糖」甜品的上菜時間，也比我預期中來得快捷，我點了的甜品「芒果蜜糖吐司」，只需兩分鐘就立刻成功上檯。「小方糖」果然跟一般的甜品店有點不同，除了找到一般的中式糖水，如「蛋白燉鮮奶」跟「蛋白杏仁露」，其餘傳統甜品店會有的台灣雪花冰，今次我竟然也找不到。反而我今次，卻找到一款創意新穎食法的甜品，如「芒果蜜糖吐司」以及「士多啤梨乳酪雪

其實將軍澳有嘅糖水舖真係唔多，呢間都算係其中一間可以坐得耐少少，而且嘢食OK嘅鋪頭。一開始開張嘅時候，呢間嘅芒果拿破崙真係好出名架，基本上可以話係必叫嘅甜品。以後每次都真係會叫， 但係今次叫我就覺得有啲失準。我覺得佢個酥皮整得太脆，冇咗應有嘅口感同埋層次。然後都有叫士多啤梨多士粒粒，呢個就不過不失啦，因為佢都係有士多啤梨啦，小小多士粒，加啲蜜糖星星同埋cream組成嘅，所以都係好穩陣嘅選擇。反而我覺得最有驚喜嘅係個焦糖燉蛋，佢食落唔會有甜到漏嘅感覺，而且個蛋真係好滑，呢個係我推介嘅整體來講好似質素有啲下降，不過將軍澳真係冇咩選擇，只係希望佢可以保持水準。

星期天，我倆係新都城MCL睇“春嬌救志明”，散場後口乾乾，打算近近地過對面啲糖水舖解解渴。過咗條馬路，先發覺「聰嫂」滿晒人，行過少少有「松記」及「小方糖」，呢兩間就大把位嘞，不如就試試未吃過嘅「小方糖」喇……坐低睇menu, 款式種類倒也不少，齊齊揀咗椰汁雪糕西米露。一人一份，雪糕分別在於芒果味及曲奇味！第一時間喝一口先，唔凍嘅？！西米露口感軟糯，但唔夠Q彈囉！唯一可取嘅係嗰兩球雪糕，先至夠冰涼咋！解完渴，繼續上路去……

無次到新都城行街, 走之前都會到聰嫂食糖水, 但每次見無窮盡的人龍, 都不禁令人卻步。 今晚行過小方糖, 比佢其中一款甜品吸引著 -- “即製豆腐花”。 豆腐花係糖水舖係普通的甜品, 我也試過很多, 大多水準一般, 可能同佢地通常由食物工場入貨而吾係自己做有關。 但佢話係即製, 好奇心驅使下入去一試。order 時店員已經講要等大約10分鐘, 當豆腐花上枱時, 店員比埋 timer 我地, 叫我地夠鐘才打開。 呢個大約3分鐘的時間, 很令我期待。到夠鐘打開一試後, 發覺喜出望外, 無落糖, 都滲出黃豆淡淡的香甜, 味道可以拍得住南丫島出名的阿婆豆腐, 好好味下次嚟一定要再 encore.

黎開將軍澳次次都食聰嫂，今次就試下其他甜品店，見附近呢間叫小方既就試下先。三人行叫左榴戀天使/熱蛋白鮮奶同埋即撞豆腐花，榴戀天使入面有一球榴槤肉+vanilla雪糕+水晶珠（不過不失啦，始終聰嫂都係優勝好多）蛋白鮮奶真心地覺得唔掂（燉得過老），最抵讚既只得即撞豆腐花，老人家就非常like喇，上枱既時候仲有個timer計時兩分鐘，好有豆味好滑連糖水/黃糖都唔駛落。正

好久沒閒日放假了，平日到處都沒甚麼人好爽皮～跟姊妹到了寶琳逛街，看不中衫，剛好肚餓了，便吃個甜品再戰吧。除了芋圓它還有芝麻湯圓，不會太甜。蕃薯份量不算多，糖水也不太辣，芋圓有五至六粒，略嫌過硬，不過沒甚麼味道，不太推薦。

適逢年30晚, 去迫完年宵之後,口淡淡想食下甜品, 就決定去位處寶琳既依間"小方糖"喇!年30晚鋪頭開夜左好多, 老闆話大約凌晨3點幾先會關門!依日都預左好多人, 等左大約15分鐘先入到去,甜品種類都幾多, 一行5人嗌左唔同款既甜品 綠茶棉花冰 ($38)係有d假既綠茶味, 上面仲加左d煉奶,蜜糖星星,小丸子同紅豆,正正常常, 不過不失啦~黃金拿破崙 ($36)見好多枱既人都叫左依客黃金拿破崙,於是都叫左一客, 估唔到依個幾有驚喜 拿破崙焗得好鬆脆, 入面好有空氣感, 唔會太乾, 芒果都幾甜, 上面淋落去既芒果汁唔係好假果d芒果味, 水果新鮮, 整體非常唔錯! 熱蛋白燉鮮奶 ($22)都幾滑, 奶味幾香, 正常既一客傳統甜品!龍珠 ($36)依個其實係龍眼冰加椰奶加龍眼肉加珍珠,椰奶加龍眼都幾match, 不過兩者加埋食左半碗就覺得好漏,都係比較鍾意聰嫂既龍眼椰果冰~法式焦糖燉蛋 ($30)最鍾意面層脆脆既焦糖,不過燉蛋燉得有d老, 一般般吧~整體都唔錯既, 甜品種類夠多, 下次會再黎試新款! 

