小南國 (已結業)

咁我地一行四人六點十五分去到尖沙咀0個間小南國，0個時全間店都坐唔夠十分一。咁我地行埋去職員度攞位，佢問我地有冇訂枱，我地話冇，佢就即刻黑口黑面，仲’吱’一聲，好明顯佢係好唔歡迎walk-in客。既然係咁，就請寫明只招待訂枱客戶啦>__<" 除左咁，招呼我地ｏ個幾個待應全程黑口黑面，講野粗聲粗氣。估唔到，食物來自中國姐，連服務態度亦都係咁有中國大陸既風格.....唉~!!!至於食物，普普通通；感覺上，翡翠拉麵較好吃。

今天又係舊同事聚會, 六個人, 幾好, 可以試吓新野, 又可以叫多一點, 共點了:1.醉雞: ok, 但不是滑滑的.2.小排骨: 冷盤, 都幾好味. 但熱吃更好3.“老”水豆腐, something like this, ok, 幾香4.毛蟹炒年糕: 一向很喜歡的一道菜, 不錯. 年糕軟軟, 加上甜甜的献汁, 入味. 毛蟹有兩隻, 估不到這個時候都有膏, ok啦.5.皇帝菜: 我懷疑是唐蒿, 但那味不太濃, 尚可接受6.東坡肉配蝴蝶飽: 很肥, 只淺嘗瘦肉部份, 不太入味, 有點”un”, 蝴蝶飽香軟, 幾好.7.肉茉叉子: ok, 但不特別8.煎小黃魚: 一點也不少, 叫了兩條, 都煎得幾香口, 可以一試9.雪菜粉皮: 係熱的, 第一次這樣食粉皮, 清清地都可以10.酒釀丸子: 都幾香, 加咗桂花, 我估, 丸子細細粒, 軟軟的, 口感不錯.其實呢度環境都幾舒服, 可以坐久一點, 又沒有催交枱, 很不錯呢! 唯侍應時常推介六人餐, 有點不濟, 沒啥特別, 要差不多$1300….

果晚可能係父親節前夕, D 枱好迫, 幾乎行唔倒路.雖然一早訂左枱, 都要等20多分鐘.幸好食物來得好快, 而且全都是新鮮的(不是做好後, 很久才有人拿出來).推介生煎包, 酒釀丸子.

今次公司食飯,有房, 十幾人, 因為是平日, 所以無min. charge個部長局我地order 佢地個十人餐, 我唔覺得抵食囉.佢話跟餐的食物份量會大d, 但係, d 前菜全部都係細細碟.因為我唔舒服, 所以無乜點食, o徙左.因為order 左好多酒水, 埋單都幾貴, 分返成$300 一毎人, 但無乜參考價值.平心而論, 食物水準和服務ok 架, 不過個部長唔professional 囉.

朋友係外國返，跟住一齊食呢間餐廳過2 次，環境可以。不過今次坐房啦，好正，我地嘻嘻哈哈都唔怕嘈親人冷麵係我首選推薦，麵好有咬口，個醬唔糊口，好OK個麵都好食，有相為証，因為每次都係食食先記得影相，所以．．．哈哈哈

