家賀屋刺身寿司專門店

見到這麼多好評，一直都想試。 看到賣相，心裡涼了一截。期望味道取勝，可惜一樣令人失望。 刺身份量不多，一般新鮮，魷魚是硬的。飯，是白飯嗎？不覺有醋味。麵鼓湯很大碗，味道極淡 😲。。。。 走時，連最基本的迷你雪米糍都欠奉。。。☹ 價錢 $118 加一，灣仔有更好的選擇。 唯一可稱讚的是芥辣不錯，似是山葵磨出來的。這裡衞生做得很好。客人走後，除了清潔枱面，我見員工更把全張梳化椅清潔一次，抵讚！👍👍👍👍

我同朋友都飽飽地，所以晚餐唔係叫左好多野食。餐牌選擇幾多，最終揀左河豚薄切刺身、大名壽司定食同一杯蜜桃冰啤。河豚薄切刺身真係生平第一次食，原來味道同魚生唔太大分別，只係爽口啲，無咩油脂感。大名壽司定食包田園沙律、日替湯品、吉列廣島蠔。吉列廣島蠔熱辣辣，好香脆。壽司有大本鮪魚腩、豐洲鮮魚、油甘魚腩、赤貝、日本帆立貝、日本象拔蚌、赤海老、海膽。對比河豚薄切刺身，壽司既魚生油脂感豐富得多，各有棒場客。蜜桃冰啤上面係沙冰，飲完透心涼。

It was my first time visiting this sushi place and I really looked forward to a good Japanese meal on a Friday night. I ordered Olive Flounder Muscle with rice for myself and some sushi to share with my friends. The Flounder muscle rice was part of a dinner set that came with few sides dishes including steam egg, miso soup and salad. My friends and I also ordered some sea urchin and it was smooth and creamy, I would order this again if I come back to this restaurant. 😀 The environment of the res

呢個價錢，呢個質素，真喺十分抵！餐廳入口望落好up dup,但唔好以貌取店先，行入去。呢間店可以食到特別少少既魚。可能我見識少，第一次食河豚，好特別！元貝十分厚大，正！我最愛的左口魚邊，好新鮮，冇滑散散。呢度會有限定，13蚊一件，好抵食！有啲我喺出面冇食過，冇得對比。不過整體而言，呢度喺新鮮高質啲。但喺，我地入坐都講緊快8點，7.45。明明有好多枱，侍應死都唔比4人枱我地。要我地坐通道位。就算冇4人枱，俾個好點既2人位掛？ 呢個位差評。識做人少少，個客食得舒服，叫多啲，你又賺多啲。好過你死唔俾個舒服啲，又冇人坐既位呀。

難得一見嘅秋刀魚刺身尼間良心餐廳已經喺灣仔鬧市營運左好多年，聽過好多人推薦話又抵食又正，話啲刺身好新鮮同款式多，所以就試下。時令魚—— 秋刀魚刺身原來秋刀魚喺秋天盛產，以前不嬲食開燒嘅煮法，覺得肉偏乾，喺度竟然見到有刺身嘅食法，當然要試。佢係原條切件咁上，我哋一試，係 超 級 嘅 好 食！！！！！滿口嘅油香，但唔會似拖羅咁油膩，係比較清爽嘅，深粉紅色嘅肉就質感好濃郁。我地加上薑茸、葱絲同柚子醬油，簡單而清新，令人非常難忘！河豚壽司喺香港好難得見到有得食河豚，仲要真係有貨，梗係要試下架啦～ 雖然有河豚薄片刺身，但唔想食太多，就點左壽司。可能我期望太高啦，我覺得比我想像中普通，好爽口，肉質有彈性。喺香港難得有河豚就一定要試，河豚刺身對廚師要求好高，一唔留神就會留左啲毒素喺啲肉度～ 所以好彩廚師處理得宜姐～油甘魚壽司、象拔蚌壽司、立魚壽司太震撼啦！竟然每件只係$13，平過間迴轉壽司店啦，仲要唔係啲平價魚，真係超抵食！除左尼啲，$13仲有得揀三文魚腩、赤貝、赤海老等等，真心抵食。我覺得魚幾種魚當中，油甘魚質素好高，有油香味，而立魚就比較普通，同出面嗰啲差唔多。同舊飯有啲大舊，不過握得好好，唔會

