寶田源純素餐廳 (已結業)

11-9-2016 (Sun)晏晝,同老公食完Zeppelin熱狗後,佢仍然唔夠,企o左咁耐,去附近橋底坐坐至諗,睇見拉麵台風有人排隊,老公話試隔離o個間.我問咩o黎?佢答素食餐廳.素食餐廳?睇門面唔似,要仔細睇睇個店名.我o地行o黎睇睇先,門口有menu,老公被佢o既西餅吸引,話可以輕食,於是入去.入到去只有三個客,我o地坐低後,佢o地自動放低兩碗湯,我o地就研究食咩o野.我原本想要小食,但老公話要$56.00o既蔬菜素肉炒素虾子麵配煎餃,咁我唯有放棄.要$20.00o既細沙律菜配意大利黑醋汁.老公記得要甜品,就問埋店員有咩甜品,店員先check有咩甜品,然後拎menu俾我o地睇時,順便話俾我o地知只有$8.00o既素撻,$32.00o既抹茶紅腰豆素芝士餅(用淮山腰果取代芝士),$15.00o既藍莓淮山糕同$22.00o既寶田源果凍四款,由於藍莓淮山我o地幾年前o係陶源酒家食過,所以唔叫,就叫其餘三款.落完單,我o地先飲湯,唔係青蘿蔔湯,似合掌瓜吧,口感有啲膠,有啲粟米,唔鹹,o岩o岩好.味道: 3分等o左一陣, 細沙律菜配意大利黑醋汁到o黎,份量唔算少亦新鮮,意大利黑醋汁俾得幾多,

下午經過此店，order一份意大利飯，個汁用了腰果碎來整杰個汁而取代忌廉，好落本，加上，我再order一份雪糕，真是好好吃，因為用了椰奶及豆奶去整……。下次一定再來

香港少有既健康素菜餐廳，食物少油健康，食左個意大利飯同素撻都好味，飯仲配有一碗仔蔬菜，侍應阿姨服務好好，好nice,餐廳雖然細，但有家庭feel,值得支持的小店

膽粗粗走左去試下呢間冇咩人食既素食餐廳!我地就點了二人餐首先黎個餐湯先口感好creamy 好濃郁既菜湯餐前麵包就用了法包 拎起已經唔熱，而且好乾主菜點了天使麵配大蝦表面上有些香草蓉而大蝦是用了蒟蒻取代了但我就唔係咁喜愛了雖然如此, 但天使麵口感唔錯,有咬口, 蕃茄味尚算濃郁另外, 同行友人就點了雜菌飯,都話唔錯, 醬汁幾好總括而言, 我自己就可能唔會再黎食晚餐, 下午茶可能會試下價錢 : 6/10食物質素 : 6/10服務      : 5/10

昨天去看戲，中途經過這間西式素食店，看下午茶餐牌好像不錯就進來了。一進門口，侍應阿姨好好招呼，很細心介紹食物又給予意見。食物在同區來說不便宜，但吃素有益健康又環保，是值得推廣的。我叫了一個熱狗下午茶餐，有熱飲送。賣相同普通熱狗好似，裡面是素腸。其實味道不差的，正正常常。只是個人不怎麼喜歡素肉，但學食素既朋友話齋，唔咁樣做好難吸引倒一般人食齋!希望有日大家不用素肉也願意嘗試素食吧!另外我散叫了一件純素蛋糕侍應阿姨說是綠茶味，但吃不出，反而好重椰子味同堅果味，其實我覺得滿好吃的。不是慕士蛋糕，而是很厚實的糕點類，你可以當它是中式糕點吧整體來說是不錯的素食店，有機會再來

路過 荃灣 大河道, 看見一間素食餐廳 ~ 被櫥窗上寫著的奶蛋素蛋糕吸引了 ....進店後發現驚喜不單止是這些, 還有更富趣味性的 ~Menu ~自選湯粉麵 $36素雞蛋 + 素火褪 + 素蝦子麵素火褪: 質感略為煙韌, 味道鹹香如真肉, 外觀也很似火褪 ~ 素蝦子麵: 咬口感竟然是爽口彈牙 ~素雞蛋: 外觀幾可亂真, 蛋白是腐皮味, 蛋黃是以南瓜製成, 而且煎香的, 真利害!!雜果繽治甜度適中, 入口清新, 是真水果, 沒有用罐頭貨, 誠意可嘉 .... 我稱之為 "真。雜果繽治"本篇完 ~

