小南國 (已結業)

跟男朋友一起換智能id,之後到此吃晚飯, 早就訂了位. 去到一樣要等. 等了約20分鐘, 知客竟叫我們坐在門口那張枱. 我臉都黑了, 向她表示我不坐這裡. 於是, 又等了10分鐘, 被安排到一張偏遠的枱坐. 無可否認, 這張枱很大, 坐得舒服, 是一張四人枱. (因為全間店只有兩三張二人枱)坐下來, 想點菜. 因為坐得遠, 叫了很耐才有侍應來. 叫了小籠包, 一碗酸辣湯, 蟹粉豆腐, 涼伴面, 雞絲粉皮蒜香骨... 上菜了, 先來酸辣湯, 那個"高級侍應"拿過來, 大聲對先前幫我們落order 的侍應說:你下次不要再落一碗, 無一碗賣, 咁麻煩! 真的一肚火. 小姐,一碗酸辣湯都有印在menu, 要是不賣, 請不要寫在menu 內. 兩個人, 唔通要一窩咩!! 我又不是只叫一碗酸辣湯, 沒叫其他.其他東西就算好吃都補唔翻!!!最討厭食飯好似要受氣!奉勸大家, 兩個人吃飯千萬不要來小南國!

約六個人出黎食飯出下出下得返四個希望唔得閒果兩個無咩事啦朋友話大孖沙都係小南國食飯驚好貴喎結果又喜出望外喎蟹粉小籠飽食唔出有蟹粉湯亦唔夠多外婆紅燒肉係最好食既一個四個人一人都分到兩舊多尐一口將成件肉連埋少少木耳夾入口度一邊係勁肥既肥豬肉一邊係瘦肉加埋木耳既爽口令人雙眼自動瞇成一線真係非常滿足同過癮其他呢蝦仁蛋炒飯咪係蝦仁同蛋炒飯囉沙碢雲吞雞份量好大飲湯同食雲吞可以飽不過湯方面的確係雞湯的確係史雲生對味精相當敏感既我即時手震反白眼要食的話千祈唔好飲咁多湯裝修幾好服務唔錯最鍾意佢全面禁煙中式黎講真係唔易做到當然都要讚賞果位成晚又真係配合到唔食既朋友啦埋單一人唔駛一百蚊「抵喎」「下?但係食左好少野咋喎」「下?但係好飽喎」「下?咁又點?」大家對一個抵字既定義真係好唔同呀下

我們一行9個人要了8人套餐和散叫了幾碟菜,味道很好,又有特色,環境亦很不錯,跟一般酒樓式的餐廳不同..8人套餐包括:-醉雞-茄子冷盤-百葉卷-心太軟(紅棗釀糯米餡)-八宝鴨-小籠包-阿婆豬肉(似肥猪肉+ 饅頭伴食)-毛蟹+炒年糕底-蛋白扒波茱-花生酥,合桃酥, 紅豆卷-生果盤散叫了:-毛豆百葉-炒年糕-陽春麵每样都很出色..100分!!!!~~

環境幾好, 坐得幾舒服, 待應服務都唔錯. 可能我地叫得太多野, 張台唔夠擺菜. 其實都幾個月前去, 唔係好記得叫左乜野食, 大約記得呢三樣.小黃魚-炸得岩岩好, 好脆.小籠包-不過不失上湯莧菜-幾好味, 不過幾多油.總體黎講值得再去,

昨晚同三人食飯，食了6個菜+2個甜品:3條小黃魚-- ok蟹粉豆腐--- 自己很喜歡食豆腐，覺得好滑，好食砂鍋雲吞雞-- 好味灌湯生煎包-- 好味，真係會飛汁肉汁薺菜百葉卷-- 清清地，好食炸栥飯--- 無諗過$18/3條，有咁大條，3人實在食唔晒桂花拉糕--- 幾得意酒讓丸子--- 太甜杰杰地，麻麻地雖然真係唔係好夠人手，但Waiter 服務好好，我地叫菜會比意見我地，菜出得好快。我地食完唔會趕走，仲叫我地慢慢坐，好滿意。

星期六一行六人到小南國吃飯，於星期四訂位，雖然訂坐時說明要海景位，不過最後都係無。訂位時預定「香酥八寶鴨」及「三式拼盤」。到達時部長極力推薦我們吃六人餐(較貴的一個$15**)，坐下不夠十分鐘，已問我們三次:「有什麼可以幫你，不如吃六人餐啦!」其實都我們也沒所謂，因為這餐是為父母的29結婚週年已吃的，不過他的"幫助"方法便不太認同。餐單有如下東西:1. 冷盤(四樣)2. 上海龍蝦3. 海參4. 八寶鴨(原為水煮牛肉)5. 小黃魚6. 菜7. 生煎包8. 三式拼盤(原為湯圓)9. 生果因為改左一d菜式所以要加多$150。食物的味道不錯，龍蝦不是跟面而係年糕;拼盤只屬一般，只吃其手功。但係服務真有待改善，一間房有六張枱，但只有一個待應及一個部長，部長只負責落單，人手真的不足。另外可以真為人多的原故，好快就收野，就算未食完都收(餘下少少)，最搞笑係當我地張枱仲有三-四樣未食完，佢已經不停咁問「上甜品未呀?」，最後果次我同佢講「要上個陣先叫你丫，唔該。」佢先冇過黎再問。

