小方糖甜品 (新都城中心三期)

營業中

休息中

來到小方糖, 試了兩款皇牌甜品, 月半灣拿破倫, 朱古力漿和忌廉多到幾乎遮蓋了拿破倫啦!! 拿破倫好鬆脆, 口感好好,  配上香蕉, 朱古力漿和忌廉, 甜味十足, 簡直邪惡度爆登!! 拿破倫有3塊, 要捉埋朋友一齊食就最啱!! 再來椰皇湯丸燉蛋白,  配料很多, 有蛋白, 杧果肉同珍珠....食完大滿足!

今晚唔好彩咁入咗黎，平時呢度成日都好多人等位，所以多數都會去食開隔兩間嘅松記。但今晚了，行過見有位，即管試吓，撘咗落一張六人枱，有四個食緊，我便拉開少少張枱。 跟住叫咗湯丸，同蕃薯芋圓糖水。 等緊中，有個員工A過來拉翻埋我張枱，話我拉得開，條巷唔夠位，當時人又唔多，我又無拉得特別開，心諗洗唔洗咁😒湯丸到先，跟住另一碗來到，只係得蕃薯，即係整錯啦，跟住再來，多咗三粒湯圓係面，又錯？ 我即刻說取消唔要， 因之前已被員工A激親。 但轉個頭有一個員工B拎翻過來話啲芋圓係底，一放低就走咗去。。。心諗，我叫個個都無湯圓嘅。。格硬黎！是鬼旦！😡但算吧啦，女友食個碗，湯丸厚皮，我個碗蕃薯無味，學人整芋圓，都唔係個樣嘢！ 加上個啲服務態度，一次就夠哂！食到成肚氣！😡😡可能呢間都係啲凍品出名啲啦，點都好，咁嘅服務態度，幾好食都唔會再黎！蝕哂！！

人大左, 宜家中秋節都唔會約出去玩立足, 自自然然約埋朋友一齊黎食糖水就係一個好好既聚腳點..食完飯再入左黎將軍澳大概10:20到雖然附近有幾間糖水舖, 不過估唔到排隊既人都有非常之多! 😨😨👍🏻間間都座無虛席, 出面等食糖水既人真係有幾十人係度, 咪話我話~~開間糖水舖都幾好賺~哈哈哈! 😂😂😂因為要排好耐既關係, 同朋友一齊order左外賣外賣等左唔使10分鐘就有, 之後去左附近既寶康公園傾下偈+食糖水平時食開榴戀天使, 不過因為外賣關係, 當中有個雪糕球所以今次再戰食另一個榴槤產物🍨齒頰留香 $40牛乳布甸 + 新鮮榴槤肉 + 榴槤汁 + 黑珍珠 + 水晶珠一打開個蓋陣陣榴槤香散發出黎, 連朋友都話我個甜品好臭 (因為佢地唔食榴槤)新鮮榴槤肉好大舊, 好足料!榴槤肉香甜無比而且榴槤肉仲帶有原來的榴槤絲, 唔係好creamy果種榴槤肉, 有榴槤絲果種榴槤甜得黎係帶有好香濃既榴槤香味, 加上榴槤汁令到層次大大提升, 的確唔錯~好食啊!👍🏻黑珍珠唔算好彈牙, 不過都仲keep到少少咬口而水晶珠食落脆身, 本身冇得味既水晶珠撈埋榴槤汁同榴槤肉都ok成個甜品最令我有d失望係舊牛乳布甸🍼牛乳

10pm去吃糖水~竟然不用等位點了齒頰留香是榴槤類的甜品榴槤肉不少,,而且香甜好吃!!只嫌整個甜品不夠冰凍~如能更冰凍,,會生色不少!!老公則點了他愛吃的朱古力綿綿冰試了一點朱古力味不夠濃郁,,而且苦了一點個人不太愛吃這種味道

