富豪坊

營業中

休息中

I used to visit this place with my parents every week when I was still a kidSo regal is kinda my childhood memories It has been almost 20 years since i left the neighbourhood But everything looks just like yesterdayWith the classic yellowish interior and silver lining seaters Ordered 2 signature dishes for dinner- rose baked cod ballsExtremely tender and moist A hint of rose flavourDelicate textureWith salad at the side -fish maw and goose feet in abalone sauceHuge pot served hotGenerous portion

今晚想食得優悠d relax d 所以來到沙田麗豪酒店的Regal Terrace 富豪坊，佢係一家提供粵菜的中餐廳， 由於位置酒店之內，所以餐廳環境寬敞氛圍舒適。🥰我哋點咗佢的招牌菜式包括墨魚籽鮑汁煎蠔、砂鍋竹笙上湯虎班球、再加上鮑汁鱆魚雞粒炆飯和和飯後糖水紅豆沙。😍墨魚籽鮑汁煎蠔這道菜式將鮑汁和墨魚籽煮成濃郁的湯汁，再將新鮮的蠔煎至外皮酥脆，內裡鮮嫩。這個煎蠔的口感非常獨特，墨魚籽的鮮甜和鮑汁的鮮味混合在一起，非常美味。😋另一樣係砂鍋竹笙上湯虎班球以虎班魚肉片再加上新鮮的竹笙和上湯，味道清新而不失鮮美。砂鍋的火候掌握得非常好，湯汁和食材的口感非常協調。鮑汁鱆魚雞粒炆飯是另一道非常受歡迎的菜式。炆飯的米飯煮得剛好，口感Q彈，而鮑汁、鱆魚和雞粒的配搭，令整道菜式的味道更豐富，令人一試難忘。😋最後是經典的中式甜品紅豆沙，紅豆非常香甜煮得剛好軟爛，是完美的一餐結尾，大滿足。🥰

喱間酒店裏面既餐廳環境舒適，裝潢雅致，睇到河畔夜景，侍應都熱情周到，隨時關注客人既需要。前菜有粟米蓮藕，爽口開胃。首先點咗砂鍋珍菌乾燒龍躉球，香濃既醬汁加上菌香，色香味俱全，大大塊龍躉肉，配埋炒香左嘅薑，大蒜，送飯一流。跟住燒乳鴿一隻，燒得恰到好處，皮脆肉厚，肉質保持了原有的嫩滑。乾貝汁珍菌煎焗鮮蝦球，有六粒大蝦球，外煎得香脆淋上咗乾貝汁，口感豐富，而內裏既蝦肉新鮮彈牙，中間放咗炒咗既茹菌。最後蒜片燒汁牛脷粒，牛脷粒炒得十分入味，口感鮮嫩。搭配上蒜片燒汁，味道更加豐富。最係附上甜品芋頭粒西米露

今日咁岩去麗豪酒店探朋友，我地就簡左係酒店內中菜酒家，餐廳環境好大，枱與枱之間既空間都好足，而且有高身椅背，都坐得幾舒服。菜色方面招牌菜式都好多海鮮選擇。玫瑰香焗鱈魚球鱈魚分量剛剛好，鱈魚焗出陣陣醬油香，食落有淡淡玫瑰清甜味，外脆內軟，無骨啖啖肉，配碟仲有生菜絲加沙律醬，配搭清新。脆豆腐外皮炸得好香脆，入面的豆腐軟滑，豆味香濃。椒鹽味都好夠。係個惹味又令人開胃嘅小食。乾貝汁珍菌乾煎蝦球乾貝汁珍菌調味亦都非常出色，火候控制得剛剛好，煮出來的珍菌爽滑彈牙。蝦球方面都不馬虎，首先蝦球已經大大粒，乾煎外皮煎得好香，內裏保留到蝦的鮮甜味，而且十分彈牙，值得一試。

