家後

營業中

休息中

芹菜豬肉餃子+麻辣雞翼：湯底係粉葛湯，好味冇味精。$36有8隻湯餃，加$15有2隻麻辣雞翼同飲品。鍾意芹菜味，唔係太多地方有芹菜餃，可惜有唔少肥肉。雞翼普通。辣菜脯真心辣，少少都好辣，一定要叫杯凍飲🥵下次未必會加錢轉餐。原味芝士蛋糕：$20件，size 比出面餅店賣既細，唔算話好抵。質地幾滑，但芝士味再濃啲會更好，可能我重口味....點餐時問左姐姐有冇芝士蛋糕，佢話有原味同開心果味，我啲落單話每種味都要一件。食野中途見好多人叫芝士蛋糕，都double confirm 姐姐一次係咪留咗，佢話落左單。最終，食完餃子，姐姐話冇晒開心果味，只有原味....心諗咁我之前同你講咗咩.....聽講嗰度啲姐姐係咁，朋友之前黎都有類似經歷

轉登走黎深水埗食 真系冇後悔 🥘韭菜豬肉煎餃子（$40）餃子煎得十分香 韭菜味亦十足 咬落去仲有汁噴出黎 算係我食過最好味嘅煎餃子了～😍😍🥘生麵（+$15）普普通通嘅一個車仔麵 湯底偏淡🥘兩餸車仔麵（$28）叫左豬手同牛腩兩餸 豬手炮製得好香 香味十足 很有彈性口感 😲牛腩亦同出面食嘅嘅唔同 有彈牙嘅口感 👍🥘酥脆炸肉丸（$25）肉丸都好明顯食得出係自家製 外面有層脆皮 包住入面嘅肉 肉嘅口感亦十分突出 唔彈牙但好有肉感😽🥘麻辣豬肚（$25）可以話佢嘅麻辣香真系獨有啊 不過 唔太食得辣嘅朋友仔就唔好嗌喇 食兩夠就開始麻痹喇🤥🍩原味芝士蛋糕（$25）芝士蛋糕 可以話係最值得一試嘅嘢😍 芝士香得黎 蛋糕嘅口感真系十足 又唔會好漏～ 一場黎到嘅朋友仔 絕對真系要黎試下🍩開心果味芝士蛋糕（$30）開心果味係最有驚喜嘅 佢嘅開心果味 可以話係別具特色 真系有種淡淡嘅開心果香 真系好好奇去點整😹🍺凍咖啡🍺凍好力克

因為早前起深水埗某一間格仔舖訂咗一啲figure,店主同我講已經到咗貨可以去拎。所以就約咗朋友仔一齊去深水埗行轉西九中心嘅蘋果商場順便再喺嗰頭搵吓食。深水埗係美食天堂，啲嘢又平又正，好多人細小店都係開喺呢頭。今次，就比我發現咗呢一間叫家後嘅餃子專門小店。佢呢間嘅餃子非常之出名，好多回頭客。我同我朋友都好鬼死肚餓，一坐低就嗱嗱臨叫嘢食。我哋嗌左兩個餃子套餐，一個湯餃，一個煎餃。芫荽豬肉餃（湯餃）$36 8隻 配米粉芫荽味好出，湯底係是日精選老火湯，個湯超級甜，睇得出係真材實料，昇華左餃子嘅味道。雲耳椰菜豬肉餃（煎餃）$40 8隻 配菠菜麵另外再叫咗 酥脆炸肉丸 $25，個大細好啱女仔一粒一啖

深水埗不嬲出名美食多選擇多，大家都知既有茶餐廳既蛋牛治、豬膶麵、米芝蓮車仔麵、肉骨茶等，隨左美食，深水埗都係一個Cafe林立既區，呢家由大南街到基隆街、汝州街都會聞到咖啡香，著名美食同Cafe就係大家黎深水埗既原因，不過大家有無諗過黎深水涉係食餃子同日式甜品呢?店主係2019年選址基隆街，開左呢間一家人小本經營既小店「家後」，店鋪無打卡既門面與裝潢，亦都無賣深水埗應有既精品咖啡，而是主打餃子同芝士蛋糕，係你無睇錯，呢兩樣野食係完全風馬牛不相及。店主本身唔係做開食肆，家庭一直係做布行生意，因為近幾年行業走下坡，就同父親商量轉業，商議後決定開一間餃子店。因為店主媽媽識得包餃子，款式也唔似一般餐廳複雜，店鋪菜式食物專一啲會容易經營啲，於是就膽粗粗開張左餐廳。點解一間餃子店會有甜品賣?因為店主既日本人太太鍾意做甜品，太太問過店主後，店主試過後覺得可以就開始係店鋪賣甜品。餐廳完全係家庭式經營，爸爸包餃子、媽媽主廚務、兒子掌樓面、新抱整蛋糕，每人一瓣、各司其職，比起餃，太太所做既日式芝士蛋糕更加爆紅。餐廳主打既餃子，只有煎餃同湯餃，無蒸餃，非常簡單。開業時更加只得3款餃子，慢慢才到呢家8款。好似洋

