富豪坊

營業中

休息中

第二次去呢度飲茶~真的唔錯~!因為人少d, 地方大~ 唔駛等位. 今次去, 咁岩撞正有救世軍攪活動, 所以比較嘈~叫左幾樣點心~蝦餃既皮有d 厚~但入面既蝦落重料. 好味~! 牛肉大大粒~冇特別~腸份好滑~ 一樣都係落足料~ 蜜汁叉燒餐包, 好好味~ 個包上黎時仲係熱既~ 甜甜地~ 細細個~ 好食!!蘿蔔糕冇乜特別~ 但勝在唔係勁多粉~ 仲有叫左個魚片粥~唔記得左映相~ 有好幾舊魚片~ 可惜太咸~最後爸爸要食甜品~ 所以叫左個柱花糕~ 清甜帶香~ nice~

又入沙田~ 今次同屋企人飲茶~ 第一次去麗豪酒店~ 有中餐, 眼見唔駛等位. 於是同家人馬上入去~環境幾好~ 唔太多人~ 而且每張枱之間有大量空間~ 唔似得其他酒樓一樣, 又迫人又嘈~媽媽總係說冷氣唔夠..一路食, 一路出汗~ 不過我同其他人都冇...可能係位置問題吧?!這次只是叫點心, 巳經好飽~燒賣大大粒, 份量夠.蜜汁叉燒餐包, 值得推薦! 份量剛好. 加上甜甜的蜜汁味, 包內的叉燒又唔"鞋". 讚! 鮑魚汁雞腳味道也不錯~ 只係自己對雞腳唔太喜歡~ 但家人一路食一路話好味道!!叉燒腸粉同其他酒樓差不多~冇特別~ 不過好足叉燒~ 份量冇呃人~!鮮竹卷反而味道唔太好~ 一夾起就爛..皮太薄, 而且好咸...雙芹魚米餃..呢個皮又太厚, 入面有好多涵~ 不過食唔出係乜野...桂花糕好香~ 有淡淡既桂花味~ 凍食真的不錯~~芒果糯米卷~呢個我冇食, 不過屋企人食晒~ 大家都一致好評~ 芒果好甜~ 糯米唔會太厚~整體黎講, 食物水準不錯~只係服務太差~ 冇乜侍應...上菜時大大力放在枱上. 問佢地o個樣係乜野點心..佢地又話唔知..你地有叫我地先會送黎..係你地叫架喇... ( 其實只係

今日同家人(共7人)食團年飯, 去了沙田麗豪酒店的富豪坊, 全新裝修地方都舒服, 我們點了數個餸菜, 1. 香芒汁炸鱈魚球, 外脆內裡肉質保持軟滑。2. 桶子雞肉質也嫩滑, 啖啖肉 3. 草莓古咾肉個汁唔夠濃, 4. 蜑家炒飯炒得有水準 等等.... 而服務就好... 上菜次序好亂, 每道菜又等得好耐才上, 最奇是我們點了一碟三層燒肉, 吹左三次, 大家都食完其他菜式, 才有服務員來說, 不好意思因個舊燒肉燒極都咁肥, 所以決定不燒, 結果我們好無耐, 只好取消, 又沒有一早通知, 等到呆才話無, 真有點掃興。結果送番生果和紅豆沙, 紅豆沙都有水準, 起沙好味的! 總括來說食物ok, 服務ok, 多數信用卡都有85折, 而白金咭就8折, 都ok抵食啦, 若好耐無見的朋友在這裡食都好的, 在等了又等餸菜的時候, 有足夠時間詳談

被放逐到大陸做"庶民"五天,難得約了文學老師,跟Honey,兩個傳统的男仕,又要補償我過去幾天的肚皮,再到訪這兒晚膳.就是這個傳统菜,從未在我的食譜出現過,做得出色,但沒有傳统的野味.餸飯頂呱呱材料十足的炒飯可以吖亦抵食

:今日約咗朋友喺沙田食飯，諗住揾間靜啲嘅中菜廳可以傾下計，走咗入去麗豪酒店豪苑，點知原來改咗名叫「富豪坊」，重從新裝修咗，好闊落好靚添！我地叫咗三個小菜 (粉絲雜菜煲 / 葱油雞 / 勝瓜浸中蝦) 及一個燉湯 (天麻燉魚皇) 。粉絲雜菜煲份量夠大，好多料，蝦干味好香；葱油雞嘅雞肉好鮮嫩；勝瓜浸中蝦都唔錯，嗰啲汁好濃而又帶咗蝦嘅鮮味，勝瓜浸咗落啲汁到好好味！最值得一讚及推介嘅係個燉湯，湯味濃，湯料足，雖然係魚湯，但係一啲都唔腥，飲完喉嚨都唔會「喝」喉，真係老火靚湯！之後叫咗紅豆沙做甜品，水準都好高，起哂沙又唔會好甜 (有啲酒樓真係煮到〝甜椰椰〞，成啖糖擺入口咁) 。我地食完都好滿意，埋單嘅時候經理話指定信用咭仲有折，唔駛四嚿水就落樓，勁抵食！(如果有中銀咭仲抵，因為中銀咭做6.8折！) 不過我地已經決定咗約多啲朋友下次再嚟食！P.S. 八卦問下啲伙記，得知原來個大厨係响利苑酒家過嚟，唔怪得知啲食物水準提高咗咁多啦！