小南國 (已結業)

尋晚同屋企人食晚飯, 去左小南國.尖東地點比較隔涉, 諗住唔會好多人啦. 但係都循例book 下枱.book 枱的小姐態度都幾好, 不過佢話book左枱都可能要等等... 心諗... 唔駛呀嘛.一家人去到小南國, 估唔到真係坐無虛席. 不過都只係等左十分鐘左右.一家五口叫了兩個二人餐, 另加一些小食和醬鴨.每道菜都好好味.最好的是, 無乜味精, 返左屋企都唔覺得口渴.值得一讚的除了好味之外, service 都唔錯. 一個waitress serve 大概2-3 枱, 仲主動幫我地跟單.要大讚的是:我地五個人, 佢地免費送多兩粒小籠包. 因為個餐本來應該得四粒小籠包, 見我地唔夠分, 上多一粒. 仲諗住佢地會charge 返, 睇一睇張單.... 無喎!! 真係非常好!!而且仲有大大個海景.... 超正! 環境又舒適... 一家人今餐食得好開心!

According to the waiter, the freshwater crab as part of the set menu is not as good as those in a la carte. Made a big mistake. Should have asked the waiter to prepare the freshwater crab for us. Need to remember that not everyone, especially the lovely birthday girl, can handle the spiny crab. Overall not bad la.

今日約左班同事去食左尖沙咀中心分店lunch, 已預早一日訂位, 但卻被安排在一個角落的坐位.不過能夠見到海景,亦算不錯現正是十二月，但入到餐廳卻覺得非常"焗"及"熱"!冷氣好似壞０左一樣.我地有十個人，個waitress介紹個套餐比我地睇，不過都唔係好０岩食，於是我地要求個部長比個另一個menu我地自己叫.嘩，我班同事即刻見到佢面黑,今時今日，咁既態度點可以忍受?食物方面ok,不過仍然覺得翡翠拉麵比較好食,但係總算ok，有個小食　"粢飯糕"　可以一試，雲吞雞，小籠包等亦above average.不過，最令人反感的是埋單時，0個位部長哥哥比張單我睇時，同時間-我要強調係"同時間"- 與隔離檯以極度流利的上海話寒暄0左大約大半分鐘.可惜我冇DC，無法拍低佢當時既"美妙"姿勢，簡單０黎講係伸左張單出來，但用個背脊對住我！如果佢擺低之後同人傾計，我無所謂. 但佢只係: 一直揸住張單，一直同人傾計，一直用個背脊對住我.我唔需要佢好似"和民"咁跪０係度落order,但係起碼結賬時都比我睇到佢個樣呀!呢種差劣的態度令我不會再去,特別係尖沙咀中心分店,翡翠拉麵無論食物，態度都比佢好，點解要委屈自己

今天和媽媽,妹妹三點左右到達.三個人點了小籠包:20元5個:夠熱,鐘意點醋的薑絲生煎包:20元5個:唔夠熱,好處有湯汁,唔會好乾,妹妹和媽話最好呢呢個因為下午時段有些款式做半價,可以叫多少款視乎人數而定.我們3個人可以叫1款:點了八寶年糕:38元.好多油,有蝦,豆腐,和細細粒的年糕,幾細碟三個人連埋茶錢加一$121服務唔得,己經唔算多人,叫斟水又要揭下個蓋\,好似幾唔願意,走時又唔會講多謝,真係要訓練下禮貎啦

話說,上星期六,我同幾個朋友在尖沙咀搵食,個朋友話尖沙咀中心有間野好多人,好似幾好食,一於就去試下喇..一去到就俾佢地赫親,咁多人諗住實有排等喇,冇耐又有幾個人來位..等了數分鏡,後面幾個大漢突然上前對住個知客話:喂,有冇攪錯呀,等咁耐,冇位就出聲啦,至多咪去第二間.個知客被人咁,都仲咁好好笑容,態度又友善話:先生,唔好意思,幫你安排緊,第二張就到你喇.人家都係受人二分四,洗唔洗咁惡呀,難怪佢成面暗瘡啦,哈哈!!等了十分鐘左右就入得去喇,個地方真係幾唔錯,粉飾得都幾好,不過坐位就較窄.佢地班手足做野話頭醒尾,有個性馮的男生態度好親切,又介紹了幾道招牌菜.道道菜都很有水準,而我最鐘意就係那個"乜乜小黃魚",價錢算合理,每人百一二元,我一定會再來的.^_^

