富東閣海鮮酒家 (已結業)

今晚我們去咗沙田瀝源商場嘅「富東閣海鮮酒家」食晚飯！我們叫咗老火粉葛豬𦟌湯、鮮百合虎蝦炒年糕同清蒸大沙巴龍躉！喺點菜嗰陣店員同我們講話他們而家做緊週年酬賓優惠，就係惠顧晚飯每位人客都送一隻原隻沙田妙齡乳鴿！原隻沙田妙齡乳鴿嘅肉質相當嫩滑，而且肉汁非常多！另有免費保鮮手套提供！老火粉葛豬𦟌湯煲得火候十足，湯料非常豐富，湯底相當香甜濃郁！鮮百合虎蝦炒年糕嘅虎蝦肉質好爽口彈牙，年糕亦相當煙韌彈牙，加埋香辣嘅醬汁一齊食，真係好惹味！清蒸大沙巴龍躉係新鮮即叫即劏，所以味道極之鮮甜，肉質非常肥美嫩滑！