小南洋 (Citylink)

營業中

休息中

早兩日同朋友去沙田附近行個短途山，行之前嚟左呢度食brunch，食完就覺得可以唔駛再黎了….⭐️海南雞飯(轉雞髀)💰6️⃣6️⃣由於我好怕食到唔滑既雞，所以專登加$6轉雞髀，但係嚟到見到有接近一半都係唔滑的，而且佢既海南雞係無海南雞皮下面應該有既一層啫喱，好失望……佢嘅雞飯亦都係唔香，口感仲好濕，都幾難食…..😐🙄反而個湯有種好突出既藥材甘味，同平時海南雞通常配嘅冬瓜湯有啲唔同，呢樣都幾特別～⭐️燒雞喇沙摻摻💰6️⃣0️⃣個喇沙湯賣相幾吸引，飲落幾香椰味同帶啲辣既惹味，都唔錯👍摻摻既油麵唔會太淋，米粉爽口，不過用筷子一夾已經見底，份量少得可憐…..😕燒雞望落幾靚，肉質OK，但係只係常溫，如果熱啲會好食好多🙈整體黎講呢個價錢我相信有唔少更好既選擇。。。

一去到沙田我位公主就食好想去小南洋食飯因為有佢鍾意飲嘅美祿恐龍🦖 。講番間餐廳先，餐廳位於沙田站連城廣場，交通方便，店舖環境算整潔而且寬躺舒適，但店員方面服務只係不過不失，其實可以做得更好。 而家仲可以用手機QR code自己落單，非常方便！不過如果唔係因為我個女鍾意食，我諗我未必會選擇😅因為沙田實在太多選擇❤️今次我哋食咗星洲雜錦喇沙滲滲，有白魚蛋豆卜蝦同海南雞，湯底味道濃郁但唔夠椰奶味辣度就啱哂我☺️ 滲滲係油麵戲同米粉混合，口感特別。另外就係嗌咗每次都會叫嘅海南雞飯，雖然啲雞都幾滑，而且份量足夠。我唔太喜歡嘅原因因為啲雞係室温上，加上佢哋嘅冷氣，即係凍上。 每次都會嗌嘅美祿恐龍，跟餐都要加$17其實有啲貴，但份量都幾大杯味道亦都夠濃郁，阿女就最鍾意食晒面嘅美祿粉先品嚐杯嘢飲🧃 今次額外叫咗牛油咖央傳統多士套餐。 雖然份量偏細，不過味道真係幾好味，多士香脆，中間牛油加滿滿甜甜嘅咖央醬，不會太甜又夠滿足感！

星洲雜錦喇沙滲滲 $68有白魚蛋 豆卜 蝦同海南雞感覺上所有東西都是分開煮的魚蛋就好彈牙 豆卜好新鮮 唔係鄒蚊蚊嘅滲滲係油麵和米粉混合湯底唔夠椰奶味 辣度就剛剛好+$8小南洋紅茶 +煉奶+花奶真係估唔到 比較水 同冇奶味🥲只係飲咗一半Total$76 真係唔滿意🥲

位於沙田站連城廣場，地點交通方便，店舖環境整潔，寬躺舒適，店員服務不過不失有進步空間，我哋一行二人平日午餐，唔使排隊直接入去，用手機QR code自己落單，方便，我哋都係一齊叫左個海南雞飯，嘢飲要另計加錢，海南雞都算滑不過冇乜驚喜，只可說不過不失，油飯粒粒分明不過沒有油香，擺碟好求其食物飛晒出嚟，落單嗰陣時可以選擇走海南雞某部份，我選擇了就走胸，但係到頭來都係照俾你，咁做乜嘢要比客人選擇呢？？整體有待改善。

好味指數😋😋回頭指數 ⭐️開心指數🤗沙田一向都多嘢食，但人都好多，遇啱煩忙時段要搵食都唔太容易，因為有少少趕時間，朋友見到呢間有位就入去試下，點知又中伏！😅🍴南洋咖哩牛腩配法國麵包（$56）其實晚餐時間知道要食嘢，但又唔係太肚餓，就揀咗配法國麵包，呢個都可以配飯嘅！嚟到見到個咖哩好大碗，都幾多料！試下個汁先，嘩，好香呀！好濃厚，好好味！個法包都幾大個仲好香脆tim，滿心歡喜中！點知… 又係牛腩出事，勁勁勁韌，唔係好易咬開，咬到我勁攰！咁多舊牛腩中，得一半可以勉強食到，其他要放棄！😑🍴凍奶茶 + 煉奶（+$11）個奶茶有少少嚡口，加咗好有甜味嘅煉奶後，未至於難入口嘅～好味指數係完全歸功於個咖哩汁同個法包only，成餐就好似冇咗個主菜咁，只有食咖哩汁包… 我唔太肚餓jei，都唔使咁對我丫～ 好難再回頭！🙅🏼‍♀️