想起去食過這店念念不忘，但竟然未寫食評，當然要記錄下來。那天去行完山，剛好是下午茶時間，而經過這間素菜西餐廳，當然一試。她有一些素菜下午餐套餐，但你意想不到是有熱狗食，上菜時原來係素肉腸，但佢不是那一種假肉，又不是只有豆渣味的腸仔，真的幾可亂真，而且值得推薦的是佢的沙律菜十分新鮮，真的好耐都沒有嘗到那種清甜味，十分喜歡。而另外我點了佢自製的雪糕（單點），點了豆腐味，仲有芒果味，但佢沒有蛋和牛奶的成份，所以啖啖都是原材料的鮮味，所以令素食者多一個選擇。不過美中不足的是一個下午茶餐要成40元（連飲品）是有點貴的選擇，但如想試西式素食和甜品的可一試。

家妹是純素主義者,即是連蛋奶都不吃的,所以已經多年沒有吃切生日蛋糕這回事,上個星期經過荃灣,見到有間素食店,門外凍櫃放了很多款蛋糕,一問之下,原來就是我想找的純素蛋糕...最後買了幾件回家~店員用一個外賣盒子把蛋糕放好 (兩件以上就包外賣盒子)沒有底托,所以行得好小心,深怕炒埋一碟!好不辛苦拎到返屯門家中....外賣盒子的一角是透明的,可以看到入面的蛋糕吃過晚飯就是切蛋糕的時間,先嚐了 紅石榴素芝士餅 $32帶粉紫紅色的外表,有點膠膠不真實的感覺,口感不夠及一般的芝士餅滑身,而且質感比較硬身,始終是不含蛋奶,口感上的確會比較失色,芝士部分以淮山腰果取代,但味道不濃,石榴味都是屬於清淡不明顯的,整體不過不失吧!另一件就相對下比較失色的 抹茶紅腰豆素芝士餅 $32樣子是挺吸引的,上面灑上了片片的玫瑰花瓣,感覺滿浪漫,吃一口,首先抹茶味不濃,沒回甘,入面有大量的紅腰豆,充滿咬口,不過口感就比之前的更削口,芝士依然都是以淮山及腰果取代,整體來說,覺得蠻失望的就是..........純素蛋糕,我幾年前都買過一次,感覺都幾像真,這間餐廳的出品,應是屬於清新路線的,即是清淡為主導吧!!行過附近可以一

收工行過想醫下肚，係門口望左陣餐牌，已經有侍應出黎笑笑口問幾位呀，隨便睇下，感覺幾好所以就入左黎叫左呢個晚餐西湯係南瓜忌廉湯，同出面西餐廳個d唔同，忌廉味唔太重，同埋應該落左其他菜落去，有陣菜青味，味道都可以份量比想像中少，10啖食哂，落左沙津醋，沙津菜都新鮮，同埋鷹嘴豆好食👍呢個黎到真係覺得中左伏，估唔到原來就係咁樣兩片素肉同加兩塊菠蘿係面，咁樣$128真係貴碟菜d蘿蔔好咸，食一粒都接受到，到第二粒真係再食唔到下面個塊係蜜汁叉燒(素)，但我覺得同午餐肉無分別上面再加兩塊罐頭菠蘿埋單$128，真心唔抵食，應該唔會再黎但服務幾好，有位侍應見我食哂d餸仲有飯淨就走埋泥問我使唔使要多d汁，同埋一見無水就斟，呢樣幾好

茹素已不是近年才興起的潮流，但一般本地的齋菜館都只做中菜，極之小數是以西餐作招徠。不過近期在荃灣大河道開業不久的寶田源卻一反傳統，以一些常見的西餐菜式如肉醬意粉、松露意粉等等為概念做成素菜，給茹素的朋友多一份新鮮感。是日點了自選主菜的午市套餐 ($60)，不過未吃主菜之前，先試一款茴香忌廉湯。茴香忌廉湯的味道清淡，口感頗綿，感覺有點像喝雅枝竹湯。但可惜的是湯的茴香味不太夠濃，質感也不太夠滑，大致比較普通 (2/5)。主菜沒有揀選「西式」的肉醬意粉，反而改走了中式路線，結果卻意外地叫人失望。這款烤鵝片配南瓜蓉、蔬菜和糙米飯無論怎樣看都不似值六十大洋。五片細小的素鴨，加上燒汁、微辣的南瓜蓉和切粒的蔬菜，賣相和質素都仿如一般連鎖店的快餐。菜式的味道雖然不值深入一提，但是當時失落的心情仍然印象深刻 (2/5)。本來套餐加 $18 還有西餅一件。之前未有機會吃過素食的芝士蛋糕，但經過主菜的洗禮之後，興趣經已大減至零。

