家後

營業中

休息中

🌽香菇粟米雞肉煎餃🥟 (外賣) $40餃子控表示好鍾意食煎餃🤣 外賣拎到返屋企仲熱辣辣🤤 煎餃有八隻 餃子皮薄 咬落去仲好熱 煎到金黃香脆 加埋辣菜甫食好惹味😋😋 香菇同粟米都幾多 入面仲有椰菜同雲耳絲 可以平衡返煎餃嘅油膩👍🏻👍🏻 下午茶時間都有好多人 下次再試下個芝士蛋糕先😆

今日放工去咗搵爸爸食飯等爸爸期間見到呢間鋪都一直有人流出入就知道應該係好嘢呢間鋪以手工水餃出名 有好多唔同款嘅水餃揀 可以湯餃可以煎餃 亦有雲吞面嗰啲除此之外 仲有好多小食 雞翼豬大腸嗰啲 有滷水同麻辣兩款口味 最緊要係價錢唔貴 嗌多幾碟都唔肉赤😄終於我哋嗌左牛筋牛肚豬大腸面 老闆拎咗啲辣椒油俾我哋試 點少少已經好麻好正爸爸話牛筋好淋 牛肚豬大腸都好好食👍🏼 滷水雞腎 切咗薄片 軟硬適中 亦好入味 $20仲要好多 抵食芫荽豬肉煎餃 最好食係煎餃 外脆內軟 皮唔會過厚 大大隻 又多餡料又多汁 芫荽豬肉好食 後尾見到原來可以雙拼味道架 下次一定要試埋其他味👍🏼湯小雲吞12粒 嗌湯小雲吞嘅時候老闆都有話雲吞好細粒 我都預咗 因為$20咋 但都有驚喜 佢唔係黃色嘅雲吞皮 可以當係BB餃子 一啖一粒 同爸爸一路傾一路食 好快就食晒了阿華田茶記水準 爸爸飲汽水 甜品就嗌多兩件巴斯克芝士蛋糕 一路食正餐時見到一路好多人叫 幾驚賣晒🙁爸爸本來話好飽唔食 但又食咗好多啖😆 最後都嗌多一件 哈哈

而家係香港越來越多餃子小店, 咩類型款式都有, 但質素亦都好參次。而呢間係深水埗既 “家後”係我今期既心水推介之一。值得一提既係, 佢地既湯餃係用粉葛赤小豆湯做湯底, 無味精之餘, 食完餃子仲可以飲埋個湯, 好有益, 好有家既感覺。湯餃 $36 /8隻 , 煎餃 $40 /8隻, 雙拼味道只需加$2。我地分別叫左湯餃同煎餃, 每款都係雙拼, 可以試多幾個唔同味道。芫荽豬肉餃 (湯餃) - 芫荽豬肉比例剛剛好, 隻隻都好飽滿, 一咬落去勁多肉汁, 芫荽味道非常清香, 係芫荽迷必叫。雲耳椰菜豬肉餃 (湯餃) - 雲耳同椰菜食得出係好新鮮而且爽脆, 加上豬肉啖啖肉汁, 唔錯。煎餃即叫即煎, 煎得餃子底部金黃香脆, 讚! 洋蔥豬肉餃 (煎餃)- 紫洋蔥既甜味配上豬肉既鮮味, 味道濃郁又爆多汁, 成個配搭好正。香菇粟米雞肉餃 (煎餃)- 粟米餃就相對較為清淡, 味道好清甜, 食落感覺無負擔,  2款都各有特式。酥脆炸肉丸 (10-12粒, $25) - 細細粒, 一口一啖剛剛好, 炸得好鬆脆, 同埋加左少少薯蓉落去, 感覺無咁肥膩。家後鮮大腸羹 ($35) - 店舖標榜豬大腸係新鮮制作, 配料豐

