富臨 (已結業)

今日正式結業了。此酒樓服務認真馬馬，勝在近啫。不過，集團經營，冇乜吾捨得。由於要寫夠八十字先收，我決定打字打到夠八十，免得有朋友，又或者想一家大細去食但白行一回。

忍唔住第一次寫食評就俾左佢啦！愈嚟愈差！事緣係父親節早上同細佬兩個大清早心血來潮想飲個早茶。雖然最近略有聽聞呢間富臨食物同服務嚴重下降，但之前食開覺得還好，加上無其他酒樓選擇下都係走左入去。即使因爲父親節食物加左價，人流照樣都係咁多。都知道呢度無咩服務，我地都醒醒目目自己搵位，唔勞煩啲忙碌嘅姐姐啦，幫手減輕啲佢地其實應該要做嘅嘢。但行左兩行都唔覺有位，於是我同行過嘅姐姐禮貌地問左句：「唔該，想問下兩位會唔會有位呀？」我無佢地咁熟間酒樓，又唔識佢地啲運作，可能睇漏左呢。得到嘅回應係姐姐超級不耐煩嘅語氣同嘴臉：「自己睇啦！！嗰度咪有人走囉！！」指住一張亂到爆、未執嘅枱就走左。我自己都係做服務業，都明白忙到恨不得可以有八隻手三個腦嘅辛酸。就算被客人用粗言穢語指住嚟鬧，我都唔可以對客人惡言相向，何況而家我係有禮貌地問一下？而且好似本身酒樓唔係自助式架喎。講返食物質素，一向食開覺得屬於中下、擺得入口、想飲茶可以止下癮嘅程度，比起叮叮點心好啲啲，無咁乾。但最近聽人講更加差左，我就無緣評論啦，因為我最終拋底左一句「串到咁，唔食啦」就走左。同埋以前嚟食都有啲伙記幾好態度，又會同你傾幾句，不過近幾次嚟都

差不多每個星期六或日, 只要有時間又無節目, 我都會同屋企人嚟呢間酒樓飲茶~ 每次必點: 1) 銀蘿腸粉 2) 乳鴿 3) 甜品 (芒果糯米糍/燉雙皮奶)因為呢幾樣特別好食! 尤其係紅燒bb乳鴿, 食過好多唔同地方嘅乳鴿, 係呢度個啲最抵食+ 燒得最好! 有時遲咗去會賣曬, 非常搶手>< 銀蘿腸粉又香又脆, 唔係間間酒樓都食到! 燉雙皮奶唔會太甜, 都唔錯㗎!雖然有時服務員可能較忙, 無咩人手斟水落單比濕紙巾個啲, 但對我嚟講, 只要呢間茶樓可以一直keep住而家嘅價錢同食物質素, 我地都會繼續成日去食, haha!

今日同幾個舊同時約左去飲茶 就揀左去富臨 因為呢到都好多選擇 同埋坐得幾舒服 地方都夠大呀 整體黎講都覺得唔錯 點心都岩岩好 上菜時都幾熱下 另外茶都有味 唔會一飲就係水既感覺哈

太興裝修，冇人煮飯，見富臨冇乜人又做promotion,  三人go go go.$28 一隻雞，好抵！味道普通啦！$188 蝦加炒蜆，ok 嘅～不過個埸好小人，怕咁可能做唔得好耐

每個星期都會和屋企人飲茶，今次就去咗家附近的富臨飲茶，等咗大約半小時就入去飲茶，茶味只屬普通而且吾夠熱，餐紙選擇都可以，我地最後就叫左六款點心來吃，價錢還可以合理。腸粉口感還可但偏厚身，入要义燒味道普通而且整體吾夠熱，而且豉油好似冇咩味。小朋友最愛的煎堆來到，煎堆有口感，芝麻都夠多，切開都有幾舊，但都是只屬微溫，吾夠新鮮。鳳瓜份量偏少，鳳爪醬汁味道偏濃同咸，而且太杰身，最後都沒有再吃。蝦餃的蝦都大隻，但吾夠新鮮，幸好蝦餃的皮口感都吾錯。炸嘢食就叫咗一款腐皮卷，偏油但夠脆，入面材料偏少，但幸好味道不錯。

