寶湖海鮮酒家 (租庇利街)

營業中

休息中

契仔一歲生日,無論點忙也要抽空赴會,簡簡單單在寶湖飲下午茶.坐得舒服,又有"魚樂無窮",難怪之前打消去酒店吃"企鵝式"buffet念頭.周六,日也有些特價套餐,再加些點心.特價套餐三菜一湯,燒肉水準不錯,外皮很鬆化.合掌瓜煲豬展湯,很有火喉.其他點心,大路水準,無話特別出色,特別差之類.轉眼間又一年,希望契仔快高長大,身體健康,大過一點帶你去睇波.

老豆媽媽好鍾意星期日o黎呢度飲茶，貪佢有折又容易搵位。今次專登陪佢o地，我當然做孝順女，第一時間去拎位。o下!又話唔駛等位o既，一去到有唔少人，等了大約半個鐘才有位。一坐低老豆指定要雞球大包，嘩!真係好大個喎，除了有雞肉外，還有鹹蛋王、蝦、鮑魚等，老豆食得津津有味，一個大包好快就消滅了。而我一個人就成了整整一籠三個麻蓉包，麻蓉好香，又有粒粒白芝麻，可惜蛋王好細好細。包皮最好食，好鬆軟，比起是晚係蓮香食的蓮蓉包皮還要好。蟹粉小籠包-推介10蚊一隻，當然唔會期望有什麼靚蟹粉，包皮好薄，一夾即穿，沒有鮮味，連蟹味都沒有，只有一舊豬肉味。馬拉盞-雖然鬆軟，但較乾身，亦唔夠香。叉燒腸粉-腸粉好滑，叉燒就唔算多。白灼豬紅生菜-這個o岩晒我，真係好白烚，沒有油，豉油亦另上。由於全部都係飽肚又重澱粉質的食物，所以食了幾籠點心已好飽了。

舊同學知道本人轉到中環工作相約到這裡飲茶因為佢地一早拿位所以一到,有位坐有東西吃芝士帶子春卷-有芝士味,帶子都算多,但沙律醬太”杰”,不點也罷奶黃包-未至於流沙奶黃,但香滑大包-對中式包類一向麻麻,但這個大包幾好味蘿蔔糕,蒸魷魚,蝦膠釀魚肚(?),鮑魚燒賣-一般附送的甜品綠豆沙-本人覺得幾好紅豆沙-同學點的,見到好杰見到套餐幾抵,同學笑言要搵多d同學一齊食

我本人和家人去了中環我想去找餐廳/茶樓吃下午茶家人便叫我去寶湖海鮮酒樓吃午餐我第一次來這間酒樓吃下午茶我便叫了流沙包/灌湯包和燒鵝灦然後我坐了5分鐘後便即刻有點心食真是快快過我之前去的酒樓吃的點心而且是新鮮熱辣的流沙包一咬便流出好多汁灦粉便比起其他的餐廳好食最後便收80元而且吃得飽簡直超值

因為我中環工作又要落場,所以呢到係我成日消磨時間既好地方.呢到既tea time真係full到暈好彩turn over高好快有位咋. 佢地下午茶有特價炒粉麵,由18-28蚊不等,但絕對唔係行貨,大大碟新鮮炒真係抵過茶記架.亦有d湯粉麵~9蚊一大碗.個灌湯餃都係8蚊咋. 佢地小點係6蚊,中好似9蚊,大就12蛟到特好似only15蚊, 好抵架.食物都好新鮮但就好多人食煙,最唔好就係個態度勁吹人埋單....又話4點半前cut單但就4點3迫你埋單.野食未到過都係要你埋,如果你唔埋就一到4點半收你正價. 有一個女知客可能新來,亂咁黎, 記得唔好比佢大到你呀...佢地dinner仲抵,全包都係一千蚊大?? 但又幾好.你地去問下啦

yes, the lobster promotion has been going on quite some time. i once ordered 2 catties. many big chunks of lobster meat fr bodies, wont be many fleshless shells or head or claws like in some place. dish fresh, crunchy tasty too. good surprise is they used those big lobster with thick meat thus extra satisfying (think of wet mkt may charge two hundred bucks for those small ones around 1 catty each, & they sure larger than those served in halves in buffets). so really good bargain. pity it's

又去食個dinner, 今次個部長推介呢個特價晚市孖寶, $148冬瓜盅加清蒸海班, 另叫一個炒西蘭花冬瓜盅個盅就好大啦, 而且重有個金鐘罩添, 好浮誇...不過味道就好淡下, 好似落少左鹽喎...料都唔係話太多, 只係得少量蝦同肉粒, 夜香花都無咩....唔得海班size細細的, 2人用份量, 魚好新鮮而且滑, 蒸得唔錯, 食完想encore啊~~service都ok, 人又唔多, ok啦~~

