小方糖甜品 (新都城中心三期)

營業中

休息中

今晚同一班朋友去食宵夜糖水見呢間門口有好多人 就排一陣隊食呢間入到去就即刻揀左黃金拿破倫 因為一入去就聞到果陣香味好吸引 第一次黎一定要試呢個!價錢不貴 食到呢個水準真係不得了!另外榴槤既產品都唔錯 但係會成日好早賣哂所以大家都唔好咁夜去食 好野會無哂嫁唯一唔好既就係太多人等 食完唔可以留太耐吹水下次黎一定要試埋其他甜品 質素都比其他的較好!

小方糖的甜品都頗有特色, 價錢合理,選擇亦唔算少, 唯一問題係人好多, 等左差唔多45分鐘先有位, 真係等到有d想放棄 ><坐低左之後, 我同朋友點了幾樣甜品燒咖啡果凍雪芭、芒果蜜糖吐司、士多啤梨乳酪雪糕燒咖啡果凍雪芭最好味, 雪糕咖啡味好濃，中間既果凍帶有淡淡的咖啡味道芒果蜜糖吐司 太甜, 但係味道唔差士多啤梨乳酪雪糕 好一般如果唔怕等位, 值得一試

每一晚都好多人等，今晚小啲人，都等左二十分鐘入到去，有好多選擇最後點了一個士多啤梨乳酪雪糕同黃金拿破崙。士多啤梨雪糕，小小酸又唔會太甜，唔似一般次貨雪糕。加入蜜糖星星，好多乳酪雪糕都會加，都幾夾味。藍莓同士多啤梨都酸酸地，我就覺得好食(我食得好酸)有啲忌廉，本身唔鍾意忌廉，就沒吃。最底層是乳酪，酸酸甜甜，我就覺得好食，唔似便宜那種。而且份量都算多，覺得好足夠。黃金拿破崙係呢間店既王牌。芒果都多同甜。拿破崙又香脆。兩個人食岩岩好。加上芒果汁，中和左啲膩的感覺。焗得剛剛好，唔會過火但又夠脆。一碟有三大件。中間都有啲忌廉，鍾意食既人就滿足。呢間食物既份量都算多，價錢又合理，好值得支持！

收工三兩同事一齊去食甜品，近將軍澳嘅，小方塘都係幾好選擇！係門面見到吾少人排隊，仲諗可能要等好耐，原來十分鐘左右就入得！入到去坐低，其實d位吾算舒服，因為都迫迫地，不過吾緊要啦，我地志在食同吹下水！一嚟就問下有冇黃金拿破崙，因為係限量的，估吾到接近十點都仲有！吾洗好耐就到，好大份！仲驚食吾晒，但入面少少空心，皮好脆，芒果好甜，好好食，食晒都ok！吾會真係話好飽。其次嗌左太陽香蕉船($28)呢個口感幾特別，因為加左d脆脆星星，同朱古力醬加上雪糕，甜左少少，但三個人分嚟食都接受得到，下面有原條香蕉，好味道！最後食埋椰皇湯丸燉蛋白，呢個幾好食，清清地，好香椰子味，蛋白都好滑，只係略厭份量小，三人其實一人都只係兩三匙度，但好食的！

小方糖甜品@寶琳芒果蜜糖吐司(7/10)($38)foodki真係超鍾意食芒果，今次去到寶琳既小方糖試試佢地既招牌"芒果蜜糖吐司"。呢個甜品要等大約15分鐘。黎到一大杯真係好吸引,除左主力芒果之外,仲有蜜糖吐司,一粒粒多士沾滿蜜糖,非常唔錯。仲有芒果雪糕係面,食一個甜品有幾種口感。正，食完一粒粒多士下面仲有半球雪糕，真係好大份，所以foodki最後都食唔曬。sosad。可惜係芒果有少少酸。如果唔係就仲正。

