富豪坊

營業中

休息中

一試難忘，一定再返去食🤪多謝經理同佢嘅團隊安排👍🏻👍🏻👍🏻👍🏻👍🏻嗰晚嗌咗依啲菜式，大家一定要試👍🏻🔹柚子炸蝦球 (呢個真係好正，全家都好欣賞🤩🤩)🔹 咕嚕肉 👍🏻🔹 冬瓜盅 (記得早啲預訂) 🍾🍾🔹 片皮鴨 (都係記得早啲預訂，佢嘅二食係我食過咁多間最好，可以加茄子再炒)🔹 脆皮鹽香三黃雞 (真係皮脆肉滑，不得了👍🏻👍🏻)🔹 古法豆腐蒸斑球希望大家都有呢個經歷一定要去試，thank you 富豪坊

家母學佛茹素，補食生日飯，見麗豪有呢個套餐。Request咗坐窗口，經理服務專業，員工普遍友善。用料、配搭、配碟都幾考究。咁啱星期三食，喺OpenRice book仲有折！

適逢天氣不穩，就去下酒店餐廳入面食飯，結果好有驚喜。蟹鉗炸得適中，配搭多個醬料享用，就好似食多左幾款菜式咁。油浸筍殼魚，咕嚕肉，全部都超好食，真係值回票價！下次會再帶朋友黎食

好難得食到好好味又正宗嘅琵琶豆腐。其他餸味道唔係太濃郁，啱我哋口味。白兔仔甜品得意又好味。芥蘭炒牛肉芥蘭都好嫩，牛肉冇落得太多鬆肉粉。木瓜瘦肉老火湯清淡得來都好好味。

身邊不少食肉獸對茹素很抗拒，認為齋菜盡是味道寡淡之物，不過最近沙田麗豪酒店龍門客棧及富豪坊新推出「如來素菜譜」，以新派中菜「素」造層出不窮的素菜款式，價錢每位低至$238起。富豪坊坐落於區內的酒店粵菜食府，歷史悠久，以地道廣東佳饌而聞名。內裡面積寬敞，透進了柔和的自然光，景觀開揚，還可飽覽180度沙田城門河景。設有私人廂房，適合舉辦婚宴、私人聚餐等不同形式的宴會。「如來素菜譜」每位$238，總共有七道菜，一次過可嚐遍多個款式。每位需另收茶芥及加㇐服務費。融合多類色彩繽紛、營養豐富的食材，讓素食種類已不再只局限於中式傳統齋菜，帶來視覺味覺雙重驚喜。佛光三錦碟一客三款的前菜包括松露素玉帶、茶勳素鵝和鎮江猴頭菇，賣相精緻，素玉帶可媲美帶子的彈性口感，以黑松露點綴綻放馥郁菌香，素鵝以腐皮裹滿菇菌、紅蘿蔔等素菜，一口就有多重層次，鎮江猴頭菇恍似咕嚕肉，外面粉漿酥脆，內裡的猴頭菇軟嫩多汁，但就沒有肥豬肉的大量飽和脂肪。如意甜豆素蝦仁別以為全素的食材選擇必定匱乏，素蝦仁質地Q彈，味覺體驗能媲美真實海鮮，加入三色椒和青翠甜豆，為素菜添上鮮豔悅目的顏色，味道清脆爽口。窩粑柚子素魚柳將炸得外脆內軟的素魚柳

先講講佢地既餃子款式，都好厚皮，而佢地既餡同皮一咬都好完整分離，餡料都比較小。而且味道都教淡，所以食起黎款款都好似差唔多味咁🙂年年如意（龍蝦蘆筍餃）🙂金榜題名（金箔燕窩鮮蝦餃）🙂鳳凰白菜餃🙂瑤柱鮮蝦菜餃🙂富豪鮮蝦餃🙂欖仁上素餃😀蜜汁黑豚肉叉燒 味道偏咸，中意個蜜豆，好有口感，叉燒肥瘦岩岩好。🙂麻香蔥花雞 雞肉都算嫩滑，但麻香味淡，食起黎唔太重味道。呢4款點心就我自己最中意既🥰恭喜發財（髮菜大蠔豉燒賣）🥰横財就手（髮菜燜豬手）🥰駿業宏開（X0醬牛柏葉魚肚）🥰豉蒜蒸排骨

