家嫂

營業中

休息中

一班人聚舊最適合圍爐雞煲打邊爐！👧🏽平時食開另一間，勝在熟客仔有房有酒水，姐姐又好服務！今次由朋友介紹去試新野 🍲 身邊大多數食過既朋友都話好～真係要試過便知龍與鳳💓人多想包房，但下限為𝟭𝟴人，早到餐廳店員又話可以安排入房但會有其他細枱，又要夠鐘先可以入座，最後係門口等左半個鐘🫠未齊人可以先享用家嫂小食，冷盤熱食都有，特別推薦🦐松露蝦多士，飲品選擇超多🍹冷泡茶養生茶等任你選～終於見證到刺身船，超搶眼又有氣勢。刺身款式多又新鮮👍🏻個個都相機食先，另外單點一份新鮮象拔蚌$𝟮𝟲𝟴，值得一試❤️雞煲可以任添，不過整體一般，雞肉少骨頭多，試過就好了。邊爐就預先留左冬瓜盅，當然少不了海鮮、肥牛同其他配料。最後少不了甜品雪燕燉椰皇🥥味道清甜不太膩！家嫂仲有一個特別環節，八點後會有職員推住「酒車」周圍走，有紅酒、白酒等，免費任飲🥂家嫂餐牌價錢只有一個，價錢合理；刺身船的確加了不少分✨又有酒精飲品免費提供；不過餐廳內座位又些少擠擁，當晚就發生小意外，店員手捧既刺身船傾斜，冰塊當頭淋落客人身上🤧晚市無限時，最好提前訂座，最早𝟭𝟳𝟯𝟬入座；但𝟮𝟮𝟬𝟬一定要離座‼️店員清枱既速度比想像快，同埋唔好阻人收工😂

📍旺角 家嫂相信好多鍾意打邊爐嘅朋友都聽過家嫂呢一間餐廳，佢有幾間分店，今次我同朋友就嚟到呢間位於旺角嘅分店trytry佢啦。👏🏻٩(˃̶͈̀௰˂̶͈́)و家嫂最特別嘅就係佢會有好多唔同嘅小菜，例如蝦多士、鴨血等等，而且食完之後係可以無限加，個人最鍾意就係食佢嘅蝦多士，啱啱炸好非常香口香脆。👅除咗小食之外，出面都有飲品吧同甜品吧俾客人自己選擇，佢嘅飲品除咗罐裝之外，仲有養生茶選擇，擔心打邊爐嘅時候食得太肥嘅朋友，建議可以飲下佢嘅茶，有幾款有啲紅棗、桂花喺入邊，絕對足料。🫡食好小食之後就到佢其中一個重頭戲，就係刺身船🤍佢嘅刺身種類非常之多，而且都好新鮮，最重要嘅係打卡一流，啱啱上菜嘅時候有啲乾冰噴煙嘅效果，啱晒鍾意打卡嘅你同我。食完個刺身之後，就開始可以食雞煲，同埋打邊爐。佢嘅邊爐有好多唔同嘅海鮮可以選擇，而且佢嘅丸、配菜味道都好出色，加上食物嘅種類都好多，所以絕對唔使怕單調。😚٩(˃̶͈̀௰˂̶͈́)و味道：🐱🐱🐱🐱環境：🐱🐱🐱服務：🐱🐱🐱CP值：🐱🐱🐱٩(˃̶͈̀௰˂̶͈́)و

呢間任食，無限時，價錢稍貴，但都算物有所值。。。一來先食小食，任添加，味道都不錯，蝦多士，係推介之一。。第二就係魚生，稍微份量太小，海膽都新鮮。。第三就係雞煲，任食，味道都ok..第四，海鮮打邊爐，鮑魚都不錯，蝦都幾爽口，手打丸味道都不錯，飲料方面，選擇都多，鐘意飲酒都吸引嘅，紅，白酒加日本清酒任飲，不用加錢。。總觀係一間令你食到飽，飲到飽的火鍋店，6點可以坐到10點多，都係一大班人食飯的好地方。

放工4位少女早一星期預先book左黎食家嫂晚巿，好多人，好多飲品選擇。首先前菜任食 ，之後刺身，之後雞煲，之後打邊爐選左花膠湯底，有鮑魚，蟹，餃，花蜆，生蠔，應有盡有。雪條有榴槤味，食到我地4位少女肚腩出哂黎☺