好吃的甜品店在旺角九龍城有很多，不過Si在將軍澳都發現了一家！就是第一次到訪的小方糖甜品！甜品未至於十分特別，不過都有別於一般傳統的甜點，Si一共點了四款：芒果蜜糖吐司這款甜品樣子挺好看的，用玻璃杯盛載著，有鮮芒果肉、芒果雪糕、忌廉、蜜糖星星，然後下面還有蜜糖吐司！脆卜卜的蜜糖吐司有淡淡的蜜糖味，不會喧賓奪主，配上新鮮芒果和甜甜的雪糕，還有藍莓和朱古力蛋卷，簡直是多重口感呢！焦糖燉蛋相比之下這款焦糖燉蛋就略為失色了。上面的焦糖是脆脆的，配上香甜的燉蛋，不是不好吃，而是和其他甜品店沒什麼分別。宇治金時這宇治金時是綠茶刨冰來的。裡面有綠茶雪糕、椰果和紅豆。味道很夾，刨冰都有茶香，不過我喜歡奶味濃點的刨冰多一點。黃金拿破崙這個黃金拿破崙很巨型！有三大塊！送來的時候都不禁嘩了一聲（大鄉里喔！）不過外型分比較高呢！因為它其實是三大塊酥皮，中間是空的，雖然可配上旁邊的芒果和忌廉一起吃，不過Si就覺得普普通通啦！Si還是覺得芒果蜜糖吐司比較好吃！總括而言，Si覺得這家甜品店是不錯的，尤其在將軍澳一帶，特色的甜品店比較少，所以這是一個不錯的選擇呢！不過喔，Si在星期日晚上八點多去到，已經有不少人在門外

係上海婆婆食飽晚飯想食甜品，但因上次係上海婆婆食過甜品覺得唔好味，所以今次專程去小方塘食甜品，心太軟唔夠熱而且仲唔夠鬆軟添，真係實左d囉，流心朱古力香味唔夠濃味，芒果及士多啤梨雪糕都OK！

之前在九龍城店光顧過一次覺得芋圓略韌~~所以今次在TKO店吃,,就不想再點芋圓了~~光顧的時候是晚上8時多想點榴槤類甜品,,想是沒有榴槤拿破崙則要等到9pm才恢復供應於是點了宇治金時老公則點了芒果樂園宇治金時的刨冰只得淡淡的抹茶味抹茶雪糕略為好一點,,但抹茶味也不算香濃小丸子煙韌,,紅豆綿綿的不會太甜是抹茶雪糕溶了點,,混入刨冰一起吃才好吃一點~~老公點的芒果樂園,,芒果甜甜的很好吃吃了兩次甜品,,兩款也不吸引還要再去光顧嗎?

第二次黎小方糖都係中伏 芒果系列都咁難食冇芒果味 豆腐花有藥水味心太軟 食到想嘔 雪糕都好難食 似食三色雪糕燉蛋白都算可以 店面人手太亂 好多野都要九點後以後都唔會再黎😒😒

寶琳小方糖都開左一段時間，一直都冇時間試，難得今日有人話想食糖水，梗係要去試下新野啦..門口都好多人，要等位，不過好等左幾分鐘就有位啦..入到去坐低第一時間睇下有咩食，知道（拿破倫）係皇牌甜品要叫黎試下，我地到落單個刻，有個侍應大叫（拿破倫）賣晒 ，禁食第二樣啦，最後叫左，1.榴蓮 2.龍眼 3.糖不甩，落左單唔洗3分鐘甜品即刻到，效率超快呢個推介，榴蓮肉好香糖不甩一般，無咩特別第一啖食落口，好很甜，個人認為唔太好食，最後只係食左幾啖

數日前跟中學同學飯聚，聽聞寶琳新開了一間甜品店，晚餐後大家便決定去嘗嘗。店鋪面積不大，跟一般甜品店無異。我們明明並非高鋒時間去，等的人卻異常地多，和朋友等了近十分鐘才能就坐。想來高鋒時期應該要等更久。坐下後不久，便有待應遞上餐牌。甜品店提供多種甜品，但很喜歡用文字包裝甜品，有時反而令我搞不清楚到底那甜品有甚麼配料。有不少朋友見編輯推介的黃金拿破侖賣相甚是吸引，都點了一客，而我和一名友人不太餓，則點了一客季節限定的天使拿破侖分享。待應聽見我們兩人分享，自動貼心地替我們多拿一套餐具。候菜時間大約十分鐘左右，不算太快但也不算太慢。但我和友人待待應遞上天使拿破侖後，卻是變了變臉色。因為原來黃金拿破侖是指芒果拿破侖，而天使拿破侖則是指榴槤拿破侖，但是我和另一友人卻不太喜愛吃榴槤。雖然餐牌上的中文名稱並無介紹，但待我們觀看英文餐牌上的後才發現確實如此，頓時有點哭笑不得的感覺。後來是叫其他人幫忙吃掉榴槤，我們再吃拿破侖。拿破侖有三塊，看上去份量不少，但吃在口中卻有點空虛，因為拿破侖內都是空心的。所以相信即使食量較少的人也能輕易吃完。最後付款，大約每人30到40元左右。總結而言，店鋪服務不錯，但價錢並

