寢宮

營業中

休息中

約了舊同事聚舊兼吐苦水，選了去酒吧，只因想放縱一下自己，忘掉工作上的不愉快。接受了新的工作，只是因老朋友之誼，免為其難，不便推搪，也讓自己學習新知識，未試過又怎會知？然而，過了半年，碰釘，做錯事，被客戶噴到一臉灰，每天都重覆發生，不知是朋友將我放錯在一個不適合的位置，還是自己的適應能力太差？我今晚不想去考究，只想找個老友訴訴心中鬱結。這間餐廳酒吧氣氛不錯，不太嘈吵，空間大，有桌球，有遊戲檯供客人玩耍，我很少喝酒精飲品的，但我點了啤酒，老友是位美女，不喝酒，點了一杯叫 Flower Market的，藍色的調子很浪漫，加點附上的液體頓變成紫色，頗有趣。單是傾訴喝酒絕不實際，不能讓人家的肚子空空聽你高談闊論，幸好餐牌也不單只得佐酒小食，也有套餐，沙律，牛扒，意粉等。我們點了套餐，還可追加頭盤。三文魚薯蓉配小茴醬，三文魚與薯蓉混合，搓成碌結(croquette)炸，外層香口，而裏面軟糯，本身味道較清淡，可點加了小茴粉的蛋黃醬調味。香煎芝麻吞拿魚柳，這道菜以前在日本餐廳吃過，最外層四邊煎香煎熟，而內裏仍是生的，外層滾上芝麻，魚味鮮甜，一生一熟兩種口感，配芝麻可添香味，點青芥末可辟腥兼讓鼻子暢通，

搵到間係尖沙咀係樓上鋪同朋友眾舊.一早book 位.入到去所有都係高台.都幾乾淨.首先叫左小食黑松露芝士薯條.係新鮮炸起.食落去好熱.好脆.吾錯同蒜香雞翼條.其實係椒鹽炸雞翼.不錯.雞翼cut 開一邊一邊.方便易食.佢有前菜同餐湯.先上鴨胸沙律.黑胸有兩大塊.仲好多沙律菜.餐湯係薯仔creamy soup.好有質感.main 叫左蕃茄帶子意粉.蕃茄味好濃郁仲有輕微辣.不錯.帶子有三粒新鮮易咬.朋友叫左美國肉眼排.5成熟.牛都好大塊.肉味都濃.可一試.drinks 叫左杯king meh lun yea 飲啦 同王昭君.賣相同飲法都好特別.分開兩杯.先飲第一杯之後再飲有蓋個杯.帶番出個酒味.

好一陣子沒去尖沙咀飲野了、趁放假跟友人到尖沙咀諾士佛臺的寢宮飯聚。這間酒吧餐廳環境氣氛也不錯、有beer pong 玩、亦有不少拍照位。先送上煙鴨胸沙律、沙律菜新鮮爽脆、煙鴨胸味道不俗。餐湯豆蓉味濃郁。香草芥苿燒羊鞍配露絲瑪莉汁 $318份量挺大、羊鞍燒過後皮微脆、肉質七成熟嫩軟、伴上Rosemary 燒汁濃而不膩。值得一讚是伴菜有多款不同的蔬菜、脆玉瓜、紫薯、四季豆、椰菜花等、豐富又健康。帶子蕃茄意粉 $238 意粉煮得剛好、帶子爽口大粒、蕃茄醬配上香蒜辣椒、甜甜辣辣味道很棒！香蒜辣椒檸檬汁炒蝦 （5隻） $128 真的有點辣啊、惹味刺激。香草炸魚條配檸檬汁 $88 魚柳表面炸脆、內裡嫩滑、沾上檸檬汁好開胃～點了杯Shirley Temple 、橙橙紅紅顏色好靚、以青檸汁、橙汁及檸檬汁調成、清涼夠refreshing !

