家後

營業中

休息中

必食黃金煎餃最好食既煎餃，沒有之一（暫時係）除咗有比較常見既韮菜豬肉餃外，仲有比較少見既配搭，例如洋蔥豬肉餃，甚至雞肉餡既餃。聽老闆講，雞肉餡既餃係為咗照顧有宗教信仰既人，淨係呢份細心都值得加分！除咗配搭特別外，煎餃既質素都十分有驚喜！外表煎至金黃，咬落去咔嚓咔嚓，仲要！當心爆汁！外面乾脆，內裏juicy！睇得更食得！必試芝士蛋糕！芝士蛋糕亦都係好受歡迎，所以我食完一啖，覺得好味，就立馬追加多兩件，總共食咗三件，就知道呢到既芝士蛋糕係比較輕盈不膩，令人想一食再食！其他食物例如雞翼，雞腎就不過不失，而飯團係普通，因為太鬆散，但佢既煎餃同芝士蛋糕還是會吸引我再次光顧！

雙拼煎餃 ($42)韭菜豬肉餃韭菜豬肉不嬲都係我嗌餃子入面嘅首選，呢度係即買即煎，餃子皮係非常之脆，咬落去小心熱同埋會爆汁，超級好食。洋蔥豬肉餃um...我見好多人都推介洋蔥豬肉餃，佢嘅餐牌亦都有個手指公，可惜始終唔係太啱我口味，洋蔥係甜嘅，但係我自己就覺得俾我感覺唔係太中式，洋蔥味偏重，蓋咗啲豬肉味，我都係鍾意韭菜豬肉餃多啲。🥺~有少少可惜自己一個人去試嘅嘢真係好少，炸雞同埋蛋糕都好出名，下次再嚟一定要試。同埋當日去到餐廳好爆場，員工比較手忙腳亂😅

深水埗充滿各式各樣嘅小店淨係餃子雲吞類別都有好多但見到呢間有芝士蛋糕 就想入去試吓食物種類 湯餃 煎餃 車仔麵 各式嘅飯仲有小食等等叫咗個煎餃雙拼餐 韭菜豬肉餃 同埋 雲耳椰菜豬肉餃之後要咗set c 滷水雞翼同凍檸茶餃子煎得好靚下面個底有少少窿邊 好有口感餃子入面亦都好多汁 十分捉料個人比較鍾意雲耳椰菜 必點雞翼都好入味 食到有少少酒味家後鮮大腸羹第一次食類似嘅嘢 口感有啲似碗仔翅大腸唔臭 好爽口 入面仲有豆腐 豬紅等等配料好豐富 有飽肚感 因為真係好大碗👍🏻黎番張大合照先😂啲食物絕對物有所值 入面亦都坐得好舒服唔會覺得去咗普通茶餐廳 侍應各方面態度都好好最後嚟到重頭戲 我見好多枱都會叫蛋糕或者布甸當日原味已經賣晒好彩仲有第二隻味 冧酒芝士蛋糕 $30一嚟到買相已經好吸引 好大件入口味道好濃烈 口感好順滑唔會覺得太甜或者食得好辛苦好輕鬆咁就K.O.左

家後餃子 每日新鮮手工製作味道豬肉餃子有芫茜、芹菜、紅洋蔥、白菜、菠菜雞肉餃子更得我地歡心 冬菇玉米雞肉 粒粒新鮮玉米🌽 鮮甜好食 又健康 湯餃子更加每日不同 今次黎係赤小豆 好家的感覺自製巴斯克芝士蛋糕 $25 好creamy 甜度適中 下次會再黎食！食飯期間 不少客人外帶招牌甜品同埋生餃子返屋企芫茜豬肉湯餃$36/8隻芫茜控一定要order🤩🤩/✿. 𝚈𝚞𝚖：5/𝟻𝚁𝚎𝚟𝚒𝚜𝚒𝚝﹕5/𝟻𝙿𝚛𝚒𝚌𝚎﹕ $100/𝗵𝗲𝗮𝗱˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞☞ ☞ 家後 (深水埗)深水埗基隆街211號地舖˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞ ˞

