富豪坊

營業中

休息中

一個移咗民嘅朋友返嚟香港住沙田麗豪酒店，約左喺「富豪坊」飲茶，呢間酒樓午市除了點心供選擇外仲有很多單點餸菜呢！酒樓環境舒適，十分寬敞。 雖然位於酒店裏面，但有着一般酒家嘅熱鬧和溫暖嘅氛圍，服務方面絕對有酒店嘅級數。甘脆蝦多士唔係好多酒樓有，多士食十分鬆脆，蝦膠嘅份量頗多，而且夠鮮味和食落彈牙。原隻鮑魚濃湯灌湯餃用料十足，原隻鮑魚好入味，配埋鮮甜濃郁嘅湯底，真係富豪食嘅灌湯餃。蜜味酥皮焗鱈魚一口咬落個酥皮做得鬆脆，中間嘅鱈魚魚油味濃郁，跟蜜糖嘅味道好匹配。富豪鮮蝦餃蝦餃皮夠薄，晶凝通透、蝦嘅份量夠多和新鮮之外，還混入了竹筍，味道夠晒正宗。香菰湯羅漢鮮竹卷鮮竹卷嘅腐皮豆香味濃，包在裏面嘅餡料都非常入味，口感爽脆彈牙。椒鹽象拔蚌片第一次咁食象拔蚌，鮮甜和爽口嘅象拔蚌片，包上沾滿椒鹽嘅一層薄薄脆漿，味道豐富，絕對有驚喜。手工芝麻卷芝麻卷做得夠滑身，芝麻味好出，食埋呢個甜品就大滿足。

先講講佢地既餃子款式，都好厚皮，而佢地既餡同皮一咬都好完整分離，餡料都比較小。而且味道都教淡，所以食起黎款款都好似差唔多味咁🙂年年如意（龍蝦蘆筍餃）🙂金榜題名（金箔燕窩鮮蝦餃）🙂鳳凰白菜餃🙂瑤柱鮮蝦菜餃🙂富豪鮮蝦餃🙂欖仁上素餃😀蜜汁黑豚肉叉燒 味道偏咸，中意個蜜豆，好有口感，叉燒肥瘦岩岩好。🙂麻香蔥花雞 雞肉都算嫩滑，但麻香味淡，食起黎唔太重味道。呢4款點心就我自己最中意既🥰恭喜發財（髮菜大蠔豉燒賣）🥰横財就手（髮菜燜豬手）🥰駿業宏開（X0醬牛柏葉魚肚）🥰豉蒜蒸排骨

客户入住沙田麗豪酒店，晚飯相約我到酒店的中菜餐廳"富豪坊‘’ dinner, 質素不錯。餐廳開揚光猛，坐近窗邊可以遠眺沙田河畔夜景，很 優遊自在。黑魚籽鮑汁煎蠔~ 蠔外脆內juicy，配鮑汁和黑魚籽，很香很惹味。山根銀蘿蒜子扣大鱔~鳝肉爽脆彈牙， 配料有薑蔥，蒜子，蘿蔔和山根，加入少許陳皮，更加滋味！蘿蔔炆很腍，很甜，山根索滿醬汁亦很美味。脆皮三黄雞半隻~雞皮鬆脆， 雞肉嫩滑鮮甜，很有雞味，連雞胸肉也很滑嫩，正！飯後經理更奉上陳皮紅豆沙作甜品， 紅豆又甜又大粒， 有陣陣陳皮味，很滿足！

