富臨 (已結業)

朋友從外國返嚟，美其名同佢洗塵，實質係搵人陪我開大餐，佢搭完長途飛機，就下佢，去佢屋企樓下食飯，知道富臨有八頭鮑魚食，就豪一豪佢... 丫... 唔係... 係蠔一蠔佢先真... 呢味蠔皇八頭鮑魚扣金錢，大眾化價錢，已經有大大隻鮑魚食，仲要彈牙、入味，難得～究竟係大花菇咁大隻鮑魚，定係鮑魚咁大隻大花菇呢～豉汁蒸白鱔，好香亦入味，炒得出大排檔風味～海參麻婆豆腐，海參索晒啲麻婆豆腐味原來係咁好味㗎～大澳香蝦骨，碟餸未上到枱已經聞到好香蝦醬味，一啖咬落去，竟然係外皮脆，裏面油脂溶出嚟，香而不肥膩，食過再三回味～😋🤭生煎菜肉包係朋友指明必點，佢話喺外國完全搵唔到呢啲嘢食，好掛住菜肉包嘅味道～😋整返個家常靚湯滋潤吓，金銀菜燉白肺湯，湯料又足又靚，唔使5分鐘，朋友已經清晒所有白肺同菜乾...平時少有入嚟麗城食飯，今日一試，原來柳暗花明麗城村～😆😋

今天相約爸媽去飲茶，方便她們出入，只找了屋苑附近酒樓。荃灣麗城花園3期近兩年，全新裝修了，富臨集團，也開了間分店。我們11點就去取位，慶幸不用等太耐就有位，但原來大廳已經坐滿人了。蝦餃皇是爸爸至愛，他話做得好有水準。豉汁蒸鳳爪，是我至愛，沒有蒸得太淋，有咬口。鮮竹牛肉球，份量比較細，但都嫩滑，不太硬。咸水角新鮮炸起，還熱哄哄的，蟹籽燒賣皇就不過不失。最後埋單計算時，發覺不是很貴，午市來說都好化算，下次可以再來。

Fulum is pretty much a staple of people who love Chinese food. With branches all around the city, you can pretty much ensure you'll find one wherever you are. Double Boiled Whole Winter Melon ($98)Packed with various ingredients, the soup is flavourful and there's lots of toppings you can eat too, making it even more satisfying to the stomach.Braised Abalone with Mushroom in Oyster Jus (@$9.8)Talk about a real deal. This fresh braised abalone was infused with rich flavours from the sauce, making

想到要與好友相約晩飯，中式酒樓是一個不錯的選擇，圍著一張圓桌，不拘形式的氣氛，大家都覺得輕鬆自在，加上可以吃一些家常小菜，對於我們一班很少吃住家飯的都市人，喝碗滋潤的中式燉湯和品嚐幾碟中式小菜，確實是一大滿足。海皇燉冬瓜盅（$98）👍👍👍👍夏日炎炎，消暑冬瓜盅是一個最佳之選，不肥不膩。清淡的冬瓜盅正好為炎熱的夏天解暑清熱，飲湯之餘，吃埋燉到軟綿綿的冬瓜，清新怡人。蠔皇八頭鮑魚扣金錢（@$9.8/份）👍👍👍👍這煲是四人份量，用$9.8的價錢就可以享用每人一份蠔皇八頭鮑魚扣花菇，的確吸引！原隻蠔皇炆八頭鮮鮑魚，煙靭又有嚼口，而且炆得入味。花菇大大隻又厚肉，還有西蘭花墊底，認真扺吃。海蔘花菇玉掌煲 ($108)👍👍👍👍原條海蔘一分為二，海蔘炆至爽口彈牙，蠔皇的獻汁令原本無味的海蔘更添鮮味。花菇厚肉又大隻，鵝掌炆至稔滑，還有小棠菜墊底。菠蘿咕嚕肉 （$78）👍👍👍👍甜甜酸酸的咕嚕肉，令人胃口大開，脆漿很薄又很脆，配合青紅椒和菠蘿，顏色鮮豔。竹笙羅漢上素 （$78）👍👍👍👍吃個素菜，平衡一下，竹笙下面是什菌、雪耳、云耳、銀芽等，還有菜心伴碟。生煎菜肉包 （$38）👍👍👍👍一客有六個的生煎菜肉包，

