富臨漁港囍臨門酒家 (已結業)

咁多年黎，每個星期天早上和屋企人飲早餐已是阿豬屋企傳統！今次黎到富臨漁港飲茶，見到個場坐唔夠一半人，已有點驚啦，不過行到黎，老爸都費時再轉另一間，就一於試下啦！阿豬呢…都極少影餐牌既，但今次不得不影啦！蒸既點心得果十款，豉汁鳳爪，雞紮都無，阿豬都係第一次見，神奇。咁叫左以下咁多：蝦餃皮厚薄適中，但好易粘嘴，why。涵料唔夠多蝦，因此唔爽口，也食不到蝦鮮味！燒賣則好多蝦肉及香菇，因此入口十分香甜！既然無雞紮，咁就叫棉花雞啦！魚肚(今次分唔出係豬皮定魚肚)份量十足，而且非常入味，軟淋，like 爆！蜜汁叉燒腸，皮略厚實，唔夠滑，涵料也略韌，差！蒸排骨肉淋入味，正！炒牛河夠味但唔夠鑊氣，且河粉幾碎下，牛肉也沒有牛味了！飲啖茶食件點心，傾下計，咁又過左兩個鐘，然後散水各自行街打牌去，享受美好的星期天！p.s. 明明個場都唔係多人，叫極都無人黎幫我地加水，爸媽好火。應該以後早茶唔會再黎呢間啦！主要因蒸點選擇實在太少了！

平民茶樓，飲茶11點先前買單平d。多數都係d 阿公阿婆飲，服務都麻麻地，舉好耐單都無人理，所以一次過可以叫既都叫左先啦。蟹子燒麥無味，同埋有種入左水既感覺。家鄉薄罉都係無咩味，仲要煎唔出脆邊既口感，口感好差，唔建議叫。腸粉好厚，落醬油都淡淡地味，劣食。鹹水角都軟冧冧，不過入面d餡都普普通通叫ok啦 (但其實都唔好味)。蝦餃唔系太新鮮，燒賣普普通通。但見到d蒸飯好似好多公公婆婆都去拎來食，好似唔錯咁。但果陣已經好飽，所以都無叫。over all來講，只係為填飽個肚來講都係一個選擇，想食好味野就唔使考慮啦。

今日初一, 本來諗住同媽媽去荃灣寶蓮食齋, 但實在太多人, 等咗好耐都無位, 老人家唔企得咁耐, 於是轉黎富臨食晚飯。 見到餐牌有個4人蛇羮套餐 $418, 啲餸睇落都幾好, 唔想諗咁多, 於是就點咗呢個套餐。雖然去唔到齋舖食齋, 喺度都食同素鵝, 份量不少而且炸得好脆, 幾好味。個蛇羮好大煲,唔係好覺有蛇肉,辣辣哋, 可能落咗好多薑, 普普通通啦。呢個咖哩羊腩炆得好林,薯仔又好入味, 而且真係用羊腩整, 唔似有啲食肆求其用啲一舊舊既肉整又話係羊腩,死死實實, 呢度呢個餸俾到驚喜我。醬燒琵琶鴫半隻, 都好大隻, 味道唔差。古法龍躉件, 以為做套餐都唔荒多, 點知又係鬼咁大碟,蒸到啱啱好, 個餐好抵食呀!個餐牌明明話係浸菜苗, 但係黎到碟菜係大大條既菜心, 好彩都幾淋, 老人家都食到, 又係好鬼大碟。呢個蟹粉小籠包係全個餐最差, 個賣相好差,亦唔覺有蟹粉。整體覺得呢個套餐好抵食,款式多而且做唔到咁大碟,6個人都夠食。

八月二十八日星期四早上我太太打電話到富臨漁港囍臨門酒家 (荃灣眾安街六十八號城市中心一期六字樓) 預訂八月三十日星期六六時三十分四人的晚飯，當時接電話的小姐回答說這個時間不需要預訂，到時上來便可以．但我太太說既然已打了電話，請她記下這個預訂，那位小姐語氣不好地回覆說已記錄，之後便結束了通話．八月三十日我們準時到達酒家，向接待的小姐說訂了六點半四位，話都未及說完 (如:姓名)，她已經很快說沒有細枱位呀，真的令人立時嚇了一跳及感到驚訝！我們再說是訂了位的，她以不想再聽的語氣回答今晚只得兩張細枱，沒有位，總之是沒有的了, 沒有辦法喇．再經我們再重申這是已訂位的, 她才說如果要等，要等六點張枱食完才有．我再說我們提早兩天訂位有什麼用？如果不安排為什麼又不打電話通知我們？她只懂機械式敷衍的說，對唔住，沒有位．我跟她說要見經理，她完全沒有理會我們．之後更轉身，背向著我們。在我們商量是否去其他地方食其間，我們見到有散客要十二位的便有位，但前來想要細枱的，也是很快不待人家說完便用同一番話回應．看見這歧視情況，我們無奈下只有離去，以後不會再到富臨的了．難道以上種種就是富臨的待客之道? 如此恐怖的手法,

