小方糖甜品 (新都城中心三期)

營業中

休息中

我真係好鍾意食小方糖，因為佢嘅Menu好豐富，而且有啲idea都好創新。我每一次黎食都必定會叫芒果拿破崙，佢係有一層芒果汁同埋忌廉鋪係三大舊酥皮批上，酥皮非常之脆口，而芒果醬一d都唔假，有好重新鮮芒果味，亦都有好多芒果粒，兩者配搭埋一齊食，又甜又脆又重芒果味，好好食。另外我都鍾意食佢嘅心太軟，佢嘅心太軟唔會太甜，因為出面有啲甜品店整到個心太軟好甜，我真係好怕。不過我鍾意食佢嘅心太軟唔係因為佢唔甜，而係因為佢會畫公仔係隻碟到呢！我試過收到佢畫左隻喬巴，又試過收到佢係側邊畫左一個有顏色嘅蘑菇仔，我覺得好得意亦都好有心思。

突然想食豆腐花，於是行左去係屋企附近嘅糖水舖睇吓邊間有豆腐花食。睇咗幾間，之後發現小方糖竟然有木桶豆腐花食，超開心。$38一個木桶豆腐花算正常價，店員會將木桶豆腐花同timer一齊拎黎，然後提醒客人要等3分鐘timer響先開蓋⏰。一打開～豆腐花上面有好多窿窿呀！😫即係好似屋企蒸蛋但係整得唔靚會出現果d窿，突然間好失望，因為見到咁多窿的話通常都係代表唔好食。一食落口，果然⋯口感完全唔係豆腐花應該有既滑溜，入口好鞋，好似d豆未磨碎既感覺。而且冇乜豆腐花嘅豆香味，只可以不斷落糖拎到有返少少甜味。平時食豆腐一定食得晒，但係今次竟然淨返三分一已經完全無辦法再食落去。

作為一個將軍澳人，甜品舖同人口比例一直都唔夠，所以每次夜晚去食通常都要排隊，但要食始終要食，小方糖算係幾間選擇入面款式同味道最喜歡果間，每次必點心太軟或榴槤系列，水準一直維持到，如果連價格都可以維持唔加就真係無敵啦

今天吃完晚飯，心思思就帶女兒一起去小方糖食甜品，由於今天是星期一，門口都不像週末那樣有長長的人龍，我們很快就被安排進去。我仨一人一個甜品，冬天我們當然是點熱品，熱蛋白燉鮮奶、熱金絲銀杏薏米腐竹糖水跟熱杏仁芝麻糊。熱金絲銀杏薏米腐竹糖水：用料十足，每口都是銀杏和薏米而且不太甜膩，加上有蛋花既配合，也不錯。熱杏仁芝麻糊：芝麻糊磨得得香，杏仁味也濃，2者配合很好，絕不是水汪汪的感覺。熱蛋白燉鮮奶：滑滑的燉鮮奶是女兒至愛，甜甜的，滑滑的，吃完感覺皮膚也滑了。

今晚難得呀妹返P準時返工，就約埋一齊去將軍澳間小方糖食甜品慰勞下佢。由排隊人數可見佢受歡迎既程度，足足等左成20分鐘先有位入去食。我地叫左兩個甜品黎share 食。分別叫左朱古力粒粒拿破侖and 椰皇湯丸芋圓燉蛋白。朱古力粒粒拿破侖：個朱古力粒粒拿破侖都幾大份，好彩係share 食，如果一個人食都幾滯。拿破崙上有好多cream同朱古力醬，隔離有幾片香蕉同一球朱古力雪糕。幾好食，但建議share食。椰皇湯丸芋圓燉蛋白：個椰皇湯丸芋圓燉蛋白好重椰味，一上台已聞到椰味，而佢依間既湯丸同芋圓都好煙韌，好好食。個蛋白加入左椰汁不單止好滑，仲要好香。而且佢唔係好甜，所有唔會好滯。最開心係仲可以用匙羹慢慢將椰肉潷出嚟食。