初初開0既時候有去食過,前幾日再次去,知客有笑容咁講歡迎,不過回應返下面果位食客, 我都做過侍應,如果妳試0下知客做0下侍應,佢0地都唔會笑得到咁燦爛,佢0地淨係帶位,等係笑得出,侍應要對住0的客相對比知客耐幾多先得架!!入返正題,依家好似多0左0的新面孔有個個樣好細過,唔知係唔係part time 0黎,雖然見佢有0的驚青,但幾有禮貌,個姓都好特別,好少見到但其他都唔差,我同朋友嗌0左四喜烤夫、擔擔面、秶飯糕醉雞........ 最好食係個烤夫唔知係唔係我唔識食,覺得酸得0黎唔太欣賞..粢飯糕好食!!好好食!!下次一定要再嗌過,仲要試埋個生煎包先得!!

上星期五,我和五,六個朋友到尖東小南國食晚飯,呢度D 灌湯生煎包簡直無得頂,會爆湯嫁!!!!! 醉雞酒香,味度適中!醬油毛蟹炒年糕,醬油炒好入味,年糕很煙un!松子桂花魚,四季豆都好好味,雪梨雪耳水係我最愛,好淡好清,有搾食,一流!!!!!以香港上海菜黎計,小南國真係好好味!但D 服務態度好差,好似講知客咁,一入門口其中一位(條絲巾唔同色位),好有禮貌,有燦爛笑容咁問我地幾多位,而另一個高高地廋廋地黑黑地位就無表情,帶我地埋黑口黑面,好似黎食飯會增加佢工作量咁,埋單時態度又差,唉......總之佢說話,面口都好似得罪佢咁,希望小南國係呢方面改善一,如果唔係,幾好食都無用la !!!!!!!!!

有一日,我帶一班客人到尖沙咀小南國食晚飯,當食完飯,有一位知客,姓陳(好似),高高瘦瘦黑黑地,我叫佢幫我寫返張收據,佢即刻咀渺渺咁,黑口黑面,好似好鄙視我咁,其實又有咩咁出奇呢?我公司要報稅,難道我要收壉係我錯??????最激心係,我問佢係咪第一次寫,佢竟然答"係呀",嘩,當時一刻幾無面呀係班客面前,枉我仲經常帶客黎食飯,以後都唔知再帶唔帶客黎食飯好!!!!!我都唔明小南國知客服務態度咁大分別, 企門口著唔同色衫,應該係阿頭,姓"時",態度真係完全唔同,好笑容又好態度,真係差天共地,好心呢位"陳"小姐學阿頭la ,寫張收據嘟,唔駛狗眼看人低呀嘛!!!!!都唔明,小南國無入職前訓練咩?????各位,如果要帶客去食飯,諗清楚要唔要收據先好呀!!!!!

同屋企人去依間分店食,入到0黎有知客笑住講歡迎光臨幾有禮貌, 入到去嗌0左生煎包仲有''痴''飯個生煎包好好食,但個''痴''飯就咸0左0的仲有嗌0左個醉雞仲有其他服務ok,但有個黑衫幫我0地寫菜果陣好似等得唔係好耐煩咁,仲有見佢成日周圍話0的侍應,真係好似個老板咁可能間野佢有份架啦,不過佢搞到個個侍應原來有笑容都俾佢話到冇哂0羅~0.0 鄧佢0地慘,搵餐晏仔都俾人話到死狗咁

中秋節晚,我係小南國訂八點,咁係屬於二輪,所以我地一家大細十幾人,有老有嫩大概七點九左右到等,等三個字左右,唔知係咪太多人關係, 我家老人家覺得好唔舒服,可能個知客姐姐留意到,佢就好好人咁,好快速地搬張比老人家,仲好有禮貌地話會盡快安排比我地,呢位知客個姓好特別,姓"時",再加上佢有係笑容,所以我好記得,係咁忙咁多人時侯,仲可以有笑容,你話值唔值得一讚!!!講到食,d 生煎包真係無得頂,簡直係灌湯生煎包呀,又平,油撈面,馬蘭頭百葉卷,心大軟,都好好食,環境好,入面待應服務都ok,都值得去,上海菜黎講小南國價錢同質數係抵食!!!!!!

