富山麵家

營業中

休息中

富山麵家又有新主題，今次係鬆弛熊之前大耳狗主題個時食過，依家又有新主題當然要去打下卡啦.餐廳佈置無論係門外同牆上全部都係鬆弛熊，岩哂打卡，另外仲有鬆弛熊精品可以購買，今次有必買既拉麵碗，望住鬆弛熊食個麵都開心啲，仲有不銹鋼筷子同環保袋，Fans快啲過黎買哂一套返屋企🤗.Rilakkuma特製牛奶拉麵鬆弛熊拉麵一共有三款，兩款湯麵一款沾麵。分別係特製牛奶拉麵，特製醬油拉麵同埋特製沾麵。今次我都係叫左牛奶拉麵，湯底牛奶味濃郁唔會油，我飲哂d湯架！拉麵煙韌適中，入面有叉燒，豬軟骨，溏心蛋同埋印有鬆弛熊樣既魚片 .Rilakkuma特製沾麵之前黎食都係湯麵，今次一於就試下個沾麵，沾麵有四款口味可以選擇，分別有熱牛乳湯，魚介醬油湯，胡麻醬同埋味增湯。我哋揀左味增湯，麵質彈牙，除左有叉燒，豬軟骨同溏心蛋外，仲有鬆弛熊同埋佢既朋友既魚片。岩哂打卡😂.Rilakkuma 炸雞拼章魚燒炸雞炸到熱辣脆卜卜，雞肉嫩滑，配捚白朱古力士多啤梨醬，甜甜酸酸配埋炸雞幾特別。章魚燒熱辣辣要襯熱食，仲有塊鬆弛熊曲奇做裝飾.Rilakkuma 特製百香果梳打飲品上有鬆弛熊造型既棉花糖，好可愛！百香果酸酸甜甜好解渴.Ril

呢度定期都會有唔同嘅crossover，今次就輪到我最💗既鬆弛熊啦😍門口去到店內都係用粉紅做主題好搶眼😎覺得得意嘅仲有拉麵碗連不鏽鋼筷子及購物袋可以獨立購買！大人或小朋友都好鐘意🥰🥢食物1️⃣特製牛奶拉麵 $98: 有鬆弛熊公仔魚蛋好得意✨湯底嘅牛奶味好濃郁，再有豬軟骨、叉燒、蛋、蘿蔔，粟米等材料完全入哂味👍🏼2️⃣特製沾麵（配胡麻醬 ）$108有四款湯底可選擇，我就揀咗配胡麻醬，特別適合夏天食，夠哂清爽👍🏻配料有叉燒、蟹、柳流心蛋等，加埋鬆弛熊成員可愛到極💗3️⃣Rilakkuma小小食拼盤 $69炸雞外皮酥脆肉質唔會好肥膩，小丸子加燒汁趁熱食最好，印有熊仔圖案嘅餅乾好cute ar🤩最後個士多啤梨芝士醬唔會太甜，夠哂特別！飲品🥤每款都有可愛熊仔🐻棉花糖, 倒入飲料不斷有啲氣泡浮上面，就好似熊仔浸緊梳打浴咁，可愛又得意😊1️⃣Rilakkuma 士多啤梨 🍓$39最好攪拌均勻啲，咁就更飲得到士多啤梨嘅味道。2️⃣Rilakkma百香果 $39消暑解渴飲哩個最好不過😘

約咗同老婆去銅鑼灣食lunch，知道有間富山麵家係冠軍拉麵🍜好出名就去試吓，點知咁啱遇上同鬆弛熊有Crossover，佈置得好靚咁就順便打埋卡。叫咗兩碗期間限定「特製牛奶🥛拉麵🍜」及「特製黑醬油拉麵🍜」上拉麵的時候已經聞到陣陣的牛奶香，湯底帶有微甜的牛奶味，食麵之前先飲啖湯馬上食慾提升。喜歡吃微鹹的口味，可以試吓黑醬油湯，淡淡的醬油香好醒胃，又可以突顯其他配菜的味道。沖繩豬軟骨入味，叉燒同埋半熟蛋都好食，拉麵爽口彈牙「炸雞拼章魚燒」兩樣都即製，熱辣辣好好味，仲有塊啡熊曲奇係面。章魚燒嘅醬料都幾多，鰹魚絲都唔少，特別係炸雞配埋特製嘅士多啤梨醬意外地好食😋「百香果梳打」「士多啤梨梳打」兩杯梳打面上分別有啡熊同白熊造型嘅麻薯，真係食完拉麵仲有甜品食😃，飲之前要將杯底嘅士多啤梨同百香果撈勻即可。

