富東閣海鮮酒家

營業中

休息中

一家4口👨‍👩‍👧‍👧 終於集齊人去富東閣食酸菜龍躉,三佰幾蚊超大煲,除咗基本野酸菜,芽菜,仲有軟綿綿嘅年糕,確實有驚喜😬用咗龍躉魚,D魚唔會碎濕濕,仲有厚厚嘅魚皮,即刻feel 到D骨膠原😍 滑嘟嘟全個煲都好入味,仲加多咗個紅薯粉,4個人都食唔哂,仲忍唔住打包 個煲仲有少辣同大辣可以揀,小朋友都食得每人佰幾蚊有湯有菜仲有魚,真係超抵食👍🏻

好耐冇食中菜喇，又到星期五happy friday，當然要同媽媽食餐好嘅富東閣相信大家都有聽過，平實良心酒樓，好多街坊幫襯，我地7點半到，等咗15分鐘到就入得～晚餐menu好豐富，海鮮、中式小炒都應有盡有。我同媽媽最後揀咗三寶，叫咗清蒸沙巴仔（2條）、全隻蒜香燒雞、金銀蛋浸時蔬（小白菜）燒雞一嚟到我地真係「哇」咗一聲！好大份呀！雞皮燒得香脆，食得好爽！雞肉出乎意料地嫩滑，油香十足，多肉少骨，好很正呀 金銀蛋浸小白菜發揮正常，最鍾意係入面嘅炸蒜，好提香又話係沙巴仔，點知一嚟勁大條，搞到我又要打包肉質偏結實，勝在分量十足冇腥味，仲有滿滿的蛋白質 咁豐富嘅一餐加埋茶錢加一都係$499，正呀！我地附近兩枱都有叫片皮鴨，下次我又要食

好想食片皮鴨 睇好多人都讚呢間好食去左食啦叫左3樣野 片皮鴨一食 薑蔥蠔煲 魚湯鮮茄勝瓜龍躉頭腩 片皮鴨 （＄178 星期日＋10）預左酒樓呢d平平地一定係切定擺係度個片皮鴨就唔評論啦 只可以講係食得既野配料既青瓜同葱同係唔新鮮（我估擺左起碼一日）梅既 個皮雖然都係即蒸 但係超級厚 一塊包2～3塊肉先得 如果唔係應該都幾難食 薑蔥蠔煲 唔記得幾錢見到個名可能我都有少少誤會 以為係上枱好有獲氣個種 上到嚟只係暖（擺多幾分鐘就凍個種） 同侍應反映反仲話無問題 再問多2句先同我地拎去再整熱 完全無蠔味 仲要係一早炸／過左油擺係到再翻炒d味嚟 超級多油 魚湯鮮茄勝瓜龍躉頭腩 ＄138上到嚟都諗緊係咪我地叫個樣（畢左一人一碗先醒起影相）份量ok既 但係同佢個圖兩回事嚟 照佢個圖睇應該係魚湯加左鮮茄勝瓜點知嚟到變左蕃茄湯 諗住算啦照食 佢個蕃茄湯甜到以為食緊糖水 d瓜又勁大浸草腥味個魚整到超鞋🚫🚫 總結 如果淨係食片皮鴨應該無咁伏 最多都係唔算好食 但佢其他小菜真係不了✖無下次 仲要係收完加一又有茶芥 連碟花生都無🤣🤣🤣🤣🤣可能呢間都係岩食下點心算（睇open rice d食評）2個人食左＄515

朋友生日，當然要食豐富啲啦，一定要試呢度嘅馳名片皮鴨，必食推介👍二百幾蚊就可以食返個兩食，真心超值仲有都要推介呢度既濃湯雞煲翅😋😋😋真係唔會比澳門差，湯濃而且啱啱翅，真係好食到不得了👍食完飯一定要試試姐姐推介既紅豆沙，紅豆超大粒，每一啖都有幸福綿綿既感覺😍今晚我哋主要係食團餐，3仟幾蚊就可以食乳豬全體😋上湯龍蝦😋濃湯雞煲翅😋真係超值呀👍待應服務又好又細心，最緊要係香港人幫襯返香港人既酒樓😍

