富東閣海鮮酒家 (已結業)

今晚我們去咗沙田瀝源商場嘅「商東閣海鮮酒家」食任食火鍋！店員同我們講話他們推出咗新優惠，就係食任食火鍋3位或以下送上湯大蝦伊麵，4位或以上就送上湯龍蝦伊麵！而我們今日係3個人，所以係送上湯大蝦伊麵，大蝦好大隻，肉質好爽甜彈牙，伊麵好爽口煙韌同唔會覺得好油膩！雖然係贈送，但都絕唔馬虎！另外有任食自助沙律吧，手拍青瓜好爽甜清新！泰式豬手嘅豬皮好爽滑彈牙，泰式辣汁令到豬手嘅味道好惹味同好清新，而且完全唔會有油膩嘅感覺！素海蜇比平日食開嘅海蜇幼身，賣相好似幼身嘅紅薯粉咁，質感好煙韌彈牙！生炒糯米飯炒得好乾身同粒粒分明！湯底我們揀咗椰子滑鷄湯底嘅味道好香甜濃郁，所有火鍋材料都吸收晒椰子嘅香甜味，真係好好味呀！所有火鍋材料都處理同清洗得好乾淨衛生！

今晚我們去咗沙田瀝源商場嘅「富東閣海鮮酒家」食晚飯！我們叫咗老火粉葛豬𦟌湯、鮮百合虎蝦炒年糕同清蒸大沙巴龍躉！喺點菜嗰陣店員同我們講話他們而家做緊週年酬賓優惠，就係惠顧晚飯每位人客都送一隻原隻沙田妙齡乳鴿！原隻沙田妙齡乳鴿嘅肉質相當嫩滑，而且肉汁非常多！另有免費保鮮手套提供！老火粉葛豬𦟌湯煲得火候十足，湯料非常豐富，湯底相當香甜濃郁！鮮百合虎蝦炒年糕嘅虎蝦肉質好爽口彈牙，年糕亦相當煙韌彈牙，加埋香辣嘅醬汁一齊食，真係好惹味！清蒸大沙巴龍躉係新鮮即叫即劏，所以味道極之鮮甜，肉質非常肥美嫩滑！

今日下午我們去咗沙田瀝源商場嘅「富東閣海鮮酒家」飲下午茶！我們叫咗不見天原隻鮮蝦腸、紫金醬豉汁蒸鳳爪、燕瘦環肥叉燒包、斗門水晶蝦餃皇、別有洞天脆皮腸同精選午市套餐：白灼時菜、貴妃鷄「半隻」同上湯米線！不見天原隻鮮蝦腸嘅腸粉切開咗六件，每件入面都有一隻爽口大蝦，真係份量十足！紫金醬豉汁蒸鳳爪炆得好腍好入味，醬汁嘅味道非常惹味！燕瘦環肥叉燒包嘅包質好香滑鬆軟，叉燒嘅味道好香甜！斗門水晶蝦餃皇嘅蝦相當爽甜彈牙，餃皮好煙煙韌韌！別有洞天脆皮腸外層係軟滑嘅腸粉包住香脆嘅油炸鬼，而油炸鬼入面放咗爽甜嘅蘿蔔絲，包埋一齊嚟食，食落嘅感覺真係好別有洞天同創意十足！係本人嘅必食推介！精選午市套餐：白灼時菜嘅菜心好嫩同無根！貴妃鷄「半隻」嘅肉質相當嫩滑！上湯米線嘅上湯係採用鷄湯，所以米線吸收晒鷄湯嘅味道，令到味道特別鮮味！

今日下午我們去咗沙田瀝源商場嘅「富東閣海鮮酒家」飲下午茶！ 由於係下午茶市尾聲嘅時間，所有點心已售罄，店員有禮貌咁同我們講話， 而家只有燒味部嘅嘢食，所以我們只有叫咗燒鵝米線嚟食！ 燒鵝米線嘅燒鵝皮燒得相當香脆， 肉質非常嫩滑， 肉汁亦好多，米線亦好爽口彈牙！