銅鑼灣希雲街美食雲集，竟然仲要性價比高！Lunch time去搵食，見唔洗排隊就入左去。貼心提供3個size: 輕盈，標準，大胃王。岩哂唔同胃口既你。《富山灣白鹽蝦拉麵$59》份量同味道岩岩好， 湯底唔會鹹到腎炎，清清地。 附送小食揀咗《章魚小丸子》，外脆內軟，不過不失。甜點半價優惠追加$9，要多個《士多啤梨布甸》淡淡士多啤梨味，質地比較流心，可能雪櫃唔夠凍。同事叫咗個《 北海道牛奶拉麵$62》湯底好有鹹香，我反而鍾意佢嗰個多啲。

放左工係屋企附近覓食，黎到呢間拉麵店幫襯🥰這裡係小店格局，座位唔多，裝潢好似日本拉麵小店嘅風格。餐牌主打拉麵，另有沾麵同小食供應。特製雙拼蟹糕沾麵 $98有3款沾麵嘅湯頭可以選擇 (熟牛乳湯/味噌湯/辣味噌湯)，我揀左味噌湯😄拉麵面頭放左一撮蟹膏，撈勻蟹膏再將拉麵沾濃郁嘅味噌湯食，好滋味。店家選用左沖繩豬軟骨同埋日式叉燒，豬軟骨同叉燒好軟腍同入味🤩而其他配料有蟹柳、青瓜、粟米同溏心蛋，好豐富。冠軍黑醬油拉麵 $85呢碗麵大有來頭，拎到東京拉麵show 5年冠軍，所以我必叫呢碗拉麵🤗黑醬油湯底以醬油為基底，再加入雞骨、豬骨、鮮魚等熬製而成，黑黝黝的湯汁味道鹹鮮，這湯味道很有層次感。另外，有2片叉燒肉和半隻溏心蛋漂浮在湯面上，叉燒食起黎嫰口，味道好入味；仲有放左啲蔥花和一片海苔。粗麵條好掛湯，麵條食起來彈牙帶有點嚼勁。富山雞翼 $48雞翼肉質嫰滑，仲好juicy，而面頭灑左一啲芝麻，配搭特製醬油，食落香口惹味。熟芥末章魚 $38章魚和清脆爽口的山蟄菜配以芥末汁調製而成，味道清新刺激，口感黏韌，微甜香辣！日本波子汽水炭酸飲料 $18日本橙炭酸飲料 $18日本直送罐裝飲品，解暑解膩👍

*雙人特惠套餐 $268-激辛味增拉麵*2我要咗中辣，朋友要咗重辣，最後得出一個結論係日本嘅拉麵真係辣極有限😂佢個湯底都濃嘅，但食落唔係好日式嘅感覺，反而有少少川味嘅感覺（？）佢個拉麵比較粗，所以食落都有彈性。有啲失望係隻溏心蛋有少少爛咗😿豚肉正常發揮-煙燻三文魚沙律呢個沙律個碗就真係大，但份量有啲少。煙燻三文魚就算，但啲菜都係得幾塊😅-富山雞翼呢個麻麻哋，我本身以為佢係脆，點知食落有啲淋同埋有啲粉，唔知係唔係佢個炸漿定炸粉嘅問題。味道係蜜糖味-蜜瓜/巨峰碳酸飲料正正常常嘅罐裝有汽飲料*總括黎講，呢個二人套餐可以唔洗試，拉麵勉強可以食下