冬天梗係要食甜品啦。。。。。如果唔係邊夠暖呀。。。。腐竹雞蛋糖水由細識到大， 但係腐竹蛋花糖水就真係小方糖先開始食啦。對甜味好敏銳嘅我， 覺得呢個蛋花糖水甜而不膩， 但係的確有少少飽嘅。 因為啲料好足， 入邊嘅生熟薏米有個款嘅四分一， 睇佢啲材料就知道真材實料啦。第二款係黑芝麻湯圓， 芝麻糊就 一般般啦， 可能我知道佢哋係一個工場做出嚟嘅， 始終會有少少覺得唔係即刻做， 只係返熱， 個味道仲係差啲， 湯丸個皮就唔好咁話啦， 因為我食過再滑啲嘅湯圓。。。。

冇諗過一間小小嘅甜品舖～～～～ 逢禮拜六日都排曬長龍～～～～放工返到去食玩甜品真係好開心！！！怕酸嘅我竟然會鍾意食一碗雜果豆腐花～～～ 我揀咗芒果汁… 小小鮮甜嘅味道一啲都唔酸～最令我驚訝嘅！！！ 係龍眼肉， 鮮甜可口， 仲有少少鬆鬆地！！！但係豆腐花就唔係太夠滑啦………不過貌相同埋水果～ 真係攞曬分！！！！第一次放工返到屋企！！！唔係食公仔麵就係煎煎炸炸嘅嘢食！！！ 食呢一個起碼健康啲！！！ 個人都甜啲！！！如果價錢可以平少少就太完美啦！下次再試埋其他甜品先～～～

食飽飯行到攰, 就好想坐低食個糖水第一次試呢間, 有D驚喜wo芒果樂園入面有牛乳布甸, 芒果雪糕, 椰果, 芒果肉, 水晶珠全部都係我鍾意食既, 就好似一次過滿足哂幾個願望咁!芒果好甜, 正風花雪入面有豆腐花, 日本紅豆, 意式涼粉, 自選一球雪糕~涼粉好似意粉一條條咁, 又幾過癮仲有朋友最愛既紅豆, 正!

Happy Friday 就梗係約朋友去食糖水，吹下水！係將軍澳區，寶林就係糖水既集中地，同一條街，係寶林地鐵對面，就有齊哂小方塘、松記同聰嫂！個人黎講比較鐘意食小方糖同松記起碼坐都坐得舒服dd侍應又有禮貌d平時小方糖成日排哂隊，今日小人d，就想都無想衝左入去糖水種類多除左多選擇，糖水都好新穎！唔會淨係得屋企都煲到既腐竹糖水。見到相都好吸引朋友叫左楊枝甘露真材實料，芒果唔會太酸！不過裝飾既芒果就熟左少少，賣相爭d我就叫左芒果樂園，同楊枝甘露有d似樣但係就多左我鐘意既雪糕同樣地d芒果有d太熟，同埋d汁太過濃不過overall都好味既另一個朋友叫左風花雪，有豆腐花，意式涼粉同埋紅豆，朋友話比想像中失望，d涼粉味道好淡，散散地咁，同埋太水不過球雪糕就幾好食不過價錢算係幾平啦！吹下水都無人趕你走！所以都係會推薦比大家

又係飯後甜品既時候，哩間之前都想試下，見apps好多人食黃金拿破崙，我都叫一份黎食，實在好大份，可能晚飯仲未消化，我食唔晒，面頭有芒果肉同忌廉，拿破崙好脆，一齊食可以中和返甜度，食落唔會太乾或太膩，唔錯。