家賀屋呢個名係灣仔區都幾有名，一來食材都係由築地直送，保證新鮮，二來性價比高，價錢親民同時食材亦不馬虎，所以吸引左好多人放工去光顧，店舖面積唔大，裝修低調沉實，簡簡單單配搭雲石檯，一眼見哂餐廳座位比起熟食料理，餐廳主打刺身丼同壽司定食，款式都超過20多款，有不同配搭，圖文並茂，非常清晰夏日限定仲有冰啤，有紅柚、蜜桃、青瓜同原味－－－－－－原味冰啤 $78冰啤好快就送到，上面層泡其實係冰，飲落更加冰爽同精神自家製焦糖玉子燒 $38玉子燒一口size，單邊加上一層糖然後燒成焦糖，口感比較厚實同挺身，切面工整，食落有啖啖蛋的甜味，不過印字個到只見賀字，不太完整旗本壽司定食 $238湯、沙律、唐揚嫩雞、壽司8件中本鮪魚腩、豐洲鮮魚、空運立魚、三文魚腩、油甘魚、赤海老、汁燒海鰻、蔥吞拿魚腩湯係三文魚頭湯，真係有三文魚頭係到，真材實料，比起一般麵豉湯鮮甜，沒有魚腥味，仲有魚肉食，田園沙律配搭芝麻醬，開胃爽口唐揚嫩雞一客有三件，炸得好食，食落有肉汁同幾嫩，不過唔係太熱同埋有兩件比較細件，唔太一致壽司真係幾吸引，特別係吞拿魚腩軍艦，非常之滿，仲加左香蔥同芝麻，更帶出魚腩蓉的脂香，海鰻醬汁真係錦上添花，

今日夜晚決定去食日本嘢 之前朋友都有推介呢一間日本嘢食 所以難得有時間就去試 我同朋友坐低咗叫一啲壽司同埋一碗烏冬 我分別叫咗軟殼蟹手卷 三文魚 大甜蝦 赤貝 左口魚裙邊 之後再encore咗象拔蚌壽司 每樣嘢 除咗左口魚都好好食 三文魚好夠肥美 大甜蝦味道好好 口感唔差 赤貝同象拔蚌都好新鮮好好食 係右口魚裙邊差少少 但係總括嚟講都係非常高質 而且連個碗本身諗住醫肚嘅烏冬都好好食 佢烏冬都幾彈牙 同埋個湯底唔算太鹹 我覺得非常好 服務同環境都ok 絕對值得再試

個晚同爸媽一齊食家賀屋刺身壽司專門店。呢間係beauty exchange有人講開話性價比高而去的。個日book好左6:00, 未夠鐘已經4家人係到等緊首先, 呢間野凍到癲, lol 如果再去一定要著冷衫我地叫左好多生野, 媽咪就食熟的, 所以叫左烏冬, 茶碗蒸同餃子雞翼呢d, 所以呢d冇點試味餃子雞翼其實塞左d餃子餡落去有d怪, 我中意一般雞翼多d~呢個炸蠔非常好味, 超級驚喜因為本身除左生蠔同蠔餅外冇點食過其他做法的,呢個炸廣島蠔好似雞翼, 脹卜卜, 入面係完全唔腥又唔乾好好味的蠔~~~~~ 好好味, 對炸蠔改觀了牛舌已經係去邊都必叫的了, 呢度的都好好味, 薄的始終比厚切易入口d呢個蛋卷貪得意叫的，上面印左間野個名, 然後味道同細個係麵包廊食的腿蛋包的蛋一樣味~lol 但厚好多~ 好味講完熟的到生的了!有個menu 係全部$12~! 我地揀左下面呢d試一試費士中伏結果好正常! 飯終於唔係散的, 又有適當的魚油感, 總之舊魚生唔係死氣沉沉lol 不過日本超市的中島水產貨色都會做到  呢盤野, 好正常 都冇咩批評可言, 只不過唔會令人驚喜d冰夠碎夠多夠凍, 唔會未食哂就勁濕算唔算一大

 灣仔街市旁，人車爭路，在灣仔道一邊，樓上店，慕名而來。  一個人食，蔥吞拿魚腩丼，吞拿魚腩新鮮，額外加了一大舊海膽，抵番晒。 定食包括，麵豉湯、胡麻田園沙律、日式燉蛋。 餐廳服務很好，有酒精消毒。日本芥末的安排很特別，分開上一人的份量。我最欣賞的是可樂是樽裝。

You have to plan to arrive before 7pm or you will have to wait 20-30min for a table. The waiting time for your food is less than 10min. The prices are really affordable and the food quality is really good. Really tasty and really charming place. Now I understand why it’s always full

Bk咗7點半四位，未齊人都入得～今晚慶祝朋友生日，我一入去就將個蛋糕交俾餐廳保管～切餅費好似係$50點餐有啲麻煩（尤其係嗌壽司），如果有張紙俾我地填完交俾侍應會方便啲！不過好彩侍應都幾有耐性幫我地落單麒麟啤酒右邊係有沙冰喺上面，幾特別～雞泡魚乾：有啲淋，唔係我地鍾意嘅口感嗌咗吉列蠔，炸軟殻蟹，炸得好食！仲有一堆壽司！！不錯不錯！（不過朋友話海膽麻麻地）印象最深刻係鵝肝壽司，同炙燒左口魚（應該冇記錯，白色魚嗰舊）真係好好味！！！鵝肝係入口即溶！去廁所順便叫侍應等陣上蛋糕～服務都好好，上咗蛋糕先俾碟同餐具，冇破壞驚喜整體嚟講成餐飯都好開心！