平時都係去富臨飲茶食點心，今次成班人去食小菜。有個晚飯震撼推介，好抵喎！叫多幾個小菜，應該夠食。金銀菜燉白肺，好多豬肺，好有料，好好味，D湯好滋潤。海參麻婆滑豆腐，D海參好爽口，發到啱啱好，加埋滑滑既豆腐，配搭唔錯。大澳香蝦骨，食落係有鹹蝦香味，但又唔會太激，表面又見唔到蝦醬既痕跡，好利害。蠔皇八頭鮑魚扣金錢，D鮑魚好似隻湯匙甘大，粒粒都爽口彈牙。豉汁蒸白鱔，好耐冇食了，細細個，屋企人成日會整比我食，白鱔果種脆口肉地，真係好好味。我地呢班大食仔女，仲要食埋生煎菜肉包，D包好香口，外脆內軟，食埋飽晒！

朋友見到報紙出廣告, 阿拉斯加蟹原價$360一斤, 現在特價$280一斤,  仲有其他特價, 於是約埋一行十人去試試, 蟹揀左隻重五斤半, 大約等埋半個鐘, 終於上枱, 服務員好貼心, 比我地影哂相先, 再幫手剪蟹, 第一次食, 所以都唔知係咪間間都會幫客人剪, 蟹當然新鮮, 蟹腳鮮甜, 但蟹身的肉就食唔到鮮甜味,  另外叫左個片皮鴨,  蝦乾肉碎煮涼瓜, 鼓汁蒸白鱔, 紅燒乳鴿, 鮮蓮海皇冬瓜盅, 唯獨是冬瓜盅比較淡, 乳鴿唔香, 其他都不過不失, 還有一個特價每位$9.8的八頭鮑魚, 賣相已經好吸睛, 燜得剛剛好又入味,  超抵食, 最後要提一提有位女經理, , 她能夠耐心聆聽客人說話, 態度又好, 可以比到客人感覺大家好似朋友咁對話, 值得一讚.

很久沒來此酒樓, 因覺它人手不足, 服務態度差. 見小朋友放暑假, 俾多次機會佢地啦, 點知叫碟"家鄉蘿蔔糕" 一夾落去硬實實, 一吃就凍冰冰, 問伙記話係咁食法, 再問個黑衫高級D嘅女人又係咁講, 仲話係老闆/集團話係凍食的. 碟嘢未來前, 已聽到兩個伙記傾計話有客投訴蘿蔔糕凍, 仲用粗口背後罵個客添. 蘿蔔糕凍食真是恕我未食過, 亦唔敢吃囉. 如果一定要凍食, 咁唔該在點心紙寫明是凍食吖!!

今天來到荃灣麗城富臨酒家午飯，星期日下午1:15到門口，好多枱是沒有人，但未執，不夠人手執，門口知客都好坦白認不夠人，等了10分鐘入座。沒人開茶，沒有杯碟，沒有枱布。招手就叫我們等等，建議招多幾次手，都要等十分鐘。寫好點心紙給侍應，要找人要等。等不是大問題，歎茶慢慢我不急 。黑椒牛仔骨（$48）不是暖，是凍的。有蕃茄，有好多薯仔，有牛仔骨，跟圖片不一樣，圖片沒有蕃茄薯仔。牛仔骨又黑椒味又蕃茄味，跟圖片文字好大分別，牛仔骨是凌凌碎碎，一小粒，肉質奇怪，沒有牛味，味道怪得真的入不到口。薯仔是煲湯薯仔的感覺，底部全是薯仔粒炸両，凍的。中間油炸鬼是淋，外面包住的粉皮好厚又乾。上枱沒有跟甜醬麻醬，跟姐姐説，跟侍應要，三催四請都求不得一碟甜醬，好少鼓油，最後我們放棄。就咁食，不想浪費食物，好失望。蘿蔔千絲酥，凍的。三粒好大粒，內裏蘿蔔夠多夠甜。燒鵝瀨粉，燒鵝凍的，味道好咸，鵝肉肥膏較多。瀨粉上枱時，面頭的湯已經乾曬，浸左好耐的樣子，食落口暖的，不是熱。湯底有胡椒味，湯底係好味既。唯一一碟熱的，是蒸鳳爪。好開心可以見到碟鳯爪是出煙的，豆鼓味偏咸，可以熱辣辣入口，好感恩。份量不多，賣相有待改善。全餐價

