更多
2021-01-22
81 瀏覽
深水埗卧虎藏龍嘅小店有好多，今次就黎試下我朋友極力推薦叫家後嘅一間小店。店仔唔太起眼又冇華麗嘅裝修，但一入到去老闆就好有禮貌招呼你，同會主動介紹店內嘅必食推介，同埋仲會推薦你揀雙拼可以試多幾款餃子🥟。轉雙拼都係加2蚊炸，真係良心價！湯 韮菜猪肉餃拼雲耳椰菜猪肉餃店內嘅餃子全部都係手工餃，每隻都餡料滿滿，調味適中。湯底係粉葛赤小豆，無味精完全係家的味道，飲完成身暖笠笠。無論韮菜猪肉定雲耳椰菜都包滿得滿滿充滿猪肉，啖啖肉汁，食落好滿足。煎 香菇粟米雞肉餃拼洋蔥猪肉餃煎餃即叫即煎，上枱熱辣辣食落外皮好脆好香口。老闆大推薦係洋蔥猪肉，果然冇介紹錯。入面爆juicy仲食到香口嘅洋蔥！香菇粟米雖然入面唔係爆汁但勝在粟米香甜入口清爽。日式住家飯團上面標榜係用日本米，食得出有淡淡嘅豉油甜味，入面mix左漬物口感甜甜脆脆甘，好有日本媽媽便當feel。鹵水雞翼雞習係跟套餐甘叫，有麻辣同鹵水揀。鹵香味好足唔係死咸，雞翼好滑好多汁。家後鮮大腸羹又係老闆另一推介，大腸係獨門方法處理，食落好Q好有趙頭，好有驚喜，而且處理乾淨唔會有街外食到嘅壓臭味。羹內仲有猪紅猪肉豆腐，鮮美十足。原味芝士蛋糕👍🏻👍🏻👍🏻芝士蛋糕係
湯 韮菜猪肉餃拼雲耳椰菜猪肉餃
店內嘅餃子全部都係手工餃，每隻都餡料滿滿，調味適中。湯底係粉葛赤小豆，無味精完全係家的味道，飲完成身暖笠笠。無論韮菜猪肉定雲耳椰菜都包滿得滿滿充滿猪肉，啖啖肉汁，食落好滿足。
煎 香菇粟米雞肉餃拼洋蔥猪肉餃
煎餃即叫即煎，上枱熱辣辣食落外皮好脆好香口。老闆大推薦係洋蔥猪肉，果然冇介紹錯。入面爆juicy仲食到香口嘅洋蔥！香菇粟米雖然入面唔係爆汁但勝在粟米香甜入口清爽。
日式住家飯團
上面標榜係用日本米，食得出有淡淡嘅豉油甜味，入面mix左漬物口感甜甜脆脆甘，好有日本媽媽便當feel。
鹵水雞翼
雞習係跟套餐甘叫，有麻辣同鹵水揀。鹵香味好足唔係死咸，雞翼好滑好多汁。
家後鮮大腸羹
又係老闆另一推介，大腸係獨門方法處理，食落好Q好有趙頭，好有驚喜，而且處理乾淨唔會有街外食到嘅壓臭味。羹內仲有猪紅猪肉豆腐，鮮美十足。
原味芝士蛋糕👍🏻👍🏻👍🏻
芝士蛋糕係必！食！蛋糕外層焦香味十足，入面芝士好creamy好濃郁，味道甜中带少少酸味去除cheese嘅膩感，中層做到小流心嘅feel，真係超高水準之作。而且佢先賣$20，呢個水準放cafe要$80以上啦！性價比高到甘，你唔係唔食呀！唔怪得每枱客人都3件3件甘賣！
開心果芝士蛋糕👍🏻👍🏻👍🏻👍🏻
個人口味偏愛nuts，所以呢款中我胃口。市面上少有開心果味products，佢可以做到甜而不膩加上堅果香十足，真係好難得。重點係呢款蛋糕先賣$30炸😭良心價到有d心痛老闆！
小店有小店嘅好，人情味滿滿。同老闆傾計好開心，仲同老闆講笑蛋糕賣貴d啦！甘高水準嘅蛋糕唔止$20嫁！香港呢d甘有heart的小店買小見小，大家不防黎試下，一試會愛上！
張貼
