寶興冰廳 (已結業)

朝朝趕頭趕命咁返工，個早餐一係唔食，一係頹食，咁點得㗎？先唔計話食早餐會健康啲呀醒神啲呀聰明啲呀咁樣，一朝早食返豐富早餐，飽先開工先係Good morning嘛。有早餐食都幫你地搵埋，早少少起身啦～呢個係蕃茄湯底通粉～係有粒粒蕃茄架！湯底非常濃郁，微酸帶甜香茄味～睇下相都知～大量牛肉碎係通粉面，望落真係超吸引！分量超多！大大碗的通粉做早餐，食左一半已經有飽既感覺啦！真係超值架～食完可以中午唔洗食都得！真係分量十足呀！

長沙灣荔枝角一向都超級非常多餐廳食肆🍛🍜🍲，剛剛開始在這區附近返工，其實又真係幾正！一黎方便，市區地方，多交通工具到達，二黎多野食就方便落樓就有得食！唔怕無野食！只怕揀唔到想食乜！因為對於為食之士黎講，餐廳既選擇實在太多啦‼️‼️早餐既種種同價錢都有超多！🍽所以今次揀左呢間茶餐廳去試食早餐，點知都幾有驚喜！亦打算成日幫襯～🥂首先，我入到去睇到早晨餐單都已經好多選擇！大食同細食既朋友都滿足得到！價錢都係$38以下！我自己就揀左早餐A！火腿通粉配個熱飲～☕️估唔到碗通粉大大碗，份量應該係多過一人份量，仲重要係點都會有配菜！而且配菜絕對唔係啲cheap cheap椰菜！係鮮綠既唐生菜🥗～夠晒健康同新鮮😍熱飲又整得好飲～檸檬係新鮮！最後埋單係$28超值又飽肚～食完滿足又溫暖！正！

首先服務態度極差，已經係非繁忙時間去，都叫人搭枱，仲有極多空位，除此之外自己寫錯單，我明明叫羅宋湯通粉，寫嘢嗰個不可一世嘅款或收到，又趕住問你食乜嘢，結果又寫唔切仲要寫錯，結果俾咗清湯我，我同佢講你比錯我，結果佢喺上面淋上羅宋湯汁俾我，啲湯勁浠，明明頭先湯水平線又冇咁高，突然間高到就嚟滿瀉咁，好明顯係淋上去，我同佢理論，佢話呢個係重新整，我話我接受唔到呢個解釋，最後我話唔使啦我走啦，反正我都未食過，結果個收銀員仲問候我屋企人，叫我扯，以後都唔會再去食🤬

長沙灣開左間戲院mcl,$45超抵!!!!!睇戲前搵d野食,過返馬路就見到呢間茶餐廳,叫得冰廳通常都唔差~價錢都ok見到有位就入左去一坐低伙記就比左茶,亦唔會黑面催你落單,好好禮貌下午茶時間,叫左雞翼薯條,凍華田,雞翼係生炸所以等左陣,都算快雞翼炸得岩岩好,唔會過晒火或者白雪雪唔夠火喉,皮超脆肉滑薯條亦脆卜卜,熱辣辣平時叫雞翼通常得3隻,呢度一份有4隻,薯條份量亦多,$28黎講真係好ok凍華田,睇顔色就知沖得好夠溶唔似大部分茶餐廳咁超淡下次睇戲前都可以再黎

上班前特意找茶記吃個美好早餐！這餐廳門外有一整櫃的麵包，就吸引了我的目光；然後看見餐牌有蕃茄湯底的火腿通粉 早餐，就二話不說的走了進來！通粉到來的時候，真的是嚇壞了我！份量大得很，而且碗𥚃有大量的配菜:紅蘿蔔、椰菜、青椒、西芹....，十分滿足我這裝作健康的吃貨心態！吃下去，濃濃的蕃茄味，雖然通粉和雜菜都略為煮久了一點，過於軟身，但還是可接受的：）再配上一杯鴛鴦，充滿著香港特色，這個good morning價值$28，抵到爛！!