早幾日一大班人去住麗城嘅朋友屋企玩，幾埋先在商場食lunch之後之上屋企。 我哋一共9個人十二點左右去到麗城三期商場。 酒樓當時已經有啲人等位， 好彩佢地都幾多大枱， 唔使等好耐已經可以入去坐低。 我哋張枱喺酒樓落地玻璃嘅窗邊望住無敵大海同埋下面嘅公園， 嗰日陽光普照風和日麗，喺咁嘅景色下用餐， 食慾大增。我哋叫咗好多嘢， 蝦餃、燒賣、牛肉球、棉花雞、潮州粉果、煎蘿蔔糕 、牛肉腸、蝦腸、 炸兩腸、 鮮竹卷、流沙包 、家鄉煎薄罉、 鑊仔牛河、鹹魚雞粒炒飯， 啲嘢樣樣都幾好食 ，食咁多嘢加埋都係六七百蚊，真係好抵。

周未同家人飲茶，6個大人，兩個食飽嘅小朋友，我都唔知點解叫咁多野 :金菇瑤柱炒米 ~ 味道唔錯，不過有人嫌冇肉煎蘿蔔糕 ~ ok叉燒包 ~皮薄、幼滑煎薄撐 ~ ok咸魚雞粒炒飯 ~ 好夠鑊氣，咸魚好香、炒得好好食流沙包 ~ 幼滑、唔會太甜 ，好食牛肚 ~燜得好林，味道啱啱好，好食潮州粉果 ~ 足料、大隻，媽咪話好食。不過我個人麻麻地潮州粉果蘿蔔千絲酥 ~ 皮脆酥，蘿蔔juicy有甜味，好食咸水角 ~皮薄、脆、小小甜，好食炸兩 ~ 都ok, 不過有麻醬、甜醬，食得唔滋味干炒牛河 ~ 好夠鑊氣、好香、唔會肥淋淋，好食有d食左冇記低。食好多野都係6-700蚊，又好食，好抵

衛生差，有啲櫈係濕嘅，仲會有食物殘渣；服務態度差同慢，交咗單紙之後半個鐘之後先話幫我地咗落單，慢到喊，仲經常漏單！今日我地六個人去飲茶，然後有第七個人喺我地食完之後join咗，無飲茶食嘢，淨坐喺度，都要收茶錢！仲要係靜靜雞同我地加多個人，唔講番聲就咁還番張單俾我地。唔通係坐位費？定係吸咗佢地啲空氣要俾錢？其實都係10蚊雞，但如果係茶錢，唔係應該要開一個茶位先計架咩？跟住有位Alan Leung 梁偉倫店長表示：因為第七個人係佔咗一個位所以要俾錢，如果唔係，幾廿個入黎唔食嘢就可以唔俾錢？係啱嘅，但係幾時先會有呢啲情況？唔好咁死板啦，傻的嗎？大家去呢間酒樓嘅時候，要記得問下Alan 店長要點收費！参考埋其他食評再去會好啲！

去過2次，一次晚餐一次下午茶。下午茶時間叫點心食，完全唔掂，一籠牛仔骨有8~9成都真係骨或者蘿蔔。食物質素超差。如果唔係成個區得一間酒樓，都唔會去呢間野多過1次。下午茶食個陣d員工質素係好麻麻，叫極都未埋黎。叫左d點心等又等勁耐。價錢係完全唔值。晚餐一早訂曬菜，去到叫起菜等左大半個鐘先有得食，晚餐d菜質素相對好少少，但等候時間太長，18人一圍，食一碟等好耐好耐先有下一碟，同埋碟帶子係完全冇味。催上菜催極都話催左，唔知是咪hea應算數，真係未試過食一餐飯搞咁耐。強烈建議唔好去。

食物方面近日有好啲，其實環境是不錯。服務員態度十分差，有時候比人客更惡。尤其是近檯面嗰位女服務員每次見到佢都是黑口黑面以及惡言相向。全間嘅服務員態度都差不多和溝通都有問題。你想搵服務員嘅話就要耐性啦！

我本來選擇套餐有蝦及燒味，但店員落錯單，更稱已蒸了一條海魚（另一套餐)，我說不是我點的我是不會要的，但店員稱魚已蒸了！又稱沒有蝦，像硬要我改海魚的套餐一樣😤！我不肯接受，她才找經理介入，我講出我原本選的套餐，經理才作出更正，我更跟她核實是否沒蝦，但她跟我說：「有」。簡單的一個晚餐，為什麼可以弄到那麼不快呢！😡如果這裡有其他選擇，相信不會再選這富臨作聚會的地方，免得再次發生不開心的事情，令到家人或朋友都覺得不快😑

食物質素可以，價錢一般，但服務態度與環境寧靜非常配合，無論飲茶或晚飯，一定冇人騷擾你或理你，沖茶加水幾乎自助式，晚飯時候啲部長經理只在叫你吃海鮮時出現，非常神出鬼沒，而顧客時運相當高，你一定睇佢唔到。