食物大部份都好咸，乾炒牛肉炒河的牛肉好咸棉花雞的雞也超級咸，魚肚有腥鳳爪好咸牛肉腸粉都算滑，但牛肉成份很少，咸水角不錯，熱騰騰，不會太咸南瓜煎堆家人說好吃但明顯全部杯碗碟明顯油淋淋，向侍應反映她們沒有回應就轉頭走了！冷氣也很大！年輕的人也覺得冷，如果老人坐久了一定冷倒了！

今年所食嘅第二底年糕，喺外父所送，富臨集團出品。原本外父送兩盒過嚟，一盒蘿蔔糕，一盒年糕，不過知舅仔對年糕麻麻，所以揀咗年糕，蘿蔔糕就留番俾佢食。不過，事後佢話要年糕好過，因為蘿蔔糕嘅臘肉、臘腸勁肥喎 ！富臨啲年糕比較大個，又重秤，因為盒底無成份，無淨重……等相關資料，只喺一拎上手估佢大概有成兩斤左右重，而睇埋色澤都幾對辦，至於好唔好食，試過先知。試過晌親戚屋企食年糕，佢哋喜歡「齋煎」，煎完仲要一塊疊一塊，夾時黐到實，好難搞。我就喜歡沾蛋漿煎，薄薄一層就夠嘞，唔使搞到啲年糕黐實晒就可以嘞 ；仲要慢火細烘，令到啲年糕軟得嚟仍然帶份煙韌感 。講到富臨年糕嘅質素，味道上稍稍偏甜，但有淡淡椰汁香味，香糯軟綿，有點韌勁。相信好多人晌過年期間都食咗唔少糕，小弟今年食到嘅大多數都喺比較傳統啲，但無論傳統定新派，但願人人讀書、工作都步步高陞，富臨各家 ！

買左團購食蛇宴，個女侍應態度極度，有禮貌咁問佢可否比多一張椅，佢完全當聽唔到走左去，仲要"廟嘴廟蝕"，無椅比未同我地講，駛唔駛咁無禮貌食物質素差，啲蛇"更"無咩蛇肉，蛇丸就好似食緊公x點心蝦丸咁個羊肉煲又um又無肉食，唔入味以後一定唔會再去

媽媽提早為我和姊姊慶祝生日，選址位於荃灣的富臨酒家，愛其有姊姊喜愛的大閘蟹，持優惠券更可享折扣。晚上六時抵達，只有三圍顧客，服務員除了提供付費服務外(開茶和送來前菜)，請他們多給兩張椅也不得要領，最後要自己親自動手吃過小菜，主角大閘蟹才送上。花膠炆豆腐($68)泡過油的豆腐保持嫰滑，配上爽口養顏花膠筒仔和健怡菜芯，味道清淡。菠蘿咕嚕肉($65)賣相吸引，味道酸酸甜甜醒胃的一道菜，可惜無良老闆食水太深，厚厚的粉漿不是包住肥豬肉就是超細塊肉片，再配上勁生的青椒簡直一絕 而全碟最正常的是罐頭菠蘿。瑤柱扒荳苗($98)瑤柱絲寥寥可數兼沒口感，荳苗正值盛年，雖然不是嫩口的荳杯，但也不致於生了骨刺般，是穩紮穩打的菜式。蜜汁叉燒皇($108)這麼大膽說是叉燒皇，叫一客試試龍與鳳。色澤偏暗紅，香味欠奉，勉強稱得上半肥瘦，微暖，沒有蜜糖味，是一條普通過普通的豬肉，只稱它為豬肉是因為它沒有用來製作叉燒的脢頭肉般肉質軟稔，肥肉亦不溶化。蒜茸蒸元貝($88/六隻)每隻均伴以蒜茸，粉絲和蔥花的元貝size不大，入口尚算鮮甜不靭，但粉絲淡而無味，沒有吸收元貝的鮮，醬油的甜。太湖大閘蟹($18.8/一隻)九月圓十

