小廚港作

營業中

休息中

餐廳闊落、食物價錢合理、份量多，叫兩款小菜加$18就多一條豉汁蒸䱽魚，性價比高菠蘿咕嚕肉咕嚕肉皮脆肉滑，少骨多肉肉既份量多過菠蘿同青椒唔似出面其他茶餐廳配料多個肉豉汁蒸䱽魚魚身滑溜無魚腥味豆豉與其他基本調味更加惹味生啫麻辣雞煲辣度適中雞肉鮮嫩肉滑醬汁融入雞肉非常入味小廚港作 (荔枝角)荔枝角長沙灣道833號長沙灣廣場地下G01B號舖

加18蚊魚/雞本來可以, 食物這個價位也算OK, 平時當飯堂去;其中阿姐態度好差, 果晚7PM 坐底問佢要杯水反問你未落單唔俾, 見佢咁串咀即時走人以後唔去; 老闆請著你幫手趕客真係唔該晒; 

大家午餐想食好嘢，搵間我成日光顧嘅餐廳黎一試啦！今次我眼饞咗佢哋嘅咖哩蝦同XO醬肉片炒西蘭花，當然唔少得加啲蚊就搏咗條黃立倉🐟。跟手，就係嚟一份茄腩湯蜆殼粉對對味😋。肉片炒西蘭花好香口，啖啖肉吖，炒得外脆內嫩，叫你食指大動。啲咖哩蝦🦐好入味，上臺仲飄嚟陣陣嗲味，食落微辣過癮，仲要啲蝦仔彈牙得嚟唔會過火。條黃立倉鮮滑得來皮脆，份量上盡顯豁達，每啖都充滿海嘅清甜。餐廳啲人手快，場面乾淨，坐得舒服，一路食一路傾計，正！茄腩湯蜆殼粉嘅味道清純，湯頭夠茄味，粉又爽滑，簡直係我茶餐廳美食之旅嘅新發現。而家諗返起個奶油豬仔包，仲想咬多次，個脆皮配上啲軟綿嘅包，真係著數！一腳踏入去，我已經知道今次又會是一頓滿足嘅午餐。不過留意啦，呢啲都係得我呢次去食嘅菜式，下次你哋有冇咁好運就唔知喇！😉🍛🍤

叫咗個白汁焗鹹牛脷飯，朋友叫咗個石頭鍋炸魚塊撈公仔麵。餐飲跟樂天鮮奶忌廉同埋菠蘿汁免費升級。$91埋單。鹹牛脷飯同石頭鍋麵非常鹹、大路嘢。下次可能要叫啲清啲嘅嘢。

又是星期日，睇早場時間。今次睇港產鬼片：7月返歸習慣入場前先吃個早餐，今次試試教會對面的小廚港作。是日早餐，點了燒汁雞扒早餐(42元)，包括以下的：#煎雞扒配炒蛋多士：雞扒大大塊，煎得脆卜卜；炒蛋不夠熱，要扣分！多士夠厚身亦厚乾身，好吃！牛仔腸是脆皮的；牛油粟米被消失了，應該算變相加價！#火腿通心粉：看似不多，但吃着挺飽肚，味道清淡，配合濃味的燒汁煎雞扒，可以平衡味蕾。#熱鴛鴦：咖啡、紅茶、淡奶的比例合適，after taste有點點酸味，可能是來自咖啡的。上菜效率極快，趕時間就啱晒！

凍嘅！塊牛扒⚠️間嘢冷氣就凍呀，天氣熱入黎分分鐘感冒，溫差大呀嘛🤧諗住食過熱辣辣嘅午餐，平衡返個溫度，點知塊扒嚟一切，凍嘅！咪叫個經理咪同佢講囉，佢話可能水吧煎定咗幾塊喎😴跟住就行咗去㗎喇，冇再同我處理㗎喇！$63個午餐話知你食成點啊？🤨肚餓都冇計啦，都要夾硬食埋佢！難怪香港啲飲食業越嚟越差啦，廚師差，出品又差🤓服務更加只係差！🙄🙄跟住去個廁所小便，男廁壞咗只可以入女廁，壞咗都唔整⚠️

呢間茶記睇落去普普通通，但叫小菜就勁抵食🥰每次我地都會叫2個餸再$18要多半隻雞或者䱽魚 (其實重有蝦)🙈而今日叫左呢啲：- 菠蘿咕嚕肉- 香煎菜脯肉碎蛋角- 豉汁蒸䱽魚- 清炒西蘭花菠蘿咕嚕肉唔算太酸，用黎送飯1流，重有就係都幾大碟，絕對有酒樓水準🤤香煎菜脯肉碎蛋角係偶爾會叫既菜式，蛋煎得幾脆，加上肉碎，都係送飯系列😋叫餸推介👍今日既$18餸叫左豉汁蒸䱽魚，因為Carton真係好鍾意食魚🥰雖然阿卵係唔食魚，但我仍然可以食曬成條，唔好以為$18好細條，我都會食唔曬🙈重要既係，魚好搶走，7點後多數都冇🙈要叫就快😎今次叫多左個清炒西蘭花🥦因為成日覺得冇咩點食菜，所以要食多啲菜補返🤣叫個菜都係$42，阿卵覺得好抵，佢話之後都會叫👍總結：食左咁多野都唔駛$200，真係好抵，重要有飯有野飲，真係做飯堂確係不錯，如果大家有時真係諗唔到食咩，真心推介去食🥰