📍小南洋 ，沙田 Shatin肥牛叻沙 $68肥牛數量算多！！同埋肥牛唔會有太多肥膏👍🏻👍🏻 不過湯底味道就爭啲, 雖然顏色好似好濃味, 但一食就覺得湯唔夠濃同埋太油😅海南雞飯 $60海南雞飯跟左一碗湯同菜。不過碗湯完全無味😅😅。好彩雞同飯GE味道正常，無驚喜但都唔算差。整體感覺尚可 ，沙田周圍都好多人等位，如果咁岩經過唔駛等位可以試下。但如果想特登走去試, 就真係唔駛啦🙊🙊🙊

話說今晚非常肚餓，本來諗住食越南野，點知滿座要等位，咁見對面間小南洋冇乜客，心諗咪試吓新野囉，點知就真係想講句我知錯了，我應該信自己對眼，間餐廳冇乜人，仲走入去！？點完餐未夠五分鐘就唻齊啲食物，首先嗌咗燒雞喇沙，咦，個碗咁細既？我以為點咗兒童餐，心諗唔緊要啦，好食咪得囉，點知一食個燒雞，嘩，凍既！咦係咪搞錯咗？我叫燒雞唔係海南雞喎，我問個侍應，係凍食架？侍應話係呀，室溫。嘩大佬，你開緊冷氣喎，室溫咪即係凍？凍既燒雞咁盞鬼？然後到個海鮮喇沙，碟軟縠蟹係硬既，唔脆，應該係擺咗好耐之後整熱佢。再唻，隻蝦係冇味既！再唻，隻帶子係韌到車胎咁，我阿婆唻食一定假牙都飛埋出唻！最最最大既大佬係杯龍眼水，嘩！糖漿唻既？！我飲一啖即刻feel到成個喉嚨畀糖漿痴住咗！！我覺得好難得，成間餐廳可以近乎所有野都錯，令我相隔多時再出山打食評，所以佢係得既。公平少少啦，碟雞翼係ok既。不過人生食野quota 寶貴，呢間真係請都不了，真上了一課

呢排健身成癮，要食多啲protein補補身！今次選擇位於沙田連城廣場2樓嘅小南國，叫左2個有豐富蛋白質嘅肉類飯，分別係海南鴛鴦雞（海南雞＋燒雞）＄74同豬髀仔肉骨茶配前菜及白飯＄70加＄10。海南鴛鴦雞（海南雞＋燒雞）＄74一次過滿足2個願望，但份量較小lol海南雞好滑，好嫩，燒雞都唔錯，但完都唔夠飽。豬髀仔肉骨茶配前菜及白飯＄70加＄10豬脾有少少鞋，肉骨茶普普通通，可試可唔試，ha。總結，平平無奇嘅一餐，快快醫飽肚ok啦。

無下次!兩個人行過小南洋, 諗住試下就入左去食.叫左:酥炸軟殼蟹 - $50南洋咖哩牛腩配油酥餅 - $66雜錦肉骨茶 - $90加左個飯, 仲有兩杯嘢飲首先尼左碟酥炸軟殼蟹, 一上枱望到個賣相同個份量我地2個都呆左, $50得一塊嘢好似有啲少.我諗$50值得有幾條墊底沙律菜/一片檸檬/沙律汁? 多一樣都好睇啲.可能味道搭救到啦😂... 係冇架！！！- 身體部份非常腥臭, 係要lur出尼嘅程度- 炸粉上得唔均勻(亦好影響賣相), 有啲位得硬脆嘅炸粉, 有啲位得唔軟嘅蟹殼, 該硬嘅地方唔硬, 該軟嘅地方唔軟, 一啲都唔鬆脆- 冇軟殼蟹嘅香味到南洋咖哩牛腩配油酥餅油酥餅得個一塊, 咖哩得個一碗. 盛惠$66🙃牛腩好韌, 一啲都唔淋. (原來以前都有食評講過, 早知嗌之前check下先...)但咖哩味道係ok ge...唯一好啲係肉骨茶, 佢係新加坡式肉骨茶, 即係冇藥材味, 但有濃郁胡椒香味.味道係可以嘅, 但唔會話特別濃郁啊飲到係慢慢熬出尼, 我諗都係湯包, 湯粉加嚿肉煮下咁啦.料尼講, 豬仔脾, 豆卜, 豬腸, 豬肚個啲,每樣2嚿囉, 多佢唔多少佢唔少.嘢飲冬瓜龍眼同凍咖啡, 正正常常