今日去到深水埗基隆街度搵食，我聽人講呢度好多打卡勝地，但都未有機會去食。但就比我見到呢一間家後，聽聞佢啲餃子好好食，所以就入左去試。咁就叫咗一陣湯餃同一份煎餃，湯餃係菠菜豬肉餃，煎餃係洋蔥豬肉餃，同埋加15蚊轉咗一個餐配麻辣雞翼同埋一杯凍檸茶，另外叫咗個家後鮮大腸羹，一個日式炸雞同埋一個cheesecake。首先上嘅係湯餃菠菜豬肉餃，湯底竟然係蓮藕花生，出面一般比較出名既都係魚湯或者花膠湯，但呢個蓮藕花生湯嘅味道實在太正，同屋企媽咪煲嘅差唔多，，餃都未食,湯已經飲完菠菜豬肉餃出面都比較少有感覺清新而且特別，跟住上咗煎餃，個煎餃好靚，嗰邊好脆，，就算凍咗依然好脆，呢個餃係洋蔥豬肉餃，今次都係第一次食洋蔥既餃子，口感好得意味道非常之好，唔怪得知係推介嘅餃子之一，跟住就上咗日式炸雞同埋家後鮮大腸羹，，喺落單前店員已經提醒大腸羹嘅口感會偏（韌），但食落比較有彈性和口感有d脆，而且很有台灣風味，炸雞好juicy亦都比較大粒，正，之後就洗上埋個cheesecake，比較軟身又滑，芝士味好濃。真係冇介紹錯，雖然個名冇餃子呢兩個字，但啲餃子都真係非常之好食。cheesecake一般很早就賣完，如果想試

深水埗其實真係有好多隱世美食店😋😋呢排成日叫外賣🥡發掘左唔少好嘢食😎今日趁早收工，就去會一會佢真。門市😌7點到「家後」都已經坐滿曬人，要等枱🙈小小的店面，只有固定幾款湯/煎餃🥟🥟，有幾樣小食，最最最特別！係竟然有賣近期大熱❣️巴斯克蛋糕❣️等位期間見好多後生仔特黎外賣一件蛋糕🍰走架～如果想試，真係要早啲黎！我去到就得返原味了🥺🥲平時仲有開心果💚冧酒提子🍇好想試🤤不過講到最出名，一定係佢家既煎餃🥟🥟今次食左雙拼：白菜🥬豬肉、韭菜豬肉，另一拼：菠菜豬肉、粟米🌽豬肉4款之中最正👍🏻👍🏻一定係白菜🥬豬肉🤤好夾，有白菜既甜、豬肉既鮮，煎完唔乾，仲鎖住肉汁🤤配埋醋、辣菜甫👍🏻😋如果自家製，唔係用現成的老醋，就perfect池啦😉😉跟餐仲有得㨂日式飯團🍙🍙🍙好好味，暖暖的珍珠米，饀不知道什麼，但就是搭！😆❣️❣️下次要中午黎，試晒佢啲蛋糕🍰先得❣️❣️強推呀～強推～必食🤤🤤🤤

