小南洋 (Citylink)

營業中

休息中

同同事晚餐，見到啲相幾吸引啦，入到黎食啦，食到一半發現飯入面有條勁長嘅頭髮🤮🤮🤮搵左職員，佢就講一句我幫你換一碗，大佬碗飯就黎食完，換黎把鬼啊⋯⋯真係極度之嘔心，唔講了，要去廁所🤮🤮🤮

今日一早要去沙田做野，所以就去到連城廣場既小南洋餐廳去食早餐。佢之所以給我入吸引我入去係因為佢嘅裝修係比我感覺很好清新同涼爽。一入門就見到南洋特色嘅燈飾同風扇，仲有坐椅同盛餐具籃都係選用藤去做，整體感覺已經好有東南亞風情。早餐也多選擇，我揀咗個半特色嘅早餐---餐肉煎蛋公仔麵配牛油咖椰傳統多士。餐肉煎蛋公仔麵味道比較港式，開心的是午餐肉共有兩塊也是厚切的。而牛油咖椰傳統多士是選用麥包少少烘底加上適中的牛油咖椰，味道唔算太濃，有好有蛋，班蘭及椰香味。不得不說的是餐飲我叫在一杯小南洋咖啡（加花奶和煉奶），佢嘅咖啡味唔算濃厚，但非常非常之滑溜，即使加左花奶同煉奶都唔係好甜，咁晒女士們飲，飲完個口都唔會咖啡味，值得稱讚！加上呢間餐廳用咗個厚身杯去載咖啡，所以我用咗20分鐘去食呢個早餐 再飲埋杯咖啡佢仍然能夠保持住一個熱度同冇一個苦澀味，正！用40蚊就可以食到一個質素唔錯而又有南洋風味嘅早餐，我覺得都算係抵食！

又食多次佢個海南雞套餐。60蚊。我個人覺得幾好食。海南夠滑，油飯都好食，唔知有d 地方成個白飯咁 🤣套餐包有海南雞（份量可能對某些人太少，但我覺得係ok 既），一碟油菜（可以加3蚊轉鹵水蛋同豆腐，咁就可以更加夠食），一碗湯同一碗油飯。套餐本身唔包野飲，但可以跟餐可以半價到加餐飲。我就加左杯鹹檸雪碧。（加17蚊）有時得自己一個人，都唔太想入d 太靚既餐廳🤣入呢d 茶餐廳feel d 既舖頭食就啱哂！質素唔差。

今日出沙田食野，午市時間周圍都多人等位見呢間唔洗等，望落環境又幾舒服就入左「小南洋」試下新野一入座侍應隨即拋下一句：「掃一掃QRcode 落單」然後轉身就走左⋯⋯態度有待改善😓要自己用電話落單，第一個印象就係覺得麻煩有咩方便得過指住個餐牌直接點餐⋯⋯結果不出所料，個系統係有少少複雜嘅，而且價錢又同枱面嘅餐牌有啲出入，最後都係要問一問侍應先完成到🤦🏻‍♀️餐廳員工制服仲寫good food is good mood⋯⋯⋯⋯⋯⋯⋯淨係落單都搞到無曬mood🙈另外都建議餐廳唔好將餐具就咁放係枱面無野遮蓋，感覺好唔衛生特別係而家周圍都咁多細菌病毒而且餐具上面係有明顯污漬😕籃入面四隻匙羹，我揀到第三隻先用得落😣網上點完餐好快就有食物了肥牛叻沙賣相不錯，但竟然肥牛係未熟透😳😳即刻浸返入啲湯度😓不過整體味道唔差嘅～海南雞飯都唔錯雞肉夠嫩滑不過醬汁就唔係咁岩我口味最上個碟偏辣中間個碟薑蓉較單調，而且唔夠香最下一個味道太咸

企係門口等入坐，啲侍應淨係識汁枱，無人叫飛、嗰時有幾張空枱，個样又西口西面咁。好啦，坐低左又無餐具，又無人招呼。叫左個南洋咖哩牛腩麵，又要等好耐先上，啲麵硬嘅。無下次！