月中的星期六，J話要帶我去試這裡的炸小黃魚，因為佢上次與同事在銅鑼灣分店試過之後覺得好正，所以近近地就來了這間。入到個商場，嘩！好靜呀，人流少得可憐，但估唔到入到去小南國之後，裡面都有好多客，幾乎full哂！由於只兩個人，叫食物方面始終有限制，我地叫左三條小黃魚(佢話要食足兩條)、一大碗菜煨麵、上海炒年糕及薺菜鮮蝦豆腐煲。每様味道都比較清淡，J話様様味道都好近似，鍾意濃味的他，就好似唔係咁啱佢口胃，但我就覺得唔錯，不過由於只得兩個人的關係，我地都係食唔哂，成個豆腐煲幾乎我食哂，真係飽到動不得！比起上次又一城那間火百合，食左等於冇食咁，同今次好唔同。尤其個年糕，今次食剩的就好似上次剛上枱時的份量一様，而且每様食品的價錢都平均比火百合平。有機會都會再來試下其他食物，不過食完後都有口渴，我估都係有唔少味精架啦！P.S.人手好似好唔夠咁，個個都好忙，好難先可以搵個人來！

昨晚我約了幾個外國來的朋友去了這家較有名气的餐廳，去了之后真是百聞不如一"吃"不論環境、服務、菜式真是一流。那螌粉小龍包皮溥好吃。尤其有一個穿黑色西装大大眼的先生態度親切又專業介紹了一些松子黃魚、清炒蟹粉之類地道的上海萊給我們。总的一句：一個沒有去錯的好地方

我地兩個食左小龍飽,叉子燒餅，羅蔔絲穌餅，薺菜百葉卷，坦坦麵，五樣野$176埋單!ok但叉子燒餅一d都吾熱，小龍飽皮吾夠簿，湯都幾多!總括哩講ok啦!

朋友生日飯, 有人提議試呢間, 一行十一人就黎左食晚飯.有人訂左位, 當日我再打去問, 有咩菜式要預訂, 接電話的receptionist (估係) 都幫到手, 雖然過程中佢要接其他電話而中斷對話幾次, 但基本上都有問必答, 比到有用的建議, 態度亦唔錯.坐低之後, waitress推介套餐, 不過朋友們想散叫, 點左:燻魚----對呢味無咩研究, 個人認為不過不失.灌湯生煎包x 2----真係一咬落去就飛汁, 肉汁豐富, 大家未食完就叫追加.薺菜百頁卷—純粹個人喜好, 都過得去.粢飯糕----無試, 據報一般.砂鍋雲吞雞—雲吞好多菜, 好岩我口味~~紅燒肉—呢個幾好, 入味夠腍, 又未至於溶溶爛爛.皮蛋豆腐—見d豆腐片到薄薄咁, 賣相幾好, 不過印象中響南北和食過一味豆腐菜, 片得仲薄~~香酥八寶鴨—要預訂, 做法除香酥之外, 可揀紅燒. 比想像中細隻, 但鴨肉酥、嫩、腍, 鴨身內的糯米又入味, 唔錯喎.糯米蒸排骨—有人響老銅分店食過, 要翻兜. 糯米太濕太多, 無論賣相同味道, 都似排骨糯米飯多d囉, 人地話以前食過唔係咁架喎.石燒蒜蓉飯—好香, 蒜蓉落得夠, 飯都算乾身, 正!

年29去食飯, 果晚好多人,雖然頂o左位都要等,一去到位,知客的態度好好,其中一位姓時的笑容燦爛又有耐性!!!!!其他待應服務態度亦不錯.....食物質素也好好,價錢亦合理!!!!下次會因為知客態度好好而再去.....

放完煙花, 同男朋友試下, 砂鍋雲吞雞,橒米排骨,小龍包, 雲吞雞好大窩, 食唔哂. 價錢唔貴,味道都ok, 好過"新天地"

昨晚訂左台試, 2個人其實都試唔到d 咩...好彩d 點心都唔係好大堆頭, 價錢唔係貴(食鮑參翅肚, 蟹粉, 海鮮另話)特別訂台時定了合桃騷+ 花生騷1客..... 但真係非常失望囉....我特意來試這道小吃, 可惜看來不是師傅之作, 只是一般廚房學徒的失敗之作... 味道差不多喇.... 同怪師傅教既咁上下味...但論外型... 好核凸=.=3粒合桃, 2粒爛左, 爆肚...3粒花生, 好求其... 遠望玩形似, 近望, d花生紋好求其...服務都唔太差, 但真係明顯唔夠侍應囉, 一個房, 得1個侍應, 有時更要去巷出面照顧埋d台, 叫野都等了一會先落到單, 但侍應都算交帶,我們叫了,百頁卷-- 冷盤, 都好味,上海癡飯糕<--- 要快吃, 熱食, 但最好幾個人都叫一份好了, 因為好易飽... 18/3條桂花拉糕<--- 口感幾得意, 上期飲食男女介紹18/3件, 煙un但唔癡牙.. 甜左少少d桂花糖清炒河蝦仁<--- 138.00 ..... 其實呢味我覺一般,爆汁生煎包<-- 呢個真係正... 成晚最好味呢個... 爆汁... 好味... 20/5

星期日係個度食團年飯，叫左好多野食！多到都唔記得左啦．．．但係個個翅真係令到我好難忘！ｄ湯係用成隻金華火腿肴出黎！ｄ翅真係夾到黎食咖囉！但係價錢就真係貴左ｄ啦．．個日十幾個人．．　食左５千幾蚊．．

日前去了小南國，叫了蟹腿炒露筍，加幾個冷盤，及辣椒子雞、黃金大蝦及炒菜。先講黃金大蝦，成四五十蚊隻，唔算平，但勝在夠新鮮。辣椒雞唔夠辣，而且碎得滯，但都算幾香口。最貴係個蟹腳，成五百銀，真係估唔到會咁貴，係幾好食，而且蟹腳夠多,但問心講個句，都係貴左。最奇怪係,都無叫埋單,佢就自己夾硬來幫我地埋單，離晒譜，仲一句sorry都無，頂丫。