俾餐廳以睡房做主題吸引咗去試🤪 呢個係restaurant and bar, 環境都幾舒服，又有beer pong 玩，又可以玩桌球，唔洗驚會悶。叫咗2樣頭盤，香蒜辣椒檸檬汁炒蝦 ($128)同香煎芝麻呑拿魚柳 ($128) 炒蝦好惹味，愈食愈辣！！隻蝦都好新鮮，夠彈牙爽口。呑拿魚柳係煎咗表面果層，入面都仲好似刺身咁既口感，食落都幾特別，仲有wasabi 豉油點黎食。餐湯都好滑～主菜既擺設好精緻，好靚😻 叫咗美國肉眼牛扒配燒肉扒 ($328) 牛扒好大塊，但就唔係厚身果種，味道有少少偏濃，加埋啲配菜食啱啱好，有埋紫薯蓉夠哂正！慢煮酥皮羊架配鵝肝 ($328) 唔係好食得岀有鵝肝😂 羊架味道唔錯，唔會好羶，但比較細隻～ 配菜有加分！Sea breeze ($88) 飲落果汁味比較酒，幾適合女仔叫😂 The real pina colada ($88) 菠蘿味同酒味都幾多，沙冰整得幾滑。

返工咁攰放工一定要輕鬆下今次去諾士佛台搵到一間性價比都唔錯嘅餐廳一入嚟已經見到有beerpong 同埋Slap cup 台如果週末黎應該都幾好玩不過今次就主要係食嘢同埋傾吓計前菜揀咗一字雞翼炸得好惹味辣辣地好開胃用黎送酒都一流主菜叫咗肉眼牛扒同埋酥皮羊扒肉眼超大塊多汁計落都幾抵食羊扒都有兩舊 酥皮啱啱出爐好脆但係我覺得最正嘅就係啲伴碟樣樣都好入味 而且每個主菜都有包湯同埋沙津而一間酒吧最主要嘅就係酒呢間酒吧有啲好特色嘅cocktails 我地叫左兩杯好有特色既叫傾乜撚飲同埋王昭君個杯好靚而且都幾好飲打卡一流

未去食前已經爬文，冇差評即管一試試咗真係後悔食物確係大大份，但味道真係唔得肉眼排好薄，一睇就知係平價貨黑毛豬切落好淋，但食落似紙皮，冇味道羊架4件大大舊，但就over cooked 咗，好鞋以上三樣上枱已經係涼既最好食朋友話係個蝦意粉，貪佢夠熱可能係酒吧餐廳關係，小食牛柳粒同雞翼條好食過主菜。主菜$248-358呢個價錢應該可以俾d好些少既食材。最令人失望既通知我地30分鐘後要還枱，咁我地咪叫佢快d上蛋糕，卒之叫咗5次，25分鐘後先上到，仲要我地五分鐘內吹完蠟燭切完餅立即隊晒！明白你冇甜品供應，又冇收切餅費，但可唔可以快d上，咁我地快d食咪快d走囉⋯⋯

呢間餐廳地方好大, 但好多位都係拎左黎裝飾或者娛樂.例如乒乓球, 呢隻玩法係用手彈個球落杯內, 好多酒吧我都有!有小小十分精美又帶有小小豪華既裝飾物. 可以食飽相機再食飽個人.美國肉眼牛扒, 7成熟, 肉質比較定軟身彈牙, 食落去唔會乾, 有鎖肉汁, 還有口感食落無硬口既感覺,肉質有返咁上下. 靚既牛咬落去彈牙, 唔靚既牛咬落去食硬紙既質感.除左味道, 食物都整得好靚, 汁係gravy sauce, 微甜, 又唔會擋住牛肉本身既肉汁香味. 配搭得算好好.湯係栗米湯, 我本身就係好中意, 不過無咩地方有, 食到有d栗米汁係入面, 似係溝淡左小小.份量正常唔會飲完太飽食唔落.牛柳粒比較特別, 我食咁多間牛, 未見過用香蒜去炒, 有d似大排檔個d炒野感覺, 有小小油香味,香蒜爆炒既感覺, 味道比較新少少, 比較少能食到咁樣味既牛, 牛味都係重, 無擋到牛本身味道, 汁既味不太強.辣味不算強.薯條睇我出想整到外脆內軟, 脆方面差小小, 但入面好鬆軟, 算好食, 仲有最中意食既黑松露,唯一覺得不足既係, 我同友人食都一齊講醬唔夠點, 黑松露醬食完薯條仲有一大半, 我覺我可以加多小小醬 或 俾多一

