寶湖海鮮酒家 (租庇利街)

營業中

休息中

今日放假，一早已經約了女友的幾位同事和上司（阿哥）中午飲茶，除了慶祝我升職之外，亦想答謝女友的幾位同事對女友在工作上的照顧和加愛。中午十二點半來到中環，食飯的人潮果然如滔滔江水，人頭湧湧，於是更加快腳步來到約好了的“寶湖”等位，幸好女友午飯時間一點前就有位！等了約十分鐘，女友的幾位同事和“阿哥”就來到了，這時預先落單的點心亦剛好上檯。我們六人合共點了以下點心：招牌蝦餃皇：皮尚算薄，餡料幾足，蝦亦鮮味；蟹籽蒸燒賣：一般水準，味道不錯；金粟百花球：蝦膠上黐滿很多粟米粒，蝦膠幾彈牙，粟米粒亦很甜；香滑麻茸飽：女友的同事話這裡的麻茸飽很好食，我和女友share了一個來吃，麻茸果然很好味；雙色水晶飽：應該是奶黃和麻茸，我吃了麻茸，水晶皮很薄而麻茸亦很滑，不錯；翡翠鳳冠餃：綠色的餃皮應該是加了些如菠菜的成份，餃上面放了很多蟹籽，外觀幾特別，味道卻一般；白灼時蔬：菜心很綠，健康之選；XO醬炒蘿蔔糕：蘿蔔糕是一般酒樓貨色，沒味道一般，雖然有少許XO醬的辣味，但放得很精致，應該真係不是炒的；蜜汁叉燒酥：幾脆，味道不錯；五香咸水角：不明白為甚麼是“大點”，不覺得特別好食，一般酒樓水準；蒜茸蝦春卷：皮脆，一

nov 09, 08, 8人嚟飲茶午餐,叫咗 : 1) 鳳冠餃-個皮混咗淺菜綠色,皮薄,可惜好易穿..........望落去已經穿咗3隻-味道喺無問題嘅2) 潮州粉果 x 2-因我對粉果普通,所以無食到-友人們都讚好味,因幾夠味 3) 菜肉包 x 2-可以 4) 叉燒包-無試到 5) 黃金粟米球-滿佈粟米粒,無欺場,甜-個蝦膠物體好彈,又結實,應該溝粉比例唔多 6) 鴨腳扎 x 2-我挑咗芋頭同中間嘅肉食-芋頭外炸過,所以外小挺,內軟-肉混有蝦肉-都唔錯 7) 肥牛炒河-友人話都幾辣,所以無試到-不過友人雖然話辣,但惹味,好食 8) 燒賣-正常 9) 朧脷帶子腸粉-好特別嘅腸粉餡料-個皮好滑,而嘅我截只喺食到魚肉-清清地,蘸滿豉油嘅小甜味食,很不俗 10) 擂沙湯丸-普通因個皮好似浸過1陣水先上粉咁 11) 芒果布甸 x 3-無試到,但友人話個質感實咗d 12) 楊枝甘露 x 2-無試到,但友人話唔錯 - 多謝友人爭住請飲茶...........不過我知道佢嘅陰謀

假如問我係中環飲茶次數最多是那一間？不是蓮香，更絕非陸羽，而係位於喜訊大廈既寶湖。點解，因為抵食而點心水準又不俗。十月一日，一向不愛國的家母話想出外飲茶，我問她為何選這天，她說想吃雞球大包，順便當慶祝黃毓民生日。而我和老媽子一向喜歡寶湖既鮑魚雞球大包，於是便來這裡飲茶。由於位於商業區，呢度既早茶及下午茶即使在星期六及日都有特價的。是日叫左六樣點心，埋單只是九十餘元。鮑魚雞球大包 - 熱辣辣大大個。和蓮香樓不同，餡料不是傳統而係比較新式的，有鮑片一塊，雞球、肥肉粒、菜絲、咸蛋黃，包皮鬆軟餡料混合起來又好味。其實有時無須太計較做法傳統與否，既然美味新式又何妨呢？蝦餃 – 以呢個價錢既蝦餃可算相當不俗，澄皮不錯，蝦肉鮮兼爽口又有筍絲。咸魚排骨飯 – 特價$8，雖然特價但不會揸流灘，分量適中飯粒分明。豬肚雞球燒賣 – 豬肚份量不足，不過整體不俗。牛肉腸粉、煎鯪魚餅 – 算幾好。總括而言寶湖呢間總店整體點心水準不俗，不過近年開始擴展 (除了寶湖外，北園都是同一老細的)，分店開始多，希望不會有所影響吧！(文咸東街寶湖分店便有所不及了。)