如果你在早晨，返教會之前想要享用美味的早餐，那麼港廚小作絕對是你的首選。這家餐廳的早餐菜單非常豐富，今天我想分享的是他們的早餐粟米雞扒配火腿通心粉。雞扒是這份早餐的主角，雞肉鮮嫩多汁，經過炭烤後，表面呈現金黃色，口感十分香脆。加上粟米的清甜味道，讓人忍不住一試再試。火腿通心粉是經典早餐配菜，這間茶餐廳的通心粉口感優秀，煮得剛好，QQ的口感讓人愛不釋手。加上火腿的點綴，讓人吃得不停口。醫飽了胃，便去教會聽道，醫治心靈了！

以前返荔枝角區都好幾年，早兩年轉左工離開，估唔到又返返去。小廚以前都有幫襯開早餐，久唔久蛇下王落土食左下午茶，味道同環境係區內茶記比係唔錯選擇。價錢又合理。剛剛再重遊舊地，食個早餐先，多士新鮮整夠脆夠熱，久違了個杯即磨咖啡都無變過，保持到水準好難得。但d餐具實在太大陣漂白水味影響食慾😫 特別係筷子同匙羹塑膠質地嘅嘢，吸哂陣漂白水味，點抹都唔走 其實佢整體嘅嘢食都唔錯，又坐得舒服乾淨，但係點解啲咁趕客呢？

I work in the nearby area so I need a reliable restaurant i can order take away from everyday for lunch. And I just happened to try out this restaurant which I walk past everyday while going to work. First impressions are that the set meals are so cheap, which costs around 50 dollars for a meal, a soup and a drink, fantastic price for a daily dinning place. Plus it offers a change in menu everyday, offering 5 different choices per day. Waiting time for the take away varies, taking around 5 minut

這段日子都在長沙灣那邊 在晚餐時間和一大班朋友去了小廚港作 之前也在其他地方看過這間餐廳的分店這次叫了牛扒配洋蔥汁伴薯菜 味道和一般港式西餐廳內的牛扒沒什大區別 肉質入口軟鬆散口感一般洋蔥汁沒什麼意見 正常的味道？不過也不失！

今早來到荔枝角行到長沙灣廣場附近食早餐,食左番茄牛腩貝殼通粉,個早餐配埋炒滑蛋同奶油豬仔包,飲熱奶茶,共$38,番茄通粉味道唔錯,但牛腩偏細同量少,喺工廠區食咁上下嘅早餐算ok啦

🥲 芒果梳打藥水味🙄😡難飲，已放棄🍴梳打要自己倒，唔錯👍🏻 👀荔枝梳打味正常但無荔枝味 🌈香辣蔥油雞 唔重辣味，屬於 超級bb辣🥄倉魚正正常常1。巨人豬扒堅巨👍🏻👍🏻👍🏻2。菜同洋蔥汁好夾，好味🤤🤤3。薯角好麻麻，已放棄4 。 蕃茄仔大粒，但唔甜

未裝前經常叫鹽香雞有湯有酸蘿蔔，裝修後見菜牌無變，第一次再食，竟然無湯，酸蘿蔔冇埋，問侍應佢話冇湯跟，我話你幅相有。亞姐話如果你需要我另外給你，宜家係你同張相唔同，我唔係攞著數呀。老實講雞都差咗好多，以後用行動唔嚟，抗議！

食過小廚既午市同晚市都覺得唔錯唯獨無食過早餐今日就叫左外賣試下, 夠$60就送外賣💁🏻‍♀️我叫左個B1 招牌茄腩湯通粉配牛油厚多少同火腿奄列佢包裝好唔錯,都豆漿密封唔怕漏通粉唔使加錢自動分湯上,唔怕d粉索湯發脹👍🏻🍽 主角當然係茄通,個茄湯係濃郁個種,似羅宋湯,對於我黎講個湯太甜,茄汁個種甜,唔太啱我個人口味,通粉煮得耐左少少,煙韌d會更好🍽牛油豬之前係餐廳食係好味既, 外脆內軟加埋煉乳,正但呢個牛油豬真係幾失望,乾身偏硬,同上次堂食兩回事🍽實的的既炒蛋💁🏻‍♀️ 早餐唔OK,午餐同晚餐好好多