前排日日都落雨，朋友話想坐低飲下野，最後發掘到呢間喺諾士佛臺嘅樓上bar，仲可以食dinner添。前菜+香煎芝麻吞拿魚柳— 沙津有沙津菜、蕃茄、火腿等，配埋類似柚子汁嘅醬，酸酸甜甜好開胃！ 而吞拿魚柳係半生熟，側邊微微煎至脆身，再痴啲芝麻粒，中間就係刺身。我都係第一次食，估唔到咁好味😦西蘭花湯— 好似藝術品咁，用忌廉畫哂花😳啖啖西蘭花味，而且份量好多，滿足～慢煮西班牙黑毛豬鞍配鵝肝— 慢煮嘅唔同之處，就係食落非常軟腍，佢嘅汁會鎖係肉裏，所以好juicy；至於鵝肝，非常肥美🤤焗酥皮羊扒— 店員推薦我地嗌呢個，果然無介紹錯。酥皮好脆，羊扒好膻，啱哂本身鐘意食羊嘅朋友。側邊仲有啲配菜，底下仲有紫薯，整碟都好好味，勁飽。Yogee drink— 本身已經係牛油果控，見到呢杯有牛油果+藍莓+蜜糖+豆漿嘅mocktail，完全係我嘅菜😂😂呢杯野飲真係好好飲！！牛油果令成杯野飲好creamy，鐘意食🥑嘅你一定要點嚟飲啊💯好耐無食到咁高水準嘅西餐，好推介朋友/情侶嚟食飯啊！

前幾日同朋友放咗工後喺尖沙咀行完街，夜晚去到出名多嘢食又有得飲吓嘢嘅諾士佛臺食晚飯。見到易拉架嘅相就被吸引咗上去試吓喇! 環境裝潢都幾靚，坐位寬敞， 仲有啲sofa 位，坐得都幾舒服。除咗有波睇之外，仲有beer pong，桌球同掟飛標玩，總有一款啱玩，包唔會悶親! 同多啲friends 嚟應該仲好玩啲!可能因為我去嗰日係平日夜晚，所以人唔算多，不過靜靜哋可以同friend 傾吓計都幾好。Anyway，今次主要係嚟醫肚，叫咗兩個set dinner 同兩款小食。香蒜辣椒檸檬汁炒蝦啲蝦都幾彈牙大隻，辣辣哋加上檸檬汁嘅微酸吊出蝦嘅鮮味，唔錯，惹味之選。三文魚薯蓉配洋小茴醬炸薯蓉粒裡面混和咗三文魚碎，都幾香口，送酒一流。美國肉眼扒配燒肉汁份扒超級大，要同個friend share 嚟食先食得晒! 除咗份量大之外，肉質亦唔錯，幾 juicy。配埋甜甜哋嘅炸蕃薯條，令呢道菜味道更豐富。帶子蕃茄意粉佢嘅帶子都幾大隻，新鮮好味，煎得啱啱好，唔會韌。呢個意粉相對比較’刺激’，因為佢除咗蕃茄味濃之外，辣味都十足! (可能啲好食得辣嘅人會覺得並唔係一回事.. 😆) 醒胃之選。跟餐仲有餐湯(忌廉粟米湯)同沙