沙田麗豪酒店都有幾多唔同嘅餐廳，最正嘅係食咗飯就可以免費泊車🤭 上次嚟試過上海菜，今次就試下佢哋嘅粵菜廳「富豪坊」。 夠膽以富豪起名，咁所以座位都幾闊落舒適，服務週到店員友善。 ✅️ 免費泊車優惠 ✅️ Regal會員有discounts ✅️ 午餐坐窗邊位置會有沙田河景💰 晚餐 Around 350-450/人 餐牌方面佢哋有散叫，亦都有套餐選擇，價位中上。我哋當日2人食咗⤵️ 🥢上湯海蝦頭配香煎新竹米粉 平時配伊麵就食得多啦，呢度幾特別，香煎米粉另外上嘅，煎得幾香脆，然後按自己喜好淋上上湯汁😌 🥢韓式沙煲脆鱔球 中餐裏面融合咗韓式嘅煮法，加入大量kimchi，鱔球尚算厚肉彈牙，整體味道惹味，啱送飯🤭 🥢籠仔蟲草花蒸雞半隻 原本打算叫椒鹽脆皮三皇雞，但係當日三皇雞就賣曬啦，所以我哋就改叫蒸雞，養生菜式🐔

今次黎到沙田麗豪酒店食中菜門面上的確是有點歷練感，食物質素同空間感舒適度都挺好！茶位$20/位 小食 $22椒鹽脆皮廣島蠔 $128 每粒都脹卜卜大大粒，脆皮好薄身～蠔仔熱辣juicy避風塘珍珠帶子 $98將珍珠帶子做個脆皮比較少見，避風塘微辛幾惹味！鐵板陳皮沙薑生煎雞 （半隻）$298一上碟已聞到陣陣超香，陳皮嘅香氣好突出，雞肉有彈性唔柴上湯焗蝦球配煎竹米粉 $228上湯蝦球好大隻，用兩面黃嘅方法將新竹米粉煎至香脆金黃配上湯食超有驚喜～最後奉送了紅豆沙

前排先去完麗豪酒店，質素吾錯跟住今次話咁快又再去，富豪坊有部分座位可以眺望沙田河畔景觀，一路食野一路望靚景幾正😊✿ 黃金豆腐磚 $88架吾中喺出面都會食金磚豆腐，黎到酒店又試吓酒店手勢先🧡呢度系整成一條條，外層香脆可口，內層豆腐滑溜，豆味香濃🤍✿ 玫瑰豉油雞 $198平時喺酒樓豉油雞系吾少長輩所喜愛嘅一道菜，無可否認豉油雞系有佢吸引之處😄半隻雞好夠兩個人食咯🐔雞肉件件滑溜，豉油香甜入味。✿ 玫瑰香焗鱈魚球 $298又系玫瑰菜式，鱈魚球鱈魚味不俗🐟玫瑰醬汁🌹令菜式加不少分，香焗烹調方式令玫瑰醬汁滲入每件鱈魚球中。✿ 鮑汁鱆魚雞粒炒飯 $188系鮑汁吾系鮑魚，炒飯做到粒粒分明真系吾系咁易，我覺得呢度都算做到，鱆魚味道新鮮，雞粒索埋鮑汁認真好味😋🐔

約好友食飯，因佢住這區便選了這，以便傾偈聚舊。餐單選擇有很多，我們選了一些得奬的推介菜。榮獲香港旅遊發展局主辦美食至最大賞至高榮譽金獎名饌茶皇燻雞半隻以龍井茶葉薰染雞肉，皮脆雞滑，食落有茶香而不腻，好味道。另獲金奬的金湯珍珠香茜魚蓉羹（$138/每位）也不錯，啖啖魚蓉同埋芫茜，幾香及好味。椒鹽脆皮廣島蠔（$98）也外皮香脆，蠔若大隻些更正。鮮菌粉絲煲也正常。坐位很充裕及闊落，服務也周到，慢慢談天聚舊的不錯選擇。