平日難得放假想食得中菜又想寫意啲，於是就試下酒店嘅中菜！晏晝除左點心之外仲可以叫依度嘅招牌菜式試左玫瑰香焗鱈魚球($298)，鱈魚肉質彈牙爽口，而用玫瑰去焗就令個魚食起黎更清甜而又唔會遮蓋左魚本身嘅鮮味！另外叫左砂鍋竹笙上湯老虎斑($298)，老虎斑肉質好厚，用上湯嘅方式煮就更加突顯到淡淡嘅魚香，另外配菜有竹笙、西蘭花同菇，令個湯更加鮮甜之餘，竹笙吸晒啲上湯都好好食蜜味叉燒腸（ $58 ），腸粉嘅皮好薄好滑，叉燒夠哂多同入味今次兩個人食得唔多，下次同埋屋企人嚟試埋其他嘢！

沙田麗豪酒店的中菜廳食物相當高質，中菜廳地方夠大，呢到睇到河畔夜景，靜靜地，一家大細黎食飯都好啱～👨‍👩‍👧‍👦叫左一啲餐廳的招牌，包括乾貝汁珍菌煎焗鮮蝦球，有6隻好大隻既蝦球，蝦球沾過粉漿輕輕炸過，咬落好脆口🦐蝦又新鮮，配上炒得好香既菇菌，味道真係唔錯。另一道係鮑汁花膠鵝掌煲，呢道真係好推薦，佢有花膠、鵝掌、花菇、小棠菜，花膠大塊到癲，份量好多，花菇又好大隻，鵝掌炆得好入味，真係真材實料。再叫多左個蒜片燒汁牛脷粒👅呢款好惹味，用黎送飯一流！最後仲送左一人一碗紅豆沙，都好好食🫘🫘🔸乾貝汁珍菌煎焗鮮蝦球🔸鮑汁花膠鵝掌煲🔸蒜片燒汁牛脷粒📍#富豪坊 (#沙田美食)沙田大涌橋路34-36號麗豪酒店2樓

今晚與朋友到富豪坊吃飯，位於沙田大涌橋路34-36號麗豪酒店2樓。 店內環境舒適，裝潢方面融入了中國荷花的美態，配上中國色彩的擺設、金銀色調傢俱及水晶燈飾，盡顯了東方色彩。  餐廳提供酒店式粤菜， 菜式種類多，見到餐廳都有幾多熟客。晚餐🥢 ～ 黑魚籽鮑汁煎蠔$288、 杏汁燉白肺湯$268、 鮑汁章魚雞粒炆飯$188。 ✨黑魚籽鮑汁煎蠔 ～ 賣相相當精美， 一碟有六隻， 煎蠔味道很鮮甜， 外脆內軟，配上濃郁鮑汁和黑魚籽作點綴， 食出淡淡蠔香。 ✨鮑汁章魚雞粒炆飯 ～ 每粒飯都吸入鮑汁的精華， 加上章魚、雞粒和翠玉瓜粒，份量好多，兩個人食唔曬。✨杏汁燉白肺湯 ～ 真材實料，有大大塊厚切花膠， 有豐富的骨膠原， 豬肺口感有彈性，奶白色的湯頭味道香濃幼滑， 清澈鮮甜，有濃郁的杏汁味， 超好飲。 ✨紅豆沙 ～ 甜品有紅豆沙， 甜度適中。富豪坊的菜式味道不錯， 每一款都用心製作， 絕對是一間親民的酒店式粵菜餐廳😊。🏷️溫馨提示～ 整個用餐體驗均屬個人分享意見， 只作參考😊。

同屋企人食飯鍾意食中菜，呢間富豪軒都算係沙田好多年既老酒家👍🏼最欣賞有幾個必點菜式，次次同屋企人黎都會點！。呢度茶芥 $22/位，小食 $22/碟（好似4人一碟）。午市飲茶都好滿座，好多時要訂位先有位。今日我地叫左兩個點心「海皇炸芋角 $58」同「酥皮鱈魚酥 $58」。點心即叫即整，鬆脆又唔痴牙，整體都好出色。。一坐低即刻叫左個湯「杏汁燉白肺 $268」呢個真係幾抵飲，一鍋夠5-6人份量，又足料又滋潤。另外有個「砂鍋珍菌乾燒龍躉球 $268」又係好好味，脆漿包著龍躉球輕輕一層炸熟，加埋蒜頭乾蔥菌類爆炒放係煲中一齊上碟，超有鑊氣又惹味。。中菜黎講真係好食👍🏼提提大家早啲訂位可以request窗口位，風景真唔錯🤭

