富熹園 (已結業) 查看

星期五明天寶貝唔使返學所以就出街食晚餐。聽人說大埔開了這間韓國燒烤晚上有韓日放題所以就訂位大人每位$198小孩唔記得幾錢！我抱住一試心態去吃但原來又唔錯喎。地方算大有梳化位有些卡坐可以看到外面街。今次我們就是坐窗邊卡位。服務員也有禮。還有桌上的紙墊寫上窩心的提：生熟食物要分開以防交叉感染所以每人有兩對筷子一對是木筷子用來夾和燒生食物另一對是韓國傳統銀色筷子用來吃熟食。食物有生料、熟食、三文魚刺身、甜品，飲品任飲。所有食物、飲品都是自取。熟食也有很多選擇如炒飯、炒蜆、炸雞翼、燒秋都食、人參雞湯…生料都是一般韓國燒烤肉類、魚類、冬菇之類但看得出新鮮而且擺放在雪櫃每盤只有一種食物而且也有列出食物名稱。用足夠生菜、蒜片、洋蔥等等給人包裹燒肉吃。三文魚刺身和數款壽司也很新鮮。甜品也有很多選擇有雪糕、燉蛋、布甸…全放在雪櫃自取。總括而言這次日韓放題非常低吃值得推介

較少留意到有日韓式自助食品，終於有機會試試。於早場訂了位，只有1小時30分鐘的時間。生肉、熟食、前菜、壽司、果汁、汽水、甜品皆有，除日韓之外，當中還有些泰式，十分豐富。如取生肉，要花時間板燒，其實有很多食品想試，1小時多不算充裕。綜觀而言，生肉選擇多，亦十分肥美新鮮，是高水準的品質。熟食的形式也不少，甜品冷熱皆有，有不同的'特色，目不暇給，可惜未能盡嚐。以其設定的價格而言，此店的自助食品選擇令人滿意，是用心的製作，當中亦有令人留下正面印象的產品。整體而言，水準達標，值得試試。

係大埔行街順便食lunch,yin介紹去食韓國菜,一行5人到了富熹園。紅日的下午時段冇乜人,環境好大,看到格局,夜晚是以韓烤為主。午市套餐,都好多選擇,要了5個套餐,大家share。每個套餐都有個前菜,多是醃漬物。三文魚刺身飯,$50,好肥味的三文魚,不俗呀。人參雞湯,$57,配一碗飯,人參味濃,雞肉份量小。韓式雜錦鐵板燒,$50,配一碗飯,有牛肉、豬肉及雞肉,賣相普通,味道不俗。韓式炒粉絲,粗身粉絲,彈牙好入味。豬肉石頭飯,熱辣辣的飯,配料多,味道正常水準。整體來講食物正常水準,價格合理呀。

上星期同一班朋友仔係大埔，夜晚打完波諗住食飯，本身諗住方方便便咁食完就走，但經過呢間富熹園樓下，大家都就話不如入去試下，食韓燒放題，見到張leaflet寫2100後入座每位$168，覺得抵抵地就入左去。 坐低左之後，先發現除左食韓燒放題之外，原來三文魚刺身都係任食既，見到任食兩個字，唔單只感到驚喜，亦都十分興奮。 講講餐廳入面先，有分卡座同中間長枱，卡座都有唔同size，４至８人都坐到，長枱都係，我地今次坐既就係長枱，枱同枱之間都好闊，反而一ｄ拎野食既通道有ｄ迫。 第一次拎野食，就當然去拎三文魚刺身同一ｄ小食。三文魚刺身好厚好大塊，擺左盤比人任夾，好快就比人夾晒，而小食都有好多款，燒雞翼，炸薯條，魚蛋，薑醋，都唔錯，燒雞翼比想像中好味。 食完ｄ小食之後，就拎一ｄ野食黎韓燒，野食有超過３０款，放係一邊，淨係牛肉豬肉雞肉都有唔同味道，唔同部位，種類多得黎都幾易揀，而且有標示係咩食物黎，都算唔錯。眼見返岩岩三文魚刺身果度，原來佢地refill返d野食都幾快，三文魚刺身比人夾晒，５分鍾後又fill返滿。 飲品方面，都有啤酒汽水任飲，亦都有豆槳，菠蘿汁任斟，都幾特別。食左一陣，發現有d生菜包，原

唔係住大埔都未必搵食搵到嚟呢度, 因為唔係响市中心, 而且唔係地舖, 都係住大埔的朋友帶我嚟食, 先知道呢度有得韓燒~ 雖然book咗位, 但我地想坐卡位, 所以都等咗一陣, 由於佢係分時段, 而我地係食最後一個時段, 所以一開頭九點呢個時段, 會多人入座d, 雖然只係平$30, 但食物一樣, 所以應該唔會有人八點半走嚟食掛?已經好耐冇食韓燒, 仲記得以前食韓燒, 個鐵板係要落油的, 而家已經唔駛, 亦都冇油提供, 咪以為改良咗就唔會粘底, 一樣照粘, 後來先發現, 原來d油早已經撈勻咗响d肉食度, 所以就咁放肉去燒, 都已經有油走出嚟, 除非你燒果d冇醃的肉, 咁就真係乾燒, 冇油~呢度除咗有醃咗的肉, 都有d係冇醃的, 亦有辣有唔辣, 雖然唔係好大, 但選擇都算多, 無論生或熟, 都有好多款選, 如果餓又未燒好, 就可以選擇d熟食, 大部份都係小食同菜, 亦有壽司, 日式小食同三文魚魚生, 咪以為特價時段就唔refill魚生, 一到冇乜時, 就會refill, 當然d貨式就係差少少, d肉太白, 冇乜味, 應該係次等少少, 唔係點會不停refill? 但都好過冇啦~飲品除咗自斟自飲

