小南洋 (Citylink)

營業中

休息中

南洋咖喱豬頸肉滑蛋飯 $64 🌟🌟🌟🌟🍛咖喱係東南亞叻沙味 微微辣 拌飯食一流🐽豬頸肉切到既厚又大片 燒得香口 肉質彈牙 一啲都唔乾身 係成個飯嘅亮點🍳滑蛋就比較普通 薄薄一層蓋在飯上未到好軟滑creamy 🥦配菜有細細粒嘅番茄🍅青瓜🥒仲有大大嚿軟腍嘅薯仔🥔用QR code 二維碼點餐 但掃描後發現叫唔到門外的 lunch set 午市套餐

$48今時今日物價咁貴嘅香港，連麥當勞有時早餐都要$40-$50，茶餐廳有啲甚至要$70 $80（例如永年）。呢間小南洋嘅早餐真係估佢唔到，$42有漢堡扒、火腿粟米通粉、煎蛋、腸仔、茄汁豆、多士同野飲，仲要全部野都幾好食，尤其是係個多士，已經好多年都冇食過茶餐廳早餐嘅多士可以咁脆，加$2仲可以轉㗎央多，超正！佢呢個早餐真係又抵又好食，好出色！！發現咗呢度之後朝朝都去食好正！希望俾多啲人知道呢啲咁抵食有優質嘅舖頭！

餐廳用手機落單📱一打開，下午茶時間四種麵賣剩兩種😅所以叫左星洲燒雞叻沙米粉雞嘅份量好少，而且凍冰冰麵食左兩啖就冇凍檸茶正常但咁樣$50 真係一啲都唔抵，應該冇下次

其實呢間餐廳都開左好耐，一直都冇特別想食，今次嚟到，諗唔到食乜，連城其他餐廳又都已經試過，就試吓呢間啦。晚飯時間唔洗排隊，入面都半滿。menu都幾多選擇，有飯、咖哩飯、蛋包飯、麵、小食，主菜有海南雞、豬扒雞扒豬頸肉咁。豬頸肉都算幾厚，燒得幾香，幾彈牙好多咖哩汁，唔算太辣牛腩有大概6舊，都係好多汁，薯仔最入味都夠淋夠多汁同蛋先撈到飯牛腩都淋唔係好鞋，有少少筋見佢招牌係海南雞，都叫嚟試吓啦都有7-8舊，都幾滑，不過冇乜味，佢又唔知點解乜醬都冇比我哋，見人哋食海南雞拼其他野嘅話就有醬。喇沙湯幾濃，麵條比較少魚餅，唔係太香香料味

今午又尼到沙田連城廣場揾食，這裏頗為熱鬧，有很多各色各樣的食市，攪到我霎時間有選擇困難症，終於見到有間店舖名為小南洋的餐館，於是就入座一試。海南雞飯套餐（這個套餐包了一碟時菜和湯）$66蠔油時菜可以選擇蠔油另上或走蠔油，我揀了走蠔油。綠悠悠的小棠菜感覺鮮嫩，灼得不太腍也不太生，恰到好處。海南雞湯熱辣辣的雞湯裏滲透著少許肉骨茶味，再加上炸蒜片和葱花，提升了湯的香味，清甜可口，飲落令人心曠神怡。海南葱油飯可選擇少飯、轉白飯、要胸、要翼、走胸、走翼或加$8轉雞脾。適合不同人士的口味。雞皮爽脆，雞肉嫩滑，再點上豉油、薑葱油或酸辣醬汁，更加凸顯了雞肉的鮮味，十分滋味。

午餐時間，見到不用等位，就入咗去試吓，點知伏咗🫣午市套餐➡️海南雞叻沙$66揀咗米線，個碗好大啲麵好少；叻沙湯底有少少辣味，椰香味唔算重；海南雞雞皮滑爽，但就無乜雞味。跟餐叫咗杯熱奶茶，落單時無講過會加埋糖入去，因為本人飲奶茶是不加糖，一飲就覺得好甜，問職員時，佢回答全部熱飲都會落埋糖，聽完有啲火😡成日都唔明點解有啲食肆係會咁做法，嫌煩要放糖包比客人？減低成本？其實你要咁做，事先聲明比客人知，咁個客可以自己有選擇，而家搞到成杯熱飲浪費左😕

今日路過沙田本身想搵間海南雞飯食下係連城入左依間鋪睇完餐牌又想試下佢個咖哩雞佢個咖喱有d辣度少香撈埋蛋同飯一齊食好味道至於杯南洋啡就偏甜好岩我口味如果唔飲得甘甜就叫少甜啦而海南雞就有機會先再試

下午茶；南洋沙嗲牛肉公仔麵配青咖椰多士多士邊有少許硬但中間全是淋的，就好似蒸咁再加咖央醬喺面店員話佢哋係爐完再切，乜有分別㗎咩？但佢冇話我知，究竟放咗幾耐先至上枱呢🤣🤣

好幾次經過沙田都有留意到呢間新咖坡餐廳，前幾日見有位就入去試下，環境唔錯，都算幾乾淨企理，同埋坐得舒服，唔會同隔離台貼住坐。今次試左佢個lunch set，有一個主食再包一杯熱飲，同個frd都揀左咖喱飯，佢個咖喱調味幾特別，食落有淡淡既椰香，應該係落左椰漿，味道濃淡適中，但略嫌唔夠辛辣，比較溫和，啱晒怕辣既人士，但對我黎講辣度仲有上調空間。咖喱魚柳飯兩塊魚柳同佢menu張相一樣咁大塊，個皮炸得夠晒香脆，肉質算嫩滑，可以一試咖喱漢堡扒滑蛋飯漢堡扒就真係估佢唔到，上餐先知原來勁厚同勁大塊，入面仲要有滿滿既肉汁，勁Juicy完全唔會乾爭爭，食晒成塊真係有少少濟～Overall黎講環境同食物都唔錯，經過可以試下～