旺角呢間家嫂真係可一不可在😒😒入座時帶咗位4歲小朋友嚟，通常餐廳都會收半價😉雖獨家嫂話要收全價(即係$430)嘩！小朋友喎大佬食水會否太深🤨🤨佢食得你幾多嘢！咁我問下個待應啦，個男待應語氣勁寸咁回答：我唔知喎公司政策係咁無計喎！一入座已經完全感受到家嫂嗰種唔憂做、唔造作嘅服務態度，好窩心❤️頭盤刺身尚算新鮮，但我哋六個大人，佢每樣先俾得嗰三四舊，夠邊個食啊大佬，足以反映家嫂係選材方面好謹慎、好細心❤️絕不浪費食材🙃跟住嚟咗個雞煲勁嘢，絕對係我呢世人食過最難食嘅雞煲🥹🥹啲雞仲未融雪，成陣雪味、真係唔知喺雪櫃擺咗幾耐😱最好笑係我哋食咗幾舊雪雞咋，個男待應就話：不如轉火鍋啦、唔夠時間喇！我哋係遲咗少少入座啫，但佢真係好貼心💕心知個雞煲勁難食即刻轉下口味俾我哋。然後佢急急腳將啲雞件轉落隻細碟度，雞煲走煲真係大開眼界😄笑咗，轉碟後無人掂過啲雞囉😆最正常終於係個火鍋(密瓜花膠湯底)湯底真頭可以當湯飲😍家嫂原來幫我哋準備咗最後驚喜❤️蝦、蜆、貴妃蚌、珊瑚蚌都新鮮嘅，肥牛、丸類就麻麻唔掂。個火鍋剛食到尾聲，侍應跟住又過嚟搞事喇，開始借啲椅話夠鐘埋嚟執嘢。大佬我剛食完，俾我坐吓得唔得🤨夜晚10點後面又無人入座

當日1730入座，2200離座，食咗4個半鐘，首先係個刺身同埋小食，然後就係雞煲，雞煲食完就到就都打邊爐，打邊爐有牛有海鮮，當中海鮮較為好食同較新鮮，不過牛肉就麻麻地不過個冷氣真係勁得誇張，嗰日34度，已經帶咗件外套，都覺得好凍不過整體唔差

今天是女朋友的生日，就選擇了這間餐廳，因之前聽過女朋友提及過在柴灣和朋友一齊在柴灣家嫂食飯聚舊。我們在早上十一時四十五分進入餐廳，餐廳環境不錯，餐枱與餐枱不會緊密，有空間感，出入行得舒服，不會太過迫。服務員就好快過來我們的餐枱講解一下用膳事宜，好快就準備了小食到來，如:花生，花甲，蝦多士，蒸扇貝，沙律和魚生。之後服務員見我們的枱上差不多的時候就送上雞煲。魚生味道正常，蝦多士好好味，雞煲就好野味(小辣)。之後就開始火煱時段，湯底選了"養生花膠菌香湯鍋，配料方面都唔錯，有脂肪肥牛薄片，肥大肉厚鮑魚，炸魚皮、響鈴卷、牛肉球、豬肉球、墨魚球、蝦肉雲吞同各式菜類。服務員不時幫我們加湯，不用湯底無湯，感覺好好。我們用餐時間都後長，差不多三小時多，在現今香港的節奏，可以慢慢品嚐食物地方己經不多，今次食得滿足，開心，享受和舒服。味道: ⭐⭐⭐⭐4/5環境: ⭐⭐⭐⭐⭐5/5服務: ⭐⭐⭐⭐⭐5/5衞生: ⭐⭐⭐⭐4/5抵食: ⭐⭐⭐⭐⭐5/5

