家嫂

營業中

休息中

一次過滿足晒4個願望 - 刺身、小食、雞煲、海鮮🤤首先登場嘅係刺身船，我哋6個人食就有6人分量冇得refill，其他野就無限refill。雞煲食完之後，超豐富嘅海鮮拼盤登場，有蝦、蝦、蜆、鮑魚等等！食完大家一定飽住走🫄🏾🤰🫃🏾整體來講：餐廳環境舒適👍食物種類選擇多，最緊要夠新鮮！！！飲品方面，除左一般汽水、多款自家製花茶，仲有紅白酒任飲🙀 而每位只需$388+10% 由7點食到10點絕對超值🫶

同班朋友到「家嫂」食生日慶祝飯，預先book好位，一如既往人多，前菜小食，一坐低食得，時間緊迫，得兩個鐘，無得你慢慢食，慢慢嘆⋯⋯多款小食，我個人比較喜愛蝦多士，酸姜皮蛋，好yummy ，其他仲有麻醬脆肉瓜，螺沙律等等。接落嚟刺身，個樣睇落去好吸引嘅兩輪之後，上雞煲，味道可以嘅⋯⋯雞煲之後打邊爐其實都真係幾飽，豐富嘅，醬料多，飲品選擇都多，養生嘅，火鍋必備嘅，樣樣有，仲有紅，白酒選擇，個人覺得紅酒好啲啲總體唔差，不過同我之前去柴灣「家嫂」比起身感覺就差少少，埋單每位400幾。

朋友為我慶生，第一次食呢啲打仗式放題都唔使預服務好佢好搞笑，一枱六人，會行過就俾一碟好細碟嘅小食，例沙律、酸菜魚、天婦羅、紅糖糍粑…呢個黑松露蝦多士就夠一人一件，唔熱嘅，味道一般，唔算吸引呢個刺身船夠唒誇張，好啱打卡，三文魚都幾肥美，整體質量都算唔錯雞煲好惹味，亦因為重口味，食完都幾口渴！食完仲可以再添先打邊爐，我地都添咗一次雞真夠就殺落去打邊爐，自動上一大堆嘢海鮮唔會跟人頭俾份量佢話可以再添每次上嘅海鮮都唔同款好搞笑聽見隔離枱有蟹同鮑魚！我地即刻捉住個哥哥話要！仲要俾足交件我地！可惜最後蟹都係得五舊鮑魚識郁架！真係估唔到！第一轉嘅牛肉都幾靚，第二轉就好肥個湯底都算偏咸，侍應叫都地下次嗌加熱水唔好加湯，溝淡咗就好少少飲品好似款式，但全部味道偏淡有黑豆腐皮都幾特別食得太飽，連雪條未冇食整體嚟講都算幾好

2年前食過柴灣嗰間，今年見生日就諗住試下旺角呢間，去之前滿心歡喜，倒頭來嘥錢嘥時間。頭輪嘅刺身正常，冇特別驚喜。雞煲嗌左個BB辣，啲雞量係多，但完全唔入味，冇想加雞嘅衝動。火鍋湯底嗌左老火湯，試下個湯底，都叫不過不失，隨即戲肉就黎。啲海鮮出哂事，全部都唔新鮮，連我平時對食冇乜要求嘅都頂唔順。隻蟹明顯係死蟹，啲肉放落口即散哂，唔睇都唔知係蟹肉黎。魷魚又係完全唔爽口，鮑魚啲味又怪怪地。呢個價錢比啲咁嘅質素，完全係伏，同2年前柴灣嗰間完全冇得比。總括8個字，希望越大，失敗越大

刺身、雞煲、打邊爐想一次過食曬？小朋友先做選擇，我樣樣都要曬🤣 家嫂可以一次過滿足曬3個願望！仲要係任食😍 朋友第一次食都覺得質素唔錯😚首先餐廳會上6款小食，有松露蝦多士、胡麻茄子、皮蛋、清油花甲、明太子翡翠螺沙律、紅糖糍粑，樣樣都係高質，絕對唔係質飽你嗰啲餐前小食！特別推介松露蝦多士～新鮮炸得黎又唔會成口油，有encore再加！之後會上刺身，6人光顧會有隻一咪半超級大刺身船上枱，打卡一流📸 刺身有凍蟹、牧丹蝦、帶子、鮑魚、三文魚、八爪魚等等食完刺身就上雞煲，可以選微辣、小辣、中辣、大辣，雞好滑，雞煲醬都好入味😋 食完唔夠喉仲可以加雞🐓之後就係打邊爐🍲 選咗「花膠哈密瓜湯底」，湯入邊用咗好多舊哈密瓜煲，花膠亦唔少，龍眼肉十分甜！一定要喺打邊爐之前飲一碗湯🤤打邊爐嘅材料都係無限追加，海鮮有肉蟹、蝦、鮑魚、青口、蜆、生蠔、魷魚、珊瑚蚌，另外就係有一啲手打肉丸、肥牛、炸魚皮、蔬菜等等，絕對唔會比一啲芝士腸，街市牛丸貨仔你🤣 任飲飲品除咗汽水之外，仲有家嫂自家制養生茶，杞子雪燕茶、西柚百香果茶等等，杯杯足料少甜，好有誠意！仲會有白酒香檳🍾️提供～甜品係泰國品牌雪條放題🍦為飲飽食醉畫上完美的句號。

