寶田源純素餐廳 (已結業)

因為同朋友聚會，約好下班晚飯，所以我地約左係荃灣食。而且因我食素，我們就選了這間店！呢到所有食物都係素，仲有蛋糕食。不過我就叫左個廚師推介，焗素芝士雪魚扒配意粉，送雜菜，套餐送一本飲品，或湯，或加錢配特飲。出乎意料之外，呢間鋪頭煮得好好食，雜菜都炒得好好，真係好開心，揾到呢間鋪頭！而且份量適中，一個晚餐set都係80元，仲無收加一，比其他素食店平呀！呢間小店經營，員工都好好客。我同朋友食完野後坐係到傾左好耐，都好開心。下次可以再黎！

都一段時期沒有光顧了，今天進了餐廳環境比我的感覺殘舊污糟了很多。坐掋點餐點了公司三文治配薯條60元，煎釀蘑菇伴有機沙律58元，三送飯四選三的，選了麻婆豆腐，醬爆天貝豆角，翠玉瓜香菇百合炒紫甘藍48元。三文治包和薯條都脆，薯條夠哂味我覺得咸左啲。煎釀蘑菇個蘑菇醬好味，沙律菜清新，三送飯味道一般還可以。但衛生方面差了些，多蚊不停在餐上食物飛來飛去，好煩。服務一般，常説不夠人手。

今天終於去吃了這間素菜館吃完素食覺得自己好健康，會keep住每星期吃 點了紅菜頭漢堡薯條 - 好新鮮， 但我本人不太喜歡把紅菜頭打成蓉．但都接受到．蕃茄芝士雪魚扒意粉 - 一上台就好香芝士好好吃，下次必須點来吃．

不枉我答咗百幾蚊的士，的確好特別。以後來荃灣又多一間餐廳選擇。在晚餐時間，我們點了一個午餐，他們依然供應給我們。而且服務員態度都真的不錯。猴頭菇非常好食，而且唔似外面的“太硬”大啡菇

好失望【當中見到第一碟放上來, 已經失望到咩相都唔想影】之前朋友帶我去過一次晚餐 , 覺得食物中規中舉, 雖然唔算好美味, 不過都睇到有心機, 加上有位女士會同我地講下有咩好推介 , 有禮之餘又唔覺得佢煩 , 所以都想搵機會帶家人試下 點知前日帶埋家人去食午餐, 味道水準下降, 仲態度差哂, 唔知係未轉咗人都算過份, 入面位職員, 黑口黑面, 問佢話又多想理你 , 我地都唔該前唔該後, 佢面口真係可怕到好似所有人欠佢咁我地點咗份串燒(3串) 、星洲炒米及 一碟有腐皮及雜菜嘅飯(忘記咗名) 串燒(3串) <--- 少咗1串 , 問職員是否俾少咗, 冇應 , 行咗去, 之後再問 [ 我要重申, 絕對有講唔該] , 佢話佢應咗我, 我同家人都冇人聽到 。 味道亦偏鹹 星洲炒米<--- 太辣 , 令到成碟粉都係得個辣的感覺有腐皮及雜菜嘅飯(忘記咗名)  <--- 雜菜偏鹹 , 而其他的冇味** 唯一讚嘅係個湯 , 紅菜頭湯, 好飲, 清得嚟紅菜頭味好香 **真心 , 之前一次食, 我真係覺得係一間可以再去的小店, 不過今次去真係非常之咁失望