星期日和家人吃飯，原本想去客家好棧，誰不知被裝修…惟有轉場其實我不是第一次幫襯，這裡環境一般，因為沒有窗，唔開揚的感覺服務亦一般，因唔夠人手，惟有自己行多幾步加水咁啦…食物：點了孖寶，有羊腩煲同拼盤（有煙鴨胸，豆腐之類）羊腩煲不錯算足料，一讚特價兩隻龍蝦伊麵底160元，味道係不錯的，但沒有頭，沒有腳，一堆肉咁啦，未至於被騙，一分錢一分貨啦加左一碟炒菜，同一個花膠湯，人均140元左右算不錯的選擇，可以再去…（如果沒有被裝修的話）

朋友娶媳婦可喜可賀，在擺酒容易請酒難情況下，凖奶奶以茶代酒，喜宴請茶聚！蘿蔔絲酥外皮是酥脆，內餡稍鹹。熱辣辣煎堆是可取的！蟹柳、滑雞、竽頭、魚肚小碟子盛載得滿滿的雞扎，味道不錯，不過沒有腐皮捲著。順德煎魚餅厚厚的，不算太油膩，香口、小小地彈牙！豬腳薑醋是足料好味，豬腳夠淋入味，不過我無試過薑和蛋。香煎腐皮卷香脆但很油膩，但饀料尚算豐富，有碎蝦仁！很甜的麻容饀蒸包，不是我所愛！中式煎薄餅不油膩，因為已經飽飽，沒有試煎薄餅。蝦餃一直是我的至愛，富臨漁港的蝦餃是尚可的，大大只，皮不算薄，蝦是爽口，但沒有蝦的鮮味。杞子桂花凍糕是可取，但桂花味不濃。楊枝金露的西米是橙色，有點怪怪地感覺？！金柚絲和芒果粒都是小小的點聚！

在無訂位的情況下，行左好多火鍋店都無位需排隊，行到見有富臨就上去睇下多唔多人，點知上到黎無人等位兼大把位，這當然醫肚梗要就坐低!! 其實食任食火鍋沒打算寫食評，因為任食的衛生, 食物質素也不能要求太高，富臨$138任飲任食（有啤酒汽水），一般食物及煱底也有…算抵食！ 我地2個人叫了最簡單的鶯鴦湯底，湯黎到時係無蓋的，我都懶叫人拿蓋，橫掂未有食物黎就呆住等……清湯湯底有好多一塊塊黑色物，我懷疑係鑊撈，但朋友不認為，最終我無問服務員，打算快快食飽算！當食物黎到時嚇了我一大跳，平時任食火鍋係會跟人數執的，但呢度（我第一次在富臨食任食）係不理人數款款也照執夠4～5人份量的，好彩我倆無博命點兼無點任何丸，我點左西生菜及油麥菜, 籃西生菜係平時超市迷你西蘭花的size, 俾左2個半(每個切開一半)...魚皮就一籃滿的, 豆腐也是大塊的2件..., 粟米都切開細細件也有十件, 鴕鳥肉就一小碟, 我後悔沒在食前影相...!!! 最終驅使我寫食評是因為我發覺身邊附近的枱也食剩好多好多的食物，超浪費!! 唔止個煱入面滿晒，枱面好多碟也是無點食過，見有張枱4個人食完後竟然有一碟肥牛也無食過……；而後面枱剛有