瀝源邨自從換了酒樓也沒試過，今天星期日趁午飯來試一下。 先試試炸點，咸水角上桌還熱，皮雖然有點厚，但和餡料比例尚算可以，入口脆口。蒜蓉蝦春卷賣相不錯，但就熱感不足，而且略嫌過硬，有沙律醬點也減不了乾澀感。 之後試試蒸點，蝦餃皮不厚，大大餡，味道還可以；燒賣賣相一般，但大件足料，以價格來說，比蝦餃更抵食。棉花雞的棉花多於雞，魚肚份量大約有半碟，唯一美中不足的是太油膩；叉燒腸粉利用長碟橫排，雖然只得兩條，但條條足料，皮滑餡滿，抵食大件。整體而言，點心大部份較為油膩，不太適合三高人士。味度還算不錯，至於價錢，在屋邨來說就略嫌貴了一點。

今日下午我們去咗沙田瀝源商場嘅「富東閣海鮮酒家」飲下午茶！我們叫咗斗門水晶蝦餃皇、鮮蝦菜苗餃、潮州怒漢蒸粉果、手打鯪魚球、鮮竹粗打牛肉球、陳村粉蒸排骨、雪山叉燒焗餐包同即燒蜜汁叉燒腸粉！斗門水晶蝦餃皇嘅蝦好爽口彈牙，餃皮好煙韌彈牙！鮮蝦菜苗餃嘅餡料好豐富！潮州怒漢蒸粉果嘅餡料好惹味！手打鯪魚球嘅鯪魚肉質好鮮味同彈牙！鮮竹粗打牛肉球嘅肉質好嫩滑多汁，牛肉味亦好濃郁！陳村粉蒸排骨嘅排骨肉質好爽滑！雪山叉燒焗餐包嘅表面都幾香脆，包質亦幾鬆軟！即燒蜜汁叉燒腸粉嘅叉燒份量都幾多，味道亦幾香甜！

今晚我們去咗沙田瀝源商場嘅「富東閣海鮮酒家」食晚飯！我們叫咗西洋菜煲生魚湯、蒜心木耳炒花膠絲、富東閣辣子鷄「半隻」、黑椒鹹豬手同子薑麵醬蒸魚雲！西洋菜煲生魚湯真係火候十足，湯底極之濃郁，味道非常香濃！係本人嘅必食推介！蒜心木耳炒花膠絲嘅蒜心好爽甜，花膠絲亦好軟滑！富東閣辣子鷄「半隻」嘅表面炸得非常香脆乾身，入面嘅肉質極之嫩滑，味道雖然辣，但真係相當惹味，最好係完全無油膩嘅感覺！黑椒鹹豬手嘅豬手炆得好腍好入味，肉質好軟滑，黑椒汁嘅味道調教得恰到好處！子薑麵醬蒸魚雲真係份量十足，魚雲嘅肉質極之嫩滑！

呢個位的茶樓都轉過好多次,今次是富東閣。內裡裝修光猛, 座位安排都不錯, 枱與枱之間空間足夠。閒話少說,首輪古法馬拉糕,賣相幾靚, 食落都很好, 唔會太甜, 唔鬆散, 無濕。燒賣個樣幾好, 但實左少少。鳳爪幾惹味, 無煮過龍, 依然皮肉分明。蝦餃夠蝦味, d蝦爽既唔霉, 皮唔太厚,唔錯。呢個蝦腸成條長碟上, 賣相十分滿分, 唔會幾條腸痴埋一堆, 淋上鼓油時更均衡。叉燒包無咩特別, 一貫水準。仙竹卷本來幾好, 但加了西芹, 好似怪怪地。薑汁糕好食, 非叫不可另外唔記得影相既蘿蔔糕, 太削, 一夾起即散晒, 可能由於蘿蔔切大粒, 如果刨絲去蒸會好d。