老闆請食飯兼順手Farewell同事揀左呢間餐廳一齊食😍一坐低揀左湯底之後就會上刺生船，係有半張枱咁長啊！有生蠔，鮑魚，帶子，三文魚刺生仲有原盒海膽上添😆食完刺生之後可以食小食小食都幾多選擇，有齋有蝦多士又有皮蛋。然後再有個雞煲😂 食完雞煲之後就可以換打邊爐了🙉心諗咁鬼多野食，我食到雞煲已經飽飽地😂打邊爐就基本野啦~肥牛，丸，海鮮。不過一開始唔洗點，餐廳會上一Set比你先，然後食完岩食可以再添。好少見飲食有包紅白酒任飲，另外仲有各式甜品款自製清熱飲品放係雪櫃比你自取，例如:竹蔗茅根，百香果茶，鮮蔗汁，西瓜汁，檸檬薏米水等等🤣

訂座前要先落$500訂金，入場$418再加一。當然，訂金包埋落最終消費。入座之後先食小食，蝦多士、花甲、花生同炸年糕，都會令人想一試再試。蝦多士上面有松露醬，聞上去普通，咬落去會食到好脆嘅蝦肉，鹹鹹地。花甲冇經過太多嘅調味煮出嚟，所以食落去得海鮮嘅鮮甜味。花生入面有辣嘅菜餔，又脆又咸。炸年糕，入面有少少紅豆餡，食得太多會比較滯。食完小食就可以上刺身，刺身我都覺得算相當高質。勁大嘅刺身船，有各式各樣嘅海鮮，我覺得鮑魚同海膽係成個刺身船入面最好食嘅。除咗鮑魚同海膽，更加有蟹，不過蟹食落去就麻煩少少，好在佢加餐都比較齊全，有鉸剪可以剪開蟹殼。鮑魚熟左再雪返擺上去，鮑魚中間被切開一半，一食落口鮮甜既口感直衝天靈蓋。海膽有附送紫菜包住黎食，一啖食落去成個感覺有紫菜嘅麻油香味仲有海鮮嘅鮮甜味。打邊爐一開始就食咗個雞煲先，一嚟就係個小辣。同出面其他嘅雞煲食落去好似冇乜分別，雞煲煮到差唔多嗰陣時會有職員揭蓋幫手炒。食咗一轉冇再添加就直接去食火鍋。火鍋湯底係蜜瓜花膠雞湯湯底，料足又夠香。湯底下面仲有幾條花膠喺度飄浮。淨係打邊爐個湯我都飲咗兩碗先。同時會送埋之前海鮮刺身拼盤既海鮮黎。即係鮑魚同埋蝦/蟹/魚

可免升級花膠湯底，裏面唔知咩原因會加哈蜜瓜😂由頭食到落尾，唔催還枱，坐咗近四個鐘，好適口合同朋友聚會。由頭盤、刺身、雞煲再到火鍋，除咗刺身無得refill其他全部可再嗌，最開心係個刺身船既生蠔都幾爽甜，仲有紅白酒任飲，另外仲有各式誠意自製清熱飲料，竹蔗茅根、百香果茶、鮮蔗汁、西瓜汁、檸檬薏米水、檸檬薄荷橙飲料等等等等最抵讚！見其他評價話服務唔得，我哋又唔覺喎，有一個主責同事跟我哋張枱，都算幾好招呼，上菜加菜都唔慢，收碟都收得算密喎。$460已包加一，食足咁多個鐘，價錢真係算實惠喎。

一大班人就梗係去食雞煲連打邊爐啦！人多終於可以試到家嫂喇😋大鄉里第一次食先知原來無menu既，餐廳係按當日新鮮再安排食物。成個流程係按人數先上小食（六款），食夠可以叫佢上刺身＞雞煲＞打邊爐，真係一次過滿足曬4四個願望😋其實每round試少少滿足一下就好，唔係食得太飽食唔到下一轉。刺身款式多（見圖），都新鮮，人多比架大船你打卡，勁靚又有氣勢😂雞煲覺得一般，個汁唔夠濃味，又唔夠熱。邊爐非常唔錯，有大量海鮮。每一round邊樣唔夠都可以refill。侍應亦好照顧周到，不時收走我地碟上既垃圾，海鮮殼。飲品好多選擇，出其地有sake白酒免費，反而啤酒要加錢？！其實整體好唔錯，食物質素同服務都係，推介大家去食😍 人均$460 左右咋