客户入住沙田麗豪酒店，晚飯相約我到酒店的中菜餐廳"富豪坊‘’ dinner, 質素不錯。餐廳開揚光猛，坐近窗邊可以遠眺沙田河畔夜景，很 優遊自在。黑魚籽鮑汁煎蠔~ 蠔外脆內juicy，配鮑汁和黑魚籽，很香很惹味。山根銀蘿蒜子扣大鱔~鳝肉爽脆彈牙， 配料有薑蔥，蒜子，蘿蔔和山根，加入少許陳皮，更加滋味！蘿蔔炆很腍，很甜，山根索滿醬汁亦很美味。脆皮三黄雞半隻~雞皮鬆脆， 雞肉嫩滑鮮甜，很有雞味，連雞胸肉也很滑嫩，正！飯後經理更奉上陳皮紅豆沙作甜品， 紅豆又甜又大粒， 有陣陣陳皮味，很滿足！

一個移咗民嘅朋友返嚟香港住沙田麗豪酒店，約左喺「富豪坊」飲茶，呢間酒樓午市除了點心供選擇外仲有很多單點餸菜呢！酒樓環境舒適，十分寬敞。 雖然位於酒店裏面，但有着一般酒家嘅熱鬧和溫暖嘅氛圍，服務方面絕對有酒店嘅級數。甘脆蝦多士唔係好多酒樓有，多士食十分鬆脆，蝦膠嘅份量頗多，而且夠鮮味和食落彈牙。原隻鮑魚濃湯灌湯餃用料十足，原隻鮑魚好入味，配埋鮮甜濃郁嘅湯底，真係富豪食嘅灌湯餃。蜜味酥皮焗鱈魚一口咬落個酥皮做得鬆脆，中間嘅鱈魚魚油味濃郁，跟蜜糖嘅味道好匹配。富豪鮮蝦餃蝦餃皮夠薄，晶凝通透、蝦嘅份量夠多和新鮮之外，還混入了竹筍，味道夠晒正宗。香菰湯羅漢鮮竹卷鮮竹卷嘅腐皮豆香味濃，包在裏面嘅餡料都非常入味，口感爽脆彈牙。椒鹽象拔蚌片第一次咁食象拔蚌，鮮甜和爽口嘅象拔蚌片，包上沾滿椒鹽嘅一層薄薄脆漿，味道豐富，絕對有驚喜。手工芝麻卷芝麻卷做得夠滑身，芝麻味好出，食埋呢個甜品就大滿足。

沙田麗豪酒店都有幾多唔同嘅餐廳，最正嘅係食咗飯就可以免費泊車🤭 上次嚟試過上海菜，今次就試下佢哋嘅粵菜廳「富豪坊」。 夠膽以富豪起名，咁所以座位都幾闊落舒適，服務週到店員友善。 ✅️ 免費泊車優惠 ✅️ Regal會員有discounts ✅️ 午餐坐窗邊位置會有沙田河景💰 晚餐 Around 350-450/人 餐牌方面佢哋有散叫，亦都有套餐選擇，價位中上。我哋當日2人食咗⤵️ 🥢上湯海蝦頭配香煎新竹米粉 平時配伊麵就食得多啦，呢度幾特別，香煎米粉另外上嘅，煎得幾香脆，然後按自己喜好淋上上湯汁😌 🥢韓式沙煲脆鱔球 中餐裏面融合咗韓式嘅煮法，加入大量kimchi，鱔球尚算厚肉彈牙，整體味道惹味，啱送飯🤭 🥢籠仔蟲草花蒸雞半隻 原本打算叫椒鹽脆皮三皇雞，但係當日三皇雞就賣曬啦，所以我哋就改叫蒸雞，養生菜式🐔

今次黎到沙田麗豪酒店食中菜門面上的確是有點歷練感，食物質素同空間感舒適度都挺好！茶位$20/位 小食 $22椒鹽脆皮廣島蠔 $128 每粒都脹卜卜大大粒，脆皮好薄身～蠔仔熱辣juicy避風塘珍珠帶子 $98將珍珠帶子做個脆皮比較少見，避風塘微辛幾惹味！鐵板陳皮沙薑生煎雞 （半隻）$298一上碟已聞到陣陣超香，陳皮嘅香氣好突出，雞肉有彈性唔柴上湯焗蝦球配煎竹米粉 $228上湯蝦球好大隻，用兩面黃嘅方法將新竹米粉煎至香脆金黃配上湯食超有驚喜～最後奉送了紅豆沙

前排先去完麗豪酒店，質素吾錯跟住今次話咁快又再去，富豪坊有部分座位可以眺望沙田河畔景觀，一路食野一路望靚景幾正😊✿ 黃金豆腐磚 $88架吾中喺出面都會食金磚豆腐，黎到酒店又試吓酒店手勢先🧡呢度系整成一條條，外層香脆可口，內層豆腐滑溜，豆味香濃🤍✿ 玫瑰豉油雞 $198平時喺酒樓豉油雞系吾少長輩所喜愛嘅一道菜，無可否認豉油雞系有佢吸引之處😄半隻雞好夠兩個人食咯🐔雞肉件件滑溜，豉油香甜入味。✿ 玫瑰香焗鱈魚球 $298又系玫瑰菜式，鱈魚球鱈魚味不俗🐟玫瑰醬汁🌹令菜式加不少分，香焗烹調方式令玫瑰醬汁滲入每件鱈魚球中。✿ 鮑汁鱆魚雞粒炒飯 $188系鮑汁吾系鮑魚，炒飯做到粒粒分明真系吾系咁易，我覺得呢度都算做到，鱆魚味道新鮮，雞粒索埋鮑汁認真好味😋🐔