喺灣仔想食日本嘢嘅選擇唔多，所以就試試呢間樓上日式餐廳。雖然地方唔算好大，但menu內嘅選擇好多，刺身、壽司、炸物、燒物樣樣有齊！我哋叫咗幾款壽司，三文魚、油甘魚、火炙左口魚、芥末八爪魚，海膽墨魚試試佢。魚生同飯嘅分配得好好，舊飯唔會大過魚生，而且鮮味十足！呢間餐廳有好多款自家製嘅卷物，所以叫咗個青龍（炸蝦卷）。擺盤擺得好靚呀，而且內裡嘅炸蝦仲新鮮滾熱辣，十分香口！另外，叫咗特選鮪盛（$238），滿足下想去日本食拖羅嘅渴求！當中有3款吞拿魚，普通、中魚腩、大魚腩，3款嘅油脂都足夠，直情可以媲美日本魚市場嘅味道。除咗壽司之外，我哋仲揀咗西京燒三文魚鮫（$65)，表面燒得啱啱好，入面啱啱好熟，魚肉腍身有汁。而且味噌嘅味道唔係死鹹，反而做到提鮮嘅效果!食得咁開心，而且見到有夏日限定嘅啤酒，當然要啤啤佢啦！溫馨提示呢度有2款限定啤酒，冰啤同生啤，如果想啲泡有沙冰嘅感覺，可以一試冰啤，有涼透心嘅感覺！

💛家賀屋刺身寿司專門店·呢間我都食過幾次㗎啦 因為佢係比較近我Office而且有得book位 時間會好預啲😎其實我好有興趣食佢豪華啲嗰啲刺身丼飯 但係lunch time食好似好奢侈咁我唔捨得 所以我都係食啲普通啲既丼飯🤣🤣·海鹽輕燒石狩丼 $105因為佢啲飯都幾大個 我之前食過 食剩好多 所以我今次就散嗌 但係其實佢加$10就可以變做定食 有味噌湯 沙律同埋蒸蛋 抵食啲🙊我覺得佢個三文魚都唔錯嘅 但係佢係就咁燒既姐 無咩汁 如果佢可以俾少少照燒汁我嘅話 應該會再好食啲😎不過佢個飯真係做得好好 個壽司醋嘅比例啱啱好 而且啲飯嘅溫度都啱啱好😌😌·#rbyeat#rby日本菜#rby💛#rby灣仔·📍灣仔灣仔道83號1樓

我 Guloop, 自從上年開始，已經只去某顏色店食飯，認真講就算係Y店，都唔代表食物質素高同服務態度好，之前去咗一間Y店，服務太度真係其差，食物方面只係中等，考量左一段時間先post 出嚟，都被人罵，心中雖然不是味兒，但也諒解，不過就無再點想寫食評既意慾。今日，我遇到一間令我想再寫食評既舖頭，就係家賀屋！ 今日路經灣仔，超餓，打開個和你p apps, 方圓十里，最近既餐廳就係家賀屋。行到去上1樓，幸好有位。坐低後打開餐牌，價錢又幾合理wor,於是就叫左8爪魚壽司、赤貝壽司、帶子壽司蟹膏軍艦吞拿魚腩壽司同枝豆。認真講，枝豆就真係一般，但壽司好新鮮，性價比高，配埋即磨wasabi 好正。一定要推介既係火炙松露帶子壽司🍣，松露既香為帶子帶出鮮味一定會再嚟

資料蒐集過呢間餐廳最出名係吞拿魚，所以特登叫咗呢個特盛～事實都冇令人失望赤身、中拖羅同大拖羅每樣都有兩件，可以同人分享大拖羅花紋超靚，真係超肥美特選鮪盛 • HKD$238呢個丼不得了，一共鋪有12款海鮮仲要跟餐有沙律、麵豉湯同埋茶碗蒸，絕對係抵食之選個人覺得鮑魚係最驚喜，爽口得黎加左醬汁好味超多款海鮮~特選海鮮丼定食 • HKD$318強烈推薦！淨係睇圖都見到係超級大粒，仲要好新鮮～配埋沙律醬去火灸真係超惹味火灸特大帆立貝 • HKD$68焦糖外皮燒到好脆，內裡就好嫩滑自家焦糖玉子燒 • HKD$38燒得好香，唔會韌，送酒一流薄燒牛舌 • HKD$80口味啤酒及原味啤酒 • HKD$88及HKD$78