好耐之前已經見到好多人推介呢間餃子店🥟家庭經營嘅小店好溫馨，當日夜晚都唔少熟客仔，亦有好多人買外賣🥡·<芫荽豬肉餃+香菇木耳雞肉餃> ʜᴋᴅ 38<芹菜豬肉餃+菠菜豬肉餃> ʜᴋᴅ 38湯餃一碗有八隻，餃子size好適中，餡料幾飽滿😙豬肉肥瘦比例適宜，鐘意佢菜嘅比例比較多，食落帶點爽口😚芫荽豬肉餃👉🏻芫荽嘅香味無得頂，唔會煮過龍仲保持到脆脆啲嘅口感🌱香菇木耳雞肉餃👉🏻香菇就唔係好食得出，不過就有好多粟米粒🌽木耳都好爽口😊芹菜豬肉餃👉🏻芹菜獨特嘅香氣又係好得我心😍媽媽話佢最鍾意呢款🥰港菠菜豬肉餃👉🏻菠菜無太霸氣嘅味道，不過就會令餃子味道溫和🥬豬骨湯🍲味道濃郁，加咗蔥花增加香味，飲得多會覺得咸木瓜花生雞腳湯🍲呢個係是日例湯，無豬骨湯咁咸，但都帶有頗濃木瓜味，隨湯仲有湯渣附上😚·<是日油菜> ʜᴋᴅ 20揀咗豬骨湯津白，覺得呢個湯底同餃子嘅豬骨湯有啲唔同，豬骨味更加濃🐖·<麻辣雞翼> ʜᴋᴅ 25用麻辣鹵水鹵嘅雞翼🍗再掃上一層辣油，辣度唔惹小🔥雞翼入味，好耐無食辣嘅我就覺得好辣，真係要浸一浸湯先再食🥵·<日式住家飯團&#

呢日黎到深水埗搵食! 好想食餃子, 見到呢間家後又有餃子又有甜品, 於是就黎試試佢!!! 我地叫左勁多野食, 分別叫左雙拼湯餃,雙拼煎餃,大腸羹, 炸雞翼, 油菜同埋布丁! 佢個煎餃超出色! 不過預左要等, 因為真係生煎, 入面勁多汁, 唔會太乾又冇味, 有D 鋪頭可能係整定先, 到有人叫就炸番熱, 但呢度就唔係咁! 真係即叫即煎! 我地叫左芫茜豬肉, 同埋9菜豬肉煎餃~ 食落真係一流! 唔會話食到好淯, 多汁既程度真係好驚人~ 湯餃就叫左雲耳椰菜豬似同埋白菜豬肉, 再加埋個自家煲既湯底真係一流! 留肚食餃唔叫麵真係冇錯! 大腸羹係另一樣令我覺得好好食既野! D 大腸夠哂煙煙unun 味道都好好! 令人忍唔住食完一啖又一啖! 炸雞翼都係醃過, 又係夠哂香脆~ 正! 最後係個焦超布丁~ 夠哂香濃!!!

聽同事講在深水步有間餐廳除了餃子出色仲有芝士蛋糕食，那麼特別當然要去試一試啦，去到六點多比較早都差不多滿座，入到去幾乾淨，我們選擇了3款餃，其中一款餃要了煎其他就湯，煎餃要等等，湯餃比較快到，原來這裡的湯是老火湯好味又唔咸氶洧味精不錯。雲耳椰菜豬肉餃好足料，洋蔥豬肉餃在出面比較少有，一咬好有洋蔥味，好香配豬肉好味道，最後忍不住都買了一盒生餃子給先生食都讚好。芫茜豬肉餃，芫茜不少都幾香口。煎餃不可不講這裡煎得好脆口又不油身，仲有菜甫配上好味道。 餐牌上看到可配套餐C有最愛的麻辣雞翼4隻仲有2杯飲品，當然各人叫一份，麻辣味好香又入味，夠辣，最後再外賣一份4隻($25)添。甜品在門口已經看到好吸引，我們各自叫了一個芝士蛋糕(原味和抺茶味)，2款都各有特色，原味濃又滑，抺茶味濃口感就重少少，不太甜。

我都好鍾意食餃子，之前搵唔到一間覺得好好食，所以要自己包，食咗呢一間覺得可以自己都唔使包啦。好食嘅餃子係需要皮薄，餡料新鮮，唔油膩，仲要冇乜味精，呢間啲豬肉仲有鮮味添! 啲餃子超好食，買餃子回家自己整，三蚊一隻，超級抵! 今次試咗芫茜豬肉，菠菜豬肉，兩隻都好好食! 下次要試下其他味道! 這些有住家風味，良心小店，真心推介!