好多年前同朋友食過呢間放題印象中食物不錯係食得太飽今次親友揀咗呢間一齊食晚市放題比起上次環境衛生較欠奉，而且枱面痴立立-坐底後，店員哥哥好熱情講解同落order好快就上前菜同小食鴨血酸菜魚味道不錯，魚夠滑，鴨血就唔太夠味皮蛋配埋姜蓉食落幾有層次黑糖糍粑外皮煙韌中間黑糖好香蝦多士冇咩蝦，沙律醬太多，食落好油膩好快就上咗巨型刺身船，依舊咁震撼中間有乾冰不斷霧煙，親友即刻打卡～刺身水準不俗，甜蝦爽口，帶子彈牙但冇咩味鮑魚食落軟嫩爽滑，蟹食落都鮮甜之後上雞煲，除咗雞仲有蜆肉雞食落惹味，就冇咩雞味，蜆肉還好都爽口跟住再換煲打邊爐蟶子食落超多沙，蠔算大隻食落冇咩蠔味蝦都爽口，其他海鮮同牛肉都係冇咩味餃子、丸就唔錯，反而菜食落係最新鮮第二轉再追加海鮮較新鮮蟶子就冇咩沙，蝦較剛才大隻同仲識郁-自家飲品款式多，味道見仁見智三款雪條較少見都幾好味整體食物質素參差，適合咩都想食嘅朋友

朋友飯聚被個女職員破壞曬心情，話說哩個女職員繞埸推車送紅白酒，嚟到我哋枱仲差個朋友喺樓下上緊嚟，全客份量嘅刺身已上咗（即係confirm咗人數，要俾錢）。佢問我哋要紅定要白酒時已經反眼，因為其中一個朋友開始話要白酒，佢居然反眼話［幾杯］＾態度係差＆冇尾音，跟住同佢講俾多杯，因為有個朋友到樓下，佢話［到咗先俾］＾態度一樣係差，同佢解釋個朋友到樓下，刺身份量都上曬，預咗俾咁多位嘅錢，廢事朋友嚟到又要等酒碰杯，佢居然唔理，唔應，推車走，係望都唔望你嗰隻，好似我哋乞佢俾杯酒飲咁樣......成晚接觸哩個女職員三次，都係超差體會，似乎其他職員都怕咗佢。總之我就一定唔會再去哩間，俾錢買難受，西口西面，趕客。

食極都未食得晒啲嘢、由好正嘅魚生開始，再食雞煲，仲可以不停加食完雞煲仲好似重新嚟過玩打邊爐海鮮不停加，任食任飲，超抵！建議雞煲，唔好食太多，因為海鮮好新鮮，豬肉牛肉都係任食，連好大隻嘅鮑魚好大隻嘅海蝦都可以不斷加

同事介紹家嫂呢間放題話好好食，所以今次就約埋朋友平日嚟食家嫂,，嚟之前一定記得要訂位，平日都好爆場。刺身：會按返人頭比幾多刺身，刺身好新鮮一啲都唔馬虎，而且食落好肥美一啲都唔腥。小食: 酥炸蝦多士必叫食落好彈牙，炸到外層好鬆脆，仲有螺肉沙律、白酒蜆肉,、酸蘿蔔皮蛋、酸甜炸茄子、酸菜魚，今次食唔到我最想食嘅紅糖糍粑😭。飲品：有架酒車會推出嚟比大家飲添紅酒白酒，而且仲有好養生嘅飲品大約有8款比你選擇。雞煲(小辣): 雞肉幾嫩滑食落唔會好乾好韌，配埋蜆肉豬皮好吸醬汁，食落幾惹味。火鍋: 總共有7款湯底可以比你簡，今次試左個芫茜皮蛋茶瓜鍋， 而配料方面有好新鮮嘅海鮮拼盤，最鍾意食係鮑魚好彈牙之如仲好淋，生蠔大大粒同好肥美食落好鮮甜，另外仲有三色丸、牛肉片、豚肉片、炸魚皮、雲吞、餃子等等，好多款式比你慢慢品嘗。