由於有段時間在附近工作，便在該地段找 飯堂。幸運的，找到寶興! 勿看其舖面較細，可知麻雀雖小，卻五臟俱全! 雖然餐牌上儘是一般茶餐廳菜式，但仍找到驚喜，如:韓式炸雞(可選不同醬料呢)而且最重要每樣菜式皆用心製作，連筆者做厨師的親戚，都大讚好味又用心! 大家若路經附近，不妨試試^^*咸魚雞粒炒飯，蘿宋湯蕃茄豬扒麪，牛肉通粉等也值得推介!*服務亦不錯啊! 本來炸雞只可選一種醬汁，服務員見筆者想知唔同醬拌食物的味道，特意提供兩種醬汁，表現颇細心呢!

今日下午走到長沙灣打波，忽然下大雨，就提早散場，和友人到附近吃飯。長沙灣不覓食肆，見到青山道與福華街交界有間門面非常光鮮的寶興冰室，我們便走進去。餐廳雖然唔大，但非常乾淨，地下一張紙到無，仲有多部冷氣，怕凍的可能要帶多件衫，仲有一部大電視，最重要係有不限時的免費Wifi。一坐低就有伙計送上一杯茶，而我目標明確，好快就選定了要干炒牛河，凍檸茶。伙計好快送上飲品，竟然有5塊薄切檸檬，比起其他茶記，D檸檬片少得可憐，依間真係與眾不同！而且檸茶茶味濃郁，又唔會混濁，好經典的味道。之後就係送上食物，干炒牛河放上枱已經聞到好香，份量不少，味道又唔會太咸，即叫即炒，夠哂鑊氣，另一經典之作。同店員傾左幾句，先知原來餐廳唔係新開，而係已經有三十幾年歷史，係真真正正的冰室，但因為要與時並進，所以裝修同埋加左WIFI、電視等，但牆身同地板又不失舊色味道，真係相當唔錯。埋單時，店員們連翻多謝，感覺良好。下次一定要再黎試其他野食，支持用心經營的小店！

一路從深水埗走到過來長沙灣，原本再看看中間很多食肆那條街，但是每一間都不少人，結果就走到來麗新商場這一邊。上次都試過另一間茶餐廳，然後發現，原來角落頭，還有另一間冰廳。門面寫着叫做冰廳，但是餐牌上又寫着餐廳，真是混淆🤨。起初的感覺不太好，因為第一次來，坐下之後，看餐牌的時間比較久。而其他食客，接近座位經已可以下單，我花比較久的時間，結果給催促。但其實，一時半之後，都已經沒有那麼多食客，何須急着要我下單呢？後來食物到了，在餐廳內都人不太多。因為那個羅宋湯底雞扒通粉，份量非常多，羅宋湯亦都非常地道，真材實料，可以見到很多湯料：例如有蘿蔔、蕃茄、西芹、然後通粉又不少，上面的雞排也非常大塊。另外還有火腿奄列配餐包，餐包不是普通那些沒有感情，大大件的包，這餐包，外面脆，牛油也不太少，有一定厚度，令到餐包顯得挺香口。火腿奄列亦都非常大份，雖然蛋就煎得比較熟，但是火腿也不少，整個火腿奄列體積也不少。奶茶的味道也比另一間茶餐廳濃郁得多，混入煉奶也不會顯得過甜。雖然內裹新簇，但地下階磚又看似舊式，找找舊有食評，應該都最少有十多年，可能翻新了吧。

早前看雜誌見介紹這茶記的干牛河便順道經過一試。這舖的裝潢是有點舊式茶記的味道，懷舊馬賽克地磗，舖外有個放麵包做外賣的保溫櫃，若店內加一個天花吊扇在轉轉轉就很有舊式茶記風味。而這店有一秘密武器是與她的懷舊裝潢南轅北轍，就是這裡竟然提供免費WIFI服務。免費WIFI通常是賣一杯收40元的咖啡店才會免費限時提供。現在連普通茶記都可以無限任上，實在低讚。另不得不讚就是她們的奶茶。外表與平常喝的看不出分別。茶色好像比一般的偏向奶白色，吸了一口奶茶方感到驚喜萬分。這店的茶底較薄身，喝時先是感覺到奶的甜滑，再喫下口腔的奶茶後感覺就會漸漸變為茶的香澀。可能對上一次嚐到好奶茶已經相隔甚遠，給我感到香港仍有茶餐廳能沖出當年的水準。相反牛河則一般，雖即叫即炒有鑊氣味，但油多牛肉死咸無肉味是大部分茶記干牛河的通病。這店可為她的奶茶Encore。舖內亦有裱起了奶茶獲獎的獎狀，實至名歸。