網紅拉麵店必食的富山麵家又來啦🍜來銅鑼灣想食日式拉麵🍜第一間唸起就係人氣日式麵家，呢度真係好多大人小朋友都鍾意來食架。呢度既拉麵🍜款式好特別，好多款選擇，除左拉麵🍜，沾麵也是好正架，食沾麵的話，我就特別鍾意呢度既熟牛乳🥛湯底，每次食完都已定會飲埋個牛奶🥛湯，飲完真係覺得好滋潤喔😋今次就點了一款拉麵🍜一款沾麵，仲有D小食😋都係好正架：1. 特製雙拼蟹🦀️糕沾麵（熟牛乳湯）必食之選，蟹膏超香，配有沖繩豬軟骨同日式叉燒👍🏻牛乳湯超級棒👍🏻2. 冠軍🏆黑醬油拉麵🍜，棒棒的拉麵選擇了清湯底，好多塊日式叉燒好足料啊😋另外小食就點了富士雞翅同肉汁滿滿餃子🥟再來兩罐波子汽水🥤小肚子就幸福滿滿🈵️啦😋🥰

仲未去到日本, 我先去富山麵家食個日式拉麵當去了旅行，真係有驚喜！首先講下環境，佢地嘅裝修好簡潔，但都乾淨企理，令人感覺好舒服。座位嘅間隔都有D距離，唔會太擠迫。服務方面，員工好有禮貌，好快就幫我哋點餐同上菜。食物就有少少失望！我點咗冠軍黑醬油拉麵同埋富山灣白鹽蝦拉麵，冠軍黑醬油拉麵湯汁夠濃郁，但富山灣白鹽蝦拉麵可以用只有鹹味黎形容，而且麵條無得揀粗/幼或硬身/淋身，我個人口味覺得麵條稍嫌有點硬。但一個around HK$100餐仲有埋一款小食同飲品都確係好抵~~~小食反而好好食--熟芥末章魚同章魚燒燒得啱啱好，唔會太硬，好香口又夠味。最後，叫咗杯用士多啤梨樽裝著的蜂蜜綠茶，好清新唔會太甜，好爽好fresh！總括而言，富山麵家嘅性價比非常高，中意硬拉麵朋友可以一試。

拉麵🍜大胃王拉麵 配白鹽蝦湯底 $100拉麵好爽口，啱晒我鍾意食彈牙嘅麵，而且果然係大胃王食既，面底超多，兩個人食都夠👍🏻叉燒好軟林林，有肉味😃湯底正常發揮，有少少蝦味，比較多係鹹味。特製雙拼蟹糕沾麵 配熱牛乳湯底 $98面底都係好爽口，值得稱讚！💛有一舊沖繩豬軟骨，同一嚿日式叉燒，肉質有咬口～另外配菜有粟米，青瓜，蟹柳同流心蛋，仲有一啲麵豉醬，成個面都好夾呢款湯底相對特別，有濃濃牛奶味又唔會好油膩👌🏻小食串燒雞軟骨 $42 4串不錯，有咬口，好香口肉汁滿滿餃子 $42 熱辣辣，應該係即叫即整飲品凍鮮泡蜂蜜綠茶 $15有啲太甜🙂橙汁 $18爽！整體來講都幾唔錯。😉

一放工就好肚餓，決定同朋友係附近覓食。比呢間鋪前面既紅燈籠🏮吸引到🤣幾有日本既感覺😳🍝特製雙拼蟹糕沾麵配味噌湯$98沾麵嘅湯底有三種口味：熟牛乳湯、味噌湯和辣味噌湯。我哋揀左味噌湯，湯底唔會鹹，拎黎配沾麵就岩岩好。沾麵口感煙韌有彈性，而且選用沖繩豬軟骨同日式叉燒，另外仲有半粒糖心蛋、青瓜、蛋黃同蟹柳。🍜北海道牛奶拉麵$90拉麵有分標準份量和大滿足🤣自問係大胃王可以試吓😙叉燒幾厚，肥瘦各半，有口感👍🏽另外當然仲有半粒糖心蛋。湯底濃厚，拉麵有彈性而且滑溜。🐥富山雞翼$48雞翼隻隻都好肥美，表面有芝麻粒，味道甜甜地，肉質滑溜。🥟肉汁滿滿餃子$42肉汁真係好多🤣沾埋隔離既喼汁更加吸引，開胃🤤🍹橙味及波子汽水味碳飲料$18食完拉麵再飲soda,一個字：爽😊整體裝潢都好似日本既拉麵店，而且麵質都比較煙靭🤗

