富臨 (已結業)

衛生：不太好。新上的碗碟應該只是被清水略為沖過，我自己用熱水沖洗過兩次後仍見油花。（我以前也有去吃過，之前情況沒有這麼嚴重。可能是新年太忙的關係）侍應：可能因為環境比較吵雜，侍應聲量大，感覺其態度很兇。工作時候偶有疏漏，叫他們拿個膠飯盒來，叫了幾次，隔了15分鐘才給我送來，連要求結帳也等了20分鐘。落單不仔細，少了兩樣菜（不過，誤打誤撞，少了兩樣還是好的，因為吃不完）。食物：較油膩，不過還可以接受，不算差。份量也算大。鴨舌挺好吃的。馬拉糕是深棕色，出乎意料，我以為是栗子色的呢，不過味道還好。牛仔骨的牛肉份量少，肥肉多，下次不會點這個。排骨炒河的排骨也很少，炒河的芡汁有點太多。環境：有落地玻璃大海景。店內不夠光猛。

某日 , 到荃灣探親戚 , 順便一起吃個晚飯 ~叉燒皇蜜味十足 , 半肥瘦 , 肉質豐腴爽彈鬆軟 , 外層有焦香卻不會過硬 , 略嫌偏鹹了些許 ~冬瓜盅 冬瓜盅是原個上檯的 , 侍應生再分在小碗上 , 湯底色澤調和 , 湯香味美清甜純厚 , 充滿夏日氣息 ~芝士焗波士頓龍蝦 (伊麵底)伊麵的份量多 , 比較腍身卻沒有吸太多油；波士頓龍蝦的肉質爽彈 , 美道鮮美 ；芝士汁的稀杰適中 , 味道濃香 , 整體來說水準一般 ~本篇完 ~

我比較少去一啲連鎖集團式食肆食飯，因為覺得食嘅野總係唔太特別，質素又唔會太高，冇乜驚喜，但我亦經常講雖然冇驚喜，但集團式食肆相對質素比較穩定，驚嚇度會較低，所以幾位朋友今晚約埋飯局，揀左食荃灣嘅富臨酒家，我冇反對，約局嘅朋友仲話: 『百幾蚊可以食到捧住個肚出門口，又龍蝦又象拔蚌呀！』咁抵，咁睇下食咗乜同幾錢埋單先啦，六個人食，叫左10樣野，仲有食淨要打包翻屋企，先講緊HK$993 ，唔使HK$170一位，就有蠔有龍蝦有蝦有海蔘！！！真係聽下都開心。每樣都講講，餸菜如下:泡椒鳳爪 HK$2525蚊嘅涼菜，有8件算足料，呢個川菜呢度做微辣啱港人口味，帶鹹及微酸，十分醒胃。手瓜跳舞雞 HK$48坦白講外貌相當唔討好，死狀恐怖，建議富臨可以拎走雞頭先上，雞體型細，比丹麥光雞大隻一啲又瘦一啲，重量燒熟後大概一磅二至三安士。48蚊隻份量冇挑剔，食味就喜出望外，肉同骨都好鹹香，燒到皮脆乾身，純講味道好正，加埋要扣分嘅賣相就變左只係啱啱合格。波士頓龍蝦 HK$98龍蝦多到要包走幾件，伊麵又多，夾起伊麵嘅時候聞倒超濃嘅牛油香氣！我食麵先嘅，竟然充滿鮮味，應該有用雞湯煨過，同芝士汁一齊食一流享受。龍蝦肉爽

13元一隻乳鴿，細細隻，新鮮炸，脆皮，無雪味，ok la.冬瓜盅，不月一百元，瓜肉厚厚，湯料不要有太大其望，有一口口的瓜肉吃，也可以。义燒，呢個好味，肥瘦適中，肉林& jucy上湯菜苗，幼嫩好吃加份量夠，低食。白飯魚炒蛋，白飯魚大條，可惜份量太小，又油，海蔘豆腐煲，海蔘又小又碎，味道ok.不低食。服務，當然是沒有的。