爸爸係中廚，所以出街好少食中菜，因為我會覺得間間都一般般，但爸爸退左休享受人生就無好好食過中餐由細到大都唔會出街食咕嚕肉 因為覺得好多嚿肉好大陣雪味，汁又難食！同行友人係咕嚕肉鐵粉，今次就叫左冰鎭咕嚕肉！呢個嚿肉就無雪味，皮脆肉嫩，食落雪味唔勁，而且無咩肥膏，好好送飯！因為我好耐無食過龍蝦伊面，就叫左波士頓龍蝦，點知個伊面大到不得了！份量完全夠四個人食～龍蝦就一般酒樓做法，無咩特別，而龍蝦肉彈牙，都幾新鮮！呢個味道唔係好濃唔霸味，啱清淡口味嘅客人！濃湯響鈴浸娃娃菜就一般般，上湯正常水準，擇呢個係因為我想食菜～本身想擇金銀蛋莧菜，可惜無⋯呀⋯我最想食呢個！！！呢間酒樓水準比一般街坊酒樓好食，唔係好重口味嘅類型，但每碟都非常大碟，我見好多後生仔去都去食，裝修環境比較地道，侍應們嘅服務好好好好👍🏻堪稱近年絕跡！甚至覺得好過逸東嘅服務💛我諗呢間酒樓係沙田友嘅好選擇～行開去果頭都可以一戰喔！

第一次黎試，難得既良心酒樓難得地見到咁傳統既地方有好多好多年輕面孔星期六晚、二人、等左幾分鐘入座見唔少人食雞煲打邊爐我就試左片皮鴨$198（平日$178）同椒鹽龍躉頭腩$138片皮鴨個皮分開上，等左一陣先有等到鴨肉有少少攤凍啲皮勝在岩岩蒸起熱辣辣但比較大塊撕開兩半用會好啲 我地覺得夾住食麻麻地有啲dry又冇乜味後尾就咁食鴨肉覺得仲好，食到少少鴨香都要讚佢幾健康唔係多肥膏果啲鴨肉份量亦幾多青瓜及蔥段都新鮮爽脆 椒鹽龍躉頭腩炸皮咬落有啲硬味道一般般但魚肉係大舊同實淨新鮮的 其實兩味餸老實講都麻麻地下次會試下其他小菜埋單$398 服務態度ok，叫人都好快有人應我飲香片好香沖多次水都夠味

細個最討厭飲茶，又嘈又迫又無凍嘢飲。最緊要係咩呀，係有排都未走得。印象中嘅富東閣up dup又殘，家父家母成日都話啲碗好油，就算作為沙田柚都n年無幫襯過了。一大朝早喺附近有嘢做，同朋友們七點十五分嚟飲個真·早茶。一入到去有啲驚訝，竟然企理咗咁多，仲要接近爆滿咁濟。啲茶幾好飲，所有點心都係即叫即蒸，新鮮滾熱辣，要等20分鐘㗎。埋單每人$50有找，impressive！；香煎黃金糕🏵超級！無敵！好食，帶啲椰汁香味，邊位脆口，入面煙韌，唔會過甜。（勁似菠蘿🍍，let’s 糕！；蝦餃🦐皮薄，煙煙韌韌，蝦新鮮、鮮甜。；鵪鶉蛋燒賣🐥買少見少嘅舊式點心，平時食開無蝦的，呢粒有蝦覺得怪怪的。；皮蛋瘦肉粥🥣粥底綿，啖啖都係瘦肉絲同皮蛋碎，滿滿一大碗食極都食唔完。仲叫咗牛肉腸、鮮竹卷同鹹水角，佢地正常發揮，無特別，不過竟然走漏眼無叫馬拉糕！oopsie，又有值口再嚟飲茶嚕。(୨୧ ❛ᴗ❛)✧