同朋友喺新都城中心追完星 於是就諗住去食野 因為冇食lunch 但係6點又就黎番屋企食晚飯 於是就去左小方糖整體唔錯 唔算難食 價錢樣樣野唔同啦豆腐花好貴 但係吐司其實幾抵 去到爆曬人 但係店員好快安排到位比我地7個人上餐幾快 但可惜佢d拿破崙寫住要夜晚9點先再次供應個芒果吐司既雪糕唔夠濃味 好懷疑係唔係雀巢d雪糕跟住我fd揀左芒果汁 之後張單打M汁 好好笑.. 不過我fd話d M汁唔錯...呢間甜品店過下口癮唔錯

見多人等，試一試佢。 waited for 45 mins table is a bit sticky..... yark.ordered a心星 1/10. it doesn't even deserve 1分。芒果樂園.  4/10埋單64蚊。多謝晒

開張了良久的小方糖將軍澳分店終於有機會去品嚐，果然，自小方糖開張之後，鄰店的客人也大大減少了，就算已新開張好一段時間，也不減客人對小方糖的熱情，客人依然人頭湧湧，証明小方糖的出品有一定的價值和水準存在。時間3時許左右，店舖開門沒耐內裡已經坐滿了客人，幸好很快有座位，晚上會更加多人會在門外等候座位。對於甜品屋來說室內面積都算大，座位不覺得擠迫，枱與枱之間的距離空間充足，環境光線也光猛柔和。天氣氣溫寒冷，雖然餐牌上有很多熱吃選擇，但為了吃到想吃的甜品，也無妨冷食傷身最後也點了個乳酪雪糕吃。(本來想點個法式焦糖燉蛋，但時間太早還沒有，可惜~ )　朱古力乳酪雪糕很少吃乳酪雪糕便點個朱古力乳酪雪糕試下，分別有原味和朱古力乳酪雪糕球，原味：微酸甜味，質感結實，口感實在；朱古力：朱古力香濃充足，甜而不膩，吃不停口。兩者也滋味可口味道出色美味，這種獨特的口感相信是自家製的味道，杯很大，份量十足，加上香蕉片、朱古力餅條，朱古力醬汁和蜜糖星星脆脆等配料裝飾，賣相吸引美觀。上菜速度很快，不到5分鐘就有得食，很有效率。但始終是吃甜點，進食時間不會太長。食物質素挺好和價錢也很合理又不太昂貴，看見隔離枱的客人所吃

在天寒地凍的天氣下工作過後，還是要找點吃的暖暖身子，記得新都城有間新開不久的甜品店「小方糖」，就上前看一下餐牌有沒有好吃的～甜品款式頗多，分成數個類別，有：甜心小方糖、中式甜品、西式甜品、綿花冰、豆腐花、仙草、涼粉、西米露、小食及飲品甜品店內地方頗大，環境光猛椰皇湯丸燉蛋白 $38［評分：8/10］看到店內大部份人也在吃椰皇湯丸燉蛋白，這個天氣正好適合呢～不過由於即叫即燉，所以製作需時，等了大約10分鐘才來到～熱辣辣的椰皇散發著誘人的椰香～當中包括了：芝麻湯丸、燉蛋白、西米、芋丸及椰汁先喝一口椰汁，椰味香濃，入口較甜，再試一口湯丸，熱得有點燙咀，湯丸皮夠薄，富彈性，芝麻餡味道亦相當濃郁，另外還有數粒芋丸，相信是自家製的，外層口感煙韌，內裏包裹著芋頭及蕃薯粒，味道頗香，最後當然還有燉蛋白，蛋白配上椰汁後，每啖也充滿了椰香，入口滑膩，雖然又好吃又暖胃，但吃完一整個後，真的非常飽肚呢！小方糖甜品 (將軍澳)將軍澳貿業路8號新都城中心三期地下G07號舖～～～～～～～～～～～～～～～總消費：$ 38味道：8/10環境：7/10服務：4/10衛生 : 6/10抵食 : 7/10