原來店主嘅老婆係一位日本人，因為係一位出色的賢內助，店長就用左閩南話嘅賢內助-即係「家後」作為店名，相當有意思，佢地食物水準全部都唔錯，最為之一亮係佢地招牌芝士蛋糕，原味同開心果都好好味，但我同朋友都比較鍾意開心果味，比較特別同埋開心果味真係好香好creamy好滑，其他嘅例如車仔麵兩送（$32）真係性價比好高

係網上見到依間主打餃子嘅餐廳非常有名氣，所以同朋友放假黎食，估唔到除咗餃子，仲有唔少其他選擇，而且已經幾乎滿座，要等一陣先有位。芫茜豬肉餃 + 洋蔥豬肉餃 煎餃，一上菜就見到金金黃黃嘅顏色，外皮好脆口，芫茜味道好濃郁，個人黎講非常中意，而洋蔥豬肉都配搭得好夾。加咗其中一個套餐係是日飯糰一個，飯糰由日本米整嘅，配料係菜同牛膀，份量非常十足。鮮大腸羮，係用每日新鮮嘅大腸熬嘅，正因為新鮮，所以會有啲韌度，仲有豬血，豆腐等等配料，好大碗，而且加咗少少胡椒粉，去咗大腸可能有嘅騷味。鹵水雞腎，佢嘅鹵水唔咸，而係真正俾雞腎吸哂啲汁，非常入味。日式芝士蛋糕，結實之餘又帶有creamy濃滑嘅口感，，可以媲美甜品鋪嘅蛋糕，因為係每日限量，要趁早快啲試！

放工交完收黎幫襯，勁多人排隊，等咗大約15分鐘，好彩無落雨咋！麻辣雞腎 - 唔太大碟，幾辣下🥵炸雞 - 炸皮唔太厚，即炸出黎好食！叫咗雲耳椰菜豬肉餃同香菇粟米雞肉餃。雞肉餃味道較淡，唔太食得出雞肉豬肉餃嘅分別。雲耳椰菜正，食落好有層次！點埋醋食一絕！😋日本師傅製作，每日限量供應既芝士蛋糕🤩，叫左原味同抹茶味，好重芝士味，細細件岩岩好，唔會太膩。抹茶味超濃郁！大愛！埋單只係百幾蚊！好味又抵食！難怪一個負評都無👍。

上次阿妹嚟呢間食過話覺得幾好食所以打波之前就去咗呢間店試下喇 其實每次黎基隆街買布嘅時候都經過好多次 佢嘅裝潢感覺似一間舊冰廳大大個雪櫃擺門口果啲呢 店舖唔算大 兩個樓面一腳踢非常之忙碌 但係老闆都依然親切 無誇張 真係有一種去佢屋企作客嘅感覺 佢彷彿同每枱客都好熟絡咁呢度主要係食餃子但有趣嘅係你會聽到每一枱都同老闆講叫佢要留芝士蛋糕我地最後叫咗個煎餃係韭菜豬肉拼雲耳椰菜豬肉， 跟個套餐係是日飯糰小食就叫咗個麻辣雞翼同埋雞腎再叫多三餸個車仔麵 咸檸七個煎餃子煎得好靚個底金黃色 脆得黎又唔會太硬 雲耳椰菜豬肉餃比較出色 juicy感覺又健康是日飯糰入邊用左菇同日式漬物一齊mix埋 有少少汁唔太乾 用日本米所以煙韌有咬口 三餸車仔麵個豬手炆得好入味 豬紅都好煙韌 最特別嘅地方係佢可以揀上海幼麵做麵底 唔洗成日食黎食去都係油麵米粉 重點係佢枱面仲有一大樽辣菜甫任加！美味度up！由於太飽嘅關係 下次一定要再黎試埋佢嘅芝士蛋糕！

