富記粥品 (已結業)

聽聞此店的燒鵝瀨粉好吃，碰巧這天晚飯要獨自解決，便決定單身赴會。店比想像中更舊，很有銅鑼灣利苑粥麵那種老店的味道。廂座一定要坐四個人，單身食客不想和陌生人擠在一起，最好還是坐在長桌。點了鵝瀨一碗及一碟灼菜，一邊等候一邊觀察其他人吃什麼，發覺最受歡迎的是粥品，另外點一碗大大的芥菜魚雲湯、再加一碗白飯者亦甚眾。鵝瀨有點令人失望，因這裡不像西環波記，沒有把燒鵝肚內流出來的滷汁加在湯頭之內，故瀨粉吃來頓覺寡薄。燒鵝果然不錯，皮脆又沒有一層厚厚的皮下脂肪，不像上次在陳記吃到的肥鵝般嚇人，肉質稍韌但味濃，下次可以斬四分一只吃。灼菜不怎麼樣，索性不拍照了，拍鵝瀨時坐在對面的大叔已經瞪著眼看了我好一會。以燒鵝瀨粉來說沒有驚喜，反而有興趣試試粥品及其他小菜。

見個個都講燒味多，其實我只係食過佢既叉燒，我就覺得連太興都可以好食過佢，但佢好食既我相信只係炒既野，食過滑旦虾仁飯，真係味道唔錯，虾亦爽口，旦汁亦唔會好(結)，只係服務態度差，我每次都會打電話叫定外賣落去拿，因為佢地唔做外賣，試過一次我話想落鼓油，諗住佢會同我落啦，點知其中一個收銀叫我自己落，態度好差，仲要加多句，我點知你想落係邊一盒，當時我叫左個滑旦虾仁同干炒牛河，我諗唔會加鼓油係牛河掛，仲要加介醬要比$1

巿面的通脹似乎不可遏止,上一個食評已經是加價之後,數月間,今天又加嘞.下午四點,有一半入座率,叫了及第粥,阿姐把單放下,驚見廿二大元銀碼,又要多付十巴仙.大佬,人工有無加咁多呀?十分鐘大得食,只見仍然是白濛濛的,葱花和薑絲也沒有.材料郤俾足,豬心,潤,粉腸,和兩片肉片,粥底綿滑,好味,的確是數十年如一日.破落又不便宜的老店,自有捧場客和生存的條件.還是會再來的.笑面是給食物的.

雖然這裏的環境擠逼，地板濕濕的，但仍喜歡來這裏吃飯，全因這裏的燒鵝和生滾湯。這裏的燒鵝味道香濃，需不至於皮脆肉滑，但已是我喜歡的味道。而且這裏的生滾湯最啱我這些出街吃飯的人，沒甚麼湯水飲，又沒甚麼菜吃的人。可以選一款菜一款肉，再額外加咸蛋、豆腐，便是一個很好有湯有菜吃的餸。

呢晚本來約左朋友去食飯, 但電腦突然壞左要搶修, 所以食唔成. 後尾食左以燒鵝叉燒聞名的富記外賣. 可惜因為夜左去, 兩樣都賣哂. 咁就要左個湯, 粥, 半隻雞, 醬爆鮮魷同肉絲炒麵. 雖則話外賣實無堂食咁好, 但點講除左個湯外, 其他野都麻麻.1) 生滾魚腩莧菜湯 - 極為鮮甜濃郁, 充滿魚油香, 好得. 湯渣都好食.2) 醬爆鮮魷 - 鮮魷老左就會好韌, 咁可能外賣過程佢係比盒內的餘熱焗老咗, 但佢實在老到韌到咬都咬唔落, 又有d離譜. 個汁就唔錯, 辣辣地幾惹味.3) 白切雞半隻 - 有雪味, 有肉腥, 肉質偏鞋韌, 唔掂.4) 及第粥 - 粥底幾綿, 亦非常鮮甜, 但應該有味精.5) 肉絲炒麵 - 外賣嘅, 麵底自然無咁脆, 但依現狀推測, 應該就算堂食麵底都係唔夠酥鬆脆口的!不過朋友話阿姐的服務態度極好, 絕對滿分.下次試下堂食先!

連續兩日向富記食飯因為叉燒實在太美味記住落單時講明要半肥瘦既叉燒燒得好靚好多肉汁一d燶都冇~岩岩好一啖瘦肉一啖肥豬肉又唔會講得好油連楊洲炒飯都一流粒粒飯都有雞蛋沾到上去連埋切粒既招牌叉燒..一流

懷舊又好食在旺角做野,日日經過都知呢間野好食,不過真係唔平,昨天終於同女友試過佢地既燒鵝,嘩,好食,堅係得!食左差(同音)鵝飯及雞的粥,一碟油菜,全部都無得頂,連平日唔食皮既女友都讚佢D燒鵝雖然肥美但唔膩,但差燒先正,一層瘦肉一層脂肪再有一層肉然後再一層脂肪,層次分門又好夾,蜜味香濃。粥底唔錯,不過如果可以少D D 味精,食完後有少少口渴!,但整體都係值得一試,今次去到見晚市人人都叫碗湯,不過唔係碗,嚴格來說係一窩,好似好正!

