宴．鐡板燒 (亨環‧天后)

營業中

休息中

第一次來宴食 師傅好細心及介紹職員態度好又有禮貌 環境又好好好食~會再來試其它！生蠔鮮味又爽口好食，拖羅壽司入口即溶口感，想不停食鵝肝包香脆~正和牛A4好食~下次來試Omakase！

👦🏻同女朋友慶祝週年紀念日，揀咗天后新開嘅omakase。餐廳望維港景，好啱打卡。😍鱲魚刺身配上白松露油同岩鹽，頓時香氣四溢，令本來平凡嘅白身魚刺身變得甚有驚喜。兩片厚厚嘅油甘魚刺身分別加上芥末同柚子胡椒，辣勁竟有提鮮作用。魚甘魚邊亦都爽脆好味。接住係8款壽司🍣，分別係金目鯛、左口魚配左口魚邊、帆立貝、黑鯥、魷魚、赤身、大拖羅。金目鯛經過炙燒，油份逼晒出嚟😍。左口魚配左口魚邊爽滑又帶油香。赤身醬油漬鹹味啱啱好。大拖羅近乎入口即化😝。角切魚生飯鮮甜美味，配上多種魚骨煲製魚湯非常之夾，魚湯味道濃郁，但唔會太油膩，鮮味極好。是日甜品係兩款雪糕：黑芝麻雪糕、柚子雪葩。一款清香，一款果味清新，各有特式。師傅同店員都好親切，同客人有講有笑，令整餐體驗都好滿意。乾杯！自家製梅酒😍

宴．鐡板燒 (天后)男朋友生日🎂食好d😋😋去左天后新開Omakase ，餐廳環境好靚，仲睇到夜景🌃😍宴（銀）$1180@♦️柚子醋田園沙律🥗沙律酸酸甜甜好開胃，好岩做開胃菜👍👍 ♦️刺身 油甘漁腩 、金目鯛刺身賣相新鮮吸引，刺身厚切，鮮味十足😋😋油甘魚魚油香味好濃，金目鯛油脂豐富，好好食😙😙 ♦️壽司🍣黑鯥魚壽司，黑皮赤紅肉，油脂豐富😙😙帶有甜味，好味⭐️⭐️白松露油，魚子醬魚壽司，鮮甜十足，好新鮮🤩🤩 ♦️鐵板燒♦️澳洲大虎蝦 虎蝦大大隻，好惹味🥰🥰肉汁鮮甜，蝦頭都好好食! 由原味開始食， 再用檸檬汁帶出蝦鮮味👍👍 ♦️北海道元貝 元貝肉身彈性，鮮味十足😉😉再加埋自家製香蔥牛油汁，好夾好好食⭐️⭐️ ♦️美國頂級牛肉🥩肉質鮮嫩多汁，油花分佈均勻，口感一流，加埋蒜片同洋蔥食，味道再昇華😍😍 ♦️季節魚湯 🥣湯 入面好足料 ，有好多魚熬製而成，鮮甜美味，真材實料，入面仲有好多豆腐粒同花甲☺️ ♦️鹿兒島櫻花蝦炒飯配炒什菜炒飯好有鑊氣，入面有滿滿的櫻花蝦，用左女皇米，飯粒口感煙韌， 推荐✔️✔️仲有炒什菜都好足料，有雜菇、什菜、芽菜、洋蔥，好FRESH😆😆 ♦️日式雪糕🍦🍨我揀左芝麻雪糕，芝麻香味，回味無窮😜😜朋友揀柚子雪

HAPPY FRIDAY食日式鐵板燒！一早BOOK定位於天后既宴．鐡板燒，餐廳裝潢結合西、日式風格，時尚型格，仲可以眺望維港景色！今晚揀咗宴（銀）$1,180+10%❇️野菜沙律❇️季節刺身（2款）❇️本日精選壽司（2款）❇️季節魚湯❇️野生大虎蝦❇️香草牛油帆立貝❇️美國頂級牛肉❇️鹿兒島櫻花蝦炒飯配炒雜菜❇️日式雪糕🔸野菜沙律醬汁酸酸甜甜，清新開胃。🔸刺身深海池魚：鮮甜爽脆，脂肪比例適中金目鯛：口感肥而不膩，油分甘香🔸壽司黑鯥魚：肉質鮮甜無比，入口相當香滑鯛魚：爽滑有彈性，細嫩鮮美好新鮮🔸野生大虎蝦好新鮮！蝦味鮮甜，肉質夠爽腌，口感極佳。🔸香草牛油帆立貝煎得岩岩好，爽口彈牙，厚實鮮甜，入口有香濃既香草牛油味，好惹味。🔸美國頂級牛肉肉質軟嫩，香甜多汁，牛味濃厚，配埋洋蔥沙律同蒜片，提升口感層次！🔸豆腐海鮮魚湯濃郁奶白色既湯品好鮮甜，營養價值高～🔸鹿兒島櫻花蝦炒飯配炒雜菜炒飯夠乾身，粒粒分明，配埋鹹香櫻花蝦好提鮮～炒雜菜好香，夠鑊氣！🔸雪糕：黑芝麻雪糕、柚子雪葩黑芝麻雪糕香醇濃厚好軟滑；柚子雪葩香氣濃郁，味道清爽解膩。