富山麵家 · 銅鑼灣主打日式拉麵嘅呢間富山麵家之前都有介紹過，上次咁岩試左佢地限定活動產品，今次就試返餐廳原有產品，都幾好食呀！😋😋..✅ 富山灣白鹽蝦拉麵 🍜 $85拉麵底用左少少彈牙嘅麵底，值得一讚係非常掛汁，每一著麵條都索曬湯汁。湯底蝦味算濃，有幾多蝦乾做點綴。叉燒質素都唔差，唔鞋😛..✅ 特製雙拼蟹膏沾麵 配 熟牛乳湯 🍜 $98沾麵同湯底係分開上，麵上配料有豬軟骨同叉燒，豬軟骨滷香味非常入味，筋位完全炆至好稔，而牛乳湯底隱約有奶香，不過如果再濃少少就更加好👍🏼..✅ 肉汁滿滿餃子(5隻) 🥟 $42餃子應該係白菜豬肉餡，質素唔差，有少少肉汁，外皮都煎得香脆😝..✅ 串燒雞軟骨 🐔 $42雞軟骨無論質感定調味都岩岩好，唔錯☺️

放工放 Lunch 經過既時候，成日見有唔少人排隊食呢間拉麵店。有日路過發現唔洗等位，當然同同事入去試下 😋👅 煙燻三文魚沙津加入芝麻醬撈勻沙律黎食，甜甜的，清新好味，三文魚鮮甜 🫰🏻👅 富山鷄翼一客五隻雞翼，煎炸後表面灑上白芝麻粒及塗上蜜糖，香甜入味，雞肉嫩口👅 冠軍黑醬油拉麵點左一碗標準 Size 既原味黑醬油拉麵，湯底係淡淡的、帶著少咸徵微甜既醬油味，麵條比較軟身，加上肥瘦相間既叉燒及糖心蛋，唔經唔覺就食完啦 🥰👅 特製雙拼蟹糕沾麵選擇左辣味噌湯底，將麵條沾上辣味噌湯食用，火辣中帶點咸味 🔥 沾麵上一團蟹膏，亦有骨膠原滿滿既沖繩豬軟骨及柔軟既日式叉燒，同時附上青瓜及糖心蛋，滿滿的蛋白質，可隨心配搭食用 😍🥤 隨心點左兩罐炭酸果汁，橙汁有點偏甜，有啲後悔冇點到綠茶 😖 見其他人有杯蘋果外形設計既綠茶好靚 🧐▫️◾️▫️◾️▫️◾️▫️◾️▫️◾️▫️◾️▫️◾️▫️富山麵家 (銅鑼灣)📍銅鑼灣希雲街7號地下

今日心血來潮勁想食沾麵😳咁岩朋友在銅鑼灣放工，尋找緊飯腳我就話擇日不如撞日，去沾沾佢先啦🍜原來呢到2人同行既話，餐廳就會每人送一客沖繩入口豬軟骨或者士多啤梨/抺茶布甸😍幾抵食喎🛎 $98 特製雙拼蟹糕沾麵呢款沾麵唔單止有沖繩豬軟骨，仲有日式叉燒可以一次過試到兩款肉😚已經深深吸引住貪心的我豬軟骨非常淋，每啖都食到非常黏口嘅骨膠原😍正我揀左味噌湯，味道幾夾👍🏻下次會想試埋辣味最特別既係麵中間的蟹糕，好濃郁🥳🛎 $85 冠軍黑醬油拉麵原來誤打誤撞去左間東京拉麵show五年冠軍既拉麵店😳朋友話點都要試下佢個招牌🤔湯底就揀咗原味，覺得岩岩好，唔會太咸～麵質幾煙韌🥳🥳🥳日式叉燒肥瘦適中，有兩片好夠飽👍🏻仲有拉麵必備既荀同埋糖心蛋🥚索曬黑醬油既味好正！🛎 $42 肉汁滿滿餃子名副其實，真係有滿滿嘅肉汁👍🏻一份有5隻皮薄而且煎得好脆🥰🛎 $42 素餃子都係一份有5隻望落去仲比肉餃更大隻食落勁似肉餃🙏🏻同樣係多汁到流出黎！！！🛎 $15 凍鮮泡蜂蜜綠茶甜甜地好岩消暑☀️個杯係士多啤梨既樣，勁可愛🤣🌐 環境/服務呢到有卡位，亦有吧台位一人黎食，或同朋友黎食都唔錯👍🏻有個欖仔俾客人裝住啲隨身物品放櫈底～坐得幾

