密探府美食 (已搬遷) 新店位置

係西貢玩完水唔想同人迫，就決定食埋野先走，一大班人食飯最好就叫小菜大家share，行過海鮮街見到呢間餐館有位，二話不說就入去坐低🙈.1. 椒鹽豆腐炸豆腐好食，上面有炸蒜粒同少少辣椒調味，唔會好辣，食落唔油而且豆腐好滑🤤.2. 椒鹽魷魚每樣小菜都係即叫即整，非常新鮮同埋熱辣辣👍🏻魷魚既炸粉唔會好薄，食落爽口之餘又唔會好韌，加埋醬汁一齊食，甜甜酸酸咁，非常開胃.3. 豆腐班腩鍋色澤好靚，不過有點痴底同埋偏油，不過味道都係好食.4.蜜蜜骨份量比較少，但醬汁好惹味，而且炒得好夠鑊氣，真係有大排檔既風味😋

標題甘得意, 人在西貢, 但大厨 (則是老闆)心在旺角呢! 不要被老闆樣貌嚇親, 真有些江户大佬味, 是他告訴我, 他從前是在旺角"浦“的不怕不怕, 是浦廚房啊! 相當親民, 喜歡吹水的你, 一定要去拜訪啊! 老板的戰車就泊在門口, 呢....70年代豐X 車廠的!係呀, 我小Q 轉做保安, 大家可以食得放心老板推介 ~ 蜜蜜骨, 嚴選靓排骨,不肥不瘦, 配上自家獨製醬料, 食完"甜蜜＂滿瀉!另一款, 老板話 ＂豆腐ㄨ腩煲＂, 小成本, 邊有＂斑腩"吖, 怕被人告, 所以改為"魚塊＂, 熱腾腾冒着煙, 非常有火喉! 就稍嫌太油腻, 少些油更好!走的時候, 一大班後生仔, 問老板有沒有上次吃的乜乜雞煲...哎哟, 證明是好嘢, 我下次必定要再光臨!

呢兩日天氣放晴，日光光線充足，人嘅心情都特別開朗。我哋一家人決定去西貢郊遊一下， 西貢食店確實選擇很多，當然唔少得海鮮，中午時間亦可以選擇海旁嘅中式飲茶之類。但我哋今日卻選擇了一家懷舊小店，經過舖面第一眼就被一盤盤精緻嘅麵包吸引着，以為呢間係麵包店。確實麵包亦很不錯，我們坐下來點了一些午市小菜。番茄牛肉湯米粉- 估唔到茄膏，不算太濃烈，入口亦算鮮甜，牛肉不算太un， 都幾有水準。支竹魚塊煲- 支竹很柔軟，魚肉亦沒有雪味。涼瓜炒牛肉- 涼瓜清甜帶點苦澀味道。食物不過不失，但老細週不時會走出嚟同客人聊天，感覺很有人情味，始終西貢就是籠罩著 濃厚嘅鄉土情。

晴天…成日經過密探府！都見冇乜人！都係一般人心態冇人去通常有伏！😂😂😂終於有日經過又想食野又唔想行太遠，就試下你啦！坐低睇下餐牌，都係一般茶餐廳見到既款式！唯一見到加沙爹要加錢！平時見到要加錢都唔會蘇佢除左凍飲！今日就試下係咪咁正就點左沙爹牛肉公仔麵！黎到見到個樣都似樣！唔係出面見到啡啡黑黑既顏色！淺色D同好杰下！仲有d磨碎既花生！試下先！幾香沙爹味，有d咬口！牛肉都唔錯！唔會好似落好多梳打粉乸到冇牙都食到嗰種！

胡椒豬肚鷄煲好好食 湯底很香和鷄味濃 聽老板講是專程由海南島運來的胡椒泡制 食後用湯底做火煱 正! 小菜都OK 食过炆豬手和蒸鳝 味道唔錯這間小店是由老板一家人經營 很富鄉土人情味及有親切感 這和去慣大酒樓食例牌菜的感覺很有分別 原來這裏還可為客人預定私房菜 下次要試下