呢間甜品鋪之前都有食過，印象唔錯，而且唔貴，於是係寶琳食完晚飯，就順便做飯後甜品。個人本身好中意食yogurt，就叫左呢個朱古力乳酪雪糕，呢個總共有三球雪糕，有一球朱古力雪糕，另外兩球乳酪雪糕，上而就鋪左d香蕉，粟米脆片同朱古力條，我最中意就係個乳酪雪糕，好重乳酪味，不過雪糕質感唔係滑身，有少少沙冰感覺，不過都ok，$33蚊咁大杯，算係值食朱古力乳酪雪糕 ($33)

o係將軍澳食甜品通常都係揀小方糖lei 度多 d o野食揀今日食 o左宇治金時刨冰 ($30)阿姐好細好咁提醒我 lei 個唔係棉花冰d 綠茶刨冰有少少煉奶 o係入面 令到個味道無 o甘寡另外仲有好多丸子同椰果好抵食

年初四時突然好想食芋圓， 走去上次吃過的小方塘吃西米露芋圓， 可惜沒上次好吃西米露太水，芋圓有點淡味同不太Q(唔彈牙），沒有上次水準， 有點失望。 唔知係咪過年人多或師傅放假啩

平時呢間係人龍之選啊, 難得撞正吾使點等位, 我 來 也~  杏仁蛋白露 材料足嘅, 味道中規中矩; 椰皇湯丸燉蛋白就幾抵讚呀, 材料款式算多, 西米呀 湯丸呀 ok 的, 芋圓咬口同味道雖然都係勉強合格, 但係 椰香撲鼻 整體感覺滑溜溜加分 加分~ 同枱搭枱嘅人都忍唔住估 + 問我食嘅係咩糖水, 話下次想叫呀~以 $40 蚊黎講, 好 ok 呀算係, 哈哈!!! 

啱啱除夕倒數完，唔想咁快返屋企，見到有啲頸渴，於是打算返到屋企附近嘅寶琳站，食個糖水先至返屋企。今日開得特別夜，相信除夕夜都有好多人約埋成班朋友一齊來，係門外等嘅人數眾多，我哋等咗大概15分鐘之後，就可以入去。始終大時大節要做到咁夜，仲要忙到冇停手，員工都好少炆憎，服務態度令我再次加分！其實今次光臨之前，已經嚟過兩次，因為覺得呢度啲甜品的確唔錯！如果唔想次次都係食傳統嘅甜品，或者棉花冰之旅嘅，呢度係一個好好嘅選擇。因為呢度嘅款式比較多，佢哋會用唔同嘅甜品crossover，而且味道好夾，唔會有一種求其配搭嘅感覺。佢哋研究出特別款式甜品嘅心值得一讚！今次想食啲清啲嘅嘢解解渴，就揀咗呢一款芒果沙冰豆腐花。食芒果嘅甜品，最重要就係個芒果夠甜。呢度嘅芒果都唔令我失望，而且仲好足料，豆腐花亦都好滑，估唔到配合芒果嘅沙冰一齊食係咁夾，我會推介呢款（建議撈勻好沙冰落豆腐花裏面先開始食，如果唔係最尾剩返豆腐花嘅味就會好寡）另一碗係士多啤梨乳酪雪芭相信小朋友睇起上嚟都已經覺得好開心，顏色好靚。甜品裏面加左朱古力卷、星星脆脆、蒟蒻等等嘅材料，令到成件事都豐富左好多！唯一係覺得乳酪嘅味道太強，食完之後解唔到

帶埋班小孩來這店，很快便叫了宇治金時，賣相都幾靚，價錢算抵食。綠茶雪糕好味，紅豆及丸子都不會太甜。朱古力綿花冰-剩看都夠吸引，食落都很大杯，正常味道沒有特別。士多啤梨雪芭-雪芭當然不像雪糕甜，酸酸的，如果喜歡乳酪雪糕便會接受。我覺得酸了一點。香蕉船，有三個雪糕球，很新鮮的香蕉，沒有特別。芒果拿破崙，這個是勁讚。首先，它十分抵食，一碟有三大件，甜甜的芒果醬及芒果肉在面，下面是鬆化香脆的拿破崙。雖然很肥，但忍不住了😋。若再經過，都會再光顧👍🏻

寶林除左聰嫂 另一個就係小方糖 朋友食左聰嫂好多次 我同老公就同帶兩個朋友仔去食下 老公就推介但地食拿破崙 另一個朋友就同我一樣叫牛乳紅豆芋圓 再叫左個糖不甩一齊食 芒果拿破崙係好香 但似食左陣風 中間中空得好緊要 所以我喜歡芒果蜜糖吐司多d 吐司會脆d 最少飽少少 唔似一陣風 我個碗就一如往常 因為我喜歡食芋圓 今日仲第一次仲試埋佢個糖不甩 份量ok 但佢d 料再磨細d 會好 d 宜家好清楚見到d芝麻大大粒 😂 老公仲叫左腐竹糖水 五樣野加埋都只係$134 絕對抵既