每次行經富記,總勾起不少童年回憶,故無論係以前上海街店,定搬到現址,我久不久都會到來回緬過去我每次到來都會食一碗材料豐富的及第粥,豬腰,豬潤,豬腸都十分爽口,沒半點兒腥味,粥底仍然很綿,用上大量乾瑤柱煲成,火喉十足.雖然地方擠迫,衛生普通,但在這裡無論你有錢平民,都係同食飯,總算係香港人集體回憶

17-3-20089:xx pm 人在旺角, 想食碗魚粥, 走0黎呢度試試, 簡單叫了碗魚腩豬潤粥($28).3 分鐘就有得食, 因為個碗載粥載得太滿, serve 時伙計成隻手指公浸了落d 粥度, 認真倒胃, 唯有將「感染範圍」內0既粥「畢」咁d 出0黎, 硬著頭皮去食... 粥底都幾綿, 食落幾鮮甜,「畢」「畢」0下仲見到一絲絲瑤柱碎, 唔怪得啦! 「魚腩」就有好幾件都係魚頭, 正想暗罵之際, 食落又唔錯, 滑滑的亦幾鮮味, 「腩」部分亦新鮮; 厚切豬潤就一般爽, 而且苦苦的, 唔係好得; 食到最後亦開始口渴. $28 一碗, 考慮份量咁大當然唔會唔抵, 但味道麻麻, 試過就算了.環境幾惡劣, 衛生就更加啦, 唔知伙計隻手指公同我返到屋企不斷肚瀉有無關連呢? -_-!! 招呼無乜特別, 不過坐0係門口收錢個女人真係白鴿眼得很, 眼超超嘴妙妙之餘, 找錢時係「掟」(而唔係「放低」) d 錢俾我的, 態度都幾乞人憎.唉, 早知返彌敦算啦.

今次食既係好普通既一碟义雞飯,去食既原因係呢間舖真係好受歡迎!就算只係星期一,二,夜晚總係坐滿哂人,加上我次次行過都索到佢地陣陣飯香,可以肯定佢地係一間唔會太差既食店!义雞飯雖然係好普遍既野,但係佢地都做得幾好味,飯煲得好不在話吓,义燒都燒得好靚,肉質肥瘦比例適中,雞肉都滑而有雞味!多人食,都有佢既原因!

在此食左個义雞飯,覺得味道都唔錯!人山人海既一間店,入到嚟已經覺得應該會好食,可惜係得自己一個人,見隔離枱叫了一些生滾魚云湯等等,好似好好食,我下次同朋友嚟一定要試吓...我自己食既只係一碟义雞飯,义燒做得唔錯,雞肉都好,可以算係幾滑!薑茸個味道好好!聽隔離枱講真正要食既係佢地既粥!

今天同大頭两人,去咗富記食粥,記得第一次光顧己是30年前,那時在上海街,及第真的No1,現在差得遠了,豬膶和豬腰都死實實,又無鮮味,粥底尚可,但又太多味精.食完好頸喝,下次咪撹我

心思思想食靚粥,要到富記,下午四時仍舊多人,可幸一個人不用等位.叫了及第粥,賬單寫著二十元,加了兩元,也不覺得意外,因大多數食店都如此.五分鐘有得食,料很多,又齊,只是沒有肉丸,代之的是瘦肉片,粥是偏稀的,味道鮮而口感佳,內有少許姚柱絲,可見是落足材料的.與佐敦一帶如和味,鋮記不同的是稍細碗,和沒有生菜絲.味道有過之而無不及.服務方面,由侍應至收銀的禮貌都不差,全程都有說多謝.地方和座位方面,仍保留著五六十年代的水平,不能苛求了.

富記的燒鵝和叉燒勁正, 枸杞及弟湯正, 我媽細細個時已去富記吃飯, 我記得自己十二三歲時, 上海街的舊店仍在, 內裡掛上六十年代的衛生牌照, 好大張而且已發黃的, 還有當時的港督衛奕信爵士參觀的照片o 他們以前得一間小鋪位, 中間放一張長檯, 檯尾廚房口, 有一支咪, 給伙叫入去廚房做飯菜, 很有特色o 上週六, 去富記吃晚飯, 見燒鵝新鮮出爐, 當然要食, 論鵝味和肉質口感, 好過深井好多o

今次係小弟第一次打食評, 希望可以為openrice出一分力!!多多指教!!!小弟係一個鍾意周圍去飲飲食食既草根年青人....今次為大家打響頭炮推介既就係富記粥品!!一年多前第一次進入呢間"耆英飯店".....就比佢個及第炒河深深吸引住.....自此之後,我平均每個月都會黎富記3-4次...佢已經成為左我飯堂~炒河類我係至愛....河粉大大底,唔鬆散,容易夾...剩係呢一點出面已經冇咩茶餐廳可以做得好.....茨汁份量有多冇少,唔會令個粉淡某某.....無論及第,牛腩,肉片...全部都好足料...牛腩90%機會係又諗又大又好味......炒河類暫時我認為係香港第一~(計埋個價錢)燒味與碟頭飯不算十分出色...不過永遠都keep到合格以上水平...也算難得....要特別一提係個粥......我後期才知道有"傳說之粥"既稱號....個人至言,粥既味道咸咸地,唔駛落鹽或者其他調味,本人十分喜歡....不過客觀的說,的確係"希"左d,唔知係佢特色定係溝得水多.....有人可能會覺得被騙.......無論如何,最後本人推介埋呢個火鵝牛肉粥.....燒鵝撈埋d粥後,d片仲可以係脆ga!!又夠多油!