提早慶祝生日，試試天后5月新開嘅omakase。比較特別係除咗有壽司、刺身，餐廳亦有鐵板燒供應。餐廳對住維港海景，可以走出去露台chill下🥂。🔸宴（銀）$1180+10%野菜沙律🥢季節刺身（2款）本日精選壽司（2款）🥢季節魚湯野生大虎蝦🥢香草牛油帆立貝美國頂級牛肉🥢鹿兒島櫻花蝦炒飯配炒雜菜日式雪糕🥢刺身：油甘魚、金目鯛油甘魚味道甘甜，口感爽脆。金目鯛經過炙燒，魚皮香脆而且油香重。🥢壽司：黑鯥、左口黑鯥肉質細嫩，味道較鮮甜。左口魚油味重，幾乎入口即化。🥢野生大虎蝦彈牙鮮甜，仲有陣陣蝦膏香味。🥢香草牛油帆立貝帆立貝啱啱熟，彈牙唔韌。師傅調製嘅香草牛油香氣濃厚，仲有少少香草嘅清香。🥢美國頂級牛肉肉味重，口感軟嫩。配搭清甜唔辣嘅生洋蔥絲，油膩感大減。🥢魚湯比起平時omakase嘅魚湯稀少少，冇咁heavy，食完鐵板燒再飲都唔覺得膩。🥢鹿兒島櫻花蝦炒飯配炒雜菜炒飯乾身而且粒粒分明，加上香脆嘅櫻花蝦鹹香鮮味。炒雜菜相對地淡咗少少。🍦雪糕：黑芝麻雪糕、柚子雪葩黑芝麻雪糕質地軟身，顆粒感唔重，香氣十足。柚子雪葩有唔少柚子皮，清新解膩。📍宴．鐡板燒 (天后)天后電氣道54號亨環天后24樓

呢間宴．鐡板燒除左鐵板燒之外仲有OMAKASE SET! 不過我地太耐無食過鐵板燒, 今日就試呢個SET先, 其實就算係鐵板燒SET, 前菜都有壽司同刺身, 當日既刺身係營光魷魚同埋深池, 營光魷魚細細隻, 入面有膏既香味, 好岩送酒! 深池就唔洗講, 魚香十足, 肥美!壽司既食材都相當新鮮, 師傅仲好識運用食材, 適當利用黑松露油/柚子, 令壽司味道更豐富!開始鐵板燒既環節, 先來一隻大虎蝦, 一路整既時候都聞到好香蝦膏味, 煎好之後會有個醬/檸檬比你配埋, 但我覺得原味已經最好味了!爽口彈牙!接下來的牛油帶子係我全晚最鐘意既一道, 師傅特調既牛油汁真係好香, 北海道帶子口感幼滑, 煎得岩岩好!美國牛肉粒雖然油花唔多, 所以無咁油膩, 驚喜位在於隔離既洋蔥沙律, 本來以為配蒜片已經係極致, 但之後發現洋蔥先係神道, 洋蔥不辣,配柚子醋好FRESH, 夾住牛肉一同食就非常清新最後就是炒飯同炒菜, 飯粒分明, 香口, 非常滿足的一餐, 特別欣嘗店員同師傅在每道菜認真既介紹, 閒聊間得知餐廳對食材用料既堅持, 非常好的用餐體驗! 下次再來希望睇埋日落!!

同女朋友食好d放鬆下，見到呢間鐵板燒餐廳有無敵海景，問左先知原來5月1日先岩岩正式開，食完更加plan下一次再黎食。服務： 店員十分有禮貌，座位不多，亦可以照顧到大家需要。我地係坐吧枱既，一路食果陣師傅都有一路同我地傾計，好親切。環境：係24樓高，坐擁無敵大海景，仲有個露台比客人食食下行出去chill下。我地叫左個晚餐set宴 (銀）＄1180深海池魚同螢光魷魚都令我印象深刻，真係非常新鮮，池魚彈牙爽口，魷魚就爆膏。立魚壽司 配白松露油同岩鹽 就咁食咩都唔洗點，非常新鮮同充滿松露香。野生大虎蝦 都非常新鮮，一蝦三食，原味 Lemon juice 同埋點海鮮汁。北海道帶子真係新鮮到不得了，廚師處理得好好，燒到好入味，配搭特製醬汁，好好味。整體黎講，所有食材都極之新鮮，廚師水準亦非常高。

行過見到有間新開張鐵板燒，上Open rice 見未有食評無前人經驗，本身都驚伏伏地, 但望完個價錢覺得唔太貴就膽粗粗去左試食可能新開張關係，成間鋪頭裝修都好新淨同埋佢地大大個景對住維港，令到成間鋪頭都好光猛，好開陽我地叫左個368 +10% per person Lunch set成個set好多野食每一樣食物都好好味,好岩我地口味特別係前盤嘅池魚王壽司池魚王壽司好食到想翻叫多一客不過可能太好賣，到我地翻叫個時竟然售罄,有d可惜另外鵝肝多士都值得一讚塊多士廚師煎到好脆鵝肝又大塊藍莓醬同埋塊鵝肝超級夾,非常好食大大塊鵝肝呢樣我地都額外叫多左客黎食後尾問師父，師父話藍莓醬係佢地自己調, 自己出面買唔到難怪咁好食其他野食就唔多詳講雖然無提, 但其實每一樣都令人好滿意,每一樣都好口味最後講下服務廚師同待應都好Nice佢地會主動同我地講解下D煮法同埋食法而每當我地有咩問題 , 佢地都係有問必答服務態度一流我地成餐都食得好愉快見佢新開張又未有人寫食評就送篇食評比左佢地希望更加多人唔洗驚中伏,上去試下呢間新開張嘅鋪頭