一直都喜愛食素，見此店新開張，當然去幫襯下。無須等位，直入自行揀座位，裝修還好，始終係新店。有兩款dinner set, $128 & $168，我同友人選了$168另散叫一個飯。$168餐 (以下名稱是記憶中大概叫法)中東米沙律 - 一般，無乜味，散叫要$50但唔值，不值一試西湯 - 好怪，似中湯加忌廉海鮮意粉 - 料同意粉分開上，d汁好水，唔難食凍檸水 (另加$2)甜品：素撻 - 好甜，唔推介散叫：野菌雜菜意大利飯$65(不包飲品) - 好差，無味，d菇有up味我同友人第一次咁一致決定係以後唔會再幫襯，服務還可以，但食物無一可取，收費又貴，可能係我地唔試叫掛！

今日經過荃灣，係大河道見到間新開純素餐廳，細細間，於是試試。因為我近排都想食得健康d. Keep fit 嘛。我試左個黑松露伴雜菜意大利粉，估唔到個味道好食，意粉軟硬道剛剛好，不會太軟。有囗感仲有我見到成塊黑松露薄片係意粉上面，好有誠意！杯藍莓汁好鮮甜，好飲，有藍莓肉，正！老闆話係用豆奶，好健康喔$24 杯都平。我仲食左個雜果伴雪糕，未試過冇用牛奶的雪糕，味道也好好，不會太甜，啱我老闆娘也好親切，值得再去食的餐廳。

      經朋友介紹說荃灣有間新開的純素餐廳，有純素甜品和純素雪糕，味道不錯。我便和女兒去試吓，因為我是吃純素的，一般都很難吃到純素的甜品和雪糕的。      我住觀塘坐地鐵去荃灣站約四十分鐘，出了站走路約10分鐘便到了，當時餐廳已坐滿人沒位置了，只好等位，還好约10分鐘就有位了，有服務員引領坐下，這裏地方不大，约30個坐位，環境裝修簡潔。      剛坐下，服務員就拿菜牌給我點菜，有兩個套餐和散餐，一個套餐$128，一個$168，我和女兒兩個只點了一個$168套餐分來吃，因為想試試那純素甜品是什麼。我女兒還散點了一個串燒$45，這串燒又平又好吃，很合年輕人口味。      套餐裏有前菜、有中西湯、有主菜、甜品及飲品，我最期待的甜品出現了，叫“寶田源”果凍，超好吃又健康，沒想到沒有蛋奶也可以這麼好吃。      我就飲了套餐裏的即磨咖啡，覺得用豆奶沖的也很好喝。我女兒就叫了餐廳特色藍莓汁$24，服務員說是新開張優惠價，因為材料是新鮮藍莓打成的，所以原價比較貴，我女兒說很好喝，而且很特別，好像藍莓奶昔，很清新、甜度剛剛好。      我女兒又叫了芒果雪糕！超好食！經店員介紹，原來這是新

荃灣區食肆林立，但要在荃灣區找一間比較特別的素食是比較困難。這店在開張前曾在網絡平台搞一個試食活動，本來都比較新穎的，不過由於時間關係所以沒有參與到。這店是標榜自己是純天然和非基因改造食物主題，而且是以西式素食為主題，這是荃灣區比較少見的。在香港，做西式素食為主題的餐廳不多，一般價錢是比起中式貴的，不過部份西式素食餐廳用料比較昂貴，所以其實計落都可以接受的。其實之前都期待這店開張很久的了，不竟它座落於荃灣人氣拉麵店隔離，要保持競爭力要花很大的心機才可以。我也懷著這個心去嘗試這間店。餐店設計比較簡約為主，進店後有人安排入座。不過比較奇怪的就是店舖小但是樓面都有好幾個人, 也本來以為很快有人招呼。但是卻出現一個很奇怪的情況，就是很多侍應卻只招呼熟客，對一些生客好似愛理不理的樣子。之後有人給了MENU, 其實都有幾個餐可以選擇，但是價錢都比較貴。一個套餐要$128比較貴，有一個$168都更貴!! 但是其實材料都算十分普通的。而且單叫的價錢和套餐是差不多的。看了餐牌，發現有很多以肉食為名的菜色，原來大部份都是素肉來.... 但是他們是以純天然為主題，但素肉明顯都一定不是天然的東西，不過由於之前