自己住將軍澳咁耐～ 以前比較食聰嫂甜品多 ～但因為佢已經冇咗雜果類嘅甜品～ 所以而家比較鍾意去小方糖～我最愛最愛 炭燒藍山雪糕雪芭 佢嘅咖啡係超香超濃 有咖啡味嘅啫喱都好好味 我冇記錯好似33蚊一個 我男朋友嘅就係食芒果類嘅甜品～ 我自己就忘記咗咩名lu 之後我哋試過加咗個心太軟試下～～ 唔知係咪因為佢哋比較想做多幾轉生意～～所以個心太軟焗得唔夠透嘅 ～個心仲有啲硬～並唔夠心軟 所以覺得唔係太好食～～ 不過佢哋個士多啤梨乳酪芭菲～ 好似係仲有芒果味同朱古力味 ～但士多啤梨係我最愛 ～都係好好食～不過怕肥唔敢再食～～ 但如果大家想傾計～ 坐耐啲 ～就真係唔適合去呢間啦～ 因為呢間比較嘈～同佢哋好趕住返抬 ～好想你哋快啲走咁嘅

寶琳區甜品店很多!😋😋小女兒非常熱愛這間小方糖😂事實上, 小方糖的甜品選擇都多種類👍有中式糖水, 芋頭, 豆腐花, 椰皇, 芒果...下午茶時段, 客人都多! 但職員只有一個😌要等待耐一點...女兒獨愛這款乳酪雪糕🍦有3球雪糕~有啫哩~我點了芒果丸子凍椰皇燉蛋白🍮味道不錯, 可惜燉蛋白雪耐了, 影響口感😞...如果價錢可以降低一點就更好😜😜😜評分: 5⭐最好食物: ⭐⭐⭐環境: ⭐⭐⭐價錢: ⭐⭐⭐服務: ⭐⭐⭐

頭先去完尖沙咀烏蠅館食完個邊爐當然要食下糖水啦黎到將軍澳 去左小方糖叫左兩個外賣回家今晚我就叫左個黃金拿破倫 D皮好脆 上面再加芒果同煉奶好正但今晚煉奶加得太多啦 比較甜 下次可以落小D跟住再加個心星 呢個清清甜甜 正 👍👍👍平時堂食我會叫個心太軟 呢個👍👍👍👍心太軟 D朱古力唔係好濃 係我鐘意食個款 再配兩個雪糕我最鐘意配芒果味同士多啤梨味 好清甜呢度最正一樣係個心太軟個碟D員工會用朱古力醬畫D公仔係度 大人小朋友都鐘意

今個星期第二次食糖水啦！好過份呀！今晚又係食小方糖，因為好早食完飯，9點左右就到左小方糖，唔使等位！不過坐坐下食緊既時候出面已經大排長龍！今日叫左個 齒頰留香 同埋 芒果樂園。齒頰留香 $45足料呀！榴連肉勁大舊勁香！仲有個牛乳布甸，好多珍珠！有椰果同埋水晶珠！啲水晶珠質感好似食緊壽司大大粒啲三文魚子！榴連真係好正呀！名附其實齒頰留香！芒果樂園 $33呢個芒果樂園超多料！有一個牛乳布甸，芒果粿子心，芒果雪糕，水晶珠，椰果同埋無限既芒果汁。呢個真係唔錯！料又多！芒果又甜！好中意佢個芒果粿子心，爽爽地既啫喱咁！掛住食都唔記得左幫佢影返張獨照！

食完個夜晚唔夠飽口痕就緊係搵糖水食架啦見到隔離街聰嫂感多人 所以都係食小方糖算啦😐等左5分鐘度就入得去啦 都算幾快👍🏻☺️諗都唔洗諗 就揀左勁薑蕃薯糖水落完單 5分鐘後即刻有得食見到有3大舊蕃薯 係好開心🤗首先飲左啖糖水 有啲失望 無之前感薑 同埋唔夠熱又唔夠味 有啲淡😐到試啖蕃薯 無咩味同有啲硬😐見到佢個心未煮熟哂 所以有啲硬有啲失望 仲要無咩蕃薯味😞成件事真係失望左🤦🏻‍♂️希望我下次黎食 佢會有改善 變番之前我食開個碗😞