人來人往，等到位了終於可以入座餐廳內入去既客人都係自助埋位熟客多，多數入去自己埋位今晚都滿座雲耳椰菜豬肉餃 4隻 + 洋蔥豬肉餃 4隻42hkd菠菜麵配 蓮藕豬骨花生湯餃子 一上枱係燙手嘅 ,皮薄,香脆餃子即叫即包餐廳內有店員喺一邊即時包好攞去煎好新鮮，又juicy 我鍾意食辣所以加咗餐廳秘製辣椒油，味道好夾好正有半杯以上嘅冰+ 咸檸七一罐餃子啲餡好豐富日式手作原味芝士蛋糕 25hkd比一般傳統芝士更加好食中間係流心的正常size難怪每日有限出售數量出門口嘅時候見到餐廳門口介紹原來係由老闆的日本妻子親手自製既日日新鮮製作 ，難怪咁好食講都唔信原來餐廳外賣比堂食食野人多好多好多人都親自嚟攞外賣吸引一家人前來的家常小吃套餐： 有薯仔，燒豬手 ，肉骨茶醬汁 ，蓮藕豬手花生湯，白飯燒豬手骨膠原成分好高表面睇落隻碗滿仔好似細細地但係已經有四到五件燒豬骨最值得一讚既係 餐廳嘅食物雖然有調味但冇味精食完之後唔會覺得口乾

朋友推介這間夾住喺個大排檔中間嘅餃子店🙄原本一心想食煎餃, 但係因為有兩個人，所以又叫多一個湯餃， 真係不得了，湯餃個湯先係精髓，好飲到另外再叫多一碗， 其實我都唔知有冇人係咁樣叫，因為餐牌都冇嘅，只係真係好想再飲，就問過老細可唔可以要一碗湯， 友人話有婆婆煲嘅感覺對於啲唔可以成日飲到媽媽靚湯嘅人真係驚喜， 飲到E個湯，直情係有一點感動嘅感覺兩個人叫咗以下食品，另外再加蛋糕唔知算唔算係好大食呢原本椰菜餃係煎餃，芫茜餃係湯餃，老細提議調返轉，話會好食啲，所以就調轉果然芫茜煎餃係正，食完都返到屋企仍然係有一點芫茜嘅味道， 對芫茜控嚟講簡直係…爽…椰菜餃做湯餃， 仍然係非常爽口，所以真的比較適合做湯餃另外叫咗一份豬手， 39蚊有五件咁大件，其實都覺得幾抵食，另外最驚喜係上面真係冇豬毛㗎，因為成日食到啲豬毛覺得好嘔心，但係呢個真係冇，同埋真係好淋去到最尾不得不吃很多人介紹的芝士蛋糕原本兩個人係叫一份，點知食完實在太好味， 又再叫多一份這種質素的芝士蛋糕只係25蚊一件，其實都真係幾抵食下次希望再食其他餃，同埋再飲呢個湯

今日去深水埗行街,人唔多但天氣好熱,午餐就唔特登搵,只係想食下無味精既野,今日係條街已經熱到傻再食味精野飲幾多水都唔得,見呢間小店係主打家庭餃子就入左去試下,好彩無揀錯,果然係無味精既家庭食店店面裝潢平實,最重點係價錢貼地,絕對係良心小店,入面無咩好特別既裝飾或者好吸引既裝修,簡單既餐桌 食物方面有飯,有麵,有小食,有餃子,有甜品,選擇都算幾多，我地兩個人,點左一個豬手飯,一款餃子,一個炸雞, 一個菜,仲有一個飯團日式住家飯團，超好食，好香好惹味，就算無其他餸都食到兩個，米用日本米又煙韌又香，呢個價錢超值日式炸雞，一上菜已經香噴噴，忍唔住食左先，雞肉好嫩滑多汁，用既應該係雞脾肉，連少少雞皮一齊炸，肉汁唔會走晒但又唔會油膩，抵讚炸粉仲好薄，店主誠意十足，絕對有驚喜紅燒豬手飯都有驚喜，無諗過出街食豬手都可以咁腍咁滑，份量又多，唔使用力咬已經皮同骨分開，而且一定無落味精，食完唔會口乾，衣家出街食飯要揾一間無味精嘅店真係好難呢度俾左一個新標準我洋蔥豬肉湯餃子都唔錯，餃子大大粒，手工製造，湯底係淡淡嘅粉葛味，係住家飯既味道，好足料，見到老闆係用心去做食完已經飽都食唔落甜品,門口個凍櫃見到佢個日式

