富東閣海鮮酒家

營業中

休息中

撐黃店 沙田<富東閣>聽到沙田富東閣告急的消息，即刻同幾位同路人去吃個晚飯。星期五晚，有8成滿，個心都安樂一點。晚飯小菜類別，有二十多款精選劃一$78/款，選4款送1款（或8款送2款），選擇可算非常多。乳鴿（$38/隻）皮香肉嫩，水準甚高。必吃「椒鹽豆腐粒」，外脆內軟，豆腐滑不溜口，佐酒佳品。（前後點了兩碟🤭）4個人，9個菜，8支啤酒才$800埋單，性價比非常高，酒樓員工服務態度良好，再者是黃店，沒有不撐的理由。

同朋友係沙田食飯，第一時間當然係先諗起支持黃店!今次係第二次幫襯，晚上6時多到達，大概只有3-4台客晚市正推廣四送一優惠!!!共有十多款選擇，每款只需$78!抵!但可惜，今次我地只有2個人，所以留番下次先拎呢個優惠。1. 辣子雞($98)呢個最滿意,好香好濃味! 必食推介!2.咖哩牛腩($98)+蒸饅頭,($30) 又係好入味,友人話好有椰香味3.茄子牛仔骨($78)牛仔骨入味,軟身離開時大約7時半，開始多番D客!呢間酒樓絕對係沙田區值得推介抵食好食的食餐廳!

距離我上一篇兼唯一一篇食評十年之久，係武漢肺炎影響全港民生既情況下，決定重新嘗試揮筆支持下有質素既黃店，唔想佢地捱唔住執笠，疫症過後變左美X或者X臨.......沙田站唔係淨係得新X城既，由沙田站行過黎瀝源商場15分鐘左右之前有食過富東閣既任食火鍋，價錢平、食物質素唔錯，獨有之處係佢唔會逐碟菜上，剔左既菜會砌成一盤，有人鐘意有人唔鐘意，不過一定洗少好多碟~今次黎到就諗住試下小菜，宜家做緊小菜4送1優惠，都幾抵~不過睇睇下俾個自選三寶吸引左，平日$368，揀左波士頓龍蝦伊麵、脆皮燒鵝(+$30)、金銀蛋浸白菜仔，另外加左個薑蔥蠔煲、蓮藕湯，全部份量都好大，4個人係唔應該嗌咁多既......眼闊肚窄<波士頓龍蝦伊麵>以為波士頓龍蝦好細隻，原來都幾多肉，切件上方便分黎食，伊麵有好香濃牛油味，略嫌有少少膩<脆皮燒鵝 - 半隻>外皮有少少燶，整體皮脆入味，送飯一流，呢個絕對值得encore<金銀蛋浸白菜仔>可以揀不同時蔬，因友人唔食菠菜揀左白菜仔，但我唔太鐘意，如果有莧菜就好啦，可惜未係時候<蓮藕湯> $88成盅上既，前後裝到9碗湯

活在亂世，食咗先算。去茶樓開飯，快來快去。下午茶限定炸韭菜餃，外表粗糙，勝在饀多香脆；燒鵝米啲鵝，件數多，啖啖肉夠入味，飯腳食唔停口。另一個叫咗叉燒飯，嫌叉燒唔係半肥瘦，講明唔想食柴，死死氣咬咗啖之後話夠腍喎，結果成碗食晒。燒腩仔塊皮卜卜脆，可惜瘦蜢蜢。鳳爪排骨飯細細盅，排骨冇腥膻味，係至愛的軟骨版，單食佢唔夠飽，叫多幾樣點心。蝦餃皮薄煙韌，入面有蝦有肉，好耐冇食到有肉的蝦餃喇。菜乾排骨粥料多夠綿；芋頭糕多芋粒，食完唔口喝；紫米露甜度剛好夠大碗，啱晒幾個人分嚟食。唯一食剩係煎魚餅。

一路都覺得酒樓吾會有黃店但原來我錯啦 沙田瀝源嘅富東閣海鮮酒家原來係黃店所以今次專登行過黎食 之前都食過佢嘅任食火煱 8點半後入座好抵食好平不過 今次食小菜佢地夜市小菜係$78一款 選3款送多1款即係三個餸價值可以食到四個餸 都幾抵食 今次叫左5個餸 薑蔥生蠔 呢個好好食薑蔥帶起成個餸嘅味 蠔都足 我無數有幾隻 但至少有8-10隻蒜鼓蒸茄子 吾知係咪人多 呢個等左好一陣子先上味道尚可 茄子都好淋 但要配埋個汁食先夠味椒鹽肉排 椒鹽味都重 幾有味 份量都好合理西芹炒龍躉球 其實食落係龍躉塊 吾會太咸 吾錯翡翠花姿蚌片 呢個比起其他 細碟少少可能材料貴啲 但都好爽好滑總括而然 小菜味道係可以 吾會太貴 可以多幫襯