上星期一行三人去試小南國. 但只此一次, 以後都唔會再黎. 菜單: 砂鍋雲吞雞–名過其實. 本來好有寄望, 原來只不過係典型味精湯加雪藏老雞, 雞肉好硬.. 直情= 湯渣only薺菜百葉卷–好恐怖, o的菜食落去有沙, 勒勒聲, 咬到牙都崩, 嚇你唔死. 而且o的菜好腥.上海炒麵–油淋淋, 同街邊十蚊一碟既豉油皇炒麵一樣. 街邊o個o的都熱辣辣呀, 好過佢暖暖地, 話熱又唔係, 冷又唔似bor. 俾o依個價錢唔值.招牌小籠包–皮未蒸熟就上枱, 可能皮太厚. 而且饀有好多肥豬肉, 食左好多落肚. 食落有陣臘腸油味松子桂魚–得個頭, 冇肉. 好鹹, 味太重. P.S. 個碟超大, 請客幾好睇陽春麵–成餐飯最好食係佢, 似一碗麵……酒釀丸子–丸子太硬, 可能未熟Y_Y!.. 服務先最難頂. 食食下有個操大陸口音既阿‘嬋’走埋黎, 好大聲同我講: 送生果糖水俾你(重覆三次, 全場望住我, 但我本人未知發生咩事) . 跟住成班人埋黎圍住你,執走晒o的杯碟, 最後先同我講: “我地要用間房, 我轉張檯俾你”全程冇徵求我同意, 一味大嗌, 似趕我走多o的. 好冇禮貌.

約了三五知幾面對維港境色食飯, 一樂也...(1) 心太軟- "必食" 紅棗釀糯米, 暖粒粒, 做餐前小吃一流(2) 醉雞- 細細碢, 做餐前小吃都可以, 普普通通啦(3) 沙碢雲吞雞- 位位上, 味道鮮, 唔會覺食到嘔"正"(4) 毛蟹炒年糕- 細細隻的毛蟹好多糕, 做汁好配合年糕, 不錯(5) 酒釀丸子- 丸子太硬了, 但個糖水做得好好來小南國前, 忘記了訂它的合桃酥及花生酥, 有少少遺憾

果次仲食「砂鍋雲吞雞」，好開心，第一次見有一位位上，平時兩個人唔會食到囉。有雞翼、小棠菜&雲吞，湯清清地咁，但好濃金華火腿味，好明顯落足料煲，好味，少有好味0既砂鍋雲吞雞，係四樣唯一讚0既食物......

一向鍾意食上海菜，去開果頭就試小南國。兩個人叫左三樣野︰灌湯生煎包- 仲諗住好正，點知覺得一般，係好多湯，個底比較厚，所以脆得來有點硬...麻醬拌麵- 因為好鍾意食麻醬，所以叫來試試，點知完全冇麻醬味，失望...麻婆豆腐石頭飯- 未見過上海菜館有石頭飯食，仲要係麻婆豆腐，好特別咁，點知味道麻麻，食唔到麻婆豆腐味，淨係得少少辣味，而且勁油，食到唔想食...環境幾好，望住維港食飯，服務又好，有禮貌，效率快，但食物就真係麻麻，有得揀都唔會再去...

母親節前同亞媽去左小南國, 之前我從未黎過。見到枱枱人都叫生煎包即刻叫黎試下. 真係好好食, 係我食過咁多生煎包之中最好~ 之後食叫左宋嫂黃魚羹, 雖然冇我個上海朋友做得咁好食, 但唔係度度有得食, 都算ok ! 個日五個人埋單HK$807

上星期六我們相約舅父阿姨三家共16人提早慶祝母親節,其實本人今晚已是第三次來,除了想再吃生煎包及小黃魚這裡有足夠16人坐的枱,而且這裡環境舒適好多,空間感大些,比起銅鑼灣時代廣場我會選擇這邊.今晚菜單如下:三小碟---薺菜百葉卷,糖醋小排骨,心太軟三樣都ok1.醉鷄一隻---肉質嫩滑大家都讚2.叉子燒餅伴肉碎---一般3.辣椒子鷄---我不吃辣,但其他人覺得幾香口4.香酥百寳鴨---沒想像中好味5.紅燒元啼(二隻)---一半人都讚賞,我較喜歡吃皮,如果瘦肉部份可以淋些就更好味,而阿姨好欣賞伴碟的小棠菜6.清炒河蝦---沒什麼特別,但蝦肉好爽口7.小黃魚---依然香脆可口又鮮甜(值得試)8.蛋白炒莧菜---好味不太油9.勝瓜炒菌菇---吃落好清新的一道菜式10.小籠包(三籠)---皮漙多汁11.生煎包(三客)---好味但今次沒那麼多汁12.鍋貼(三)---都好味13.陽春麵---主要叫給婆婆吃14.擔擔麵(兩碗)---我弟弟及兩位表弟瓜分,弟弟覺得好淡無味15.蔥油拌麵---味道不錯16.石鍋蒜蓉飯---不夠蒜蓉味17.石鍋豆腐飯---太飽我放棄了18.蒸八寳飯(甜點)---大家都讚好1