8點03分入座，08分落單13分走過嚟問我食咗野未大佬，你搞笑？？等咗10分鐘上菜食咗都無10分鐘個阿姐又走過嚟:有無野加單？9點前一定要離座大佬？我係客喎，你係咁叫我地9點前走？8點半only, come on!! 唔想俾人食就唔好俾人入嚟啦每一個客人入嚟，個阿姐都好強調九點前一定要走我成餐飯聽左差唔多10次未見過有食肆咁趕客，0 service淨係趕收工我想請問貴公司點train 人？講返嘢食，0味道可言無下次

下午去沙田連城食tea，本來想去靠得住但太多人排隊，所以改為選擇了小南洋。鋪頭算寬敞，檯距亦夠，乾乾淨淨。本來想食咖哩，但夥計話有D 辣，最後都系只有點了海南雞飯。海南雞滷蛋碗飯- 46蚊下午茶系沙田吾算貴，但份量真的確比較細，吾可以當午飯，都系茶餐廳抵D。- 雞的質感系皮吾爽，雞肉又吾滑，如果同市場上50幾蚊一個出名海南雞飯比較，真系差好遠.- 飯比較鹹同散檸蜜又幾好喔，蜜吾會太搶喉，飲落好舒服，可惜哩個只是陪襯，攞吾到幾多分

之前我幫襯過呢間餐廳幾次，都係食佢午市雞飯套餐。今日喺附近辦完一啲事要食早餐。費事食黎食去又係之前嗰幾間，所以試吓第二啲餐廳。睇到個早餐Menu好似OK所以就入座。我門口睇佢有個沙嗲牛肉公仔麵再有一碟炒蛋拼火腿拼多士所以先入嚟嘅。佢送嘅飲品都係平時嗰啲檸茶奶茶之類嗰啲，特飲就要再加錢。不過朝早都想飲暖野㗎啦。我初頭以為佢係將啲火腿炒埋入去個蛋奄列入邊，結果係分開兩樣嘢，冇所謂啦。冇幾耐，公仔麵都上埋嚟。跟住我又要最快速度食咗啲火腿炒蛋多士，因為費事啲公仔麵泡爛咗。食完碟嘢呢都有幾分飽。跟住食個沙嗲牛肉公仔麵。一上嚟我見到個色水都唔係好對㗎啦，嗰個調味唔似係最經典嗰隻啡色。佢係南洋式嘅沙嗲味，有少少酸味味咁係咪喺入邊，食得唔慣。整體起嚟。食品味道，我覺得可以更加好喎我食唔慣啦。餐廳嘅服務本身係幾好嘅。同埋空位都多唔使迫。，

諗住快閃食個晚飯，見到哩間少客，又係我鍾意嘅喇唦，即入，點知中伏。有幾款喇唦，鍾意食雞，就揀鴛鴦雞喇唦。食物講求色香味，點知成碗麵得一隻橙色，得三件豆腐乾，冇配菜，麵得半滿，唔夠食。雞件份量可以，但巢皮，又係冇配菜。收我$72，唔值！結論，唔會再幫襯！

沙田人流多係人都知，而好多間餐廳都要排隊最少15分鐘先可以入座。唔想排咁耐之下，所以去左隱蔽D既Citylink搵食。餐廳選擇好多，見到呢一間可以有新加坡同馬來西亞菜，唔使排隊下，就選擇直接入去坐低食。落單係用QR code落，簡單易用都方便的，落單後15分鐘到上菜了。。海南雞飯 ($60)海南雞飯少少正宗，會有蒜味。雞件都滑身，而且可以自選(走翼/要翼/要胸/走胸)都不用價錢，可惜湯唔夠雞味。。星洲海南雞喇沙 ($60) /油麵喇沙湯好多辣油係面，而且味道比較辣🥵，冇乜特別海鮮味。可以自選麵種 (米線/米粉/油麵/滲滲)，而我地選擇了油麵，軟硬度適中，份量適中，雞件都滑身，但整體一般。。星洲燒雞喇沙 ($60) /油麵喇沙湯好多辣油係面，而且味道比較辣🥵，冇乜特別海鮮味。可以自選麵種 (米線/米粉/油麵/滲滲)，而我地選擇了油麵，軟硬度適中，份量適中，雞件都滑身，雞皮唔脆，但整體一般。。五花肉肉骨茶($50) + 前菜及白飯 (+$10)套餐要加$10，前菜令我有點驚訝，因為有點普通。😓肉骨茶份量比較少，湯味道還可以，但只得3塊薄薄的五花肉，而且冇乜味道，感覺像白烚🫠。凍紅棗龍眼冰(

雖然我是小吃貨但我食量是偏小的，基本上米線少米線的情況下我都吃不完。小南洋的下午茶先適合精緻的女生吃，份量小小的不會浪費。但如果同行男生可能就要選正價套餐。推介大家試飲咖啡，味道香濃，東南亞的風味。海南雞很不錯，超級滑。最近幾次都點了喇沙，味道香濃很開胃。有朋友是吃了蛋蓋飯，這個沒有下午茶，但份量很大，咖喱也很好吃。喜歡吃咖喱的朋友也可以試一試。我之前吃過下午茶餐，雞的份量會比較少，不過下午茶就比較便宜。