位於沙田火車站樓上既小南洋，屬於沙田區少有既星加坡菜餐廳之一。之前幫襯過堂食，份量擺設味道都ok 。由於現時疫情嚴峻，晚上六點後嚴禁堂食，只可以幫襯外賣。現時店舖5點後做緊外賣七折優惠，但係個menu價錢牌就無更改過，於是就幫襯咗兩個餐外賣，兩份外賣都係屬於招牌菜，分別係星洲雜錦喇沙米線，以及海南鴛鴦雞飯。海南鴛鴦雞飯有跟三隻醬，分別豉油,辣椒醬同埋薑蓉,三隻醬都麻麻地，海南雞都算唔錯，不過燒雞就完全唔掂👎雞肉又乾又嚡👎🙈喇沙就一如以往堂食咁正，喇沙湯底幾正宗，可能外賣做緊七折關係，兩個餐嘅外賣份量都係少得可憐😑令人好失望。

平日7點左右，店鋪完全不忙碌。員工之間談天說地時笑容滿面，我只是問他們要一杯水卻都一臉不滿，無有一句回覆，簡單一個「好」字也不會講，轉身就走，只會偷懶不會工作。用餐感覺十分不愉快。

🍴《小南洋》I▪️🅘🅝🅣🅡🅞「肉骨茶」：藥材味道不是很濃厚，但味道也不錯的❗️「叻沙」：湯底味道還好，白魚蛋很彈牙，還要有5粒多過，還有魚片及豆卜❗️「海南雞飯」：油飯出色❗️I▪️🅟🅡🅘🅒🅔豆卜金菇肉骨茶 🔹HKD 30星洲白魚蛋叻沙 🔹HKD 50海南雞飯 🔹HKD 60I▪️🅐🅓🅓🅡🅔🅢🅢📌沙田📍 沙田沙田車站圍1號Citylink1樓105號舖#小南洋 #星加坡菜 #馬來西亞菜 #肉骨茶#叻沙#海南雞飯 #沙田 #shatin #Foodie #Yummy #hongkong #yummy #food #foodieblogger #foodiegram #hkfoodblogger #相機食先 #photography

同老婆去睇中午电影🎬之前食個輕早餐，一入去無人招呼又唔係滿場，我見應該只坐半滿，於是對侍應話兩人就坐下。幾分鐘後個侍應放低張單，話‘’手機落單‘’就走開，又係無感情無禮貌嘅表現。兩份早餐蕃茄通粉、薏米檸檬水、兩份多士盛惠86. 價錢貴都唔算係問題，個通粉連匙上係成隻浸左喺湯入邊，同個侍應講完係冇反應嘅。薏米水有洗潔精味。咁岩又有幾個廢人坐咗喺隔離枱，未食嘢就除口罩仲不停咁咳，又不停講粗口，我只可以話間舖頭好啱佢哋嚟食。不過我哋以後都唔會幫襯。

限聚令下放假去連城廣場搵野食，果日見重有好多餐廳裝修緊，見到依間個餐牌張相都幾吸引，價錢唔算貴，又見間間都要排隊，依間唔洗排，所以入去試下，點知係一個伏開始，3個人點了一個海南雞飯，兩個肉骨茶，同2杯野飲肉骨茶黎到，已經心知不妙，同餐牌的樣，差天共地，一個淡已無味的肉骨茶，配一個過期油炸鬼，可能他們大量制作，肉骨茶應該加左好多水，令到成個咸味都無，得d超輕微的藥材味，去超級市場買d肉骨茶湯包一定好食好多油炸鬼應該放左超過2日，咬都咬不了，放入湯想浸琳D，都浸唔琳叫左杯冬瓜龍眼，個水吧可能係新來的，甜到阿媽都唔應得，我已經好食得甜，成杯野飲左一淡之後，口渴都無飲落去