星期六晏晝飲茶，o係lift入面見倒張notice寫住由6月唔知幾多號起，會有上檯小食(即係一入坐係唔係都擺碟花生酸菜o個D)，心諗一定會貴好多la~.....order： (上檯小食係：酸青瓜)- 蟹肉菘子餃 --- 有碎蟹殼o係入面~~應該係真蟹肉，餡很多，隻餃都好大，一籠有三隻- 順德魚蓉燒賣 --- 個樣唔係一般黃色o既燒賣，大大隻，一籠有四隻- 麻蓉包 --- 白芝麻蓉，好味ar~~- 奶黃南山棵 --- 做成小南瓜樣~~好得意！黃色糯米皮包住奶黃餡，一籠有四隻- 鮑魚雞粒石頭飯 --- 唔多油，飯炒得唔錯，亦好大碗，but個石頭鍋係做樣ga咋，冇慶熱最後送每人一碗紅豆沙！~~~整體真係幾好味ar~~服務亦好勤快食完仲有糖水送，而家真係好少有囉~~~(中環wor~~)星期六lunch正價都係o錦o既價錢，真係好驚喜ar!!!

我屋企人過時過節好鐘意係呢間酒樓，貪佢係中環，無咩人，平D 。今次係為我個妹送行，30人BOOK o左間房，有得打麻雀，有得唱K 。7 點半開飯，9 點食完。1. 乳豬 – 個皮好脆，唔油，係酒樓好少有咁好食o既乳豬2. 蝦球翠肉瓜 – 無咩蝦，不過好大隻，但係D 翠肉瓜就唔係好得，好似放o左好耐咁3. 炸蝦丸 – 我覺得好似街邊炸墨魚丸咁，不過佢又唔太油o既，但係諗唔到佢可以上枱做一個餸。4.瑤柱節瓜 – 無咩特別，原粒瑤柱，節瓜我覺得淋得制，但係我屋企人又話唔係喎。5. 鮑魚冬菇生菜 –冬菇好咸，鮑魚好乾，我覺得係全晚最唔好o既一道菜。6. 雞湯翅 – 翅就唔多覺得有o架啦，不過就好多瑤柱、火腿，除o左D 翅之外，佢係好足料o架。7. 蒸石班 – 全晚最好o既菜，魚蒸得好滑，o岩o岩好，魚好大條，但係一D 都唔老，好耐無係酒樓食過蒸得咁好o既魚啦。8. 炸子雞 – 香脆，但係我覺得老o左少少。9. 伊麵, 炒飯 – 伊麵太油，同D 油有陣味。無食到炒飯。10. 壽包 – 好軟o既包，有少少咸蛋黃，另蓮容唔太甜。11. 紅豆沙 – 「傑」到我食o左一啖就唔食啦。D 服務都幾好，會幫你

今天返新工之後第一個週末, 也是回到中環, 今次要回舊公司結數, 所以匆匆忙忙, 同"地下鐵碰著她"打個招呼, 回公司.弄到近三點, 叫了老爸去寶湖先坐低, 他踏入時正好兩點, 下午茶開始, 中環一帶既茶樓, 2點後冇左可以老屈既上班族, 開始他們的減價戰.上來時, 父母二人已是半飽, 留了一個滑雞排骨飯俾我食, 已經變成餓鬼的我一坐下, 飲淡茶, 狼吞虎嚥地把那小碗滑雞排骨飯倒入胃中.之後由我發版再點野食, 爸叫我不要叫大點.....媽再拿給我一張下午茶餐牌, 原本剛才嚥下的飯, 只是$10元, 而且不是粗製濫造的求其下午茶, 是有汁有味的. 爸媽剛才每人一個鴨腿湯飯同燒鴨濑粉. 見佢地講得好滿足, 應該好好食, 而且都係十元.我再點多一個叉燒湯米線, 蜜汁叉燒好甜, 又是10元超值美食. 另叫了一籠叉燒包同牛肉, 牛肉彈牙新鮮, 不錯的選擇.埋單$91, 父說閒遊中區時, 有了新的食堂....