小妹最愛支持小店，呢日黎到「家後」，為左試佢既手工餃慕名而來❤️餐廳既餃子種類繁多，可單點或跟粉麵/飯團/雞翼餐，仲有煎餃/水餃揀，任君選擇以下係小妹既心水菜色：套餐A: 香菇雞肉煎餃配菠菜麵呢度既手工餃果然名不虛傳，皮脆肉嫩雞肉醃得好好味，餃皮煎到金黃色，好脆口，餡料keep到肉汁充滿纖維既菠菜麵配上是日靚湯（木瓜雪耳豬骨湯）既滋潤又健康好味，讚👍🏻咖哩牛腩飯朋人揀左呢個咖哩飯，佢表示咖哩汁夠哂濃味，牛腩炆得林身，飯同咖哩比例岩岩好自家制日式飯團🍙用日本米+雞肉絲整成，簡單得黎好味😋日式炸雞一份有4粒，穌脆口感，味道唔會太咸後悔淨係叫左一份是日油菜：菜芯店員好主動問我地要唔要蠔油，菜望到即叫即煮，夠新鮮開心果芝士蛋糕壓軸登場既芝士蛋糕原來係家後甜品師傅既著作，芝士味重而唔太覺得膩，滲出微微開心果香，小妹已決定下次要一個咁買仲有原味、冧酒提子、綠茶味，下次一定要再試其他味食完呢個午餐，家後絕對比到一種住家味道小妹，所有菜式都真材實料，老闆熱情，廚師做食物有誠意，服務佳，絕對係值得我回頭既一間小店

同朋友行完鴨寮街,去咗基隆街嘅家後嘆下午茶餃子餐。地方細細,但感覺舒服、整齊、乾淨。店鋪主打手工餃外,仲有靚湯粉麵、飯餐、飲品、甜品及小食。手工餃都有多種口味：韭菜豬肉餃、洋蔥豬肉餃、雲耳椰菜豬肉餃、香菇粟米雞肉餃……樣樣都好想試。老闆好好人,俾我哋雙拼,一次過滿足四個願望。最後我哋各人加$15轉套餐嗌咗~煎餃配菠菜麵(套餐A)+菜蜜~湯餃配飯糰(套餐B)+凍杏仁霜~淨豬手~蠔油菜心熱菜蜜同凍杏仁霜,一冷一熱吾會太甜,適合乾燥天氣飲用。蠔油菜心鮮綠腍甜,完全吾油膩,好健康。套餐A：煎餃脹卜卜,隻隻size差吾多大細,一面煎到金黃香脆,另一面仲保持濕軟,無論係韭菜豬肉餃定係洋蔥豬肉餃,肉餡都多汁,充滿獨特香味,加埋爽脆微辣菜甫粒,更加惹味。菠菜麵碧綠色,清新健康,加入花生、红蘿蔔、雪耳、豬展等材料餚制成嘅老火湯底,湯味清甜滋潤,麵條順滑。套餐B：湯餃就另一種口感,雲耳椰菜豬肉餃爽口、香菇粟米雞肉餃就香甜,同樣揀老火湯底,每隻湯餃都完整無爛又軟腍。飯糰飯粒分明,混合牛蒡、肉碎同醬汁,新鮮手握成。手感溫暖,口感就煙韌充滿鮮香味。淨豬手5大件,肉質豐富但吾肥膩,豬手炆到汁液黏稠起膠又入味,膠原