🫴🏻位於希雲街既日系拉麵館🇯🇵環境日系雅致，座位舒適🪑拉麵可以撰唔同份量，湯底又可以撰原味或清淡🤤而且有辣有唔辣🌶️任君選擇🤣價錢唔貴 食到又飽又滿足🌟👍🏻🍜特製雙拼蟹糕沾麵 （味噌湯）$98配料選用沖繩豬軟骨及日式叉燒，豬軟骨夠腍 有彈性，叉燒少少肥，蟹糕可口，味噌湯都好濃郁香口，仲有溏心蛋都好食🍜冠軍黑醬油拉麵 （標準/清淡）$85標準拉麵有130g, 另外仲有大滿足版本，但個人覺得標準再加小食已經好飽，份量都唔細，湯底撰左清淡 但唔會太淡，反而覺得咸度剛剛好，非常好入口，叉燒入味得黎肥瘦適中又香口，仲配埋溏心蛋🥟肉汁滿滿餃子 $42都係有5大隻餃，外皮煎至微焦，隻隻都肉汁滿滿，肉質軟嫰，配埋醬汁更加好味🐥富山雞翼 $48大大隻 有5隻，隻隻都舖滿芝麻同沾有特製醬汁，食落甜甜地咁，有d似食蜜糖雞翼，都幾好味❣️飲品：🍯凍鮮泡蜂蜜綠茶 $15🥤波子汽水 $25

富山麵家🍜特製雙拼蟹膏沾麵之前已經想食好耐架啦🥰今日經過銅鑼灣終於都試到🤪🤪🥰見到餐牌已經覺得好吸引😎又有蟹柳絲、粟米、青瓜絲、蟹膏、沖繩豬軟骨同埋叉燒😆好正丫！沾麵麵質口感幾好軟硬適中👍而且豬軟骨同叉燒大大夠😆😆豬軟骨幾好食肥瘦適中😍🥰而且仲有三個湯底選擇🥰😍推薦大家食依隻麵😆北海道牛奶拉麵拉麵麵質五錯🤣🤣湯底五會太咸太重味精😄叉燒好好食😋大大塊又淋身😆😆😆肉汁滿滿餃子 皮薄多汁淡淡肉😆😆串燒雞軟骨燒得岩岩好，食既時候熱辣辣再加埋d調味十分好食🤤凍鮮泡蜂蜜綠茶第一次飲蜂蜜綠茶🍵係幾好飲😆竟然有陣陣既香桃味❤️‍🔥❤️‍🔥感覺幾清新😆😆好健康又好飲🥹整體覺得富山麵家所有野都五錯，湯底又五重味精好健康😁😁😆而且一碗都大大碗好飽肚📍 富山麵家 (銅鑼灣)銅鑼灣希雲街7號地下❤️‍🔥價錢：8/10❤️‍🔥味道：9/10❤️‍🔥服務：8.5/10#銅鑼灣美食 #銅鑼灣拉麵 #銅鑼灣好去處 #香港美食 #hkfoodie #hkfood #foodhk #香港沾麵 #富山麵家 #銅鑼灣沾麵 #銅鑼灣拉麵