周未我們一行4人到了富熹園用膳, 由於時間是早上11點左右, 餐廳不算太多人, 座位鬆動舒適, 我們選擇了的魷魚飯酸酸辣辣, 頗為滋味, 另外的魚柳定食則沒有醬汁, 魚柳偏鹹, 較為乾身, 而牛肉定食提供了醬汁, 牛肉尚算嫩滑, 最好味的當然是牛肉石鍋飯, 非常熱辣, 四個飯的份量都很多, 足夠午餐食用, 值得一讚.

7點時段，每位$198。預早訂位，三位。可惜都沒有預留較好坐位，都是大堂隨便有位就安排，眼見原來有卡坐的。因第一次光顧，不知有卡坐，心想預早訂位，應該會安排較佳坐位吧！坐低後，見後來者，沒有訂位的，可入坐卡座，心裡不是味兒。食物都算新鮮及不停補充，除了蝦外，等了一小時，未。見補充，終於我要問侍應生，還有蝦嗎？她才回答，“我入去睇睇”不久，拿了大概拾零隻出嚟，我拿了6隻，但燒熟後，都是“梅肉”的。失望。 蝦不太新鮮，而且供應不足。花枝片，味道不錯。燒烤款式都算多。牛仔骨好味。豬腩肉也不錯。雞串一般。

數數手指，大概已經有年半的時間沒有一家三口在大埔外出食飯。這天因為媽媽買餸時看到這家韓燒的廣告，於是便即興地晚上來一次久遺了的大埔晚餐。晚上7點鐘，來到了讀書時期經常行過的寶鄉街，著實沒有想過會在這裡有一家韓燒店。本來想9點才吃可以每位平$30，但始終敵不過嚷著要吃的胃，最後只得吃$198兩小時的時段。作為區內少有的韓燒店，來到一樓時果然經已人頭湧湧，若然沒有訂座的話可以轉頭走人的了。店內格局不會過迫，而靠窗的卡位高了一級，空間感不致局促。取食物的位置位於餐廳最盡的位置，本來這安排也挺方便，可惜生食物的雪櫃放於廚房通道位，職員出出入入阻礙了取食物的客人。至於食物種類，自行燒熟的食材約有36款，跟其他同類食店一樣，都是原味或有調味的牛、豬、雞等，不算驚喜。熟食方面則有20多款，款式也是韓燒見慣見熟的蒜香炒菜、炒粉絲、炸物等。還有三文魚刺身及壽司等等。飲品除了一貫的罐裝汽水外，稍為有點驚喜的是，竟然有較少餐廳選用的果汁先生！一邊烤熟食物，我們一邊爭取時間試試熟食。韓式炒粉絲鑊氣十足，粉絲亦夠爽口，不過這道菜始終是有過油的通病。炒菜方面，蒜蓉白菜蒜香惹味，不覺不覺添吃了兩次。而炒荳芽則較為普

聽朋友既極力推介, 話大埔有間韓燒餐廳連lunch time都要等.. 所以今日特登早D入黎試下~!黎到時大約中午12:30, 好好彩可以即刻入座.. 店入面大約坐滿左8成店面幾光猛, 位置都唔會太迫原來呢度除左韓燒都有一般韓式料理, 唔同肉類既飯, 炒年糕, 海鮮, 豆腐湯等等... 而且價錢唔貴, 下次黎一定會試下!枱面既溫馨提示令我諗起牛角燒肉 ：D 一樣貼心4人有兩盤韓式前菜二人餐 $148 包括：牛肉＋豬肉＋雞肉＋牛仔骨＋花支片＋魚柳＋雞肉串＋生菜＋白飯2碗＋飲品2杯我地共4人所以追加左個肉類餐 $65 包括：牛肉＋豬肉＋雞肉＋牛仔骨食物上枱後先發現我地唔應該追加, 因為原來一碟既份量已經好! 多!因為野食太多加上個火好慢, 所以都燒左2個鐘先食得完..呢度食物價錢合理, 午市仲係唔需要加一!所以今餐食到飽到行唔郁都只係需要$213... 有可能係我成世人食過最平既韓燒!!

近幾年來，"韓流"在不同範疇，例如電子產品、化妝品、影視片集、流行歌曲等，都已經深入民間，就連飲食也不例外。小弟今日晏晝前往大埔逛逛，在左挑右選之下，最後選擇了在大埔墟的富熹園韓日料理裡吃午飯，算是趕得上"韓流"這個大潮流吧。小弟叫了一碟韓式雞肉炒年糕，因為小弟不能吃辣，因此提醒了侍應去辣。不消十至十五分鐘，韓式雞肉炒年糕終於端上來了。試過之後，覺得年糕相當煙韌，雞肉咬口有勁，而且不黐牙，加上香濃醬汁一併炒，以及灑在上面的芝麻，既香濃又有鑊氣。價錢只是42元（配熱柚子茶）,相當超值。總括來說，富熹園的韓式雞肉炒年糕算是具水準的，無論香味、口感皆如是，就算不加辣，也可以吃出它的好味道，加上價錢合理，可算是物有所值。