琴日同屋企人去左食飯 ，有個MENU寫住258蚊 ，1個套餐 ， 講其中一個超值餐﹗真係好鬼抵架﹗ （有龍蝦伊面單叫78蚊 + 乳鴿38蚊1隻有2隻）計唔計到加埋幾多錢???HAHA我地問點解哩個餐咁搵笨 ，之後佢話咁又唔可以咁講O既… ... 公司訂O既而且你散叫O既話叫左龍蝦就唔可以叫一蚊雞 ， 叫哩個餐就可以叫1蚊雞~~~ 咁其實隻雞咪已經包埋落個餐到…咩叫1蚊雞姐~~~搵笨咩﹗D職員態度又有問題 ， 《職員A》寫菜果時叫佢寫完我就打算放低個餐牌啦 ， 之後佢忽然係我手上搶黎睇真係搶係勁無禮貌行為…《亞姐B》之後其中1個上菜個亞姐上菜果時冇職員理佢 ， 佢企係我地側邊等around1分鐘都冇， 之後忽然口upup講句粗口之後行去前2張O既吉枱放得碟野就走左…其間好多職員行過係冇人理碟野O既生死…… 之後我地行去叫職員拎返過黎……﹗﹗﹗ 哩餐笑左好耐哈哈!!!!!!!!!!!!!!真係好好笑D人…好多娛樂﹗ BTW間野唔好食之外D油"益"O既，同埋D野勁多味精， 我對某D酒樓味精比較敏感成個人由頭麻痺到腰………間野已經被BLACK LIST﹗﹗ 就係荃灣城市中心富臨﹗﹗

星期日同老豆食餐生日飯, 去左荃灣城市中心搵位, 見4, 5樓D茶樓都超多人等, 但6樓富臨人少少，費事等又見之前係葵涌食都ＯＫ就試下啦，　點知食到食到一肚火！　Ｄ阿嬸鬧人﹑部長屈人真係前所未試！真係百年難得一見既酒樓！食物質素已一般，第一輪叫野食都好快上到，食完就成枱都係蒸籠同碟，　叫左幾個人收都係應一聲就走左，　之後同個阿嬸講，可唔可以轉頭幫下手收Ｄ蒸籠同碟走，　佢居然鬧返我！　　　之後同個男部長講返同投訴俾佢地個阿嬸鬧之後先有人黎收野！之後第二輪點心，有Ｄ有黎有Ｄ無黎，等左半個鍾唔見野就叫人埋單走人，等呀等。。。。又半個鍾！　單就唔見，　但就叫人入黎得我地張枱　（我唔戒意你翻枱，同叫定人入黎但唔好明知自己埋單要成大半個鐘都叫人地一家大細有老有b企係度咁無良，你要叫人入黎都確定到自己出到張單俾我地先啦！　）　等左２０分鐘終於見到張單，但有幾樣無黎到的食物，我地同佢講多次話等太耐要取消，個女人走左去改單，又５分鐘先返　（明明間野唔大，但次次都要等咁Ｑ耐！）仲要帶個阿嬸連我地等左４５分鐘的食物一齊出現，　迫我地唔可以取消要放係枱同ＣＨＯＰ　印！！　　咁老屈要人食都得？　仲要佢地Ｄ同事見

冇訂位，去到已發現爆滿，響門口等左十分鐘左右。由於七月份推出的優惠實在太吸引， $38有芝士龍蝦伊面，仲要一隻龍蝦，好吸引，於是去食。芝士龍蝦伊面好濃芝士味，不錯，最重要$38咋～不過小菜選擇款式好少，但見到好多人入黎都總會叫龍蝦的～

又是七月天，又是小弟的生日月，這一年的生日頭炮， 竟然是我恨之入骨的富臨漁港…老父為我慶生，卻跟我說已經預訂了富臨漁港，不太想逆他意，也心想對上一次不快經歷已經是一年多前，心想「給妳一次機會吧！」，怎料，又是換來一肚子氣。先是訂位，訂檯時是六位，來到安排的，是一張四人檯，如果要坐到六位，大家都要肩並肩。有趣的是，當時週遭很多「吉」檯，情況有點像亞視台慶向空櫈拋壽包般詭異…最後，侍應為我們在同一位置鋪上層板變成大檯，但後遺症是走廊變得更窄，我看到鄰檯的人也迫著要坐遠一點，同時面露不悅之色…點菜時間，原來老父想吃的，是這超值龍蝦$38，其實「平野無好」已是千古不變的定律，所以，我一看到這餐牌，內心已經打定輸數。題外話，為甚麼七月會用這個「柒」字？生日看到這個字，真有點「把幾火」。唯有用學術眼光，看待這「柒」字吧，來！一起溫習數字大寫吧！「壹貳參肆伍陸柒捌玖拾」！最先來到的是海皇冬瓜盅，卻又再一次感受到poor service。侍應把冬瓜盅放下，拋下一句：「無碗呀？等我去拎先。」之後逃去無蹤。五分鐘後，另一侍應路過，我們再提示未有湯碗，一樣是逃之夭夭。最後，是再五分鐘後，找另一位部長級的才找