今日想同大家介紹吓呢間家嫂因為之前呢間人哋話好出名好難book枱 所以一於試吓佢其實佢主要都係得一個餐揀就係食小食同魚生拼盤先魚生種類唔太多不過過吓口癮係OK嘅都尚算新鮮小食嚟講就唔太啱口味啲炸物味道有啲奇怪除咗蝦多士係好味少少其他都係好一般麻麻雞煲完全失望全部都係雞骨雞殼雞腳想搵一舊正常肉食下都好難完全唔知啲肉去晒邊蒸扇貝算係正常味道唔錯之後到打邊爐時段都係有啲失望基本上選擇唔太多同埋冇得揀 就算你唔要 佢都要夾硬上基本上係會浪費咗打邊爐海鮮尚算OK不過啲肉真係好麻麻 好下難基本上我哋叫咗三轉牛肉轉轉啲肥牛 啲肥膏都係多過肉同侍應反映 即刻卸膊話唔關佢事話係廚房出菜 冇得揀真係好恐怖估唔到啲牛肉真係咁差仲有最想講 侍應服務真心差我哋今日晏晝食全場得兩三台客個侍應完全唔想做咁叫佢拎乜都話冇一係叫你自己出去拎同埋成日趕住收碟未食晒 已經好似趕住收咁搞到你食得好唔舒服🤢好大壓力 好似好趕咁好似想逼你地早啲走咁總括嚟講下次唔會再嚟幫襯

第二次光顧但服務有天地之差 1. 服務敷衍不專業 刺身數量不足, 向侍應表示有不足, 但侍應表示不是每款每人一件的, 是司傅比幾多件就有幾多件, 友人已多次光顧, 所以表示每次黎都是每人一件的, 但侍應堅持不是一定每人一件, 我地因不想破壞好友相聚, 所以並沒有繼續追究, 但到埋單時多口問另外一件侍應, 佢表示係一定每人一件的, 佢重話可以補返比我地, 我地表示不用了, 只係想得個明白! 該位侍應整體態度都係敷衍和不太親切友善! 2. 火煱有曱甴到打邊爐時發現煱中有曱甴, 該位待應還意圖說服我地話不是曱甴, 但有圖有真相, 佢不能否認後和其他侍應一起幫我地換過另一個煱和其他餐具! 結論:本身第一次光顧後的經驗很好, 所以很欣賞侍應的親切和專業態度, 但第二次的經驗已令我同友人沒有再想光顧的想法了!

朋友聚會，個個意見多多！又想食雞煲又想打邊爐，食家嫂就岩晒啦！有前菜，刺身，雞煲， 火鍋，任飲任食😁😁。首先會上前菜，有蜜汁雞翼、炸茄子🍆、螺頭、 腐竹木耳，蝦多士🍤，全部人頭計，唔使搶🤣前菜好食，有誠意，食完仲可以再加！ 醬料係調味區，自取！雪櫃除咗唔同種類嘅汽水🍹🥛☕🥤，仲有檬薏米水、竹蔗茅根、 紅棗龍眼水等等，全部自家制。食完前菜，齊人上刺身，好似食放題咁擺到靚一靚上😋😋😋再上埋雞煲，辣度可以揀，雞煲係任食，所以未食夠仲可以加。雞煲店🍲通常食完雞煲會直接加湯，呢間會換湯底，之後上海鮮🦀🦐、肥牛🐮、蔬菜🥬🥦🌽～飽到捧住肚走😋😋😋個個都好滿意，話下次要再食🤣

餐廳嘅位置喺旺角，主要係食放題雞煲刺身😀 今日約埋班朋友去試吓，餐廳首先會送上一大盤刺身，三文魚非常厚切，食落去非常肥美😃 帶子來講都非常新鮮，吃得出鮮甜的感覺😁 之後會送上雞煲，雞煲我哋叫咗小辣，雞件每一件都非常鮮嫩，再配埋辣汁，非常不錯喔😗😗 再加埋豬皮爽口彈牙☺️ 食完雞煲就會有海鮮火鍋，海鮮種類非常多，我最鍾意食嘅係鮑魚珊瑚蚌，珊瑚蚌出邊食都唔平，呢度竟然有任食！我哋食咗兩三轉！鮑魚都非常新鮮，每一隻都仲識得郁！最後我哋仲飲咗白酒🤞🏻 非常滿足