上星期Lunch去左呢間人人都話正既「家後」餃子店🥟！首先講下個韭菜豬肉煎餃，皮薄餡靚！又香韭菜味，啲皮又好脆口！令我食落好有口感！之後就到個香菇粟米雞肉湯餃子，餡料好豐富！但又唔會迫爆隻餃子，啲粟米好香👍最後如果比我揀兩隻邊隻好啲，韭菜豬肉煎餃 定 香菇粟米雞肉湯餃子，我會揀煎餃，因為小編比較鍾意香口嘢！但如果大家驚熱氣 或 唔想食煎炸野，就可以揀上湯餃子，會比較適合！兩款餃子都令人愛不釋手！又平又正😋

今日朋友帶我去深水埗話食好嘢！最後嚟咗一間看似普通...但食落果然係性價比高嘅餃子小店🥟🥟🥟...《家後》聽聞洋蔥餃係必食，但可惜賣晒！最後點咗椰菜餃麵及芫荽餃，湯底為蓮藕老火湯，感覺佢湯底係完全無味精。餃子每隻都脹卜卜，皮薄餡足料有份量，加埋佢自家製嘅辣菜譜，將餃子嘅味道再提升，真係食過返尋味。😋😋😋飯團香菇餡料，呢個都必食。👍👍👍滷大腸，十分入味，好食。炸肉丸，感覺有啲似鹹魚煎肉餅的味道，我就覺得一般。最估唔到就係佢哋嘅手作仔蛋糕🍰同樣出色，由日本師傅製作；我哋點咗提子冧酒芝士蛋糕同開心果芝士蛋糕，我好鍾意冧酒嘅味道😍😍😍，酒味香濃同蛋糕嘅味道好夾。開心果蛋糕，果香味濃，都係必食之選。

每幾個月就要返嚟再食一次！今次食晚餐， 7點鐘嚟到已經好多人要排隊，同埋都好多人買外賣，所以建議大家早啲到！雙拼湯餃（老火湯配芫茜豬肉餃+菠菜豬肉餃）個老火湯好正，無味精，味道又唔會太濃，蓋過咗餃子個味。芫茜餃入邊有大量芫茜，芫茜味超香濃，比起其他餃子店嘅芫茜餃更加出色！菠菜餃味道比較特別，其他地方少食到，但係意外地味道好清新，推介大家一試！雙併煎餃（韭菜豬肉+洋蔥豬肉）真心超級推薦洋蔥豬肉餃，記得係要煎！因為對比湯餃，煎完之後洋蔥嗰個味更加出，而且同其他餃子個味嘅對比較大，所以好有驚喜。佢啲餃子煎得好靚，唔會太油，配埋辣菜脯食，味道一流麻辣雞腎$20 ，勁大碟！！雞腎夠哂爽口，配埋麻辣醬，勁惹味！一定要食，真係超抵食是日油菜—津白又係$20蚊勁大碗勁多菜，抵食到唔知點形容！日式炸雞雞炸得剛剛好，雞肉Juicy，肥瘦剛好，四大舊先$25，又係超抵食之選！日式手作芝士蛋糕必食推介，出邊好多餐廳都有買巴斯克芝士蛋糕，但都賣成30-40蚊一件，呢度賣$25 ，而且我覺得更加好食，啲芝士勁creamy勁滑，而且個面焗得焦度剛剛好！（蛋糕賣得好好，如果大家驚黎到賣晒嘅話，就建議你早啲嚟食！）唔使