餃子大大隻真材實料，非常推薦煎餃，外表吹卜卜，仲可以保留住入邊有肉汁。唔係出面嗰種個皮好厚啲餡好少，餡料塞滿住全隻餃子。豬手滷得非常入味，好冧，食落去成口充滿膠質。而且價錢相宜，$39就有五大舊，好抵食。酥炸肉丸同樣地價錢平分量十足，25蚊就有12蚊，外脆內軟，啖啖肉另外仲叫咗個車仔麵，雲吞爽豬肚豬大腸等配料都唔錯。整體來講，食物價錢非常貼地，而食物嘅質素都有一定嘅水準，所以性價比好高。而且舖頭嘅店員同埋老闆服務態度都好好，舖頭人情味十足。

聽朋友介紹呢間餃子好食，今日就來試下。店內裝修帶點懷舊味道，古色古香既感覺。呢度出名必食係餃子同芝士蛋糕，餃子款式幾多幾特別，另外仲有唔少小食都幾吸引。餐廳推介既洋蔥豬肉餃煎得好夠火喉，唔太燶，金黃色，咬落個皮脆卜卜，內涵洋蔥超鮮甜，豬肉份量適中，真係做到煎餃既最高水準，係呢度必食之選🤓 麻辣豬肚個豬肚完全冇異味，而係好香四川麻辣既風味，而且超入味，雖然話係麻辣，但都唔會太辣，大人細路都食得👍家後鮮大腸羹呢個大腸羹真係一流，個湯超鮮甜，而家勁多料，除左大腸新鮮彈牙，仲有豬紅，豆腐等等，食既時候加d胡椒粉同醋，味道更有層次。食過佢既煎餃當然要試埋佢既水餃，個湯底原來可以自己揀豬骨湯或者番茄湯，呢個菠菜豬肉水餃皮薄涵靚，入面好多菠菜，夠晒健康，配埋個番茄湯，酸酸甜甜咁，係好fresh既感, 必須一提係個湯唔似出面既味精湯，似係廚師真係用番茄自己熬出來，所以食完水餃真係可以飲埋個湯😋鹵水雞翼超入味，啖啖肉，正！呢度既芝士蛋糕真係不得了！個蛋糕入口即溶，d芝士係口入面慢慢溶化，滲出陣陣奶香，口感超creamy超滑，唔似平時食既cheese cake咁又硬又膩，呢度個cheese cake食完

先生很喜歡吃水餃。得知深水埗有間餐廳的水餃好美味，就趁放工，兩口子一同去試試看。畢竟周五晚上特別多人，而且餐廳座位不多，在外面大約等候15分鐘，才可以入座。餐廳提供好幾款手工水餃，烹調方法可以選擇湯餃或者煎餃。若果想一次過多試幾款味道，只需加$2就可以選擇雙拼。如果單吃水餃就已經夠飽，可以叫八隻水餃。如果只吃水餃覺得不足夠的話，可以從三個套餐選擇喜歡的食物，分別有麵、飯團或者雞翼，為食客帶來豐富的選擇。韭菜豬肉餃和芫荽豬肉餃都是煎的，而雲耳椰菜豬肉餃和洋蔥豬肉餃選了湯餃。這幾款水餃全都非常足料，放了滿滿的豬肉，配合各式蔬菜，突出了香味，也令人一啖就能嚐到是哪一款水餃。若要味道更豐富，除了配醋，還可以配菜脯。煎餃不會太油，湯餃不會太軟腍。水餃以外還有配菜，是鮮甜的生菜和蓮藕。我們點了麵和飯團作套餐。麵有多款選擇，先生點了上海幼麵，麵質細滑；湯底可選豬骨湯或是日例湯，他選了豬骨湯，味道恰到好處，吃畢後把湯底喝掉也不會口渴，大概都是真材實料。我選了飯團，會以為是純白色的那種，但原來加添材料及調味，令其別樹一格。除了水餃，還有不同飯、麵、甜品和小食。小食方面，我們選了炸小雲吞。一客共有十二粒，

