影片
更多
2006-02-07
6 瀏覽
朋友生日飯, 有人提議試呢間, 一行十一人就黎左食晚飯.有人訂左位, 當日我再打去問, 有咩菜式要預訂, 接電話的receptionist (估係) 都幫到手, 雖然過程中佢要接其他電話而中斷對話幾次, 但基本上都有問必答, 比到有用的建議, 態度亦唔錯.坐低之後, waitress推介套餐, 不過朋友們想散叫, 點左:燻魚----對呢味無咩研究, 個人認為不過不失.灌湯生煎包x 2----真係一咬落去就飛汁, 肉汁豐富, 大家未食完就叫追加.薺菜百頁卷—純粹個人喜好, 都過得去.粢飯糕----無試, 據報一般.砂鍋雲吞雞—雲吞好多菜, 好岩我口味~~紅燒肉—呢個幾好, 入味夠腍, 又未至於溶溶爛爛.皮蛋豆腐—見d豆腐片到薄薄咁, 賣相幾好, 不過印象中響南北和食過一味豆腐菜, 片得仲薄~~香酥八寶鴨—要預訂, 做法除香酥之外, 可揀紅燒. 比想像中細隻, 但鴨肉酥、嫩、腍, 鴨身內的糯米又入味, 唔錯喎.糯米蒸排骨—有人響老銅分店食過, 要翻兜. 糯米太濕太多, 無論賣相同味道, 都似排骨糯米飯多d囉, 人地話以前食過唔係咁架喎.石燒蒜蓉飯—好香, 蒜蓉落得夠, 飯都算乾身, 正!
有人訂左位, 當日我再打去問, 有咩菜式要預訂, 接電話的receptionist (估係) 都幫到手, 雖然過程中佢要接其他電話而中斷對話幾次, 但基本上都有問必答, 比到有用的建議, 態度亦唔錯.
坐低之後, waitress推介套餐, 不過朋友們想散叫, 點左:
燻魚----對呢味無咩研究, 個人認為不過不失.
灌湯生煎包x 2----真係一咬落去就飛汁, 肉汁豐富, 大家未食完就叫追加.
薺菜百頁卷—純粹個人喜好, 都過得去.
粢飯糕----無試, 據報一般.
砂鍋雲吞雞—雲吞好多菜, 好岩我口味~~
紅燒肉—呢個幾好, 入味夠腍, 又未至於溶溶爛爛.
皮蛋豆腐—見d豆腐片到薄薄咁, 賣相幾好, 不過印象中響南北和食過一味豆腐菜, 片得仲薄~~
香酥八寶鴨—要預訂, 做法除香酥之外, 可揀紅燒. 比想像中細隻, 但鴨肉酥、嫩、腍, 鴨身內的糯米又入味, 唔錯喎.
糯米蒸排骨—有人響老銅分店食過, 要翻兜. 糯米太濕太多, 無論賣相同味道, 都似排骨糯米飯多d囉, 人地話以前食過唔係咁架喎.
石燒蒜蓉飯—好香, 蒜蓉落得夠, 飯都算乾身, 正! 但唔好問係咪上海菜.
蔥油拌麵—呢個唔掂, 好油但唔香.
鍋貼—無食.
三式拼盤—另一要預訂的菜式, 即花生酥、合桃酥及如意卷, 之前響新聞組見有人post張相, 整得好桃突, 可能無期望之下, 見到我地個碟又幾靚仔, 有d喜出望外. 個合桃酥雕得幾靚, 論味道我就鍾意如意卷, 豆沙又香又甜, 不過挾起果陣易散, 要小心.
服務方面, 人手唔係好夠, 態度亦只係一般. 環境就幾好既, 雖然間隔九曲十三彎咁, 但坐得算舒服.
我地自携蛋糕, 無收切餅費. 埋單大約$1,150, 抵食.
張貼