呢排日日都下大雨, 食飯都盡量留係室內，閒日既DINNER就係沙田市中心經有蓋天橋連黎到沙田富東閣吃中菜，聽聞片皮鴨好好味輕輕鬆鬆到達! 嗌左2枝大既藍妹, 必備!我地2個人, 上網睇介紹嗌一個片皮鴨二食, 再加小食已經好夠飽. 為食既我地就跟住嗌, 小食要左海蜇青瓜, 海蜇頭有D唔夠爽口,青瓜好淡, 唔夠入味..片皮鴨二食要加$30, 嗌左醬爆鴨件, 好普通..... 骨多過肉LOL片皮鴨, 份量幾大, 2個人食唔晒.. 不過鴨片味道不錯, 脂肪同肉比例岩岩好可惜麵餅太大塊，太厚，夾2-3舊肉會好食D, 如果唔係會好乾OVERALL呢餐味道都OK既, 但我地嗌多左, 4個人食應該岩岩好. 小食唔夠入味,  下次有機會再黎可以試埋其他熱食~

星期日，11點入坐，唔駛排隊直入。見到1130已經開始要等位喇。一家四口黎飲茶，叫左鐵觀，唔錯。職員拎餐具黎，已經幫你係出面打邊爐咁消好毒先拎俾你，熱辣辣。好多優惠，點心4送1，套餐，特價點心優惠紙點左5個點心鳳爪：大路野，好味既鵪鶉蛋燒賣：好耐冇見，足料珍珠雞：竟然有咸蛋黃，料足牛肉球：好好食馬拉糕：一大籠有6件特價腸粉：叉燒併蝦，唔錯唔錯皮蛋瘦肉粥：又係好好味炸野叫左炸豆腐同魷魚鬚，小朋友最鍾意食炸野。脆皮雞跟湯粉：半隻脆皮雞，皮脆肉嫩埋單4百幾，大滿足

今日去到沙田買外賣片皮鴨回家慶祝父親節。當日五回幾去到已經full house，仲有人山人海等外賣。我早兩日已經打來預訂了一隻片皮鴨，如果唔係都可能會買唔到。 外賣人多，不過等待時間唔算長，讚。片皮鴨有好多片， 潤餅皮大大皮，可以包好多我最喜愛的青瓜及大蒜。 酒樓都提供左大量，唔洗省住包。我加了$20，可以拎埋鴨殼，鴨殼超巨型，有好多肉，可以用來炒多一個餸。鴨殼也可以用炊煲湯煲粥，絕對不會浪費。全家人都吃得很滋味，小朋友都喜歡。

很久以前住在沙田，但很久沒回去了，碰巧父親節家人生日，無意中發現這家茶樓，很好美又便宜 ，我覺得很不錯 值得推介，菜式多之餘，亦很快上菜，服務也不錯 ，不會太擠迫，而且行去沙田站都好快，仲可以感受下舊式村屋的情懷，食左片皮鴨 - 正常幾好性價比 同埋俾足夠皮,金沙涼瓜 - 超正推介,沙薑雞腳 - 超正 嘴匀的老豆竟然要encore,另外外賣左個京都焗肉扒 - 不錯- 個汁整得好咁岩有啤酒推廣都幾抵，總而言之不錯的晚餐 重要的是和家人一起開心

下雨天只能留在室內，今晚選擇和男朋友來到沙田富東閣吃中菜有蓋天橋連接著沙田市中心，下雨天都輕輕鬆鬆到達藍妹啤酒推廣優惠，登記成為會員就可以送兩枝大枝裝藍妹啤酒拍青瓜海蜇頭 - $48 海蜇頭爽脆，青瓜略淡味片皮鴨二食 - 加$30,醬爆鴨件略為普通，啫啫雞的味道，鴨件較少肉，多骨。片皮鴨 - $178 鴨片肥度適中，份量不少，兩個人吃不下肉質嫩滑，不錯麵餅太大塊，亦有點厚，分開一半吃較合適總結而言，味道不錯，份量較大，三至四人吃較合適。小食略為遜色，價錢不貴。茶錢$12一位，結帳$304 , 兩人吃到飽菜單