阿女出世後，小有機會同太太二人世界，難得兩人外出買BB野，乘機同太太食多個糖品先番屋企。行過之前因為多人而入唔到去食既小方糖，「飛雲，機會黎啦！」一行入門口，立即香氣撲鼻。一坐低，馬上睇下menu,究竟咩野甜品會咁香，最後肯定佢就係拿破倫，馬上點左一份。一份香蕉拿破倫，3件，好大碟，香脆可口，但一個人絕對食得曬。當然建議encore, 但我們另叫左筒熱豆花，好香滑，可惜無影相。

琴晚悶悶地就同女朋友去左寶林小方糖食糖水由於平日夜晚去既關係 唔洗等就入左去 但係平時星期五六日就好鬼多人等 所以建議大家都係平日去試 女朋友叫左個士多啤梨乳酪雪糕 38蚊 我覺得好抵食個份量我覺得可以兩個人share食 我試完之後 覺得好有乳酪味 我份人都幾鐘意食乳酪既 如果大家鐘意食乳酸類既食品 我覺得可以一戰 我自己就叫左個雪糕涼粉 無咩特別

天氣熱到無法唔想食個消暑甜品，今次想回歸基本，就食番碗椰汁雪糕伴涼粉！可自選兩款雪糕，選甜美士多啤梨加曲奇妙趣，普通味道及質感；涼粉幾有咬口；椰汁底夠凍，全部料一啖放入口，透心涼，暑氣消咁一大半！有時食嘢簡單d都幾好，出事機會率都低d⋯⋯⋯⋯

心太軟真係好好食仲要好靚~朋友覺得糕身實D會好D(即係焗熟D)……但我個人認為食心太軟就係要軟果Part配雪糕然後放入口!!!!!!!!!!配既雪糕其實都好重要，以前覺得要配雲尼拿或者Cookie n Cream但實在太流，配番球酸酸地既士多啤梨就岩岩好了~朋友話牛奶+紅豆+芋圓呢個combination都幾match~但其實好似係台灣既冰舖幾常見，不過小方糖呢個係熱既~熱既比較香甜~牛奶味重~而且足料~好多芋圓呀!!!想食熱甜品可以叫呢個~小方糖水準一直維持得幾好~~會再光顧!

想吃一囗甜，上樓前一於食個甜品，令自己開心d！呢款賣相咁浪漫又甜蜜的就係士多啤梨乳酪雪把！份量頗大杯，配以士多啤梨及蜜糖星星脆粒！乳酪幼滑、香甜吸引，口感豐富，不得不食！

其實小方糖喺將軍澳都開左好耐😂初初開嘅時候去過一次，點解而加都仲有咁多人排🤔🤔💛芒果蜜糖吐司 : 成杯野有好多芒果，啲芒果一啲都唔酸，一啲都唔小方，好大方😂上下有兩球芒果味雪糕🍦中間有十幾粒多士粒🍞粒粒都脆卜卜😛最酸係中間啲藍梅囉😂成杯野都幾大杯，幾好味，價錢💰HKD38,唔算貴👍🏻💙炭燒藍山咖啡雪芭 : 冇出鏡啊，齋介紹😄唔中意食甜嘅朋友，又中意飲咖啡嘅朋友一定要試下✌🏻️好重咖啡味啊😆💰HKD30邊個話將軍澳冇野食！雖然真係冇野食！😂😂😂😂😂不過我覺得將軍澳啲甜品糖水舖幾高汁，大家不妨試下☺️（註：其實九龍城有一間🙊）

很少在將軍澳區出沒，晚上出去吃完飯友人介紹這家在寶琳的甜品店說很推薦，我這個甜品控當然不錯過！這家小方糖甜品店在寶琳站口對面，招牌很醒目，很容易找。晚上11點到還很有人氣，但不用等位。因為吃完飯還覺得有點飽，友人介紹說這家的拿破崙很好吃，但看圖片有三大塊，份量巨大，感覺有點吃不下。不過還是照點了，還外加了一個楊枝甘露（驚）。友人說之前都覺得很大份，點了以後發現其實一陣風就沒了哈哈。通常我吃的拿破崙都是一層層的疊起來，但這家的有點不一樣。上來時候有三大條，像酥皮卷，裡面是空心的，所以別看好像很大塊，其實吃下去還好。外皮很酥脆，上面有擠cream。黃金其實是芒果，芒果切得蠻大塊，也很甜很好吃。拿破崙底下有很多芒果醬，不是濃稠的那種，點著醬吃很贊！ヾ(。◕ฺ∀◕ฺ)ノ♫♬楊枝甘露裡面的芒果也算大塊而且蠻多，最重要是非常甜！不是很稀，還蠻濃的，裡面料很多，不錯！最後買單60塊港幣，我覺得物超所值哈哈！可以去試試看喔♥

