富記粥品 (已結業)

男友由細食到大，但衛生環境就......冷氣長期都好死凍，招呼幾好，份量適中(可能我地擦得)，特別係男仔頭的女侍應。至愛及第湯，西檸雞，貪其酸酸地又開胃，出面好多食店都整得好苦，可能係檸檬問題。煲仔菜好食，食好耐都仲係熱辣辣的，通常食開咸魚雞粒豆腐煲、沙爹粉絲牛肉煲(味道好濃，正)或啫啫雞煲。D椒鹽XX既煎炸食品好香口，所以一大班朋友仔食都好快搶哂，叉燒好正，JUICY又唔硬，加埋燒鵝簡直一流。粥品都好，朋友至愛叫燒篤粥，話夠入味，自己就未試過了。其實唔算話平，白飯細細碗都要唔知八蚊定五蚊了，好快又要叫多一碗，有時見到水牌D餐都好似幾抵，希望有機會試下啦