深水埗卧虎藏龍嘅小店有好多，今次就黎試下我朋友極力推薦叫家後嘅一間小店。店仔唔太起眼又冇華麗嘅裝修，但一入到去老闆就好有禮貌招呼你，同會主動介紹店內嘅必食推介，同埋仲會推薦你揀雙拼可以試多幾款餃子🥟。轉雙拼都係加2蚊炸，真係良心價！湯 韮菜猪肉餃拼雲耳椰菜猪肉餃店內嘅餃子全部都係手工餃，每隻都餡料滿滿，調味適中。湯底係粉葛赤小豆，無味精完全係家的味道，飲完成身暖笠笠。無論韮菜猪肉定雲耳椰菜都包滿得滿滿充滿猪肉，啖啖肉汁，食落好滿足。煎 香菇粟米雞肉餃拼洋蔥猪肉餃煎餃即叫即煎，上枱熱辣辣食落外皮好脆好香口。老闆大推薦係洋蔥猪肉，果然冇介紹錯。入面爆juicy仲食到香口嘅洋蔥！香菇粟米雖然入面唔係爆汁但勝在粟米香甜入口清爽。日式住家飯團上面標榜係用日本米，食得出有淡淡嘅豉油甜味，入面mix左漬物口感甜甜脆脆甘，好有日本媽媽便當feel。鹵水雞翼雞習係跟套餐甘叫，有麻辣同鹵水揀。鹵香味好足唔係死咸，雞翼好滑好多汁。家後鮮大腸羹又係老闆另一推介，大腸係獨門方法處理，食落好Q好有趙頭，好有驚喜，而且處理乾淨唔會有街外食到嘅壓臭味。羹內仲有猪紅猪肉豆腐，鮮美十足。原味芝士蛋糕👍🏻👍🏻👍🏻芝士蛋糕係

之前都有見到網上有人介紹這間餃子店, 剛好經過深水埗時去試試!!本身同朋友都想食雲耳椰菜豬肉餃, 打算點2份一樣的餃子, 但老闆好好人, 好nice地跟我們說2個人都食同一款, 為何不試試其他味所以經老闆推介之下, 點了煎洋蔥豬肉餃, 雲耳椰菜豬肉餃就以湯餃上, 2款都試試!這裡都幾多款口味, 而且價錢都幾實惠!湯餃8隻 $36   /    煎餃8隻 $40雲耳椰菜豬肉湯餃 & 煎洋蔥豬肉餃湯底是老火湯煲出來的, 看到有雪耳, 蘿蔔等等在內, 餃子大大隻, 絕對飽肚!因為喜歡有咬口感和爽口感, 所以選了雲耳椰菜豬肉湯餃, 食落不錯! 不過改善的地方可能是皮, 因為皮有點厚!煎洋蔥豬肉餃聽落去有點怪怪, 但食落又不錯! 煎得幾金黃香脆, 洋蔥豬肉比想像中夾, 配茶脯食更美味!

本身好鐘意食餃子，之前係附近番工都食過好多次呢間家後～今次帶左唔鐘意食餃子既男朋友去試下，竟然佢都話好食！叫左一個雙拼煎餃，洋蔥MIX芫茜餃～等左成15分鐘，真係慢工出細貨！外皮好金黃色好靚～～又唔係翻煎果隻厚皮～咬落夠脆皮薄，仲好有肉汁！！芫茜同洋蔥都係好香口既食材，所以配煎餃真係無得輸！另外叫左碗車仔麵，羅白牛腩配牛骨湯都好味～最後必叫芝士蛋糕！！勁CREAMY唔會好漏～好香芝士味好好味！！ ！