約好友食飯，因佢住這區便選了這，以便傾偈聚舊。餐單選擇有很多，我們選了一些得奬的推介菜。榮獲香港旅遊發展局主辦美食至最大賞至高榮譽金獎名饌茶皇燻雞半隻以龍井茶葉薰染雞肉，皮脆雞滑，食落有茶香而不腻，好味道。另獲金奬的金湯珍珠香茜魚蓉羹（$138/每位）也不錯，啖啖魚蓉同埋芫茜，幾香及好味。椒鹽脆皮廣島蠔（$98）也外皮香脆，蠔若大隻些更正。鮮菌粉絲煲也正常。坐位很充裕及闊落，服務也周到，慢慢談天聚舊的不錯選擇。

約咗朋友食個晚飯，搵嗰decent啲嘅地方，於是嚟咗沙田麗豪酒店嘅富豪坊食中餐。果然係酒店級服務，環境舒適寧靜，服務員有禮貌，照顧周到。鐵板陳皮沙薑生煎雞：幾特別有心思設計嘅菜式，雞肉嫩滑，足料半隻春雞，加上陣陣陳皮香味，濃郁飄逸，肉質嫩滑 鹹魚煎肉餅：朋友忍唔住叫返家鄉菜式，鹹魚嘅使用適度，味道夠香，又不至於太鹹，送飯啱晒真菌如意扒鮮腐竹：腐竹新鮮軟熟，加上唔同嘅菌類，味道清新，最啱襯返向後嘅主菜，平衡一下招牌脆皮燒腩仔：見到台台都叫呢個燒腩仔，就知不得了，等咗都幾耐，一上枱就知道不得了，新鮮焗好，加上燒過嘅脆皮，非常脆口，同時平衡到肉質嫩滑，見到用料上乘，係高質素嘅腩肉先做到呢個效果，果真驚喜！特濃薑汁燉奶：最後叫返個甜品，雖然要等20分鐘，但係即叫即打，新鮮製作，清香嘅薑汁味加上白滑嘅燉奶，處理得好好，如果唔係要等，真係忍唔住食多碗

Regal Terrace 沙田麗豪酒店的中餐廳～富豪坊，裝修有中國風的擺設，富有東方色彩的傢俱及水晶燈飾，又面對河畔境色，令人心情愉快的晚上🌃。香麻蔥花雞，🐓雞髀、雞胸各半，雞入味又滑溜，連平日唔食雞皮的我都忍唔到要食埋佢。胡椒虎蝦粉絲煲，虎蝦有6大隻，輕炸到金黃色很香脆，肉質爽彈，胡椒味濃的粉絲，炒得好香又惹味，爽口又不油膩。砂鍋珍菌乾燒龍躉球，龍躉球用了薄粉輕炸，炸到皮香脆，魚肉厚身大塊，肉質煙銀爽口，醬汁配以鮮味的菇菌很香口，用砂鍋上菜，保溫持久，可以慢慢品嘗。最後店員還會主動送上滋潤糖水，很貼心啊☺️。

為家中長輩籌備壽宴，長輩屬意沙田區的酒店；之前曾到麗豪酒店吃越泰菜，質素不錯，一於藉此機會光顧麗豪酒店的中菜廳-富豪坊，考究其質素。餐廳佈置時尚典雅，環境不錯。環境十分寬敞，空間感十足。蝦籽扣柚皮 $208，很久沒點的菜式，因為烹調難度甚高，為免失望，只會在質數較高的餐廳點這道菜。柚皮厚身，軟諗無苦澀味，蝦籽香，味道不錯大澳啫啫唐生菜煲 $148份量較預期多，排列整齊，賣相精美。蝦干大大隻，味道夠；配合蝦醬的鹹香，的確惹味！鐵板陳皮沙薑生煎雞半隻 $198沙薑醃過的雞件，夠入味；去骨啖啖肉，有驚喜；仔細咀嚼會嚐到點點的陳皮味，陳皮質數甚好，沒有澀味，有創意的好味道！櫻花蝦香菇蒸肉餅 $188大大碟的肉餅，肉餅鬆軟，面層鋪滿櫻花蝦，蝦香撲鼻！味道不太鹹，淨食都不錯。晚飯完畢，食物質素很滿意，決定在這裡為長輩辦壽宴！