由於今晚想食得健康d，今晚黎到呢間成日經過見到嘅素菜餐廳食。兩個人叫左兩個餐，法式芥末籽汁燴素雞意粉同咖哩牛蒡素雞丁飯。兩個set都有熱飲或湯。先講咖哩飯，應該係並非一般餐廳煮左好耐嘅咖哩，係即叫即煮嘅咖哩，所以食得出唔夠咖哩味同入味，仲有d水汪汪嘅感覺。老實講唔太好食，但以齋黎講算過得去，但我下次會叫第樣。而其他菜就冇咩特別出色，都係普通灼蔬菜咁。再到個意粉，意粉炒得夠乾身但又唔會黐，味道又剛剛好，唔會太咸，味道炒得又夠均勻，以炒意粉黎講算炒得出色。而齋方面其實冇咩特別好味，好似其他齋菜鋪普通嘅味道。但個芥末籽汁就酸酸甜甜，十分吊人胃口，送飯食就一流。可以再encore。整體黎講間中食呢間齋鋪都算唔錯嘅養生食法。用餐日期:31/1/2019是餐費用:$139味道:7/10環境:8.5/10性價比:7/10

荃灣區小有新派西式素食健康食店，環境清靜、可以坐耐少少，今次叫左蕃茄素扒焗飯，清新沒有帶酸，田園大啡菇意粉味道天然、意粉較有咬口，值得一試。咖哩素串燒，是加左花生醬味道，好夾咖哩！good，叫左杯紅菜頭飲品、蔬菜味濃，不是一般人可以接受！整體十分滿意。推介。

話說生完bb之後就做左全職媽媽，逢星期日老公放假就會帶我地出省城，今日我地黎左荃灣行街，去到晚飯時間，老公就提議我地食一年前黎食過既「寶田源素食餐廳」一入到去，職員見到我地有bb車，即刻好主動咁安排座位比我地，又聊我個仔玩，我地叫左個「純素2人餐」套餐頭盤有：-芒果藜麥牛油果沙律沙律醬汁係醋汁，我鐘意佢落得唔算多，岩岩好啲料全部都有汁但唔會太多，芒果同車厘茄都好甜！-餐湯（今日係紅菜頭湯）我同老公都覺得今日個湯淡左啲不過個湯好夠熱！唔係暖既主菜「4選2」我地要左：-新鮮猴頭菇配薯菜第一次係新鮮既猴頭菇，平時煲湯掂都唔會掂，因為食唔到，但係原來新鮮既係好好食架，佢索哂啲汁，一咬落去啲汁湧哂出黎，正～薯菜就係炸薯條同啲西蘭花紅蘿蔔同黃，紅椒薯條脆身一啲都唔冧，啲菜我冇食，比左bb同老公食，見佢地食完又食，就知好味喇-燒菠蘿芝士素扒漢堡一黎到我同老公一齊嘩左一齊，好靚啊個擺盤老公切左一半比我，一咬落去啲菠蘿汁咇哂出黎，最好係一啲都唔酸，個包係熱辣辣，同埋好脆，應該係即時焗脆番，我老公好鐘意食佢個包，話佢外脆內軟好好味喎小食「4選2」我地要左：-香草玉醬焗大啡菇雜菜大啡菇有半個，跟著下邊分別係

本人同朋友好多時會去試唔同的素食店，而我們都鍾意揀小店，因為想支持一下有心食肆。荃灣素食店小店都唔少，今次就諗住試下主打西餐的寶田源。我們知道是小店，對人手和服務自然不會有太大期望，但只有一個熟手樓面(另一個生手到近乎冇用)，似乎應付唔到。落單都等左一陣。午巿3餸飯，4揀3，揀左炒西季豆, 黃牙白, 咖喱鷹咀豆, 冇叫紅燒茄子味道只屬一般家常水平，黃牙白太淋, 咖喱正常餐湯係粟米湯, em...正常名叫焗黑椒素扒意粉,本以為係黑椒汁, 但是上台是茄汁. 可能是素扒有黑椒味吧，不過又不太吃得出，而且扒的質地好淋好粉我知呢啲應該係買返黎，不過我覺得可以揀隻好啲嘅。知道經營小店不易，但食物水平如果是太不突出，實在難以叫食客回頭再幫趁。見店有做純素蛋糕，好此道者可以考慮試下。