約咗朋友食個晚飯，搵嗰decent啲嘅地方，於是嚟咗沙田麗豪酒店嘅富豪坊食中餐。果然係酒店級服務，環境舒適寧靜，服務員有禮貌，照顧周到。鐵板陳皮沙薑生煎雞：幾特別有心思設計嘅菜式，雞肉嫩滑，足料半隻春雞，加上陣陣陳皮香味，濃郁飄逸，肉質嫩滑 鹹魚煎肉餅：朋友忍唔住叫返家鄉菜式，鹹魚嘅使用適度，味道夠香，又不至於太鹹，送飯啱晒真菌如意扒鮮腐竹：腐竹新鮮軟熟，加上唔同嘅菌類，味道清新，最啱襯返向後嘅主菜，平衡一下招牌脆皮燒腩仔：見到台台都叫呢個燒腩仔，就知不得了，等咗都幾耐，一上枱就知道不得了，新鮮焗好，加上燒過嘅脆皮，非常脆口，同時平衡到肉質嫩滑，見到用料上乘，係高質素嘅腩肉先做到呢個效果，果真驚喜！特濃薑汁燉奶：最後叫返個甜品，雖然要等20分鐘，但係即叫即打，新鮮製作，清香嘅薑汁味加上白滑嘅燉奶，處理得好好，如果唔係要等，真係忍唔住食多碗

Regal Terrace 沙田麗豪酒店的中餐廳～富豪坊，裝修有中國風的擺設，富有東方色彩的傢俱及水晶燈飾，又面對河畔境色，令人心情愉快的晚上🌃。香麻蔥花雞，🐓雞髀、雞胸各半，雞入味又滑溜，連平日唔食雞皮的我都忍唔到要食埋佢。胡椒虎蝦粉絲煲，虎蝦有6大隻，輕炸到金黃色很香脆，肉質爽彈，胡椒味濃的粉絲，炒得好香又惹味，爽口又不油膩。砂鍋珍菌乾燒龍躉球，龍躉球用了薄粉輕炸，炸到皮香脆，魚肉厚身大塊，肉質煙銀爽口，醬汁配以鮮味的菇菌很香口，用砂鍋上菜，保溫持久，可以慢慢品嘗。最後店員還會主動送上滋潤糖水，很貼心啊☺️。

為家中長輩籌備壽宴，長輩屬意沙田區的酒店；之前曾到麗豪酒店吃越泰菜，質素不錯，一於藉此機會光顧麗豪酒店的中菜廳-富豪坊，考究其質素。餐廳佈置時尚典雅，環境不錯。環境十分寬敞，空間感十足。蝦籽扣柚皮 $208，很久沒點的菜式，因為烹調難度甚高，為免失望，只會在質數較高的餐廳點這道菜。柚皮厚身，軟諗無苦澀味，蝦籽香，味道不錯大澳啫啫唐生菜煲 $148份量較預期多，排列整齊，賣相精美。蝦干大大隻，味道夠；配合蝦醬的鹹香，的確惹味！鐵板陳皮沙薑生煎雞半隻 $198沙薑醃過的雞件，夠入味；去骨啖啖肉，有驚喜；仔細咀嚼會嚐到點點的陳皮味，陳皮質數甚好，沒有澀味，有創意的好味道！櫻花蝦香菇蒸肉餅 $188大大碟的肉餅，肉餅鬆軟，面層鋪滿櫻花蝦，蝦香撲鼻！味道不太鹹，淨食都不錯。晚飯完畢，食物質素很滿意，決定在這裡為長輩辦壽宴！

預祝中秋節，食物用心，環境舒適，服務有禮，一家人過了一個愉快的晚上！👍🏻👍🏻👍🏻埋單時，原來在Open rice 訂位有八折！願人人身體健康！中秋節快樂！

老友生日她愛吃粵菜，酒樓裝潢豪華、空間感十足，大玻璃窗可看到城門河畔夜景。我們點左椒鹽脆皮廣島蠔$98，蠔有六隻炸得美味香脆，值得推介👍👍。窩粑柚子脆蝦球$288，薄脆漿包住超大隻蝦仁🍤很彈牙，炸得鬆脆又可口，蝦上面放柚子蜜和新鮮柚子肉，清香味美，蝦下面放有脆脆的窩粑，多重口感真美味😋，伴碟沙律菜🥗很新鮮，賣相很靚。川燒羊肚菌海參煲$268，用瓦煲熱辣辣上枱香味四溢，海參很黏口，羊肚菌味清香，配京蔥、芹菜增添香味，川燒汁少少辣夠惹味。甜品：紅豆沙， 甜度適中。總結：環境寬敞舒適，服務佳，味道正。

