富記粥品 (已結業)

Search番"富記", 睇番眾舊評,原來在上世紀末,已經曾出過此店食評.事實上已光顧左好多年.除左之前講過每次差不多必吃的及第外.(粥又好,白灼及弟),午市碟頭飯,燒味等,在旺角黎講.可以算出色.身處旺角,大件夾抵食就大把,講到味道就disaster.生滾湯,另外一味最多人叫的菜式.個人最愛芥菜魚片湯.通常叫湯送飯,大多中坑老坑才會點,我輩實在不多.味精話唔落就點你,不過唔算過份.講開又講,都好耐無去過囉...

通常去d間都係食粥.但上次同個friend夜晚諗唔到食咩..就去左d間食..本來諗住食粥.但我見人食緊d小菜都幾靚.咪試下囉..我地叫左咸魚肉餅.啫啫雞煲同西洋菜牛肉湯...佢個湯好住家feel..冇味精..唔錯..佢個肉餅同雞煲都幾好..又唔係貴..整體幾好..值3.5 分

說沒有味精是騙人的，不過夜麻麻，想找個地方吃碗粥，又好似只得這裡。打完牌，同個朋友來吃消夜。其實我覺得這裡最出色的不是粥品，而是全條皆肥肉的「全肥叉」，不過來的時候當然咩都賣晒，只好叫兩碗及第粥。睇番樓上寫話冷氣太凍，我地又唔多覺，可能我地係「熱底」都唔定。這裡的粥底偏稀了一點，不算很綿，亦有味精。粥料幾多，有幾片豬潤、豬腰、粉腸、豬肚、肉片等。其中以豬潤最好，雖然薄薄的，幾爽口，都不算是雪藏貨；豬腰「化學」味不算重，不會爽口過籠，還好；豬肚就非常「化學」，同樣地，肉片也經過化學劑充分的洗禮，都吃不過。下次再來，都是叫腰潤粥甚至只叫豬潤粥較穩陣。店員唔多理人，粗枝大葉，但都做到額外要求。叫佢多蔥，佢不單多蔥，還多薑絲，啖啖都是，非常滿足。另外老闆娘收錢是唔該前多謝後的，都不錯。埋單兩碗粥36蚊，都幾抵食，雖然食完是拿拿林要去隔離便利店隊支可樂。

喱間又係睇openrice o既介紹尼食o既,二十幾蚊一碗粥,仲係食早餐添,都算幾貴.叫個豬潤魚腩粥,o係豬內臟之中,唯一唔抗拒o既係豬潤,佢喱隻並唔係"黃沙豬潤",有小小失望,但佢仍然做得幾爽口,o岩o岩熟,食落冇怪味,都算唔錯.鯇魚腩厚切,極鮮甜,令到個粥底都好有鮮味,而且分量相當多,成個碗底都係,並加了大量薑絲辟腥,幾好.粥底軟綿,不在話下,而且仲落左瑤柱絲增加鮮味,其他其方比較小見.本人覺得佢同附近街市大廈"妹記"不相上下,可以一試.

香港- 亞洲凍感之都的稱號實在實至名歸, 寄外套行商場及吃晚飯, 已成行香港人的習慣. 嘗過妹記的口渴經歷後, 浚懷著戰戰兢兢的心情, 走進傳媒近日力推的富記.同是下午二時許, 富記食客還是不少, 卡座沒有位子了, 坐在地下中間的長桌, 為了方便比較, 亦是要了及第粥. 等待其間, 冷氣從四面八方撲過來, 凍得很, 加了外衣後, 還是很凍. 喜歡穿小背心的靚女們, 來富記之前真的要三思, 如果堅持穿小背心來展示美好身形的話, 除了要承擔患上傷風感冒的風險之外, 還要承受在坐平均年齡為53.8歲的食客的麻甩眼神. 及第粥的粥底很”眠”, 濃淡恰可, 無味精, 用料亦很新鮮, 豬肚最精彩. 頂著冷風吃粥時, 鄰座麻甩食客所要的乾炒牛河亦來到了, 嘩! 很香, 賣相很好, 非常夠鑊氣, 下次試試.“領匯”又上市了, 今年沒有盧婆婆來助慶, 氣氛是冷淡了, 06 年度及07 年度的預期年息率亦降至只有約6 厘, 吸引嗎? 看到妹記延長了營業時間, 嘗過連富記在內的不同凍感經歷, 12.7 倍市營率及4.9 厘年息率的中華電力, 會否是另一個好的投資及收息選擇呢?

我每日都會去富記食粥,最鐘意食既就係(及第粥),嗰到D野就係我食甘多間最好既一間,唯一美中不足就係環境差@@

這裡的粥我已經食了幾十年，由它在上海街的舊店開始，現在是新店，已經比舊店光鮮不知多少，服務進步不知多少，以前侍應落單只向廚房大叫，很嘈雜，但郤永不錯單，座位只是中央一張長枱，幾張靠牆壁的小枱，骨頭與殘羹滿地，生意郤永遠應接不暇，食客肩貼肩，背貼背，燈光暗淡，衛生和舒適程度甚差，價錢不萛便宜，但食物的質素郤毫無疑問，因街坊的眼光是雪亮的，這裏的粥底棉滑，用料十足和新鮮，淩駕全港的粥店，可惜是較細碗，不夠喉。其他的如切雞，燒味等都好味到不得了。一些傳統的小食如:花生炆豬心頭,白灼鴨腸，白灼豬粉腸等，雖然是粗賤的食料，但都很好吃，價錢郤大眾化，但郤十分搶手，常常賣斷市。假如不嫌舒適程度的話是值得幫襯的。