跟男朋友換完智能身份證兼慶祝生日，聽朋友講此餐廳不錯，於是在沒有訂位情況下一試！可能星期一同八點半關係，不用等位便可進入！環境非常舒適，菜式頗多，最後叫了蟹粉小籠飽，獅子頭同豆腐鍋飯，原本再想叫多一個麵，怎知落單的侍應說可以不用叫麵，因為個飯都夠兩個人食！我想好少有餐廳咁老實！總體來說，味道不錯，獅子頭有如拳頭般大，蟹粉小龍飽多汁！雖然得三個餸，不過我倆都好飽！其實還有很多其他菜式都很吸引，所以下次可以叫多些朋友一齊來食過！

It has been a long time since the last gathering with my best friends. We spent a whole afternoon to stretch our vocal cords. We then matched to Xiao Nan Guo just a block away from the karaoke. Quite a number of big and famous restaurants from the mainland have opened their first branch in Hong Kong, like 小肥羊、譚魚頭、南翔饅頭店、王家沙...Xiao Nan Guo is specialized in "So" dietary culture (one of the big 8 Chinese dietary cultures). I think it's small bun is more delicious than that from 南翔饅頭店.Environment:It

星期五晚飯, 比較靜的尖東想不到這裡卻爆滿, 幸好已訂檯, 坐近窗旁可望海景, 不錯, 點了糖醋小排骨, 不錯, 蟹粉小籠包沒吃到蟹粉味, 沙碢雲吞雞半份$110,雲吞ok但湯底咸了點, 而且有加味精, 因回家後口渴, 灌湯生煎包好味, 底煎得脆, 灑上芝麻香蔥很香口, 內裡肉汁豐富, 至於侍應態度中規中舉, 因不常serve我們這檯

上星期六同男友去左呢度食晚飯, book左八點鐘, 等到差唔多八點半先至有位, 不過就唔駛搭檯, 兩個人坐得都算幾舒服, 可以慢慢傾、慢慢食1) 薺菜百葉卷–實際唔知百葉係嘜野, 只係出於好奇想試下, 睇落有d似韌身腐竹, 卷住d薺菜食落鹹鹹地, 冇嘜特別。(2) 糖醋小排骨–甜甜酸酸味道ok, 但係肉質硬左d, 加上可能係小排骨關係, 咬落唔夠口感。(3) 菜肉雲吞–都係一般菜肉雲吞, 不過湯底加左鼓油, 我習慣雲吞連湯一齊食, 就覺得鹹左少少。(4) 菌菇小唐菜麵筋窩–原本想話清清地食番d菌菇菜類, 可惜呢個窩比較多油, 唔係幾合我心水。(5) 燻魚拌麵–燻魚食落有d甜味, 只係燻得硬左少少, 麵就太過油膩, 而且黐成一舊舊。(6) 招牌小籠包–每籠有五隻, 同其他上海舖小籠包分別唔大, 冇驚喜但又唔係差果種囉。(7) 桂花拉糕–每碟有三塊, 同我想像中有d出入, 仲以為係一塊透明糕裏面混有桂花, 點知係一塊白色糕上面淋d蜜糖, 再放少少桂花上去, 塊糕都算過得去, 只係桂花就少得可憐。P.S.本來我男友想叫碗酸辣湯試下, 但係原來落單最少要兩碗, 我本身又唔食辣野, 所以