細個有段時間成日都會去麗豪酒店食自助餐但中菜就反而未食過今次同家人去咗富豪坊食飯發現酒店入面有超過十間各式各樣的餐廳真係可以慢慢試下唔同美食講番富豪坊先啦佢個裝修都仲幾乾淨 又有一種以前細個去高級酒樓的感覺除咗有招牌菜 仲有超值燕鍋花膠片皮鴨套餐邊食邊見到隔離檯點了片皮鴨烤鴨色澤靚又大隻下次多啲人去都想試下😋🥢砂鍋竹笙上湯虎斑球👉🏻砂鍋煮得好夠火喉 虎斑球有好香嘅魚鮮味 而且肉質都幾嫰 竹笙都係厚身爽脆個種 索哂啲上湯 🥢乾貝汁珍菌煎焗鮮蝦👉🏻第一次食呢種味道嘅煎焗蝦 但又幾好食而且好送到飯 特別係中間嘅乾貝汁煮珍菌和肉絲 而煎焗蝦除咗大粒之外 外層微脆肉質爽口彈牙 好新鮮🥢香麻蔥花雞👉🏻主餐牌裡的小菜之一 蔥花雞 雞髀肉肉質滑捋捋帶點惹味麻香 係忍唔住會不停食嘅味道🥢紅豆沙👉🏻食中菜嘅最後就係要來一碗中式糖水 煲到起哂沙嘅紅豆沙👍🏻

平時在沙田新城市搵食居多，食到唔知食咩好今次行遠少少去到河畔比起沙田站多一份寧靜同舒適可以享受望住河畔的晚餐🌌餐廳人流不多環境開闊待應親切友善服務週到👍🏻乾貝汁珍菌煎焗鮮蝦球 $268🍤六隻大大隻的新鮮蝦球咬落爽口彈牙炸粉簿簿一層十分脆口再加上乾貝汁同珍菌的調味好有驚喜！🤩黑魚籽鮑汁煎蠔 $288🦪六隻煎蠔咬落有爆汁而且好鮮味推介！😋砂鍋西施杞子烏雞滋補炒飯 $188🍲上場待應會用花雕酒淋一圈再焗一焗個味更加香飯內的烏雞已經切粒去骨方便進食份量好抵食可以盛到6碗飯左右PS:附送的紅豆沙都相當好食🫘✨總括來講服務態度好食物質素相當高除左食材新鮮烹調手法好欣賞中意食物都係好清好香唔會有一大pat醬汁個種

最近朋友推介這裏的中菜，今天便專程從九龍城到這裏來。這間位於酒店內的中菜館，環境舒適，地方寬敞。乾貝汁珍菌煎焗鮮蝦球$268，鮮蝦球經過走油之後，保持了外脆內軟，爽口彈牙，加上面頭的薄薄脆將，吸收了醬汁的鮮味，混合為珍菌來吃，非常滋味，值得推薦。砂鍋竹笙上湯虎斑球$298，虎斑球魚肉味道濃郁，肉質結實，比起普通的龍躉更為鮮味可口。另外一個窩心的安排就是用上砂鍋，砂鍋可以保持溫度，令到虎斑球的鮮味可以保住一段時間。香麻蔥花雞$98，這個是冷盤，雞肉鮮嫩可口，帶點香蔥的香氣和花椒的味道，作為前菜非常合適。紅豆沙，甜度適中，雖然是免費贈送，不過製作一點都不會馬虎。茶位每位$20芥醬小食$20

閨密生日我約她環境舒適、裝潢靚靚中菜廳，掛有多盞水晶燈，大大玻璃窗可欣賞城門河畔夜景。我們點左黑魚籽鮑汁蒸蠔$288，賣相很靚，薄脆漿包住大大隻蠔有炸得香脆，索左甜甜地的醬汁，蠔味香濃很鮮甜，上面放黑魚籽，增添美感。👍👍👍 砂鍋珍菌乾燒龍躉球$268，新鮮去骨龍躉大大塊又厚肉，魚肉嫩滑又鮮，配料豐富有乾蔥頭、紅椒、薑片、菇類，很好吃真美味送飯一流。😋😋😋香麻蔥花雞$98，雞肉很嫩滑好好味，雞皮爽口，真不錯💕💕💕晚飯有陳皮紅豆沙糖水送，紅豆起沙很棉滑，陳皮味香氣，甜度剛好。總結：食物質素非常高質，服務周到，環境寬敞舒適，值得回頭。