沙田搵早餐食，搵到連城廣場遇見小南洋，店舖細細11點前有早餐供應電話☎️以QR code自己落單芝士餐肉蛋熔多士切開中間有一隻蛋早餐是這份跟一杯飲品味道 ok 試過就好！牛油咖椰多士早餐有多士，兩隻蛋和一杯飲品牛油🧈夠，咖椰唔夠，不是一比一多士夠香脆，還好！煎蛋🍳不錯加錢飲檸檬汁薏米水 ok紅茶加糖小南洋紅茶☕️睇都見到都好黑飲落係澀既。加糖後無乜改善。澀！⭕️全店職員戴上口罩 ⭕️進店前量度體溫 ⭕️提供酒精搓手液

寫堂食食評都好似__ __，下一秒隨時都可以變到好陌生😂呢個下午茶叫做有多少少相。話說好耐冇接觸過新加坡菜，食左好多日麥片，食下個tea醫肚！肥牛叻沙滲滲，係最好食既一碗！最愛叻沙湯底味濃，而滲滲就第一次聽，原來係米粉加油面，有咬口，豆卜又索味，口感層次唔錯。同食開開百勝廚叻沙拉麵，覺得呢度椰香味少啲，辣味多啲。肉骨茶，賣相一般。豆卜金菇太搶鏡😂蒜頭未拍扁，排骨似木柴，油炸鬼幾好。湯正常，唔多油，調味唔錯。海南雞飯，油飯可以再出啲油😂雞一般，熟蛋扮滷蛋都麻麻地好味。相信午飯好啲既，難怪最少人坐啦。

呢間餐廳三宗罪，食完今次應該冇下次1.APP過於複雜，難以自行下單而家香港有好多餐廳都開始逐漸用Qr code掃描自行下單，呢間餐廳亦都與時並進，使用QR code黎落單， 一來客人可以自行落單唔洗侍應响度等住，二黎可以減小人手，絕對係好事但係個apps寫到過於複雜， menu同個app唔相對，令客人無所適從， 除非客人日日幫襯， 否則難以自行下單， 最後需要職員協助，令人有一種畫蛇添足的感覺😂😂2. 職員缺乏溝通光顧當天香港有14宗確診個案，雖然我哋去到餐廳呢時間係1930，正值晚餐時間，但餐廳裏面只有十台左右客人，大量空位，外面亦沒有任何人士排隊候位，我和我朋友手持大量物品，獲一名男職員安排二人座位， 由於我們物品太多，同時位置太擠迫，我哋部份嘅物品已放置於通道中間， 經過交涉後，該名男職員安排了4人位置給我們， 當我們就座後， 一名女職員走過來，詢問我們的人數， 然後告誡剛剛和我們換位置的男職員，不應給予我們四人位， 雖然最後他沒有叫我們再次換位置，但這感覺不太良好，好似佢哋完全沒有溝通😂😂3.食物份量太小六十零蚊一個海南雞飯套餐，今時今日响香港黎講真係唔算太貴，仲要响商場入面食

經過沙田 隨便找了間餐廳醫醫肚 今次離到連城廣場 試一試新加坡菜🇸🇬 海南雞飯🐣 $60海南雞叻沙米線🍜 $60 整體食物質素 環境及服務都不錯👍🏻 海南雞胸嫩滑 而且油膩感不會太重 減肥不錯之選🤣小南洋地址 : 小南洋 (沙田)沙田沙田車站圍1號Citylink1樓105號舖#小南洋 #新加坡美食 #沙田美食

一行3人去食午餐, 朋友話想食海南雞, 咁就中左招喇! 我地叫左海南雞喇沙, 燒雞喇沙仲有個肉骨茶配飯. 等到食物到左, 海南雞同燒雞都無俾醬汁, 諗住可能好味所以唔駛俾醬汁啦, 點知一食, 海南雞完全無味,燒雞係唔熱嘅, 連皮都係"淋"晒嘅, 諗住肉骨茶會好D啦, 點知都係無味. 本身餐廳座位已經係徧窄, 坐得唔舒服, 再加上食物完全唔得, 以後都唔會再幫襯.