星期日一行6人到這間酒樓飲茶﹐呢度D點心真係好好味! 圖片所見的只是一部份點心﹐當日我地叫0左11個點心。所有點心都頗大碟﹐又好味﹐特別係蝦餃燒賣﹐D蝦好爽口﹐燒賣好大粒﹐其他酒樓都比唔上。我地仲叫0左個鮑魚雞粒石頭飯﹐係將D飯炒好後放入一個燒熱0左的石頭鍋內﹐所以個飯食到最尾都可以保持得好熱﹐同埋因為熱力的關係﹐個鍋底仲有一層香脆的飯焦﹐真係好正! 呢個飯好抵食﹐下午兩點後特價只係$32.5 !呢度服務就一般喇﹐都係對熟客特別好招呼﹐我地食完點心叫免費糖水叫0左個男部長3次先至肯幫我地咯﹐仲要係好唔願意果隻。我見佢0甘0既態度我於是看看佢心口個名牌﹐知道0下佢叫0羊名。其實我都係偷偷”哨一哨”, 但係都比佢見到。可能驚我會投訴佢﹐佢D態度就即刻180度轉變﹐仲笑笑口話如果唔夠可以再幫我地添糖水﹐仲主動講唔好意思﹐話多人吸煙﹐下次安排遠離吸煙區0既位比我地﹐真係幾好笑.最後埋單每人都只係$42.5, 真係好抵食

昨天一行7人來呢度飲茶,12點9來到攞位場面認真墟陷,之前book左檯都等左10分鐘先有檯.點心方面都係gor d 蝦餃,燒賣,义燒包(都幾大個),腸粉,潮州粉果,菠菜餃等等,新鮮蒸起好好味,不過有個越式粉絲腐皮卷就麻麻.煎藕餅,蝦餅都好似唔係咁新鮮,冇mug味,甜品係紅豆糕,成條魚型好攪笑,好香椰汁味,我地食到讚不絕口,個擂沙湯丸亦都唔錯.今餐都食得幾滿意.

weekday成八點半先到達, 店內都無咩客, 叫左個鹽焗鳳爪$28, 龍蝦$88斤, 要左2斤加$30伊麵低, 蒜蓉白菜仔呢個鹽焗鳳爪唔夠腍啊, 好硬又唔入味, 個汁好油同埋唔咸, no good~ 蒜蓉白菜仔就ok啦, 一般水準, 無問題~芝士龍蝦伊麵低, 龍蝦都知佢唔係原隻架啦, 但係竟然多肉喎, 重係要大大舊好多肉, 肉厚又新鮮, 正啊~~~伊麵就腍左d, 但都ok, 芝士好香濃唔太油但係漏d啦, 2個人好似多左d, 真係食得好飽啊~~~service都ok, 價錢係中環區簡直係抵啦~~

星期日去女友及其屋企人去行山，行完來中環飲茶。選左來這裡。到達時已經兩點幾。所以有好多平野食。而且星期日仲係半價。我地一行七人，叫左三個罐湯餃、一碟干炒牛河、一碟炒米粉、鳳爪、腸粉、燒賣、一碗燒鵝瀨、蒸牛肉…都唔使$220 。每人不超過$32 。去大家X 快餐都係差不多。而且味道唔錯架，相當抵食。

不過不失。東星魚湯$98，最好味。梅菜扣肉比得上泉章居，不錯!五人食了500元。

開job飯，同事們訂了這裏午膳，大家都毫不客氣”tick”紙仔叫點心－－因為阿head 請。~~真係”鄧”佢個荷包傷…….蝦餃：本人至愛之一，好味，蝦夠爽夠彈牙，餃皮煙un菠菜餃：本人至愛另二，一籠三隻，但隻隻size不一，餡的份量也不均，但我對大家不住，因為我吃了最大的那隻…….xx腸粉：份量好少，上枱時，我與隔離位同事都打了個突，但都幾好食迷你煎堆、豆沙鍋餅、糯米煎軟餅：沒有吃，迷你size，但一般酒樓的大點價錢奶皇包：皮薄，奶皇包住豆沙，不溜，幾特別蟹肉泡飯：幾得意，因為有個爐滾住個泡飯，好似打邊爐；湯底甜，但有味精還有一些冷盤及點心，但記不起了總共吃了約五百多元，7個人價錢來說（應該是對我呢d低級職員來說），味道不錯，但坊間一些酒樓更美味，而且價錢更相宜－－－點都好啦，多謝AIC

今朝返晏,同男友去"百年"換完台幣,黎左呢間飲茶,12:45前點心全部半價,我地叫左7個點心:賽螃餃(餃皮一夾即爛,吾掂!),馬拉盞,流沙包(2款都太乾身!流沙餡過甜),素雞扎(可以),牛腸(ok),叉燒酥(似隔夜貨!),京式蔥油餅(都合格).埋單$91一般服務啦啦;上星期去銅鑼灣"太湖"都系咁既價錢,但人地好食好多!總括黎講surely無下次.

我地今日一共8個人去飲茶，11點幾打去訂檯，準時12:45分去到，等了5分鐘就俾檯我地，都算快ga la。叫既點心都係gor d 野：蝦餃、燒賣、潮州粉果、腸粉、牛肉、炸魷魚鬚呀咁，都好食，沙薑雞腳好好味，炒飯ok，但d魷魚干燒伊麵就麻麻地，最後各人點了甜品，我個芒果布丁普通，同事gor個雪耳木瓜幾好味咁，個椰汁馬荳糕整到條魚既形狀幾攪笑，食落又係普普通通。環境服務都ok la，中環區飲茶來說算唔錯。