海鮮唔新鮮 全部都死蟹 冇肉又冇膏蝦幾好 但想叫第二轉竟然話賣晒牛肉 豬肉 每檯只可二選一火爐配料極少 海鮮已經唔得 但除左海鮮之外就冇咩其它選擇！仲有最討厭就係冇菜單，有幾樣海鮮都係隱藏菜單，見到隔離檯食緊 先知道原來有某種海鮮

11:30去到，有職員喺度準備緊，叫咗幾聲都冇人應，你寫得11:30開，你11:30之前你就應該要準備好晒啲嘢，但係佢哋仲喺度做緊事前準備，又唔帶埋位，等咗5分鐘，叫我哋自己搵位坐，亦都唔叫我哋做安心出行，第一次嚟亦都唔知道佢個做法係點樣，我哋就一直坐咗喺度等，真正埋黎講解已經11:50幾分，到頭盤到，已經過左12點，但係仍然當我哋係11:30入場， 呢半個鐘，我哋完全係蝕俾佢，但係環境係真係幾好嘅，但係好明顯係金玉其外，外觀唔錯，裝修得好靚，但係睇啲櫈邊就見到好多污糟嘢😱講返食物，我最欣賞係佢一開始嗰個花生，好好食🤤之後嗰幾款小食，我都覺得好一般，但係天婦羅翠玉瓜幾好之後刺身合格然後就係雞煲，煮咗一陣之後有個員工走過來炒咗兩炒，之後話食得㗎啦，但係。。仲生架😱嚟到呢度未打邊爐之前其實都差唔多飽飽地其實所有嘢都一半，之後最唔高興嘅係我訂枱嗰陣時明明同我講$278一位加一，去到就突然加價，話298加一，我覺得你要加價冇問題，但係我book枱嗰陣時係278 ，上到嚟食就298，非常嬲真係佢有幾個湯底，但係熱門嘅湯底全部都同你講無架啦，叫其他啦，花膠老火無，濃牛肉湯無，芫荽皮蛋冇，今日真係，

今日去家嫂食，食物質素一般，但最主要想寫既係，臨食到最後嘅時候，服務員開始執嘢，但位置係櫈貼櫈，點知個服務員係櫈中間傳遞食物，啲食物跌咗落我身後，服務員仲話冇野冇野。最後未到交枱時間，已經開始執嘢，仲要同我哋講夠鐘交柯枱。又唔係平，但服務態度不佳，唔會再食。

用到誇張黎形容真係唔誇張的…同朋友一行八人黎到家嫂打邊爐，一班朋友相聚傾下計🥸店鋪環境舒適唔會逼打邊爐前一定有啲開胃小菜呢度嘅前菜有十分多選擇，分別有蝦多士、螺肉、茄子、黑糖糍粑、皮蛋、花甲，款款都可以無限refill😍忍唔到口既話真係未食主菜都食飽左食完小菜就會上刺身船，只要5人或以上就係呢款大既刺身船，刺身就無得refill啦，有三文魚又甜蝦呢啲基本刺身，然後有成板海膽..好誇張雞煲嘅雞係可以無限refill，食完又可以加食完又可以加…好誇張打邊爐揀左花膠湯底，有十分多海鮮選擇，有鮑魚、象拔蚌、大花甲等等

1. 地方整齊職員有禮2. 飲品選擇款式多，好多係自家制，例如竹庶茅根麥冬茶，檸檬薏米水等等，全部都唔係好甜👍🏻仲有汽水同紙包茶選擇3. 火鍋醬料款式挺多，普通鼓油、麻醬、沙爹醬當然有，仲有炸紅葱油、泡椒油、黃椒辣醬、泰式酸辣醬… 好多款式4. 入座之後，職員好仔細咁講下今餐有咩食，除左刺身，小食炸物、雞煲、火鍋配料都係任食，包括海鮮。放題食兩小時，食物都黎得好快，食完雞煲，火鍋又到，湯底都真材實料。差唔多夠鐘，職員仲問左幾次有冇需要加野食，跟進工夫做到好足。間唔時又叫我倒下骨，清碟都清得好快但唯一唔習慣係落野食要叫職員加單，冇得自己QR點餐。同埋甜品得雪條冇其他可以揀我今日5點入座連加一，$360 位，我覺得超值

我地8個人食 真心難食 個湯超咸 個男員工態度又差 好似殺左佢全家咁 $400/人頭好貴 仲要受氣 海鮮好一般 牛肉 豬肉都唔好食 真係得打卡用 唯一可取之處係個野飲ok lor 野飲幾好飲…首先要等一大輪 差唔多等左60分鐘先有得食… 刺身普普通通 唔算難食 之後就雞煲 都ok ga, 之後就係個湯底咸到要係咁加水 但個男員工仲要好串咁唔肯加 全部都好串 態度好差 野食得好少選擇 主要係海鮮 但唔算好食 之後丸反而ok, 牛肉豬肉都唔好食 食落無味的 可能個湯太咸喇