周日，一早醒咗，瞓唔番。忽然想起，好耐都無去飲早茶，把心一橫，就去飲早茶。八點左右，酒樓都開始滿得七七八八，所以要坐入去廳房。因為空調只是剛剛開，所以仍然聞到一陣類似煙的味道，好唔舒服。早市有孖寶，$24.8 就可以歎得到。我哋叫咗皮蛋鹹骨粥和鴛鴦炒米粉，再加多一碟鮮竹牛肉球和翡翠牛肉腸，連埋茶位、加一，埋單都只係$73，仲抵過去食快餐店。啲粉皮係厚咗啲，所以會飽肚啲，裡面有啲香茜，又幾香噃。粥底幾綿，味道適中。不過，材料就少咗啲，只食到皮蛋，但唔多覺有鹹骨。好一般，味道太淡，又唔夠熱。食完以上三樣嘢之後，牛肉球一直都未嚟。吹咗兩次，先有得食。味道正常，勝在夠熱。

果晚搞百日宴，一個星期落訂確認晒所有嘢，當日經理話會幫我搞得妥妥當當，又話全晚會跟到足。點知今晚去到連要開麻雀枱都唔知！一問之下原來負責經理放假，放假唔緊要，啲同事話佢無交低所以無人知！連我之前改好嘅菜單都一樣無人知！之後一叫上菜就10分鐘內上4道菜，好似趕住收工咁！枱都無位放都要夾硬上！最尾收我錢個經理仲叫我添啲小費！成張單跟甩左都仲好意思問人俾小費？我果30蚊小費係俾廚房啲師父嘅！無做嘢仲想收貼士，係咪咁大貪呀！提醒擺酒訂房嘅要小心！

同屋企人食晚飯，平平地去咗富臨食！佢地做緊優惠，皇8頭鮑魚都只係$26.8！仲可以每人叫一份！蠔皇8頭鮑魚扣金錢唔係一位位上，4個人嘅份量一次放入煲入面，睇落大大份，鮑魚都幾大隻，扣得幾好，入味得黎都夠腍濕濕地叫個海皇冬瓜盅食吓，比一般嘅濃味，入面有啲蝦粒雞粒，入面好多冬瓜肉，當係一道蔬菜食都得濃味野就有火腩大鱔煲，份量一樣好多，火腩好大件，鱔就薄身啲。個汁有啲傑，會有少少漏。酒樓食乳豬就多，富臨竟然有脆皮豬手，上枱已經切好晒，豬手皮脆脆地，下面啲脂肪有啲厚，連住食都幾香口。最後有生煎菜肉包，即煎出嚟所以味道好香！底面都烘得脆脆地，菜肉唔太多，但個包好軟，外脆內軟幾好食！

又到放工時候緊係搵間就腳嘅好野食下野喇，係openrice搵左一陣，最終決定去呢間離公司近嘅餐廳，地方雖然唔算太大，但員工就夠晒親切，個人真係好耐無食過其他野喇鮑魚主食我地叫左個鮑魚，呢個真係值得食下，鮑魚係即日即整，本身唔會太油膩，入口夠惹味，係一個幾令人驚喜嘅野食。海參呢度嘅海參都真係幾有心思，夠份量唔再講，重點係連海參都特別過人，餐廳都好有心咁幫用貴價海參，夠晒心思餐廳嘅野食都真係幾令人興奮，咩都有得食下，價錢都唔算太貴，幾個朋友食下野傾下偈都算係好地方，下次都要再黎先得