２００８／３／１９午餐奉命帶老闆的朋友去上環及中環辦公事，中午餐就近近地在這裡解決。未夠一點鐘都要等位，幸好只是等幾分鐘，上到三樓坐一張二人檯，都ｏｋ。我是第一次來，都不知這裡有什麼好０野吃，但時間趕，就求其叫了以下點心：蝦餃：細細粒，味道和質素都普普通通；這裡的大點價錢和美心皇宮差不多，但質素差美心的一半。小籠包：外皮較厚，內裡肉汁豐富，豬肉餡味道不會太膩。灼唐生菜：平平無奇的灼菜，估不到會用金華火腿做湯底，湯很清甜外連菜也很爽脆鮮甜，客人連湯汁也不放過呢！時菜水餃：半碗小白菜墊底，但只是普通白灼；水餃皮就欠些少未熟透，餡料以豬肉最多，荀和蝦好像吃不到；味道就沒有特別。雞絲粉卷：外皮幾滑；餡料的豬肉也佔了最多；味道也是一般。沙律明蝦角：皮唔夠脆，不過餡料的蝦很多很彈牙，好味道。豆苗餃（的物體）：皮十分黏，豬肉較多的餡的味道也是較膩，不推介。ｏｒｄｅｒ後五分鐘就開始出點心，對於今日我們趕時間來說，真的不錯；人手較少，不過個個都幾快手快腳，態度都不錯添。

蒙牛請客帶一班印度朋友吃中菜, 為求方便就選寶湖, 印度朋友要求品嚐廣東菜的奇珍異品, 所以點了很多外國人都避之則吉的廣東美饌鮑魚花膠燉豬展火喉十足, 鮑魚味不太濃但是花膠很多, 啖啖湯味之中滲出豐富的膠質, 滋潤美顏。百花釀海參做得一般, 海參炆得不夠入味之餘, 口感又太腍, 百花味道淡又不夠彈牙, 失敗之作, 白雲豬腳仔炆得香軟腍滑, 豬腳仔皮薄肉多脂肪少, 水準之作, 炸子雞即點即做, 炸得合時香脆肉嫩, 十分開胃。豆豉蒸黃立倉恰到好處, 豆豉味濃肉味鮮，倉魚的size亦不算太細, 味道一流, 其他小炒則合格無失禮, 招呼周到, 唯獨洗手間太有香港特色, 污漕到暈,其他的都算不錯.

我諗係中環住或者係中環返工既朋友，都一定知道寶湖既存在，因為逢一至日都係咁墟冚，唔BOOK位睇怕都有排等呀。同屋企人習慣咗星期日去飲茶，同D知客都已經熟晒，所以一去到就好快有位，通常我地都係幾個人一齊去飲茶，人多好開心，可以點多D點心。通常我地會點山竹牛肉球(爹吔既至愛)、黑椒蒸鳳爪(哥哥既至愛)、欖仁馬拉盞、蜜汁叉燒飽、金粟鮮蝦腸粉、百花釀瓜環、千層腐皮夾、五香咸水角、菜肉紅油抄手等等，水準唔錯，所以我地KEEP住成日都嚟食。如果等到兩點鐘，可以叫特價下午茶，八蚊灌湯餃至三十八蚊一個炒粉麵飯都有，大碟夾抵食。星期日有下午茶，半價優惠，埋計通常都係每人大約三四十蚊，仲有糖水送(通常都係紅豆沙或者綠豆沙，不過略為甜咗少少)。

人在中上環，不能不提「寶湖」：除了因它盤踞在中上環以外，還有它那二線茶樓龍頭的地位。食慾不振的一日，看著花多眼亂的點心紙-- 金粟貢菜餃、紫菜素瓜扎、蛋黃麻茸包、脆炸奶皇包…還是要一客素鮑魚咸雞粥，打包一客素菜包來得愜意。看著粥是在美食吧生滾：粥底味精不重，味道主要是靠蠔油底的加工鮑魚（上一次是在深圳吃的），和浸得日子尚淺的鹹雞來吊出來。反而想說說素菜包：皮清甜而不鹹，菜餡有冬菇、蘑菇粒，索索聲的，蠻有趣。不能不提寶湖，還有一個原因：曾吃過一次翅多過汁、火腿多過雞、醋不用落的火瞳天九翅…連九大簋在內，才不過每人二百五十圓整。

