小南洋 (Citylink)

營業中

休息中

今天早收工，到商場見有新店，入內試食一下晚餐，餐牌都幾豐富，今晚選了一字骨肉骨茶，價錢要$88，但只有兩條骨，1粒半豆卜，4粒油炸鬼及4粒蒜頭，配飯要另加錢$10。價錢貴少少唔緊要，但份量少，味道又不是可口就真令人失望！另外試了炸星洲魚蛋，$18有三小粒，凍肉舖魚蛋貨色，有甜酸醬伴隨。飲品：凍家鄉薏米水，$17算合格，有清新薏米味！見隔離檯的美綠飲品都算大杯！附註：隔離檯點選了海南雞飯，餸到時都不禁大叫，嘩咁少雞都未見過！

今日本來想去euro gogo食早餐🍳，不過見要排隊就周圍行下睇有咩食，原來開左間小南洋👀之前都冇食過，見入面座位都好闊同感覺舒服，就決定喺度食個靚早餐啦😝我叫左個$32既早餐,喺商場入面黎講算好平首先黎杯熱咖啡☕️，佢係加左淡奶既，所以飲落都甜甜地，唔肯定有冇加糖，因為南洋咖啡有d飲法都係會加糖，大家下次去食既時候可以問下🙈我唔太鐘意飲甜咖啡，不過都幾特別好快就有個<午餐肉蕃茄湯🍅通粉>通粉都幾大碗，蕃茄湯味道正常午餐肉粒係煎過既，所以味道同口感都正好多👍🏻同埋佢切到細細粒，唔覺好肥，所以成碗食晒😝🤤最後有個<太陽蛋多士🍳>深咖色既多士食落好脆，仲有炭燒既味道👍🏻上面既太陽蛋係半生熟，切開d蛋汁🥚流出黎用黎沾個多士，好好味😋 總括黎講我覺得呢間小店食物味道、座位舒適度都好唔錯，而且又平，好抵!Ps 我係趕喺截早餐前2分鐘先到既xd所以冇睇得好仔細，下次要睇下有冇咖央醬多士haha

轉左一圈在吾知想食咩嘢的情況下選擇左呢間，主要的原因是人比較少不用等！早餐時間吾使等大把位！雞翼煎蛋公仔麵：雞翼炸得香又脆，吾錯，公仔麵爽滑彈牙，應該係出前一丁公仔麵吾係普通麵，但杯奶茶認真麻麻，類似立頓茶包沖出來的感覺，一D都吾好飲!雖然幾大杯但都係飲吾落!

開業不久的小南洋售賣東南亞食物，常常也擠滿人龍，雖然這店的座位已不少。因有一張優惠券，本想今天去試試，可惜人龍太長，只好外賣吧！海南鴛鴦雞飯套餐 （$66）因我有優惠券一張，現在只需要$48便可試吃了，但外賣還要加二元。～海南雞和燒雞海南雞皮爽肉滑，沾上黑醬油或薑蓉或辣醬，有著不同的味道。燒雞的皮已燒得完全不油了，皮變得非常薄，雞肉仍滑，味道適中。～蠔油時菜蠔油不多，大部分是豉油，小白菜煮得恰到好處，菜上還灑上炸了的蒜片。～海南雞湯不會過鹹，亦不算油，有少許藥材味。～海南蔥油飯比較油，但味道討人，不經不覺已吃下整個飯。

今日端午節， 同大豬去沙田行街街，晚上搵餐廳醫肚， 去到連城廣場，見到呢間餐廳新開左唔係好耐，入面幾多顧客，心諗應該唔錯掛 就一試啦！ 拎籌等候入坐，雖然只係等4個號碼， 但都等左差不多半小時。 餐廳入面有吉位，但員工未必會即刻安排入坐。 等到肚仔發出呼叫聲了 先講下份量， 雞太少了。燒雞 ： 皮不夠脆，但雞肉係滑。海南雞： 雞肉嫩滑， 唔會太肥。 雞油飯 ： 好味，香， 熱。湯： 有少許藥材味。 但小妹喜愛有d藥材味 。餐有小食附送 ： 豆腐同滷蛋都好好味。 哈哈哈睇相好似好多餸，但其實只有3舊骨。成個餐都係份量較少。湯： GooD, 飲到湯係經時間製作。藥材味重 。 肉骨： 夠林。 不過肉較少，大多係骨。餐配小食， 要讚下個花生炆林左既花生，有滷水味。總括： 2個餐既份量都唔太多， 岩輕食者， 如果大胃王就可能要再增添小食。 但價格都合理。 味道開心小飽飽既一餐。 bye ~

朋友送給我八折優惠券，不妨一試。星期五的晚上，沙田的連城廣場更見熱鬧，等位也花廿多分鐘，也是到了我的極限！最近流行的鴛鴦海南雞，我們也來一份（例牌）$74 ，海南雞十分肥美，肉質嫩滑，炸鷄則皮欠香脆，白飯$12。由於我不是肚餓的關係，我只嘗試少許鴛鴦海南雞和凍檸檬薏米水，跟餐凍飲美祿恐龍$17是同行家人的飲品。我喜歡的凍檸檬薏米水$29，感覺健康之選，價錢略貴了！原價$132，八折優惠後$106，價錢較合理。

午餐日時間，明明入面勁多位，我一個人食就死都要你等，又唔肯拆枱，我諗你一位嘅話等一個鐘都唔會俾你入去，但禮貌上佢照派飛俾你。我等咗3個字就放棄咗，完全睇唔到佢會叫一位入座嘅可能。唔知間嘢想點

連城啲鋪頭又轉左，新開有呢間小南洋。無論門面定係裏面嘅裝修都幾靚，附近一帶都好少呢類有得食肉骨茶嘅餐廳，一於入去試吓。上菜佢哋會用餐盤上，而且賣相真係幾靚。好可惜佢哋枱面嘅設計，放左兩個餐盤之後，就已經放唔到其他嘢（如果你叫兩個餐，再加多一兩樣嘢，就已經要擺去隔離張枱。）三樣嘢最好食呢個參巴炒通菜，幾好味。海南雞飯有三種醬料，海南雞好滑，雞油飯好正。但係如果你係諗住依醫肚，就可能會嫌佢啲雞份量太少，因為啲雞係勁細舊，而且得六小件。豬髀仔肉骨茶，個湯味道唔錯，兩條豬髀仔好鞋，其他配菜份量好少，想醫肚真係要爬多兩啖飯～未試過可以一試，影相會幾靚～⋯但真係想醫肚嘅話，個人認為可以有其他選擇。