超級勁差..... 差到無人有....都未食過咁差既上海菜......款式又唔多.....d野食又普通....地方細..每張table同table之間好窄...成日撞到其他食客....d waiter好多....但係又唔係招呼周到....而且水準好低.....果度最好都係個裝修....~總知一句差!差!差!~請我都唔會再去.....

前兩日,本人約三五知己去尖東小南國食飯,之前都去過銅鑼灣，但銅鑼灣唔好食,就試下尖東咩環境la.我地book7:00.一去到.簡直多人到好似唔駛錢咁.咁就唯有等la.等一陣,見到有班人猛咁話個知客.問佢有未.仲要等幾耐呀.呢D咁衰.最攪笑就係.個知客”時”用D幾好態度同個客講唔好意思D.個客人D態度勁差.仲反話知客時態度差.鬧到人地眼濕濕.仲話要投訴人.如果人地態度真係差,你投訴係好應該,香港人真係好鍾意屈人,人地都係打份工.唔駛咁呀,就算係book 未有位.都係小南國經營手法有問題.應該投訴高層.並唔係小卒.D好好食,好食過銅鑼灣舖.鍾意食上海菜朋友,呢間值得食嫁.

我們一行三人, 早於兩日前已經book o左星期日7:00pm....我地當日7:00到逹, 見到門口企滿晒人. 以為係因為冇book位所以企係度等. 到時先知企晒係門口度o既係已經book o左位o既人.....我地一路企到7:30pm, 眼見book 7:30pm 9位以上的一個又一個咁入去... 而我同其他3,4,5位的人(有D甚至係book o左6:30pm)係咁齊企(又冇位坐), 一路有好多好多人係度鼓譟... 我地一路等到7:45pm 先有得入去...[重有個小插曲係有個類似經理o既物體竟然係咁多人面前唔理個recept, 放兩個類似日本人o既物體先入去... 又搞到等緊o既人一路起哄....去到坐的地方, 見到的是一些摺椅....而地下有一把風線吹住間房.. 好明顯係一個臨時的地方.... 食係幾好食.... 不過企餐死之後重要坐D咁o既房就真係冇下次啦....我勸大家去小南國食一定要book 位時一定要有9位以上.... 如困唔係真係搞到一肚氣....希望小南國o既管理層早日搞掂呢D"冇咁大個頭, 唔好載咁大頂帽"o既問題....

Two colleagues and I had a lunch there. Things ordered1) smoked fish - ordinary(2) bean curd mixed with some 'wild'vegi - ordinary(3) Siu long bao (Steamed bun?) - too thick skin(4) Ma-po Bean Curd rice in a stone pot - too plain and oily(5) Shanghai style fried glutitious rice cake with pork - too oilyOverall, totalled at HKD240. Not so good at such a price.

上個月生日, 男朋友同我食飯預祝, 之前聽同事話食物都幾正宗(上海菜), 所以去試, 去到門口時間向早, 只係七點, 侍應察覺我們第一次光臨, 態度初時好好架, 又明知很多客人訂了位, 但仍安排單邊位給我們, 我見有些真的像室內大排檔一樣坐摺檯摺, 而且經理又不斷推介照牌菜, 但見我們點一些較大眾化食物, 後尾都無再過來招呼我們了, 食物水準都幾好, 特別係花鵰雞, 雖然分量小小, 但好好味, 不過小籠包一般, 可能被太厚, 獅子頭我覺得ok, 但男友覺得太碎濕濕, 其他的印像不大, 不過茶位似乎貴左d喎, 十蚊位, 我要龍井都無, 一般茶樓都有啦, 而且地方小小, 但檯密質質, 希望可以改善