住沙田區咁耐，一直都好想搵好味嘅點心酒樓食下，今日就同屋企人嚟到瀝源邨，呢一間比較出名嘅酒樓啦🤗🤗🤗食街坊酒樓有一樣野好，就係無論你食啲乜嘢，價錢都唔會好貴、好離譜，睇張點心紙嘅價錢就知道啦！👍🏻👍🏻👍🏻一齊睇吓佢啲點心賣相點樣先！💜炸兩（好味！夠晒脆！）💜鵪鶉蛋燒賣（味度正常）💜山竹牛肉球💜奶黃千層糕💜蝦餃講真，兩個人食埋單都係$120，真係冇得輸。不過唯一一樣值得留意嘅，即使係疫情之下，酒樓都安排唔到枱與枱之間嘅距離好闊落，而且係需要同人搭枱😶😶😶我諗呢點唔係人人接受到，始終大家都好注重衛生嘅🥺🥺🥺

🤎富東閣海鮮酒家🤎繼續推介黃店系列，今次係中式黃店酒樓！唔知大家有冇聽過，將軍澳街坊上年團購過100隻片皮鴨，就係向富東國海鮮酒家團購，之前已經有幫襯過🤩🤩🤩今次我同三位朋友，一齊去餐廳食，叫咗片皮鴨套餐，真係抵到爛，性價比高。🤍片皮鴨套餐 $638 適合四至六人用- 片皮鴨一隻- 粟米魚肚羹- 秘製柚子骨- 清蒸沙巴仔一條- 豬潤啫啫雞煲- 七彩炒鴨絲 （片皮鴨二食）🤍片皮鴨今餐特登為咗片皮鴨而嚟，啲鴨肉正正常常，厚薄適中，個醬都溝得幾好味，不過啲皮有啲厚。但都係果一句， $638有咁多樣嘢食，就好難同$400一隻鴨去比㗎喇，不求什麼🤍粟米魚肚羹呢個魚肚羹超大份量，我哋每人最少飲到兩碗。不過只有正常份量的魚肚，不太多🤍七菜炒鴨絲呢一個餐唯一唔好嘅地方，就係太少菜🤣🤣所以唯一可以食到菜嘅就係七彩炒鴨絲📍 富東閣海鮮酒家沙田瀝源街6號瀝源廣場1樓5號舖————————————味道: 🤎🤎🤎🤎🤍環境: 🤎🤎🤎🤎🤍服務: 🤎🤎🤎🤎🤍價錢: 🤎🤎🤎🤎🤍再食: 🤎🤎🤎🤎🤍————————————

🔎：《 #富東閣 》⁣⁣⁣⁣⁣💬：⁣⁣⁣⁣ 良心中菜街坊茶樓~早排屋企人生日想食好啲，所以就特登去富東閣買外賣。見到好多人都讚個片皮鴨，緊係要試啦！⁣⁣⁣▫️京式片皮鴨 ($178 )片皮鴨份量都算好多，都包到成十幾舊架，不過略嫌佢鴨皮片得唔夠薄，好多肉黐住喺皮度，同埋可能外賣嘅關係，食嗰陣啲皮有少少淋身。(+$30兩食)▫️四位套餐 ($938)四位套餐都好多嘢食！包括龍蝦伊麵、花膠鵝掌、帶子、象拔蚌、龍躉同埋燒乳鴿等等，六個人都食唔哂，每樣嘢嘅份量都超級多，味道都係正常水準。▫️陳皮蒸鮑魚-半打 ($128)鮑魚超新鮮又大隻識落好爽口唔會有腥味！▫️椒鹽鮑魚-半打 ($138)如果係外賣嘅話就建議都係揀返蒸鮑魚，因為椒鹽鮑魚係炸嘅，拎返到屋企嘅時候個皮已經淋咗冇咁好食。( 3/5分）⁣⁣⁣⁣