晚餐好想食餃子😋，搜尋深水埗的外賣店，最後在openrice找了一間零負評的餐廳。到步之後，發現都有些人在等外賣，店員表示訂單做不及，要等一會兒。😂雖然我們大約晚上七時許到步叫賣，可是他已經賣光了芝士蛋糕，就連點熱檸茶，他都說沒有「茶」了。😑最終我們點了芫茜豬肉餃湯米線+洋蔥豬肉煎餃+牛蒡飯團+熱檸水合共$95🤪首先芫茜豬肉餃湯米線方面，很欣賞它分湯的設計。牛骨湯底很入味，配上芫茜豬肉餃子搭配，芫茜味很出，令整餃子更為昇華。🥰至於洋蔥豬肉煎餃是更為出色，事關餃子外層很脆，一咬之下，裡面的湯汁溢了出來，而洋蔥亦很鮮甜，絕對是可以翻兜之作。😋😋😋而加錢變成套餐搭配的牛蒡飯團，雖然很欣賞它是暖的，不過飯不夠黏性，很易散。😅我最推薦這家的煎餃，小店的性價比也是挺高的，不愧為零負評小店。🥰

今日行開深水埗，突然之間好想食餃子，見到依間餃子店有好多選擇，就決定入去試吓。芫荽豬肉餃，芫荽味都幾勁，鍾意食芫荽嘅都啱一定鍾意食。雲耳椰菜豬肉餃，估唔到有幾好食，好少食到有雲耳嘅餃子，好特別。咁依兩個餃子我就叫咗湯餃，之後跟咗個菠菜麵，菠菜味唔係話好濃，但係都幾特別幾好食。韭菜豬肉餃，韭菜好多，同豬肉好夾，韭菜豬肉餃永遠都係咁好食。白菜豬肉餃，冇韭菜咁濃，但係有白菜嘅鮮甜，食落好好味。香菇粟米雞肉餃，粟米本身甜甜地，香菇又切到好細粒，再同雞肉擺埋一齊，三樣嘢好夾，煎餃同湯九都一定會咁好食。洋蔥豬肉餃，估唔到洋蔥咁甜，放入餃子入邊同豬肉都好夾，食落好爽好新奇。麻辣雞翼，好惹味，夠晒麻，辣得好香，食完一隻好想再係咁食落去。酥脆炸肉丸，識落幾特別，係新鮮炸起嘅，入邊肉都好多，食落去有啲似薯蓉波，幾特別幾好食。自家製芝士蛋糕，聽老闆講真係自己每日整嘅，入口即溶，芝士味濃，嚟到真係必叫呢一個。

來到深水埗，天氣有點寒冷，突然好想食一碗餃子。見到呢間餃子店人山人海、座無虛席，決定一試。先叫咗個洋蔥豬肉煎餃+日式飯團🍙套餐，煎餃好大隻又夠香，洋蔥好甜唔怪得知咁多人嚟食啦。日式飯團係一早包落仲暖暖地嘅，但老闆都好有心問我哋使唔使整返熱佢。食得出自家製嘅日本小食，米飯夠煙un，配料味道夠香好好食😋。之後叫多個韭菜豬肉湯餃套餐+兩隻麻辣雞翼，韭菜豬肉餃更加香濃，值得一提嘅係佢哋用咗老火湯底配餃子，粉葛湯完全冇味精，好有家的感覺，難怪叫家後！因為佢係冇味精嘅，我哋最尾成碗湯都飲晒！麻辣雞翼用滷水了滷製之後加上辣椒油，雞翼夠味配上辣椒油10分香口。之後試埋佢個酥炸肉丸，肉丸全部都係一口嘅size，加咗薯蓉所以內餡軟綿綿，香口得來又好食。最後見到有開心果芝士蛋糕決定一試，有意想不到嘅效果，芝士蛋糕外皮同內層有兩種唔同口感，外面脆皮、入面軟綿，十分好食。味道方面，竟然開心果同芝士味道好夾，每一啖嘅芝士蛋糕都有濃郁嘅開心果味，正！整體來講食物質素極高，價錢平民化，性價比極高，真係有家的感覺！難怪未入門口已經人山人海，去到2:30都係全院滿座，最後值得一提嘅係員工服務態度極好，又夠親切，經過深水埗