之前食早餐時見到下午茶餐牌有新產品，就係韓式炸雞餐，睇到個名莫名其妙地好想試，但我並不是一個韓迷，但就係唔知點解好想試，今日下午見落緊雨，所以入去避吓雨順便試吓個寶興韓式炸雞餐。炸雞有幾款汁可揀，我揀咗柚子味，送到一碟有六件炸雞，其實都幾多吓，一個人食晒都幾飽。

長沙灣也有間舊式冰室，寶興冰廳裝修簡陋，但仍算頗為潔淨。這店早上供應簡單食物如公仔麵、三文治為主，這天早餐我選了個自選套餐 ($30)，有餐包、三款食物 (腸仔、煎蛋、沙嗲牛肉配米粉，還有熱奶茶，水準普通，沙嗲牛肉比較淡口味，但份量尚算大，早上來說，一定吃得飽。奶茶質素一般，奶香和茶味還算配合得宜，但未算突出。舊式冰室著重的街坊味，這裡是有的，所以儘管食物水準普通，我仍會繼續來。

開車經見到老式門面, 一直都想帮襯試下, 但在附近难泊到車, 緣慳一面!今日卒之試到, 堂食點了午餐和全日餐各一份.午餐選了蒜蓉牛扒飯, 牛扒夠嫩滑, 最欣賞是蒜蓉汁加入了洋蔥粒, 伴飯多咗一股清香味道.全日餐係湯粉麵, 可選三樣餸--揀咗炸菜肉絲、漢寶扒配生菜, 除份量足外, 上枱時生菜鋪滿整碗米粉, 算是小驚喜; 最特別係餐飽可隨意配搭菠蘿飽、雞尾飽等。還有奶茶也有濃濃的老香港"古早"味道!另外, 值得讚賞是舖面和厠所企理乾淨, 沒有老式茶餐廳的又殘舊又污漕的問題!總括而言, 食品和店面管理屬水平之上, 还有一份溫馨的老式茶餐室的氛圍, 值得大心帶朋友來再試。

lunch 去左寶興食野，人好多，但做野快手。 因為覺得冷氣太凍，所以轉左去後面坐，之後有個呀哥拎左杯熱水黎俾我暖下，好細心咖!!! 我叫左乾炒肉片河粉加凍檸水。 海粉炒得好香，夠晒獲氣。 而河粉係薄身既個種，唔會食到成日粉咁。肉片都幾多，食落幾香，唔會一陣肉味。 成碟食到尾都唔覺咸。 可惜既係油真係多左少少，唔太健康。埋單42蚊。

早上急住番工，唯有買個包咬就算啦。 今日去左寶興新發餐廳買左個$5菠蘿包食，個包拎上手好暖同柔軟，感覺上好新鮮。 咬落去個下，軟冧冧，又有面包香味，菠蘿皮都唔會太硬身。 唯獨係個菠蘿皮唔夠香咁。

運動前，先吃點東西打底，確保有足夠體力應付兩小時的劇烈運動。想飲杯茶、吃個包，就找間舊底茶記，因總覺得這類地方的包點會好一些。這間舊式茶餐廳，我好像多年也沒來過。入到去，見到其紙皮石地磚及古老的裝飾，卻在水吧位前面加了一部LCD電視，是格格不入，但就感受到老派食肆為了生存也得與時並進，否則會被淘汰。要了個菠蘿油。大概是過了新鮮出爐的時間，侍應把麵包拿入廚房翻叮。熱是熱，可是酥皮既不香甜，亦唔鬆脆，加之牛油份量略細，我是吃得不滿意的。那杯熱奶茶，茶味是有，奶味卻稍嫌薄弱，平衡得未算理想。吃飽飽，可以去打波了！