平日食得太豐富，間中也要食餐素食平衡一下健康。荃灣有多間素食店，有平有貴，呢間寶田源純素餐廳算是中價之選。店的裝修很簡單，當初經過門口時，還以為是甜品店；星期日中午不多客，可隨意揀檯坐，點了一個set lunch, 餐湯是南瓜湯，另外配3餸紅米飯，蔬菜很新鮮，味道不鹹不淡很適中，只是份量有點少，如果男生可能唔夠食。$48 的價錢合理。

由於開始食素既關係 ,要搵一d 素食餐廳。荃灣呢間其實都好易搵, 就係人氣"拉面台風"隔兩個鋪位, 係荃灣地鐵站/西鐵站行過黎都係差唔多時間, 約10分鐘。到達時約7點零人唔多, 唔使等位隨便坐一入門口唔好諗住會有人行埋黎服侍你, 自己搵位坐就得。但同時唔好預d waitress 會望你, 你要嗌佢地過黎先識幫你落單。等左15-20分鐘d 野齊晒, 只係兩個 set dinner, 味道正正常常唔會有太大驚喜, 意粉份量合理, 女仔黎講係夠。佢地既餐湯係薯茸湯, 好有薯味好好飲。唔太建議嗌1號餐法芥末籽汁燴素雞, 佢個d 唔係汁係湯啊....好稀....好在我個妹ok 隻味, 我就接受唔到。我個份係扒雪魚排配甜椒汁, 汁好少得一少碗, 意粉另上好乾身無咩味, 魚排+配菜都好好食, 呢個都推介, 但d 意粉可唔可以加返少少鹽有d 味同埋d 汁唔好少到咁丫.....總括黎講冇服務 味道還好唔會想再黎食 但地點都算方便

悠閒的星期六，一行8人有大有細去醫肚! 茹素的姐姐成日推介我去食素我都拒絕，因為喺我印象中素食店的菜都好是油淋淋，呢間D菜式都幾新穎又唔油膩~值得一試老闆娘仲好好送小蛋糕給我們食~ 好好人

香港中式齋鋪又油又重口味西式素食又貴，份量又少好似禁住啲素食者黎搶終於俾我搵到間性價比超高既純素餐廳！荃灣呢間以西式料理為主同朋友夜晚黎嗌左咖哩牛蒡意粉，法式芥末素雞闊條麵同純素朱古力蛋糕朱古力蛋糕用豆奶做，唔太甜但係朱古力味好濃啲面同餸分開上，所以唔係汁意粉，而係咖哩湯，芥末湯咁上但又清淡得黎幾香，唔錯最值得一提係超級抵食！！！68蚊有野飲個份量食飽完仲可以裝滿個飯盒咁又第二餐哈哈值得推介！

為健康而開始「定期」吃素，其實已經有幾年。在去年，2017，發現這店，更被當中食物和餐牌吸引，所以，一個月至少會去1~2次。新年前裝修，今天是裝修後的第一次。首先，要推介的是「肉醬意粉」。「意粉」是合格的，乾身而不會濕「碎」。（曾在別的店，未吃已散開。）「肉醬」是重點，素肉粒的口感很好，真的以假亂真；若不知這是素食，可能會奇怪沒有肉味。「茄醬」有點欠標準，吃了幾次，但每次濃淡不一，今天是ok的。小故事：我在這店所吃的第一度菜，便是這個；亦因此，便開始多到這邊。例湯，午餐包的。可惜，今天的例湯只是一般瓜瓜湯，不是之前那好好味的「南瓜湯」。喝什麼湯，要看運氣。黃薑飯，素吉堡也很好味。健康之選，有三餸飯：有人說：「味道」和「健康」是一個反比，越好味，越不健康。這店，已算偏向平衡。個別菜式另議。

I went there for lunch. Sooo happy to have such a place in Tsuen Wan (which is really not a place where a lot of foreigners work/live). I mean this is a vegan restaurant AND it has an English menu! There are actually some veggie/vegan restaurants around but they are really local (which I like but they don't have English menus or people who are able to speak English). Unfortunately the staff cannot really speak English but it's enough to communicate at least. They've got a good choice of lunch se