打風嘅日子，唔想搭車出荃灣，落街食個飯就算啦。酒樓坐得舒服，仲幾抵食添晚飯震撼推介只售28元一隻的頭抽走地雞，份量十足，雞味十足，配合頭抽醬油的精心調配，價值便宜，絕對是抵食之選。小菜黑椒頂級牛仔骨，配料入味，特別是薯角已完全滲透黑椒汁的味道，份外惹味，牛仔骨烹調得很有口感，加上濃郁的牛肉味，是一道不失色的小菜。脆皮豬手，外脆內軟能用作形容這道菜餚，外皮炸得甘香鬆脆，而內層豬手肉鮮嫩多汁，兩者配合得恰到好處，美味可口，多吃幾件也不覺膩口。泰皇蝦球通菜，由於加入鮮蝦伴菜，比平日吃的蝦醬或腐乳炒通菜更添滋味，蝦球亦爽滑彈牙，用料不錯。海皇燉冬瓜盅，清熱消暑一大佳餚，湯底不油不膩，冬瓜肉清甜可口，多喝幾碗能清熱消滯，胃口大開。最後店員送上香芒布丁，燉雙皮奶，涼粉等美味甜點，這些簡單的甜點能讓人吃出甜在心的味道，為這頓晚飯寫上一個完美句號。

相信好多香港人晚上都會選擇返屋企煮飯，就算有一晚唔煮，都會選擇茶餐廳，而往往唔去選擇酒樓，因為價錢比較貴同埋大堆頭。不過呢一晚因爲慶祝特別日子，所以選擇左酒樓用餐，呢一餐絕對驚喜！富臨酒家環境寬敞，晚上時間食客唔多，可能屋村街坊大家都返屋企煮飯多啦！睇睇menu，價錢真係唔算貴，但總會覺得當酒樓推優惠小菜時，市道就唔係咁好。.金銀菜燉白肺湯 $128從來無食過肺嘅我聽左哥哥食後感覺得可接受，終於一嚐！味道似螺頭，好滑唔腥，有d令我改觀；湯料好豐富，除咗白肺，仲有廋肉同埋半隻雞；雞鮮味十足，令到湯都變得更加濃郁。金銀菜增添左湯嘅咸味，一煲可以分到8碗左右，飲完唔口渴。.海參花菇肉掌煲 $108Daddy鍾意食海參，屋企好少食到因爲係唔易處理嘅食材，但佢地炆得好腍好入味；海參大條過湯匙，不得了。花菇大隻厚身，咬開嘅時候爆出濃郁嘅汁.竹笙羅漢上素 $78呢個小菜係素菜餐館就食得多，酒樓食都係第一次；多種蔬菜配搭感覺係好有營養，特別想講墊底嘅菜心好清甜，粟米芯好爽口！.頭抽走地雞 $28呢個係優惠小菜，雞嘅份量絕對比想像多，足夠5-6人食；利用木盆裝住好有京川菜館嘅感覺；醬油完全滲透入雞入邊，

屋村酒樓探完朋友，喺佢屋企附近搵嘢食，又唔想食快餐，幾個人，都係去酒樓都好飲住茶傾吓計咁就最好啦，又唔會趕你走又坐得舒服。。第一次嚟食呢間富臨，估唔到地方好大裝修同一般嘅酒樓冇分別，不過光線稍為昏暗左少少。一打開個餐牌，最吸引梗係晚飯震撼推介：$20/一隻頭抽走地雞先講隻雞嘅份量，雖然係優惠價，但係一啲都唔將貨就價，係成隻雞喎，要一個大圓盤上枱，真係太誇張呀，見到呢一個排場，都覺得抵食。賣相方面，既然話頭抽，所以成隻雞都好係好有光澤嘅深啡色，幾入味，雞肉都好嫩。以呢個價錢，絕對抵食！小菜黑椒頂級牛仔骨$88牛仔骨一直都係我鍾意食嘅嘢，而且呢一個小脆脆仲有一啲薯仔，黑椒當然係惹味啦，牛仔骨亦都唔會太韌，份量再多啲就更加好啦。酒樓食飯，最正就梗係個鑊氣啦，所以呢個餸都係冇乜投訴嘅值得食。脆皮豬手128脆皮豬手，即叫即炸，個外皮香脆，最緊要係啲肉唔會好乾，豬手啲皮有咁多骨膠原，所以我都好鍾意食，食豬手最怕就係有電務黐住，但係呢碟豬手絕對合格！好香口，好味！泰皇蝦球通菜$78食咗幾個肉類，當然要食返碟菜啦，可惜呢個相對比較出色，而且啲蝦球係急凍貨色，呢一個好失望呀，好彩其餘幾個餸都唔錯！海皇燉