夜晚同朋友睇完戲,見時間仲早,不如食埋個甜品先番屋企啦寶琳既甜品鋪唔算好多,所以間間都係排哂長龍係幾間相連既甜品鋪度隨意揀左呢間等左幾個字終於有位啦畢竟係宵夜都唔想食好多野,所以叫左一個黃金拿破崙因為見枱枱都叫呢個,一定實冇死一上枱都幾震撼,因為份量都幾多拿破崙幾鬆脆,好似食緊空氣咁芒果又幾甜,加埋芒果汁,唔算太甜,味道都ok一碟有三大件其實食食下都幾飽好在2個人share,唔係一個人一定食唔哂

平時放工見店內超級多人, 開張以來冇機會去, 昨晚見未有客就有去試, 叫左一個佢標明是皇牌的糖水, 反薯芋圓糖水，裡面有湯丸, 薑汁糖水底,. 先講薑汁糖水飲到第三匙己很辣喉, 薑太多 飲糖水是滋潤咽喉, 而不是辣咽喉, 落薑也要適中,.不知道是老闆自己喜歡多薑. 但我個人不能接受., 佢雖然多水多料, 但辣的程度去到第三匙後, 超辣像飲辣椒湯口感. 呢度真係要改善下. 另外再講反薯, 用匙分開兩舊外面很硬, 但冇想過入去很棉~~! 呢個讚的, 個數粒芋圓其實都不知是什麼, 口感煙煙unun 幾好食, 湯丸最好吃, 外皮不厚 很滑,!  整体上對呢款糖水有點扣分.  下次未必會再食.呢款薑汁糖水底  實在太辣太刺喉, 雖然飲完有半小時很順氣, 氣管通, 但之後咳到半死. ^^! 至於服務其實真係唔太清楚,~ 侍應又低頭打機  招左幾秒都冇人理. 其他人入哂廚房, 見到個黑口黑面的阿姐走過來點單.

今日同舊同學去聚會啦 食完飯緊係要食下甜品啦寶琳附近其實都好多甜品鋪既。但係見小方糖咁多人排都知道咩事啦係咪 一入到去，menu其實都好多嘢揀但係我地三個都吾想啲普通嘢 所以就叫左齊齊心太軟 本身諗住個樣都平平冇其咁點知畫埋好得意既公仔 心情都開心好多味道又吾會太甜 加埋一球雪糕 都好抵😆

在新都城這裏, 短短的一條街，已經有三間糖水店, 所以不愁沒有撰擇。每次經過見人多都唔會等, 或只買斑戟、布甸等外賣　（去邊間賣都一樣的甜品），未試過堂食。這次和朋友三點幾才食完當天的早午餐，再行行街，到五點多就考慮晚餐該如何解決，大家都不感肚餓，就決定放棄晚餐。於是腦子直接跳到甜品的方向，想起小方糖玻璃窗貼有一款甜品，很是吸引的樣子，趁時間尚早未有人群，到此一試。這一款就是該店的熱賣＂黃金拿破崙＂，心想拿破崙一般都需時焗製，想不到二三分鐘就放在我的面前了，拿破崙加芒果汁、果肉及忌廉，共三件砌在一個碟上，賣相很是壯觀。用义子界開拿破崙的酥皮一看。。。空心的，原來不是慣吃的千層酥皮，所以吃了一大件肚子也是空空的，論味道也還可以的，雖然淡還是有的酥皮香，芒果汁不會太甜，就是一般一般啦！朋友吃的好像是藍山咖啡雪糕，她也沒什麼評語，就只說吃不出咖啡味來，她不愛甜品，我不愛咖啡，哈哈！