假日食午餐想食中菜點心，坐得好啲，就揀咗麗豪酒店嘅富豪坊。去到都相當多人，被安排近窗邊位置，可以眺望望城門河景😍我哋叫咗兩款招牌菜同點心。兩個人相當足夠！▶️黑魚籽鮑汁蒸蠔$288呢個蠔有炸皮，帶有醬汁，所以外皮香脆，蠔好大隻，夠鮮味！外脆內軟。仲有黑魚籽！▶️干貝汁珍菌煎焗鮮蝦$268鮮蝦外皮充滿醬汁，脆脆口感！非常大隻爽口。除咗蝦仲有好多菇，有香濃干貝汁。▶️瑤柱蒸燒賣$60燒賣新鮮蒸起，熱辣辣！面上有瑤柱，燒賣豬肉爽口，無肥膏！▶️上湯牛肉球$48呢個牛肉球用上上湯，感覺健康啲。牛肉球大大粒，牛肉味香濃！假日茶芥$22/位、前菜$22/碟

這間富豪坊位於沙田麗豪酒店2樓中菜廳，環境係以新派裝飾形合顧客🤔，整間中菜廳都好光猛大玻璃窗😮，同時都有好幾個唔錯打咭位!.椒麻乾燒大蝦球$268呢一碟乾燒大蝦球賣相夠哂吸引😍，係店家招牌菜之一🤔，有大蝦、京蔥、乾辣椒、花生，整碟大蝦球十分之豐富😲，食到入口蝦球肉質爽口又彈牙味道鮮甜😋，配埋佢嘅配菜剌激又惹味😝，夠哂穫氣真係好有水準!.砂鍋珍菌乾燒龍躉球 $268呢鍋乾燒龍躉球望著好似好好味🤤，有龍、野菌、洋蔥、紅椒、黄椒、蔥、薑真係好足料🤔，店家送上枱散發香噴噴味😙色香味俱全，大大塊龍躉球夠哂厚啖啖肉肉質實肉好新鮮😙，加埋店家醬汁味道香而甜口😋，味道濃香好美味!.鮑魚雞粒酥 $58呢一碟中式美點雞粒酥都幾特別🤔，細細個圓碌碌都好幾特別🤤，賣相好似好好食，食入口酥脆香口😙，味道鮮美包裹鮑魚煙韌雞粒腍嫩口感味道都幾好😋!.鴛鴦椰汁桂花糕 $48呢一款西式美點鴛鴦糕都唔錯🤔，一件兩種味道上層啖啖桂花清香😙又爽口，下層椰汁香而甜滑😋，甜度適中食完油膩嘢食番件!.

沙田麗豪酒店的富豪坊走過無數歲月，在沙田擁有一定的歷史，富豪坊主要提供高級中菜，寬敞舒適加上氣派輝煌的用餐環境，光是踏入富豪坊的那一刻，就深深感受到尊貴感，在這品嚐美味佳餚更是頂級的享受。黑魚籽鮑汁煎蠔薄粉輕掛，再煎至表面香脆，煎蠔香到不得了，任誰也無法抗拒。鮑汁增添煎蠔的海味，再以高貴的黑魚籽點綴，黑魚籽鮑汁煎蠔外脆內滑彈的口感，真的讓人一吃難忘。蝦乾頭抽煎焗虎斑球實在太優秀，榮登本日最好吃的寶座，虎斑球飽滿無骨刺，可以體會大口吃魚的爽快。在蝦乾頭抽的煎焗下，引出海鮮的鹹鮮香味，煎焗斑球與蝦乾一起品嚐，愈嚼愈香，相當下飯。魚湯竹笙豆苗就像湖江山色般秀麗，以鮮魚精熬成上湯作湯底，乳白色的湯頭清徹無油，喝起來甘甜鮮美。春天的豆苗碧綠鮮嫩，爽嫩的竹笙更是吸飽魚湯的精華，份外好吃，老少咸宜。是日精選甜品紫米露在乍暖還寒的春晚吃上帶來幾分暖意，冷冷夜喝上熱呼呼的紫米露無比幸福，西米綿綿，一入口立即化開，紫米十分濃稠，口口嚐到紫米香，紫米露甜度恰到好處。