約左個朋友食生日飯, 知道佢鍾意HAPPY HOUR CHILL下, 就係諾士佛臺BOOK左寢宮因為見環境都唔錯, D位都坐得舒服餐廳大門用左白色, 2邊牆身都係雲石PATTERN, 入面既枱同地下都係以雲石紋為主, 真係幾靚一入門口就見到有人玩緊BEER PONG, 真係好耐冇玩啦除左BEER PONG仲有桌球台同標機, 都幾多野玩我地叫左2個小食, 分別係香蒜辣椒檸檬汁炒蝦同什菌芝士意式飯球個炒蝦食落去似少少冬蔭功既味道, 蝦肉好爽同彈牙, 少少辣, 好開胃個芝士意式飯球熱辣辣, 雖然話係飯球, 食落去完全唔覺自己係食緊飯入面既芝士勁香, 加埋什菌碎真係好好食之後就上沙律同餐湯, 沙律係parma ham雜菜沙律, 餐湯係忌廉湯, 好CREAMY, 稀竭度適中, 食到打溶哂既薯仔都未食主菜我個朋友已經不停讚好食同好正主菜我地叫左個燒羊鞍, 羊味好香, 配埋個醬汁非常好食配菜方面真係好係別, 係有紫薯蓉, 焗薯, 仲有蔬菜乾焗薯上面加左SOUR CREAM, 細細個好易食, 紫薯好香好甜, 蔬菜乾脆卜卜再加左少少蜜糖係面食到停唔到口呀電話影相影到冇電, 餐廳有免費充電借用, 掃一掃Q

尖沙咀諾士佛臺係有名的酒吧區但有時除左飲酒外都想食埋晚餐大多數酒吧只有小食選擇今次終於揾到間樓上舖可以食埋晚餐又可以飲酒諾士佛臺10號5樓 ～ 寢宮座位舒適不焗促中間位置以4-6人枱為主邊位的座位就用上寢宮裝飾坐到8-10人應該係咁 所以店舖叫寢宮餐湯及沙津～粟米忌廉湯初初諗住酒吧食飯食物水準唔會太高預左飲超市金寶竟然高質餐湯小食～香蒜辣椒檸檬汁炒蝦 （另加$58）真係好辣哦 蝦肉質彈牙依間餐廳廚師廚藝唔錯哦主食～美國肉眼牛扒配燒肉汁 $328上枱時哇左一聲無諗到咁大份塊肉眼扒真係好大塊大過我隻手呀有牛味 肉質唔錯 有些位置脂肪較多我非常欣賞圍繞周圍的配菜特別係左邊既紫番薯蓉仲有青瓜、黃瓜、車厘茄係肉眼扒下的白菜、 薯仔插住既西芹仲有乾蓮藕片、乾既番薯片好多蔬菜呀變得健康左餐飲～女人心事加左Bailey 既latte 酒味剛剛好 唔太搶易入口喎

又連假幾日！ 當然要搵地方飲飲食食渡過完美既holiday 。今晚黎諾士佛臺依間酒吧！ 細佬早前同班friend 黎依度聚會，大讚環境靚、食物酒水都選擇多質素高。裝潢都幾靚又多打卡位。 鞦韆、熊熊🐻、公主塗鴉牆，可愛之餘又充滿少女情懷。曾幾何時，小時候都幻想自己既房間可以咁靚。除此之外，這間酒吧空間感大，坐得舒服。還有桌球、beer pong、飛標機，大電視等！遲下黎睇波正！-餐廳食物相當有水準！我們點了兩個套餐，有沙律、餐湯、小食及主菜。❤️沙律及是日餐湯沙律菜嫩綠新鮮，還有爽口青瓜、洋蔥及蘿蔔絲；配上咸香火腿，味道不錯。餐湯是雜菌忌廉湯，菇味夠濃略帶creamy口感又不會太膩。-❤️香蒜辣椒檸檬汁炒蝦 蝦肉爽身；蒜香與檸檬的香氣酸甜去調味，十分開胃。-❤️三文魚薯蓉配洋小茴醬酥酥脆脆的外層、一咬下去是綿密滑順的三文魚薯蓉，正呀！-❤️美國肉眼牛扒配燒肉汁 $328六至七成熟肉眼扒色澤帶點粉嫩，肉質鬆化得來有咬口，油花分佈較平均！ 配料也相當豐富，有焗薯、蔬菜粒、炸脆片等。-❤️香煎盲鰽柳保雲蘇 $258一向很愛吃魚，盲鰽柳保雲蘇煎得香口，魚皮有點厚度口感煙韌；魚肉嫩滑不腥。沒有過份的調味，就