晚市三寶套餐：大概係上湯龍蝦伊麵同蒸龍躉選一，燒味類選一，菜選一。揀咗上湯龍蝦伊麵、貴妃雞同蒜蓉炒菜心。套餐只需$300幾😳另外叫多一隻炸乳鴿🐥屋邨酒樓就冇集團式咁好的裝修，但一D都唔迫唔污糟。出面叫一個龍蝦伊麵平極有限，呢度質素非常好，龍蝦肉地實淨，伊麵多到食唔哂，貴妃雞又滑又好味而且仲比足一隻，需要打包第二日食。乳鴿就一般水準。佢哋有好多其他小菜都係$100以內，龍躉類都只係$128前後。仲有任食打邊爐都係$168/位。價錢經濟實惠，食物質素又唔錯，CP值超高。食完亦冇話好口渴，味精唔多。絕對要翻炒😎值得一提係呢度服務非常好，待應反應快，唔會越叫越走，又或乜都係轉頭黎。最後提一提，呢度係播VIU TV的！

星期日話老人家鐘意食點心所以一家六口一同到富東閣喝個早茶，這裡氣氛都幾好，室內環境裝修得富中式味道，坐位舒適點心賣相精緻，賣相幾靚，我們點了八個點心，一份點心併盤，併盤點心除造型可愛, 味道亦相當岀色仲有一客小食鹵水雞翼，普通啦，唔算特別。一客炒麵，炒麵的份偏少，但媽咪好鍾意。食落唔油膩...平均每人消費$100，價錢合理。而且店員工作效率也頗高。由於當時為星期日上午繁忙時間，等候食物都比較耐 ....總括黎講可以一試既～

下午二時許來到瀝源的富東閣海鮮酒家喝下午茶。這酒樓地方不大，但仍有一批故定的食客。第一次來到這酒樓，抬頭一望，便發覺這裡的天花很特別，有多幅中式字畫掛在那裡。我們二人叫了一碟炒河和三個點心，埋單只是大約一佰二十元。下午茶時段確實比較便宜。乾炒肉片河 （$42）這炒河頗為惹味，除了肉片之外，還有大量的洋蔥絲和芽菜，所以較爽口。醬油味不會太濃，配起醃過的肉片和河粉，令人不期然一口又一口的吃下整碟河粉。陳皮牛肉球（$12）熱騰騰的牛肉球陳皮味不顯，但牛肉亦算滑。沾了浙醋來吃，更為美味。蠔皇鮮竹卷 （$14）鮮竹內包了很多餡，但味道只是一般。蝦餃皇 （$16）特價只有三隻，餃皮頗煙韌，蝦亦爽。賣相不錯，味道尚可。

一間開左好耐既酒樓，富東閣。佢係開喺瀝源巴士總站上面，由沙田市中心去禾輋方向行嘅嗰一條天橋，好容易見到呢一間酒樓。位置都幾偏僻，好容易搵位。門面嘅設計非常懷舊門面好闊，離遠都見到個大招牌內在環境，裏面好闊落有電視📺睇，感覺真係好街坊5選1既餸，特別平。仲有女仔過黎問要唔要啤酒🍻餐牌開咗普洱茶，裏面放茶包OK汁西芹蝦仁蚌片$98味道偏淡，蚌片唔新鮮野菌扒小棠菜$68味道ok👌🏻紅燒乳鴿$26.8 一隻燒得好香，好多汁，唔算油膩。幾抵食紅豆沙（免費）埋單連埋+1 $300

今天去富東閣吃晚飯，價格便宜，食物有水準，燒鴨香脆可口，生炒骨很翠及即炒，炒麵飯也很抵食，下次一定再來，不過唯一一個缺點，如果服務員不大力拋東西會好一些，因我們有小孩子同行

好抵食既燒味飯！而家想搵到個飯盒係$30樓下係好難要$30樓下而又唔難食就更加難！但呢個飯盒真係一次過滿足晒兩個願望$28有個燒味雙拼仲要唔係淨係得肥膏無肉仲有兩條菜跟上仲想點😂😂簡真係抵到震！