查實上個禮拜六都有o黎食過.果次同女友同埋個男仔Friend一齊.叫o左金銀蛋莧菜(呢個最好味!),咸蛋蒸肉餅(呢個一般,唔太差,OK!)同埋椒鹽骨(講真呢個麻麻地,就咁上粉炸完加D鹽椒沈o係面就算.冇再用椒鹽同辣椒絲再炒.好熱氣同埋炸到有D硬)果次Overall都OK啦~環境就欠奉架喇~不過招呼都幾好. 好草根Feel.價錢都係~^^~每人都係40零蚊...今晚諗唔到食乜就再去食多次.上次見人食燒味好似好正.今次就試下.不過D燒鵝一般啦~都OK肥.叉燒幾淋.雙拼50.我諗我下次會食第二D囉~今次仲有叫京都骨(今次呢個OK喇~酸酸地幾開胃~)同埋炒通菜(呢個一般啦~)埋單又係130蚊~下次我諗會試下D粥~^^~

晏晝系旺角睇完波鞋,7點零鐘黎呢度食d野,今次被安排坐地舖,衛生情況比樓上差得多!男友坐近走廊,不停有d吾知系汁定水彈落佢隻腳到,坐對面果個阿叔不停咁吐痰落佢果碗食完飯既碗到!簡直令人反胃!講返食物,我地叫左白粥$8,1碗叉雞飯$24,什菜煲$34.白粥--好夠味及頗有瑤柱香,而且粥底頗綿,吾錯!叉雞飯---不俗!雞肉質幾滑,反而叉燒就一般,奀左d!d飯則普通啦.什菜煲---都吾差,有白菜,生菜,勝瓜,冬菇,魷魚及粉絲墊底,勝在吾油膩!埋單$68,如果撇開環境及衛生,可以一試既!

男友由細食到大，但衛生環境就......冷氣長期都好死凍，招呼幾好，份量適中(可能我地擦得)，特別係男仔頭的女侍應。至愛及第湯，西檸雞，貪其酸酸地又開胃，出面好多食店都整得好苦，可能係檸檬問題。煲仔菜好食，食好耐都仲係熱辣辣的，通常食開咸魚雞粒豆腐煲、沙爹粉絲牛肉煲(味道好濃，正)或啫啫雞煲。D椒鹽XX既煎炸食品好香口，所以一大班朋友仔食都好快搶哂，叉燒好正，JUICY又唔硬，加埋燒鵝簡直一流。粥品都好，朋友至愛叫燒篤粥，話夠入味，自己就未試過了。其實唔算話平，白飯細細碗都要唔知八蚊定五蚊了，好快又要叫多一碗，有時見到水牌D餐都好似幾抵，希望有機會試下啦

前排同朋友唻呢度食野兼聚舊,夜晚七點幾都仲有位,晏少少就要等位lu.我地三個人叫左西檸雞($43),西蘭花鮮魷($48),薑蔥魚云煲($50),2個白粥($8x2),1個飯($5).西檸雞味道唔錯,起碼唔似洗潔精味,不過好似無乜肉.西蘭花鮮魷好鮮甜,d西蘭花索左d汁特別好吃.薑蔥魚云煲好香好夠味.

富記既粥可以話係同妹記,彌敦粥店同級..個粥底真係一流..我親戚話三間裡面係富記既粥底最靚tim...我上次係食及第粥..d 豬什樣樣都好平均...中上級^^

今晚同男友7點零鐘黎呢度食飯,樓下2個舖位都爆滿,唯有上樓上,環境都算乾淨,冷氣亦夠強勁!我地叫左滑雞鴨粥$24及生滾湯(莧菜,豆腐,魚腩)$34滑雞鵝粥---份量普通,粥底吾錯,幾綿,雞味亦頗濃!雞件也算滑,但較淡,鵝亦可以,唯肥左d.生滾湯(莧菜,豆腐,魚腩)---份量十分巨型,個湯頗鮮甜,而莧菜則老左d,魚腩略炒過,無腥味,吾錯!豆腐一般啦!$58屬抵食!服務方面,金毛哥哥睇落好串,其實無咩野.

睇戲前去食飯因為呢幾日都胃痛諗住清清地食碗粥叫左個蝦仁魚片粥朋友叫左個八珍豆腐煲一上檯見到真係好多料蝦仁雖然細細隻但係係新鮮蝦但d殼去得唔係咁乾淨食食下要吐殼魚片幾大片又有鮮味唔錯粥底冇錯係幾綿但落左好多"師傅"食完睇戲時覺得好口渴朋友個八珍豆腐試左d豆腐同生菜新鮮又夠味幾好見好多人都叫湯飲唔知係咪好正呢本來諗住下次再黎試下但食完咁渴都係咪搞

佢個粥底真係好鮮甜,食完又唔會好口渴,又幾夠棉,good. 佢及第粥都幾多料, 食過幾次, 但有一次豬肚同腸有d苦, 其餘次次都ok~見到隔離台食果d一個個好大o既湯,好似好好味咁, 下次要試下,