富臨漁港囍臨門酒家 (已結業)

平民茶樓，飲茶11點先前買單平d。多數都係d 阿公阿婆飲，服務都麻麻地，舉好耐單都無人理，所以一次過可以叫既都叫左先啦。蟹子燒麥無味，同埋有種入左水既感覺。家鄉薄罉都係無咩味，仲要煎唔出脆邊既口感，口感好差，唔建議叫。腸粉好厚，落醬油都淡淡地味，劣食。鹹水角都軟冧冧，不過入面d餡都普普通通叫ok啦 (但其實都唔好味)。蝦餃唔系太新鮮，燒賣普普通通。但見到d蒸飯好似好多公公婆婆都去拎來食，好似唔錯咁。但果陣已經好飽，所以都無叫。over all來講，只係為填飽個肚來講都係一個選擇，想食好味野就唔使考慮啦。