這間餐廳的感覺，一定會再來十分不錯👍🏻👍🏻👍🏻👍🏻👍🏻店很有歐洲酒吧的特色，感覺舒服的，有少少流行音樂，不過音樂如果細聲小小效果更佳👍🏻👍🏻👍🏻印象比較深刻就係這個蝦，它香辣又有BBQ的感覺，醬汁也是比較特別，蝦肉比較爽身的。沙律同個湯好有視覺嘅效果，豬扒都有驚喜，雖然豬味不是很重，但是他的感覺很鬆軟，不硬的，入口有溶溶的感覺都幾有趣。牛扒very good👍🏻👍🏻👍🏻不論視覺效果，同口感都好正，而且份量都好大份。飲品方面都好多選擇也好有特色，同朋友約會我會選擇這間的，不過如果將音量調低少少效果會更好。

早前忙完一個星期, 為了輕鬆一下, 便相約友人去了位於諾士佛臺的寢宮食飯.這是一間樓上的酒吧餐廳, 適合三五知己飲嘢傾計, 或者食飯. 而且這裡仲有桌球, 飛標等設施供給客人玩. 我點了晚餐, 包括鴨胸沙律, 豌豆湯, 主菜係慢煮西班牙黑毛豬鞍配鵝肝.另外加錢點了小食, 香草青醬雞肉芝士意式飯球. 飲品點了Mocktail - Yogee Drink.店員先奉上Mocktail.賣相不錯.鴨胸沙律. 蔬菜幾新鮮爽脆.香草青醬雞肉芝士意式飯球.外層帶點脆口, 內裡係飯混入了雞肉和芝士, 多重口感.豌豆湯.入口幾幼身, 帶有香濃的豆味. 主菜慢煮西班牙黑毛豬鞍配鵝肝上枱. 賣相相當精緻.而且份量也不少. 鵝肝時間控制適當, 熟度剛好.而黑毛豬鞍肉質夠嫩滑, 唔會覺得硬和乾身. 配料的紫薯不要錯過, 非常好味.這一餐係輕鬆愉快下渡過.

寢宮裝修非常特別， 有華麗嘅沙發， 壁畫同千鞦等， 超正！ 仲有Beer Pong枱、桌球枱同飛鏢等， 啱晒一大班人開Party 啦！ 今日有鴨胸沙律，有多種沙律菜， 鴨胸好嫩滑，沙律菜亦好新鮮！ 小食叫咗《香蒜辣椒檸檬汁炒蝦》， 味道酸酸辣辣， 嘅好食又開胃。 仲有《香蒜辣椒炒牛柳粒》，肉質鮮嫩，都幾鬆化，味道帶少辣， 好惹味，我喜歡！今日係粟米忌廉湯， 味道清甜， 口感細滑， 仲有靚靚拉花, Perfect ! 有多種Set Dinner提供，價錢由$168 to $328， 包餐湯、沙律及餐飲一杯， 仲可以升級小食， 價錢合理，值得一試！ 主菜有《慢煮西班牙黑毛豬鞍配鵝肝》， 黑毛豬表面煎得香脆鎖住肉汁，肉質鬆化， 充滿肉味， 因為豬鞍厚切上枱， 所以口感特別豐富， 好食！ 配上甘香鵝肝，十分惹味，加上多種配菜，例如有紫薯蓉、紅椒同蓮藕等材料。 鵝肝嘅油膩就被蔬菜中和咗， 口感同味道都好夾， 好正呀！ 仲有《香煎盲鰽魚柳保雲蘇》做主菜，魚肉上層整到脆卜卜而內𥚃肉質嫩滑，口感好有層次，味道當然不錯啦！ 飲品有《Yogee Drink》& 《Shirley Temple 》。