𝒞𝒽𝒾𝓃𝑒𝓈𝑒 𝒹𝓊𝓂𝓅𝒾𝓃𝑔 𝒽𝑜𝓊𝓈𝑒 𝒾𝓃 𝒮𝒽𝒶𝓂 𝒮𝒽𝓊𝒾 𝒫𝑜今日仍然係介紹小店，呢間餐廳係深水埗一個唔起眼既位置。店內坐既位置唔多，下午2點去到門口都仲有人等位。呢道最出名係自家製餃子🥟，可以揀煎餃或者湯餃，8隻$36，雙拼餃子就加$2。⭐洋蔥豬肉餃 （真心推介💛）呢款揀左煎餃，一上到黎d餃子兩面都煎得勁金黃勁靚😍咬開香脆既餃子皮裹面既湯汁爆晒出黎😍好驚喜。洋蔥就係用紫洋蔥，比較爽脆有口感同埋唔會煮得好淋，同豬肉既味道出奇地夾。點埋醋黎食好正。⭐白菜豬肉餃⭐香菇粟米雞肉餃湯餃揀左雙拼，佢既湯底係赤小豆粉葛豬骨湯，碗內都有𝘥切成粒粒既粉葛，湯底比較平實，好似屋企煲果𝘥。香菇雞肉餃既香菇味唔特出，不過粟米🌽好甜，整體味道好夾。而白菜豬肉餃就好𝘤𝘰𝘮𝘮𝘰𝘯，好住家𝘧𝘦𝘦𝘭，夠𝘫𝘶𝘪𝘤𝘺 好味😋📍家後𝗛𝗼𝗺𝗲𝘆深水埗基隆街𝟮𝟭𝟭號地舖

7點去到勁多人，排左20分鐘先入得。雖然有d熱，但係等待是值得的。雲耳椰菜豬肉餃本身諗住叫韭菜餃，但見到呢個有手指公👍，所以就叫咗呢個。加左雲耳咬落有口感！原味芝士蛋糕好味！芝士味極濃！好抵食！

深水埗出名餃子有好多，不過家後既餃子我覺得係最好味，而且有家的味道。價錢實惠，可以自己選擇單雙拼，或者配搭套餐，有粉面或者日本米飯團選擇。我地選左煎洋蔥豬肉餃同煎粟米香菇雞肉餃，拼日本米飯團。飯團壓到實實的，大大件抵食，而且入面有有昂布絲，咸咸地夠好食。洋蔥豬肉餃果然名不虛傳，為舖頭最熱賣既餃子，好香，香蔥好多，而且件件都爆汁，大推！香菇粟米餃同樣用料多，配埋辣菜脯食就味道剛好。另外仲試左芫荽豬肉餃，中意食芫荽嘅朋友唔好錯過！另外呢度既芝士蛋糕都唔講得笑，面頭脆，芝士夠細滑，可以講好食過大舖既芝士蛋糕！仲有開心果口味選擇，幾特別。

有日小胖工作的同事見小胖外賣手工餃當午餐，就大力推了呢間手工餃俾小胖。佢所有餃子都係即日人手包，小胖入店內就感覺到係一間家庭小作坊，全家總動員幫忙，所有人都十分友善。佢的價錢十分平民，份量十足，每粒餃子都十分飽滿，皮又薄，咬落去，除咗菜肉都係菜肉，正😄小胖和友人點了4款不同口味的，包括洋蔥豬肉煎餃，芫荽豬肉煎餃，雲耳椰菜豬肉湯餃和香菇粟米雞肉湯餃，每個餃子的味道都唔會過鹹，味道足，又有肉汁，肉的肥瘦適中，菜肉比例均勻。煎餃煎到金黃香脆，芫荽豬肉煎餃大推，好食😋小胖大推佢的上湯浸津白菜，佢的上湯超好飲，白菜吸滿湯汁又煮到超軟，真係大大推👍🏻佢的麻辣味亦十分麻香，淋在雞翼上，又麻又好食😋佢的炸肉丸細細粒，口感超像日式忌廉薯餅，超驚喜！一口一粒停唔到😂重點係日籍老闆娘的手工芝士蛋糕，佢有開心果味，冧酒提子味和原味，蛋糕糕體軟硬適中，又香又棉，一人一件，餐後甜品必食！佢的性價比極高，份量足又好味，食物選項又多，雖然店內位置有點細，但好食更重要‼️