以往只曾食佢D燒味外賣叫過得去唔錯仲送野飲..但愈來愈貴都甚小幫襯..見佢原來評語都唔錯今日就去試下點心.公眾假繁忙時間都唔洗等位.嘿嘿...最先一定係試D茶先:香片..用茶包..淡淡地唔香的茶...失色過禾輋個兩間..鮮蝦腐皮卷..差過出面..假設正常應該3.5 呢度岩岩3分    薑米蛋白炒飯..賣相巳經覺得唔夠火喉..我就唔識形容只覺得又係差過個邊..家人就話食得出D油係重環再用變左有陣味咁..其次大包..裡面都只係菜肉..似雞包仔大隻版..無蛋無其他可惜..牛肉球就失望..偏黑..食落有隔左幾日開始變味咁..鯪魚球叫最正常..再來最後吹碟蝴蝶蝦未黎..侍應望一望另轉面走..唔知收唔收到...好在岩岩好來了..唔係我諗都唔會同我跟..碟炸蝦偏凍..食落明顯無乜蝦味..只有急凍個種溶雪味.即係超市買返去自己炸個D...最後無水侍應拎走之後轉頭擺返低未裝水既壺.我隔左陣想加先發現...我見算啦..走人..無下次

沙田區酒樓，這一間絕對係經濟，便宜，而且食物還好食。 雖然地點近屋村樓下， 但距離市中心都好近， 起碼不用等位。員工態度好好，屬街坊生意。酒樓附近配套亦晤差，有下一次

週末，是一家大細去飲茶的好時間。而是日的星期日，準備陪仔仔去 ikea 玩，我們又準備去看看有沒有合適的新傢俱而來到沙田。我們我計劃是去飲茶的，但考慮到市中心的大酒樓，排隊一定排到你傻，於是我們把目標轉到一橋之隔的瀝源邨。我們行都來屋邨的平台，咦! 酒樓改頭換面了，現在以《富東閣海鮮酒家》服務大眾。沒想到，星期日的中午時段，依然有優惠的套餐，點心未來，我們就有一大窩的貴妃雞河粉配油菜一碟。是日的靚油菜，是芥蘭一碟，粗身，入口甜，現在喜歡純食白烚菜的我，能吃到鮮甜，新鮮的菜原味，我會給萬分的好。貴妃雞，果真是皮香肉嫩，也可以用皮爽肉滑來形容。加上，入口時有美味的雞油香，單件食很好，伴河粉食，雞油混合了高湯，更是味好。河粉，用高湯去煮的，本身已經條條夠味道，再加上雞件的相伴，鮮味加上香味，而且河粉亦沒有過腍，質感非常之好。點心即叫即蒸，粉麵來先是常識，為太太點了一個羅漢齋伊麵，同粉麵比起來沒有那麼熱氣，不過，因為伊麵吸汁，所以令到個麵咸左少少。飲茶，主打食品當然不是炒粉麵啦，之不過，包子來先。奶皇包不錯，香甜香口。素菜包，是純菜的餡，菜汁亦完美地滲入了包皮的內則，也是一個不錯的包子。之後，

今晚我們去咗沙田瀝源商場嘅「商東閣海鮮酒家」食任食火鍋！店員同我們講話他們推出咗新優惠，就係食任食火鍋3位或以下送上湯大蝦伊麵，4位或以上就送上湯龍蝦伊麵！而我們今日係3個人，所以係送上湯大蝦伊麵，大蝦好大隻，肉質好爽甜彈牙，伊麵好爽口煙韌同唔會覺得好油膩！雖然係贈送，但都絕唔馬虎！另外有任食自助沙律吧，手拍青瓜好爽甜清新！泰式豬手嘅豬皮好爽滑彈牙，泰式辣汁令到豬手嘅味道好惹味同好清新，而且完全唔會有油膩嘅感覺！素海蜇比平日食開嘅海蜇幼身，賣相好似幼身嘅紅薯粉咁，質感好煙韌彈牙！生炒糯米飯炒得好乾身同粒粒分明！湯底我們揀咗椰子滑鷄湯底嘅味道好香甜濃郁，所有火鍋材料都吸收晒椰子嘅香甜味，真係好好味呀！所有火鍋材料都處理同清洗得好乾淨衛生！