一行5 人0黎飲茶, 無訂檯的關係等了45 分鐘位, 坐了一張幾迫夾的4 人檯. 叫0左唔多0野, 質素平庸, 亦比想像中貴:- 春卷: 餡ok, 熱辣辣, 香口.- 蝦腸: 唔掂, 完全唔滑, 腸粉皮超厚, 無乜餡, 連豉油都俾唔夠.- 蝦餃: 一般料.- 鳳爪: 唔夠入味, 汁亦唔夠惹味.- 叉燒包: 一般料.- 小籠包: 呢個唔錯, 湯汁多, 皮厚薄適中.- 山竹牛肉: 一般料.- 瑤柱薑粒蛋白炒飯: d 唔知乜菜超難食, 好勁草青味, 好似未熟咁; 其他0野ok, 加了薑粒d 炒飯幾惹味.亦叫了燒賣, 不過份量有限, 我無食.環境up dup 迫夾, 衛生情況非常麻麻; service 又係唔掂, 又黑面, 叫埋單叫了3 次先有人俾反應, 等0左超耐.仲要成$70 幾一個頭... 唔會再來了!

部門不斷請人，近來多咗好多新同事，於是大家搵咗個機會出嚟食個晏，喺中環要平靚正兼較易搵位，依間都算係一個較理想嘅選擇。十個人叫七個點心、一窩麵加一個普通酒家不常見嘅石頭飯，由於全枱得我一個男士，所以份量都已經好夠。點心嘅味道正常，窩麵啲餸就好似浸得淋咗啲，但大致上都及格，而且每人先至五十蚊喺中環算好難得。

又到寶湖晚膳, 很久都没有到這兒了, 可能由於上次龍蝦加價嚇走了, 今次再度光顧, 才發現價錢加了不少呢!!!本日的晚市孖寶都是$200以下, 現在孖寶的最低消費也要$198點了一客孖寶為迷你盆菜加蒸星班一條$198, 細條的星班尚算合格, 蒸得合時, 魚肉夠香滑, 魚汁又香濃, 令人吃個不停, 9.5分!! 點了一客釀茄子, 本來這一味菜式應該是不錯的, 茄子香軟而且可以味道太濃而且茨汁太杰, 迷你盆菜的size也絕不迷你, 上枱時似乎有些材料未熟, 待應們在枱邊加了一個gas爐為我繼續翻熱, 等了10分鐘終於有得食, 大蝦四只, 但是肉是梅的…..鯪魚球尚算彈牙可口, 魚肉香味四溢, 瑤柱有2粒, 大大粒的, 不錯不錯, 腩肉炆得尚算腍身, 但未夠入味, 底層的蘿蔔、生菜、冬菇都非常入味, 不錯不錯, 如果不是那隻梅了的蝦影響了的話, 分數可以高一點service的人一向都不錯的, 飯後更有果盤奉送, 果盤新鮮香甜, 很好吃, 但不要再加價了, 否則拒絕再光顧

下午茶2時開始，貪佢所有點心半價。叫了5碟點心：春卷（ok）、流沙包（ok）、煎腸粉（一般）、北菇雞燒買（一般）、荵油餅（唔掂）還叫了碟炒海鮮天使麵，但冇乜味。等食物時間頗長，建議去附近的"喜悅"還好。

契仔一歲生日,無論點忙也要抽空赴會,簡簡單單在寶湖飲下午茶.坐得舒服,又有"魚樂無窮",難怪之前打消去酒店吃"企鵝式"buffet念頭.周六,日也有些特價套餐,再加些點心.特價套餐三菜一湯,燒肉水準不錯,外皮很鬆化.合掌瓜煲豬展湯,很有火喉.其他點心,大路水準,無話特別出色,特別差之類.轉眼間又一年,希望契仔快高長大,身體健康,大過一點帶你去睇波.