好多時候一家人去酒樓食晚飯都係因為慶祝節日或者生日，但係今晚心血來潮，全家一齊落咗屋企樓下嗰間酒樓晚餐👨‍👩‍👧‍👦好耐未試過有呢種感覺，其實都幾特別。對比附近茶餐廳嘅菜式，酒樓嘅菜式相對更加有鑊氣，選擇款式會更加多，而且有一啲菜式係茶餐廳比唔到，例如乳豬、鮑魚等等。大約7點黎到，只有幾枱食客，但8點左右都坐左半場滿。今晚我哋好開心咁叫咗幾個小菜燉湯，係屋企唔會整，茶記又無得食🤤金銀菜燉白肺湯 $128一盅大約分到七至八個小碗，湯料十分豐富，足夠裝滿一隻圓碟，除咗白肺，更加估唔到佢有半隻雞🐔因為浸左係湯到，所以隻雞吸晒湯嘅鮮味，同一時間令到湯變得更加濃郁香甜，肉質軟腍，讚呀！海參花菇肉掌煲 $108屋企好少會煮嘅小菜，始終係酒樓食先會食到佢嘅風味！海參花菇都炆得好腍；海參大過隻湯匙，花菇只係比手掌細啲，真材實料！一煲有2-3隻肉掌，索晒蠔油汁，相當惹味，而且價錢唔貴，抵食推介！👍🏻鮮菠蘿咕嚕肉 $78普通茶餐廳嘅菠蘿咕嚕肉只會選用罐頭菠蘿，但係呢度用咗新鮮菠蘿，清甜多汁；咕嚕肉份量多，經油炸後再煮，令咕嚕肉外脆內軟；甜酸汁調味合適。簡單嘅2餸一湯，因為份量都大，所以足夠食而且飽； 價錢

小秘書餓咗中菜成十日，今晚終於有得食🍚 一行六人走入「富臨」聚一聚🍻 見個套餐有蒸魚、有燒鵝、又有帶子，諗住加多兩三個小菜就啱啱好！點知酒樓阿姐話今晚啲帶子賣哂🤨 問阿姐有咩可以可以換比我哋啦，佢望都無望我哋，就一面行一面冷冷回一句「京都骨囉」... 唏 咩啲人咁㗎！因為大家當時都肚餓，阿姐話咩就咩啦！叫佢幫手落單啦，點知佢話唔可以幫我哋，因為而家個套餐要改食物。落錯單會比人鬧🤨 神又係佢、鬼又係佢... 想點呀？惡人當道... 我哋唯有叫個貌似經理埋嚟，好彩終於有人理吓我哋😪大概十分鐘後，餸菜陸續上枱，估唔到特價嘅$18豉油雞係咁好味，份量亦夠哂我哋；不得不提嘅當然仲有招牌燒鵝，肉嫩味濃，我鍾意❤️ 至於個雜菜煲，配料蝦干亦做得好出色；生煎包一般啦；京都骨味道唔差；唯獨條蒸魚唔夠新鮮，肉質又太老火。差嘅服務x好嘅食物... 我只好比「富臨」分數ok啦！