沙田麗豪酒店內搵中餐食下先⬇️⬇️⬇️🔯 蜜餞金錢雞 ～ 好耐冇食過傳統的蜜餞金錢雞了見到忍唔住叫，鵝肝食落好甘香，另配以有玫瑰露味的蜜汁叉燒香甜惹味，用包包住食一d 都唔肥膩。🔯 大澳啫啫唐生菜煲 ～ 本身鍾意食唐生菜的我對啫啫煲真係抗拒唔倒，喜歡佢放底時滋滋聲， 蝦乾大大條又有豬肉碎，同唐生菜一齊食好夾，菜又夠爽甜。🔯 脆皮炸鮮奶 ～ 一客6件大大件， 即炸起即食夠哂外脆內軟， 入面的鮮奶好軟滑。🔯 鮑汁鱆魚雞粒炆飯 ～ 鮑汁味包滿每粒飯，鱆魚香雞粒juicy 又有菜粒， 每口都咁滋味。🥣 陳皮紅豆沙 ～ 最後仲送甜品，呢碗起沙， 入口已經有果皮香，飯後一碗真嘆。

📍 富豪坊 Regal Terrace🌍沙田大涌橋路34-36號麗豪酒店2樓2/F, Regal Riverside Hotel, 34-36 Tai Chung Kiu Road, Sha Tin📝整體評分：8／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⤫ 砂鍋珍菌乾燒龍躉球 ⤫ ＄２６８龍躉蘸薄粉輕炸，皮脆掛汁，厚肉大塊，汁香味濃，甜而不膩，砂鍋炆焗恰好珍菌的香氣充分釋放。⤫ 脆皮燒腩仔 ⤫ ＄１８８咬落好似食薯片咁脆，唔硬又唔痴牙；脂肪及瘦肉要層層相間，五層清晰可見，肉質柔軟，唔乾脆而且唔滲油，帶鹹香。⤫ 揚州炒飯 ⤫ ＄１９８港式經典炒飯，簡單卻美味，叉燒粒、蝦仁、雞蛋、菜心、香蔥猛火炒香，米飯保持鬆散且不油膩，超級豐盛，起碼要4個人食。

朋友生日，約咗去沙田富豪坊食飯慶祝生日。富豪坊主打係傳統地道廣東小菜及點心，選用高級及新鮮的食材，務求要做到「色、香、味」俱全，為客人帶來完美的味覺及視覺新享受。裝潢方面融入了中國荷花的美態，再配上中國色彩的擺設、金銀色調傢俱及水晶燈飾等，盡顯東方色彩。脆皮三黃雞：大廚選用肥美肉香嘅三黃雞，烤成脆皮三黃雞，雞肉鮮美嫩滑、皮薄脆口，骨細味濃、風味獨特。砂鍋真菌乾燒龍躉球，砂鍋是以陶土和沙所製成，具備受熱均勻、保溫持久、保留原味與耐長時間烹煮的特性，用來煮菜，渾厚濃郁的香氣可是金屬廠鍋做不出來的，除咗啫啫聲音還有香氣十足，鑊氣味非常濃郁，龍躉肉質嫩滑爽脆，魚味濃郁。配上芳香馥郁的菇菌，味道和質感各有特色。楊州炒飯，炒飯飯粒很乾爽，不油膩，炒飯料多份量，味道鹹鮮適宜、軟硬適中、香潤乾爽。 具有炒飯特有的米香。綠豆糖水，綠豆具清熱解毒的功效，糖水甜度適中，美味的免費飯後甜品。