今日行開連城廣場，所以上左二樓搵食。朋友想食海南雞，所以揀咗小南洋。入到去職員會俾QR code你自己落單，但係個code完全唔work，我最後都係要叫職員落單😅😅😅食物到左第一個感覺係份量較細，雖然賣相唔太差，但亦唔叫igable。另外，有一個好強嘅感覺，就係職員中氣十足，佢叫「小心後面」嘅時候真係俾佢嚇到個心離一離。（仲要兩職員都係咁🥲）到食物啦，我朋友叫左海南雞飯，我就叫豬仔髀肉骨茶加飯。其實肉骨茶味道不俗，但係當日實在太肚餓，所以完全覺得唔夠食。仲有朋友碟海南雞飯，啲雞真心細舊，應該好啱雀仔胃嘅朋友😂利申：我哋之後要再去食x記甜品先啱啱好夠飽

Little Nanyang, South-Eastern Asia cuisine!I went to have my lunch and found not very full recently. Chicken rice is fairly good, but you can have better one in others. Basic services and suitable for lunch by 2-4 people.

今天突然想起了這間很久沒有光顧過的食肆，於是放工就去了買外賣。因為這間食肆的座位偏窄同埋食物一般，每次叫燒雞唔知點解仲是有一半沒有了皮，而湯亦會在運送中浪瀉好多出黎，我覺得略欠誠意，所以只會很久才光顧一次。不過，不可一提的是小南洋的熱鴛鴦同埋熱咖啡真係值得一讚，調得幾好味。我是第一次光顧這間外賣的，但發覺原來現在更加無誠意，雖然係下午茶啫，但飯份量少，同個膠盒比例就睇得出，雞無味道之餘連醬料也沒有隨餐。我和我的家人已經決定以後不光顧這間下午茶了。今天我選了海南雞滷蛋飯配熱檸水，燒雞滷蛋碗飯配熱鴛鴦，南洋咖喱牛腩飯配熱檸茶。海南雞滷蛋飯，雞沒有味道，飯超少，想起現場食午餐，雞既份量都係差不多，也是沒味道，但自己可以用隨餐的醬料，蠻可以的。燒雞飯，也同樣無味道，連雞皮也沒有一半，亦沒有醬料隨餐，哎！只是隨餐的滷蛋有醬汁，較有味道。南洋咖喱牛腩飯，咖喱好有椰香味，送飯一流，但牛腩就比較少同韌，唔夠淋。這個咖喱牛腩飯如果午餐食，熱辣辣的，雖然牛腩都唔係淋，但熱辣辣食又另有一番風味，午市堂食是值得推介的。最無誠意既係飲品，當我拿著外賣袋行了一會後，望望個袋，原來其中一杯基本上係由我開始接手時已經

第一次到小南洋，安排的二人桌桌面很細小，桌上還放了隔板，無錯，係放，其實經歷了年半疫情，安排隔板應該不是新鮮事，不明白為何如此馬虎！桌面已十分細小，隔板沒有穩固，進食途中，整個隔板掉在地上，員工執起便又再放桌上，我介意的是剛在地上拾起的東西，在我進食期間在我旁晃來晃去，有欠衛生！食物方面，喇沙味不濃，而且料不足。軟殼蟹喇沙內只有兩片魚片、兩件豆卜，還有一件爛的豆卜，好似被咬爛似的！此價錢，不值。亦只有這一次。

星期六14:45分入座，已經無曬茶餐。之前等位人數已經唔似同層其他餐廳咁多都可以混亂。叫左個咖喱雞薄餅，咖哩有一碗，但係餅得一塊…Hello喂雀仔啊依家？我一個女仔都唔夠飽之餘，齋食咖哩食到個胃好唔舒服，結果要叫多個餐蛋麵先叫填飽個肚。其他餐廳排曬長龍得佢唔係真係有原因嘅

星馬餐一向都係我喜歡。喇沙， 奶茶是其中喜歡的食物之一。 推介一下其奶茶， 一般茶記多數只分為， 奶茶， 茶走， 咖走。 但尼間就有煉奶，花奶一齊選擇， 比較新穎。 鴛鴦雞喇沙$66 雞都滑， 但我覺得性價比唔高， 因為雞件數小而細。 有兩件青瓜係下面，麫量就ok 肥牛喇沙肥牛有3-4件🙄， 下午茶餐麵量唔算多。 但好似唔夠香濃。 🙄$44跟一茶熱飲， 不過不失😀沙嗲串燒（豬牛雞）$40/3串尼個味道好普通同好細， $40/3串唔抵食