家後既餃子同芝士蛋糕口碑一向都好好！所以今日同朋友慕名而來😋我地叫左：1.雙拼煎餃：洋蔥豬肉餃、芫荽豬肉餃煎餃一到既時候已有驚喜: 香、大粒、煎得金黃但不油膩！每一粒都好足料，調味亦都岩岩好，唔會太咸或淡，Like!👍🏻2.雙拼湯餃：白菜豬肉餃、韭菜豬肉餃湯底仲有蕃茄同生菜，好有誠意😆👍🏻同樣地，粒粒都好足料，好味！😋全部餃子都係即場包的😋👍🏻3.我地兩個配套餐B：有是日飯團同飲品：飯團係用日本米既，料粒分明，濕度適中，醬油、爽口既牛蒡絲，配合得好好！4.滷水雞翼四隻：好入味，炆到冧哂，但肉質仲好嫩，雞皮又滑，入面一d血水都無！👍🏻5.抹茶芝士蛋糕同冧酒提子芝士蛋糕：其實係巴斯克芝士蛋糕來的！食到我地Lam Lam脷！大滿足！😋😋😋家後真係好特別，西式、中式、日式crossover, 每樣食物都好高質👍🏻😋😋推薦！👍🏻

#lunch冇諗過食餃子都食到咁飽咁滿足！٩(˃̶͈̀௰˂̶͈́)و左：洋蔥豬肉煎餃 右：芫茜豬肉煎餃絕對係俾呢兩款餃子吸引來的，超級洋蔥同芫荽粉絲٩(˃̶͈̀௰˂̶͈́)و好少見呢啲口味嘅餃子，一定要來試。每隻餃子都漲卜卜，即叫即煎，而且煎得好靚金黃色剛剛好(=´∀｀)人(´∀｀=)洋蔥豬肉煎餃🥟絕對被呢隻餃子驚艷了'(*ﾟ▽ﾟ*)'洋蔥同肉嘅比例十分好，最重要嘅係，洋蔥唔係完全熟透變得只有甜味，而係仲有少少生洋蔥嘅香味，但又沒有生洋蔥嘅辛辣味(*¯︶¯*)洋蔥粉絲表示呢個洋蔥絕對係水準之上！芫荽豬肉煎餃🥟呢個我就略嫌多左少少芫茜，如果少返啲肉味會出啲同少啲芫茜嘅苦澀味。不過同行的朋友本身好怕食太重的芫茜味都接受到仲食咗好多隻(因為我太被洋蔥餃驚艷了掛住食洋蔥餃)，所以我諗係中間啦就返各人口味ʕ •ᴥ•ʔ雲耳椰菜豬肉煎餃🥟本身諗住食兩個餃就夠了，但由於太驚艷又再加咗單ʕ •ᴥ•ʔ呢個餃就傳統口味啲，有咬口，同埋會噴汁！是日例湯菠菜麵🍜加$15就多碗麵！是日例湯係眉豆粉葛湯，用湯煮麵好有家的感覺(⁎⁍̴̛ᴗ⁍̴̛⁎)個湯好清甜，配埋個菠菜麵好健康好好食，今次真係連湯都可以飲埋(=´∀｀)人(´∀｀=)問咗老闆套餐麵同

首先湯餃（$36/8隻）嘅湯底係粉葛湯，非常足料，冇味精嘅感覺，似屋企煲嘅住家老火湯，連我呢個完全唔飲麵/餃子湯嘅人都幾乎飲盡。我嗌咗雲耳椰菜同埋芫荽餃子，餃子飽滿，唔算好大隻，餡料亦都唔係爆曬出嚟嗰種，但係就恰到好處，菜肉比例剛剛好，菜鮮肉甜，啖啖肉香仲有清爽菜粒口感 咩叫齒頰留香？就係講呢啲💯香菇雞肉粟米同埋洋蔥🧅豬肉煎餃（$38/8隻）顏色金黃，皮脆肉嫩，一啲油都冇，食落唔膩，33度食都零負擔。最抵死嘅係，舖頭仲有賣而家最有人氣嘅巴斯克芝士蛋糕，同埋各款口味嘅芝士蛋糕，例如開心果、抹茶口味，我哋要咗原味芝士蛋糕，偏軟身，芝士味濃郁，但唔會太漏，同好多主打咖啡蛋糕嘅Cafe有得揮😃食得太開心唔記得影相，下次再講😘