我宵夜時段去食啦，一去到冇咩人已經心知不妙，去到叫左幾個餸，一個金菇肥牛鍋，啲芡汁多到好誇張，不單只仲要食落口油淋淋，真係畢生難忘。第二個餸，都還可以既，畢竟佢係用上湯煮既菜，如果都難食都真係可以去汁笠。不過，重頭戲黎啦，叫左個蠔仔粥，開頭以為個賣相ok，應該都唔會死掛，點知中左伏，一食落去勁多沙，又腥。唉唔好提啦，最大既問題都唔係個啲咩餸差唔差，好唔好食啦，最大既問題都係佢既服務態度，極之惡劣，我行到去埋單個時，個收銀員唔理我都算，我叫一叫佢，佢應都唔應下我，啲眼神仲要好似想殺人咁，我好聲好氣有禮貌咁同佢講，我仲要受佢氣都算啦，咁跟住佢找左兩張100蚊紙用釘釘住左既，咁有啲常理都會要求換番佢丫，我連拆釘都唔想啦，我驚佢個兩張銀紙其實係mark左係假既，咁到時我好麻煩(雖然我又唔知佢找番黎個兩張係唔係假)，我都唔理啦，佢找完仲話番我係痴線既，都唔知佢係壓力過大定係啲乜，佢仲可以罵番我係痴線，都真係極品收銀員。

去了荃灣麗城飲茶,原來開了富臨,好大的地方,環境都幾好,我們叫左一些點,飯. 咸菜豬肚,蛋白炒飯,豬腳仔,生煎包,炸饅頭,甜品.咸菜豬肚,咸菜好大件的,都幾好味,唔會好重胡椒味道,咸菜好多呀, 炒飯都幾香,乾身,多料,好食. 豬腳仔係卥水的,細細件,幾入味,唔太肥,入口好多膠質,好食. 生煎包都OK,不過如果熱D,香D仲正,炸饅頭我覺得實在點,唔夠鬆化及香口.  一般. 最後叫左兩個幾樣甜品,南瓜煎堆,南瓜淮山露,芒果布甸, 煎堆有四隻的,都幾多,香口,夠薄,入面有少少南瓜蓉, 好香, 呢個好味, 果碗淮山唔知係咪賣淨的, 好結呀, 好似漿糊咁, 完全唔得, 後尾我們退了.芒果布甸好味, 上面有些芒果肉的, 賣相幾好.

7時入座, 30分鐘內完全冇人開茶同寫菜 (每次叫部長開茶寫菜都話得得得但只係呼衍你), 催左幾次之後終於開茶, 寫菜後又好耐都未到; 叫飯又要有單先得 (張單由坐低到哩一刻都未存在過); 叫7個飯黎3個, 餸黎左擺埋一邊算數, 又冇人幫手上枱; 飯到左周圍嘅人好似災民咁自行拎飯; 酒杯叫2隻黎一隻; 弔詭嘅係門口排滿人但入面好多位, 最終門口啲人頂唔順走哂; 經過1小時10分鐘, 餸終於黎, 餸又黎錯, 湯又油; 應該冇下次!

10:30去只剩4張大枱，11:30已經冇晒枱，以前新星入面有2個洗手間，而家只可以出去商場果個，同其他分店比就冇咗渣打信用卡85折優惠，食物質素都係一般富臨水準，雖然同行伙伴話味道差過城市中心同美孚少少，但我又唔多覺，只可以話一定好唔過，先講鮑汁鳳爪，以汁來說我從未見過這麼淺的啡色，味道同美孚分店比也偏淡，連皮也不入味，跟着講叉燒包，它是很足料的，因為拿出來是三個包都爆口，有一個爆咗一半，另外兩個爆咗三分一，新年流流貪好意頭咩！如果你閉起雙眼食，味道係合格的，因為包身薄同軟，但另一個莱肉包完全不行，包身依然軟但很厚身，菜肉係從未見過如此少料的，可以話和叉燒包相反，由於少料皮厚，食落似饅頭多於菜肉包，至於服務除咗漏單其他都可以接受，不過麗城有冇需要食噤貴就豐儉由人啦，尤其係商場泊車優惠都冇埋！